Havaktingit

You are here

Avatiliqinikkut Nunaptingnik Munakhittiarutikhainik

Munakhittiarutikhainik Nuanvunmi avatiliqinikkut nunaptingnik ayurnavyaktuq havariyakhanik piyariaqaqtut itqumavikhaqaqtunik ikayuqatigiklutiklu Nunavunmiut, nalunaqtuniklu ayuikhattiakhimayut, aullaaqtittinikkut kavamatkutlu.  Avatiliqinikkut Nunaptingnik Munakhittiarutikhainik  havagviat tunihiyuq amihunik allatqiktunik maligakhanik aulapkaidjutikhaniklu pinahuaruti atuqtauyukhanik, ilauyut amihut piyakhait atani umani  Nunavunmi Nunataarutit Angigutaanut (NLCA). Havagviat munakhiyuq  Avatiliqinikkut Nunaptingnik Munakhittiarutikhainik  Maligaq, ilitariplugit tamaita havagviuyut katimyiuyutlu tamarmik munaqhiyukhat munaqhittiaklutiklu avatiptingnik.

Avatiliqinikkut Nunaptingnik Munakhittiarutikhainik munaqhiyukhat Nunavunmi avatiptingnik munariyauttiaktukhaq ihuaqhaqtauvaklunillu, ihuaqtumiklu munaqhidjutikhanik piivalliadjutikhaliuklutik uqaqatigiiklutik humungauvikhamingniklu allatqiktunik laisikhanik uuktuutikhaniklu.

Takulugit Atuqtakhat makpirnia tuhaqtakhat uvani Avatiliqinikkut Nunaptingnik Munakhittiarutikhainik Maligaliuqtat Maliktauyukhallu Nunavunmi.

 

Tikittaunahuaqtut

 

Tikittaunahuaqtut Avatiliqinikkut Nunaptingnik Munakhittiarutikhainik havagviat  piyukhauyut:

  • pilugillu Nunavut Avatiliqinikkut Nunaptingnik Munakhittiarutikhainik  Maligaq, tamaita ihuaqtut maliruagakhat maliktakhatlu aatjikutariyamiknikl, ihuatqiyauyut ayuittiaqtut ihuariyauyutlu; atuqtitilutik ihuaqhiyuumilugit ihuatqiyauyut avatimut qanuriliyuqaqqat havautikhanik atuqtaulayunik Nunavunmi;
  • pidjutikhanik uuktuutikhanik naunaikhitikhat naunaiyautikhaniklu ihuaqhautikhanik avatiliqinikkut ayukhautauyunut;
  • tunihilutit ikayuutikhanik qanuriliurutikhaniklu havagviuyunut, kavamatkut inungnitlu talvuuna avatiliqinikkut naunaiyautikhanik  naunaiyaqniinut atuqtauyukhanik nunamik atuqtaudjutikhanik upalungaiyautikhat uuktuutikhat ikiklidjutikhanik aktuutauyut havagviuyunit allanitlu hulipkaiyunik nunatingni;
  • ikayuqlugit kavamatkut, havagviuyut inungnutlu maliqayanginik atuquyainik piyumayainiklu EPA-kut pivalliadjutikhanik naunaiyautikhainklu avatiliqinikkut maliktakhat;
  • tunihiluhi ayurnaqtunut maliqayakhanutlu uqaudjuiyukhanik kavamanut, havagviuyunut inungnutlu;
  • havakluhi pinahuarutikhanik maliganiklu ikayuutikhanik Nunavunmi atuqtauliriangini ihumagiyauyut hilaup aallanguqtiutaanut aktuutauyunut.

