Havaktingit

You are here

Man’ngit Ikayuutikhat Nunavunmi Ilihaktunut Ikayuutit (FANS)

Qaritauyangnun iliugaqlugit aadjiliukharnik Ilihaqtun Mapiraangungit hamani!

 

Man’ngit Ikayuutikhat Nunavunmi Ilihaktunut (FAN-kut) ikayuutithavaktauhimayuq man’ngit ihumaluutaungittangini ilitpaaliayumayunut. Ilihaqtut ilihariakhimayut inirniit ilihaqtunut iliharvikyuani ilitpaaliayumayunut pinahuarutit. FAN-kut ikayuutit hailipkaiyut amihunik ikayuutikhanik akiliqtuqtakhainut inirniit ilihaqtunut iliharvikyuani . Puiyuktailutit hamna pinahuarutit tamatkiutilimaittuq akiliqtakhanut ilihaqtitlutit.

Ikayuqtikhailiuruvit hivayadjavutit FAN-kut ikayuutit havagvianut titirakvikhatlu uvani FANS@gov.nu.ca  havayaqlutit akiittumut 1-866- uqaqvigilugug FAN-kut ikayuutit havaktimut.

 

Uuktudjavutit FAN-kut ikayuutit pinaridjavutit.

 

Uttaqqiyariaqangittutit angiqtauyakhangnik inirniit ilihaqtunut iliharvikyuani titirariangni uuktuutikhamik, kihimi tuyuutigiyakhat angiqtaudjutit titiqqiutat havaktauyangani uuktuutit.

 


Quick Links:


Pittaarninga
Ilihaqtut Kituliqaani
Qanurittunik Ikayuuhiarutikhat Hailiyauyut<
Qanuqtut FAN-kut ikayuutit Atuqtauvakpat
Qanuriliurutikhatit
Iliharvikyuanganun Upauyangnut Humitluamittumut
FANS-kut huagiyaungitunut Maliktakhaq
Forms

 

 

Pittaarninga

 

Taima piyaangat Maniktaqvikhat Ikayuutikhat Nunavunmi Ilihaqtunut, imailiuktukhauyutin:

 

  • Kanatami nunaqaqtukhauyutin, nunaqaqtukhauyuqluuniit;
  • Nunaqaqtukhauyut Nunavunmi (inuuhimaaqtukhaq taima Nunavunmi 12nik tatqikhiutingnik taima uuktuqtinatin talvuuna Maniktaqvikhat Ikayuutikhat Nunavunmi Ilihaqtunut;
  • Havaaqhanut ilihaiyumayamingnun taima 12nik havainirnik iliharvikyuangani;
  • Ilihaqtiuyukhauyutin ubluq tamaat (taimalu 60 pusanmik ilihaqhimaaqtukhauyutin iliharvingyuangani ilihagiaqtuqtamingnin;
  • Havakhimaaqlutin ilihairutingnik naunaitkutiqyuanganik iniqtirutinikkut naunaitkunmikluuniit;
  • Ilitugipkaklutin ihuaqtumik aulatjutikharnik ilihagiaqtuqhimaarnikkutlu.

 

Ilihaqtut Kituliqaani

 

FAN-kut ikayuutit pinahuarutit ilitariyauhimayut pingahuyut ilihaqtunut. Hapkuanguyut:

 

  1. Nunavunmi Nunataarhimayut. Nunataarhimaguvit atani Nunavunmi Nunataagutit Angigutaanut, pittaarniqaqtutit ikayuqtaudjutinik ikayuutikhanik maningnik, Man’ngit utiqtitakhaitatit. Pittaaktutit hivulingmik, tuklianiklu umingallu ihariahuktut attukkiutikhanik.
  2. Nunavunmiutat pivikhaqariangini Nunavunmi Ilihangnikkut: Nunavunmiutauguvit iliharhimaguvit nukaghiit uvaluunniit angayukhiit ilihagviani Nunavunmi, tuniyauttaaktutit atauhirmi ukiumi mainingmik aittuutauvaktumik pingahuni ukiuni ilihaqtunut inikhiguvit ilihaqtangnik Nunavunmi, Man’ngit utiqtitakhaitatit. Pittaaktutit hivulingmik, tuklianiklu umingallu ihariahuktut attukkiutikhanik.
  3. Nunavunmiutat Nunavunmi ilihagvikhaqangittunut: Nunavunmiutauguvit, kihimik ilihaghimaitkuvit avikturniani uvaluunniit ikitqiyainik pingahut ukiuni ilihaghimaguvit Nunavunmi pittaaktutit attukkiutikhainangnik. Pittaaktutit hivullingmik attukkiutikhamik naamayumik atauhirmut ukiumut ilihariaryuumivingit ilihaqtut tamainut pingahuni ukiuni nunaqaqhimadjutingni Nunavunmi. Uttiqtukhauyutit nunalutit havagiangnillu Nunavunmut hapkuat attukkiutigihimayatit attugauhuirianginni. Ilihariaryuumivingit ilihaqtunut attukkiutigihimayatit akiliqtukhauyut tamatkiklugu.


