Havaktingit

You are here

Tun’ngahukniq Ministamit

Ihumagiyauttiaqtuq Monica Ell-Kanayuk
George Kuksuk

Ministauyuq Pivalliayuliqiyikkut Ingilrayuliqiyikkullu
Ministauyuq Ikkumatinut
Ministauyuq Munariyalik Uyarakhiurvingnut

Una Ihumagiyauttiaqtuq Monica Ell-Kanayuk niruaqtauffaaqhimayuq niruaryuarmata October 28, 2013-mi, kivgaqturahuaqhugit Iqaluit-Manirajak uvani 4th Maligaliurviani Nunavut. Ms. Ell-Kanayuk niruaqtauhimayuq Ministaqarvingmut uvani November 15, 2013-mi, qiniqhiablutik uvani Nunavut Hivuliqtikhanik Katimanianni. Ms. Ell-Kanayuk angiqtitauhimayuq havaakhaminut November 19, 2013-mi.

Ms. Ell-Kanayuk maligaliuqtiuhimayuugaluaq uvani 3rd Maligaliurvingmi, niruaffaarmata September 12, 2011-mi. Ms. Ell-Kanayuk havaaqaqhimayuugaluaq Ministaubluni Qatanngutigiit Havagviani, Ministaubluni Igluqanngittunut, Ministaubluni Qulliq Qulliliriyitkunni uvvalu Ministaubluni Arnait Katimayiinut.

Niruaqtautinnagu Maligaliurvingmut, Ms. Ell-Kanayuk havaaqaqhimayuugaluaq Aulapkaiyiubluni Havaakhanut ukunani Inuit Broadcasting Corporation Qunnialiuqtini. Ms. Ell-Kanayuk havaaqaqhimayuugaluaq ukunani Aulapkaiyiubluni uvani Nunavut Tunngavik Incorporated NTI-kunni. Havaaqaqhimayuugaluaqtauq Angayuqqaangubluni ukunani Nunavut Maniliurnikhakkut Katimayiani, Angayuqqaangubluni Qikiqtaaluk Nanminiqarnianni, Angayuqqaap Tugliribluniuk ukunani Atuqtuarvik Kuaparisani uvvalu Angayuqqaap Tugliribluniuk ukunani Pauktuutit, una nunaryuani timiuyuq kivgaqtuivakhuni Inuit arnainut.

Ms. Ell-Kanayuk nunaqaqtuq Iqalungni uingalu, Eeneasie Kanayuk. Siksinit nutaraqaqtuk, iinguyunit in’ngutaqaqtuk uvvalu malrungnik amauqaqtuk.

Ms. Ell-Kanayuk qangaraaluk aannuraaliurnikkut miqhurnikkullu quviagilluaqtaa. Uvani 1996-mi, nanminirihimayaraluanga, Arctic Creations, aittuqtauhimayuq “Nanminiqarnikkut Ukiuriyaanni” aittuuhiarvigiyaa Nunavunmi Nanminiqarnikkut Havagviani.


Kivgarviup Kivgarviup Havagvia: 

Uqaut: 979-5807
Kayumiktukkut: 979-2226
Qaritauyakkut: MonicaEll-Kanayuk@manirajakmla.ca

Legislative Office: 

Uqaut: 975-5016
Kayumiktukkut: 975-5095
Qaritauyakkut: mell-kanayuk@gov.nu.ca