 

Pinahuarutit Nayuugainik

Avatiliqinikkut Nunaptingnik Munakhittiarutikhainik havagviat aviktuqtauhimayuq pingahunik Pinahuarutit Nayuugainik:

Haluumaitniit Munaqhidjudtikhat 

Avatiliqinikkut Nunaptingnik Munakhittiarutikhainik pinahuarutit tunihiyut atuqtitiyutlu Avatiliqinikkut Nunaptingnik Munakhittiarutikhainik maliqayauyukhanik tamaini Nunavut nuallaanik. Pinahuaruti ilauyut avatiliqinikkut munaqhidjutikhat pidjutikhaniklu maliruagakhat maliqayakhallu maliktakhat

Avatiliqinikkut Nunaptingnik Naunaiyautikhat unalu Nunanut- Atuqtaunikhanik Upalungaiyautikhat

Avatiliqinikkut Nunaptingnik Naunaiyautikhat unalu Nunanut- Atuqtaunikhanik pinahuaruti ihivriukhitikhat avatiliqinikkut nunaptingnik naunaiyautikhat (EA) turrangayunik piyauyumayunut pivalliadjutikhanik nunanut atuqtaunikhanik hivuani havaktauyumayut havaktautinagit. Tuniyauyutlu uqaqtauyunik qanuriliurutikhanik laisikhanut uuktuutikhanik.

Avatilirinirmut Qauyiharniit Nunamiklu-Atuqnikkut Hivunikhaliuqniit

Taamna Avatilirnirmut Qauyiharniit (EA) Nunamiklu Atuqnikkut (LU) havakvik munariniqatuq ikayuqnikkut  Avatiliqiyikkut Havakvia Nunavut Kavamatkunniklu (GN) tilinikkut kitunik havaktauyukhanik ataani uvani Nunavumi Nunatarnikkut Angirutimi ukununga Avatirlirnirmut Qauyiharniiit Nunamiklu-Atuqnikkut Hivunikhaliuqnikkut.

Havagutikput:

Taapkuak EA & LU havakvia havakpaktut ikayurnikkut GN-kunnik atuqtipkailirnikkut uuminga Nunavumi Nunatarnikkut Angirutimi:  uvuuna pimmarighaqnikkut kavamatkunni-tamaani pittaarutinik avatilirinirmut qauyiharnirni, pipkainikkut ilaunginani GN-kunni uvani Nunamik Atuqnikkut Hivunikahliuqnikkut Havagutini, ukunuunalu tuninikkut qauyihimanirnik ayungittunilu uqautjinikkut ukununga nunakkut piqutikkullu atannguyanun

Avatilirinirmut Qauyiharniit (EA)

Havakvik hivulliqpaanguyuq uqaqtigiyauvaktuq ukununa Nunavunmi Qanurilivallianikkut Ilittuqhaiyiuplutik Katimayiinnin pinikkut GN-kut ayunginninginnik inuit inuuhiini, uumayuliqitjutini, avatilirinirmun halumairniinni, avatilirinirmut upinngaqtaunikkut qanuriliurutini, anirhaaqtaqtakhanik halumaninginni, unaguiqhiqviinni iqaluliqinikkullu.

Nunamik-Atuqnikkut Hivunikhaliuqniit (LUP)

Havakvik havaqatigivaktait Nunavunmi Parnaiyaiyiit Katimayiit (NPC) tuninikkut GN-kut havaktakhait ataani NLCA Article 11-mi ukununga nunamik atuqnikkut hivunikhaliuqnirmun.  Ihuarhaivaktavut GN-kut ilauninga pivallialiuqnirmi, ihivriuqnirmi angirutikkullu uumani nunamik atuqnikkut hivunikahmik hivulliutiyukhaq piqtutikkut pivallialiuqnirnik Nunavunmi.  Taimaalu, havakvik havaqatigivaktait NPC-kut pivallialiuqnikkut nuamik atuqnikkut maligaghanik, ihuarhaivakhunilu tuninikkut ilitturipkaitjutinik, ayunginnarnik ikayurutiniklu NPC-kunnun. 

Hilaup Aalannguqtininganut

Takulugu www.climatechangenunavut.ca/iu naunaikhittiarumaguvit!