Back to top of page

 

Qanurittunik Ikayuuhiarutikhat Hailiyauyut

 

Tuniyavaktuq Mikinikhanik Man’ngit:

 

Hamna Tuniyavaktuq Mikinikhanik Man’ngit ikayuutikhanik ilihaqtunut akighitikhanik ilihaqtakhamingmut akikhanik, ilihaqtakhanut akiliutikhainik, tingmidjutikhanullu akighanik. Tuniyavaktuq Mikinikhanik Man’ngit anginikhauyuq $3428 atauhirmi ilihagvikhanut umungallu akighanut tingmidjutikhanut nunamut ilihariaqtukvikhangnut nunangnullu uttiutikhangnik nallianut qanitqiyauyumut nunaryuamut (Itmintinmut, Attawamun, Mantruialmutluunniit) ilihariaryuumivingit ilihagvikhanut uvaluunniit Nunavunmi Ilihagiakpaalikvikhat upangnahuaktangnut. Akikhanullu aippagiyavit nutaqqatitlu.

 

Angigliyuumiutikhanut Man’ngit:

 

Angigliyuumiutikhanut Man’ngit Nunavunmi Angiqatigiigut Nunataarutinut ilauhimayunut ikayuutikhanik akiliqtakhainut akighitikhanik ilihaqtakhamingmut akikhanik, ilihaqtakhanut akiliutikhainik, tingmidjutikhanullu akighanik nutaamut nutigvianut. Hamna man’ngit aktilakhaqaqtuq angikliyuumiktaghunillu amigaitilanginut nutaqqavit iglungni pihimayatit.

*Munariyatit ukuat nutaqqatit, munariyatillu, tiguatit ukiuqaqtut 18-ngukhimaittut UVALUUNNIIT nutaqqatit ukiuqaqtut 21-ngukhimaittut ilihaqtut angayukhiit ilihagviani ubluraaluk UVALUUNNIIT nutaqqatit inuuhiqluktut inmikkut ingutalimaittut.

 

Hivulirmik Atukkiutit:

Hamna atukkiutiikhat ilihaqtunut ikayuutikhanik akiliqtakhainut iglumut, niqihitikhanut aannurakhitikhanullu. Tuniyauvaktuq ukiuk tamaat pittaaktunut ilihariakhimayunut. Hamna atukkutighaq hailuyuq ilihaqtunut nunaqaqhimayunut Nunavunmi pingahuni ukiuni amigaitqiyainikluunniit. Uttiqtukhauyutit nunalutit havagiangnillu Nunavunmut hapkuat attukkiutigihimayatit attugauhuirianginni.

 

Tuklianik Atukkiutit:

Hamna atukkiutit tuniyauvaktuq nutaanut nunahaktunut Nunavunmut. Ikayuutikhanik akiliqtakhainut iglumut, niqihitikhanut aannurakhitikhanullu. Hamna atukkiutit akiliqtukhauyuq tamatkiklugu.

 

Ihariahuktunut Naunaiyakhimayunut Atukkiutikhaanut (NAL-mik atilik):

Hamna atukkiutikhaanut tuniyauvaktuq naunaittiakhimayunik ihariahuutauyunut titiraqtauhimagangata. Uuktuinariaqaqtutit uminga Ihariahuktunut Naunaiyakhimayunut Atukkiutikhaanut (NAL-mik atilik) ilihaqtitlutit ukiungani kihimik tuniyaulimaittutit uminga NAL-mik atukkiutikhamik annigutiyagikhimayunut ilihaqtitlutit/ukungini ilihaqtitlutit. Uuktuqtaaktutit nungutinnagu tadja ilihaqvigiyangni. Nutaamik uuktunmik titiraqtukhauyutit uuktuurumagaiguvit NAL-mik atukkiutikhamik.

