Havaktingit

You are here

Inuinnaqnik Havaktittiniaqtunut Qanuriliurutikhamut

Kavamanga Nunavut aghut havakniaqtut piliuqlutik kavamatkuni havakvikhamik ikayuqtughanik Nunavunmiutanik naunaikhimayumi talvani Titiraqhimayumi 23 uumani  Nunavut Nunatarutata Angirutaa ukunuuna havaktakhainut allatqiinik hanaqitjutikhanut ukunatut:

Inuinnaqnik Havaktittiniaqtunut Qanuriliurutikhamut

Kavamaliqiyikkut hivuliqtiuyut havakvik havaktakhanut uumunga Inuinnaqnik Havaktittiniaqtunut Qanuriliurutikhamut. Una hanaqitjutikhaq atauhiq angitqiyanipilluagakhani ukunani Kavamanga Nunavut.

Takuyumayaat: Kavamatkuni havaktukhat naunaitkutaa inugiatilaanganut ikayuqpagainut. 2020-mi, Nunavut una pitjutauvia, Inuit ikayuqtauvaktut ayuiqhautjutimingni hivuliqtiuvlutik havakpaktut kavamatkuni nunallaaptingni, piqaqtuklu naunaittunik havakviuyunik tamainni havakvikni.

Amihut ayuqhautit Nunavunmut tammayuittut aullaqtirutaanut nutaamik nunamik, kihimi alianaqtut pitjutikhat pinialiktait. Ihumagiyauliktuq taimaa Nunavunmi allanagayunik pittaaqtugut. Itquumatjutiqaqtuq taimaa piliuqtaaktugut kavamaptingnik naunaitkaluaqhuni kihimi kanitqiyauyuq ikayuqpakhutiklu inungnik.

Aullaqtirtutaa nutaamik kavamatkunik nunaptingni nutaanik havaakhariarutivaktuq. Taaffumangalu pivalliatjutingit nanminiqaqtuni havakvikni havaakhariarutihimayut. Amigaikhutik havaakhat pitjutauvluni havaktittiyaami inuinnauyunik, ihuaqhiutivluni inuuhirni Nunavunmi, ihuaqhiutivlunitauk amihunik nuatkatigiigutini pitjutainut. Pilutik piyakhauyut kavamatkut havakviit ikayuqlutik inungnik ikayuqtamingnut. Una ihuatqiyak pitjutikhaq ikayuqhugit inuit ihuaqhutik pitquhirmullu nakuuvluni.

Nunavunmiutat tuhaqtitauyut taimaa upalungaikhimayut ukuinga piyaamingnik:

  • Havaktighakhiurlutik, tikkuaqhilutik havaktittilutiklu inuinnauyunik hivuliqtiuyughanik aulatjutikhanilu havaklutik nutaami kavamatkuni havakvikmi.
  • Angiyumik amigaikyuumilugu inuinnauyunik havaktitlugit kavamatkuni.
  • Piliuqlutik nutaanik amigaikyuumilugillu pitjutikhat Inuinnauyunut havakpagianginni talvani Kavamanga Nunavut.
  • Pilugit amigaikyuumihimayut ayuiqhautikhat upalungaiyaklugit Inuinnauyut ukuinga nutaanik havaakhaqalirianginni.
  • Upalungaiyaktitlugit ihuaqtumik nutaqqat Nunavunmi havaakhanut hivunngani.
  • Taimaa havakvikni ayuqhautigivagaiit Inuinnauyunut havaktunut piiktitaulugit.
  • Ayuiqhaqtitlugit Inuit havatikhanik pilutik atannguyauyuni ukuatlu ayuittiakhimayut havaanginni pitquhirmi havaktikhaqaqhimayut Inuinnaungittunit.
  • Tahapkunuuna qauyihaivaktunut naunaikhiyunut, "Pitjutikhamut Ikayuqpaktunut Kavamatkuni Havakvikni ", Kavamanga Nunavut naunaikhiyaanginni ayuqhautigivagainut Inuit havaakhani havaklutiklu havaktikhanigianginni.

Naunairumagungni uqaqvigilugu:

Sivumuaqatigiit Havakvia

Hivayautaa: 867-975-6016

Kayumiktukkut: 867-975-6245

 

 

Titiraqhimayumi 23

Pitjutikhaa uuma Titiraqhimayumi 23 amigaikyuumiyumavlugit Inuit ilaulirianginni kavamatkuni havaktuni talvani Nunavut Nunatarviup Iluani ikayuqtauvagianginni. 2003-mi ukuat GN-kut unalu Nunavut Tunngavikkut Timinga (NTI) angiktut taimaa inniaqtumik 85 pustmut nunami havaktuni.

Ilanganut uumunga Titiraqhimayumi, GN-kut ukuat ilaupkaklugit Nunavut Atuliqtittinirmut Ilinniarnirmut Katimayiralaat (NITC) havakniaqtut naunaiyakpiaklugu havaktunik talvani Nunavut Nunatarviup Iluani naunaiklugit pittaaqniaqqata, ilauyumkpata upalungaikhimakpataluuniit Inuit kavamatkuni havagiamingni. Pitjutikhaa naunaiyainirmut naunaiyaklugit tadja ittunut ayuiqhaqhimayunik havaakhanut ilauttaaqtunut tahapkunani Inuit havaktunut ikayuqlutiklu ihuaqhiliklutik Inuit havakpagianginni upalungaiyautikhanut havaktinnatiklu ayuiqharianginni.

Tamaita GN-kuni havakviit /timiuyullu piliuqniaqtut uuminga Inuit havalirianginni qanuriliurutikhaq (IEP) amigaikyuumiyaanginni havakhimmaakpagianginnilu havaktuni Inuit ikayuqtaulutik.

Kingullikmik ataani Titiraqhimayumi 23 GN-kut unalu NTI-kut piliuqniaqtut havaktinnagit ayuiqhautikhanut qanuriliurutikhanik.

Ayuqhautaa uuma kavamtkut ukuatlu hivunngani kavamatkuni timiuyut Nunavunmi tikitlugu, tikitkumikkutauk, munarihimmaaklugu ikayuqtauhimmaarianginni.

Taiguaklugu Titiraqhimayumi 23:

http://nlca.tunngavik.com/?page_id=2301

 

Havaktinut Kangiqhidjutikhainut

Havaktinut Kangiqhidjutikhainut ukuat atuqpaktanut naunaitkutikhanut katimapkaitjutikhat nutaanut havaktinut uqarilugit amihut pitjutikhat naunaitkutariyaanut Nunavut, GN-kut havaktakhait, naunaiklugit Kavamanga Nunavut havakviit havakvikmilu tungavikhait akiliuhiakhat ikayuutikhallu.

 

Ilihaqnikkut Pivalliatjutikhanullu

GN-kut ayuiqhaivaktut, katimapkaivlutik katimakyuaqhutiklu pivlugit ihuaqhiutikhanut havaktunut kangikhitjutikhainut ayuiqtakhainullu. Nakitlugu ukununga ataani qaritauyakkut takuyakturviinut takulugit tadja ayuiqhaitjutikhat:

  • Aulatjutikhat
  • Tuhagakhanut Ayuiqtakhait
  • Qaritauyakkut Pitjutingit
  • Maniliqinikkut
  • Havaktuliqiyikkut
  • Hivuliqtiuniq Atannguyauniklu
  • Inungmut pivalliatjutikhat
  • Atugakhat
  • Havaakhat Uuktugakhat/Havaakhauyut Munaritjutingit