Havaktingit

Takuyumayainut Havaktakhainullu

Nunavunmiut – ikayuutigivlugu Avatiliqiyikkut – tammaqtailivlugu, kangikhipkailutik ikayuutigilugillu ihuaqtumik atuqtakhainut avatigiyaptingnut nunamit pitquhirmullu atuqtauvaktunut. Pivagait munarivlugit nakuuyut avatingniittunik, nakuuyut huradjat ikiklihimaittut, akiagiyauvaktunik minnguirvingnik, halumayumik avatingni, ilihaqtillugit inuit piqariamingni aanniarngittunik ihariahungittuniklu nunallaanik.

Avatittinnik Kamatsiarniq

Avatittinnik Kamatsiarniq, Inuit Qaujimajatuqangit hivunighaliurutait Avatimut Munaqhittiarnikkut, naunaikhugit nuatqatigiigutikhanut inungni nunamilu. Amihukyuani ukiugaalukni, Nunavummiut inuuvaktut taimaa ihuaqpiaktumik ihumagivlugit munarivlugillu nunamik, huradjanut avatingnullu.

Avatiliqiyikkut ikayuutiginiaqtait ihuaqtut atuqtauvaktunut nunamit ublumi atuliklugu Avatittinnik Kamatisiarniq nunaptingni. Atuliklugillu Inuit ukpigiyainik, pihimayumayainut hivunighaliurutinullu havaktaptingnut, Avatiliqiyikkut aullaktirutigiyaat Inirniqhaat Uqaudjiyiit Katimayiit, havaariyaa uqaudjiluni Ministanganut Avatiliqiyikkut pidjutainut huradjanut avatimullu munaqhittiarnikkut.

Huna Avatittinnik Kamatsiarniq kangiqhidjutaa ilingnut?

Kangiqhidjutaa Avatimut Munaqhittiarnikkut aallatqiinguyut inungnut nunakyuami. Pivaktaraluaptingnut tammaqtailivlugit munarivlugillu avatiknut inuuhiudjutauyunut, pihimayumayait ihumagivlugit munarivlugillu aadjikkiiktut.

Hamma ilangit naunaitkutikhat qanuq Avatittinnik Kamatsiarniq kangiqhidjutaanut Nunavunmiutanut nunami. Huna kangiqhidjutaa ilingnut? Titirarvigilugit environment@gov.nu.ca ihumagiyangnut, aittuuhiarniaqtutillu Havagvingmit!

"Tammaqtailivlugu ihumagivlugulu nuna avatiptingniklu hivunngani inuuhiudjutikhanut " - Simon Awa, Iqaluit

"Kangiqhidjutaa iqqaihimaittumik nuna halummakpaklugu iqqakunik " - Charlene Beanish, Kugluktuk

"Kungulliinnit inungnit uqaudjiyauhimayugut ihumagiyakhaptingnut taimaa nunamik... Qanuriliurutit nunamut, nunap taimaa ilingnut piniaqtuq." - Mariano Aupilardjuk, Kangiqliniq

"Uvamnut kangiqhidjutigaa taimaa tamaita ihumagiyakhavut nuna, tariuq huradjallu." Myna Ishulutak, Iqaluit