 

Man’ngit ikayuutikhat Ilihaqtunut Nakuuhilimaittunut Auffangayunut:

Hamna man’ngit ikayuutauyukhat ahiagut kiliqtuiyunut Man’ngit ikayuutikhat Ilihaqtunut Iliniagiakpaalivim Nakuuhilimaittunut Auffangayunut. Uuktudjavutit uminga man’ngit ilihautigiyangni ukiungani. Tunihiyariaqaqtutit munaghitkunit taaktingnitluunniit makpiraamik ihivriuqtauhimadjutingnik naunaikhidjutaanik qanuqtut hauffangadjutingnut ilauyumadjutingnutlu iliniagiakpaalivingmi. Man’ngit aktilaaqaqtuq imatut $8,000.00 ingilrutikhanut pivikhaqautikhanullu turrangayunik ilihautikhangnut uvaluunniit imatut uvunga aktilaqaqtumik $1,000.00 atauhillamut tamatkiumayumik titiraqaqtumik ungahiktumut/titiraqaqvikkut ilihaqtakhamut.

 

Ungahiktumut/Qaritauyakkut/Titiraqaqvikkut Ilihaqtakhamut Akkiliutigihimayatit Uttiktiutikhanik:

 

FANS-kunit akkiliutigihimayatit uttiktiutikhanik ilihaqtunut inikhihimakpata  iliniagiakpaalivingmi qaritauyakkut ungahiktumut titiraqaqvikkut ilihaqtakhamut. Nunaqaqhimayukhauyutit Nunavunmi pingahuni ukiuni uuktuliqtinnatit ilihaqtakhangnik tuyuutigiyakhatitlu makpiraat akiliutigihimayatit, makpiraanik ilihaqtarnik iniqtirutingnut naunaitkutit qanuqtut nappainik titiraqaqtut ilihaqtitlutit iniqtiutainut Uuktuutikhamut Itquumayumik Uqaqtait aittuqtaihimaittutit uttiqtidjutikhanik man’ngit havagvingnit ahianitluunniit.


Back to top of page

 

Qanuqtut FAN-kut ikayuutit Atuqtauvakpat

 

Imatut pinahuarutikhanik uuktuutikhanut titiqanik tuyuqtaudjutikhaniklu FAN-kut ikayuutit atuqpalliadjutikhat hamma:

 

  1. Uuktudjavutit FAN-kut ikayuutit pinaridjavutit. Uttaqqiyariaqangittutit angiqtauyakhangnik inirniit ilihaqtunut iliharvikyuani titirariangni uuktuutikhamik, tuyuqtukhauyutit titqamik angiqtaudjutingnik iliniagiakpaalivingmit havaktaulirianginni titiqat hivumuuqpalliadjutikhainik.
  2. Tikitkangata titiqatit FAN-kut ikayuutit uuktuutikhatit tuyuqtauniaqtutit titiqamik pigumikku uuktuutikhatit allaniklu titiqanik ihariahukkumik tutquumavighangnut titiqavit.
  3. Nanigungni titiqat ihariagiyauyut tuyuutiginaridjavatit ukununga FAN-kut ikayuutit QILAMIURUTIGILUGIT.
  4. Tuyuqtauniaqtutit angiqtaudjunmik titiqamik ukunanga  FAN-kut ikayuutit naunaitkutakhatit tuyuqtauniaqtutit ikayuutikhanik maningnik. Una titiqidjutaat naunaittiakhimaniaqtut ikayuuhiahatit naunaikhidjutikhaniklu ilingnut qanuriiurutikhangnik.
  5. Hivayaqtukhauyutlu tingmidjutikhangnut ihuakhaivikhangnik ukunungaluunniit Top of the World Travel-kunut ihuakhaiyangni tingmidjutikhangnik ilihaqvikhanut nunamut.
  6. Ilihariaqturit!
  7. Ilihagvikhangnut tikiutingni titirariaqtudjavutit titiqamik ilihaqvikhangnut titiraqtakhangnik titiqamik unaluunniit titiqat uttiktidjavatit ukununga qaritauyakkut FAN-kut ikayuutitat FANS@gov.nu.ca. Tuyuqtauguvit umninga titiqamik FAN-kut ikayuutit iliyauniaqtuq man’ngit bank-mut maniqarvingnut tunihimayangnut uuktuutikhami saivani ubluni havagvingni.

 

Ilihariaqtuffaakhimaguvit aullaktiffaakhimaguvillu nutaamik ilihaqtakhamut

 

  • Inikhiyariaqaqtutit FAN-kut ikayuutit aullaffarutikhangnik titiqamik tuyutigilugullu FANS-kunut. Ilaliutidjavatit titiqat iniqhidjutingnik kingulingmit ilihaqtangnut naunaitkutitit.
  • Tikitkangata titiqatit FAN-kut ikayuutit uuktuutikhatit, tuyuqtauniaqtutit titiqamik iyaqtik uuktuutikhatit piyamingnik tuyuutitit, tukhiutikhatik allanik makpiraanik tukhiutikhanik titiqanik tutqumavianut.
  • Tuyuutigigupkit naunaitkutikhatit utiknnarialiuyutit ilihariaqtuinnarialaqiyutit!

 

Back to top of page

 

Qanuriliurutikhatit

Itqaumalutit, Ilvit munariyariaqaqtatit ilihaqtumik tiyuqtauguvit man’ngit kavamatkunit kiinauyakhanik. Imatut maliqqayakhaqaqtutit ilihariaqpaktukhauyutit ubluq tamaat, ilihaqtangnullu naunaitkutit nakuuyukhauyut, iamtutlu hapkuat man’ngit ikayuutikhatit tuniyauyut ilingnutiliniagiakpaalivingmi akiliqtauvaktuq ilingnut ilihagiakpaalikvikhangnut.

 

Hamma ilangit ikayuutauniaqtut uuktuutikhangnut kayumivyatqiyautiyangani iniqtiutikhaanut man’ngit ilingnut pinariutikhanik ilihaliqtinnatit aullaqitinnagit ilhaqtakhatit:

  • Tuyutigilugillu uuktuutikhatit ikayuutikhanillu makpiraat qilamivyak. Uttaqihimaittumik iniqhivikhainik ubluqhainnik hapkuat tikitkangata havaaghanikpiaqpangmata kinguvaktittutiklu.
  • Qaritauyakkut tuyutigigungni kayumiktukkutluunniit uuktuutikhatit qauyimaniaqtutit tikitniaqtuq. Kayumiktukkut ingilrutit ilani ihuinaarutauvangmata titiqatit hivayautigilugit tikittaakhaita Arviamut.
  • Upalungaikhimadjavutit nanminignik manikhangnik ikayuutikhangnik ilingnut aullangnarirumaguvit ilihagiakpaalikvikhangnut takkuyaqtuiyangni iglukhangnik nutaqqiqivikhangniklu.

 

Itqaumalutit:

Tuyutigillugit iniqtatit uuktuutikhatit titiqat UKUALLU angiqtaugavit titiraq tikitinagit 30-ni ubluni hivuagut aullaqtiutaani iliharvikhavit man’ngit piyangini ilihaqtaghangnut tikitkuvit.

 

Back to top of page

 

Iliharvikyuanganun Upauyangnut Humitluamittumut

Naunayaidjutikhatit hummiittaaghanik iliharvikyuanganun ukuallu ilihautikhangit iliharvikyuami. Una takuuglugu naunaikhivikhangnik www.canlearn.ca takuuyangni hummilluagiaghanik iliharvikhat iliharvikyuami nalliani avikturniini uvaluunniit naliani Nunavunmi Nunatsiami, Yukon-miluunniit humi nayurganittumi. Naunairungni humilluaq nunangani ilihagvigiyakhat iliharvikyuami, naunaiyadjavat ilihaqnahuaqtatit iliharvikyuanguyaghanik.

 

Iilihaqnahuaqtat Nunavunmit-tukpat ilihaqtitauyuni naunaiyadjavatit ukuat Titiraqvigiluaqtanut Atuqtakhainut Titiqat taiguaghanguqtitauvaktuq ukiuk tamaat ukuallu titiqat iihaqtaghanut inighaniktitauhimayut Nunavunmi ukuallu pillahihimayut man’ngikhamingnik ikayuutikhanik ukunanga FAN-kut ikayuutit atuqtakhanut.

 

"Ilihaqtunut Iliharvikyuani" naunaiyaqhimayuq titiraqhimayuni Nunavunmi imatut:

  • Ilihaidjutihat ilihaqtitauvaktut ilitariyauhimayuni iliharvikyuami;
  • Ilihaqtaghat naitqiyauyut tualunit havailangnit hivitunianit;
  • Mikinighaqaqtut 60%-nguyumik ilihaqtakhanginut atuqtakhait ilihaqtakhait uvani Ilihaqtunut Iliharvikyuani.

 

Ilihaqtakhatit iliharvikyuami ahianittuumiukpat Nunavunmit naunaiyariaqatutit Ministauyumit uvaluunniit Iliniaqtuliqiyukkunit munaghiyunit talvani avikturniani uvaluunniit upagumayangnut avikturninit Nunatsiamitpat iliharviginahuaqtangni. Unaulluaqpaktuq Ilinniaqtuliqiyikkut.

 

FANS-kuni Atuqtakhaliuqtauhimayunut:

 

  • Naunaiyaqlutgit manikhakvikhanik ikayuuvikhatit uvani qaritauyakkurunmik www.canlearn.ca.
  • Naunaiyaqlutgit ilihagviginahuaqtat pittaariaghanik uminga FAN-kut ikayuutit uumani Ilihaqtunut Iliharvikyuani naunaiyarighimayut ilihagvikhat titiraqtauhimayut.
  • Naunaiyadjavaktit ingnut qanuriliurutikhatit uvuuna Ilihaqtunut Maniktaqvikhaq Ikayuutikhaq Maligaq & Maliruagakhallu.
  • Ihuaghaqlugu tingmidjutikhatit ilihaqvighangnut/uttiudjutikhallu ilihaqvighangnut uvuuna Top of the World Travel-kut.

 

Back to top of page

 

FANS-kut huagiyaungitunut Maliktakhaq

 

Ihumaliutkitquiyut Ihumaliurutimik

 

Taamna Manikkut Ikayuutighat Nunavunmin Ilihaqtunun (FANS) pinahuaruti havattiaqpaktuq tamaita uuktuutit ihivriuqtaunikkut ihuaqtumik, ihumaliuriiqhimaittumik malikhugillu Ilihaqtunun Manikkut Ikayuutikkut Maligaq Maligaillu.  Havattiaqhimayuugaluaqhutik pitjutiqaqtaaqtuq titiraliqiyiit ihuinaaqtaaqtut.  Ihumaguvit FANS-kut maligaghait ihuittumik-atuqtauyut uuktuutinun ukunungaluunniit ilinungnut qanuritjutinut aghuuqtauyutit ihumaliutqikkuiqulugit ihumaliuqhimayait FANS-kut pinahuarutimin imaatut maliklugit ihumaliutqikkuiqnikkut havagutinik.  Hapkuat havagutit iliuraqhimayut pipkainikkut kayumiktumik, aajjiikkiikniqaqtumik ihuaqtumiklu ihivriuriami uuktuutingnik titiqqaniklu. Ahikkuuqniarhimanirnik uumani havagutimi kinguvautiinnarniaqtuq.

 

 

Ihumaliutqitkulimaitatit ihumaliurutit mighaagut hapkuninga:

 

  • taimaatut iliharvikmik pinahuarutimikluunniit tikkuaqtauhimaninginnun imaatut iliharvikyuanguyaaghaita
  • kinguvaqtihimaguvit umikvighaanun tuyuqnikkut uukturutingnik.
  • akiliqninganik/mikhilaaqtiqninganik akiliqtaghami avatqutjutaanikluunniit atukkanik.

 

Ihumaliutkitquinikkut Uplughait

 

Talvanga ilitturipkaqtauhimaliruvit piqaqtutit 30nik uplunik tuyuriangni titiraqhimayumik ihumaliutkitquitjutimik.  Aghuuqtauyugit atuqlugu FANS-kut ihumalitkitquinikkut titiraq hamaniittuq.  Ilitturipkaqtauguvit titiqqitjutikkut 30nguyut uplut aullaqtiqtut qulini (10) upluni titiraq titiqqihimalirninganin.  Ilitturipkaqtauhimaguvit titirakkut qaritauyakkut, taapkuat 30-tiuyut uplut aullaqtiqtut malruukni upluni titiraq qaritauyakkut tuyuqninganin.   Ilitturipkaqtauguvit hivayautikkut ilauyuqlu nipiliuqniq, taapkuat 30-tiuyuit uplut aullaqtiqtut uplungani hivayaqnirmi.

 

Ihumaliutkitquinikkut Qanuriliurutit

 

Taamna hivuliqpaaq qanuriliuruti ihumaliutqikkuinikkut havagutimi una uuktuqtut uqaqatigiyaghaa ihumaginiq uumunga FANS-kunni Havaktimun.  Amigaittut ihumagiyauyut ihuarhaqtauttaaqtut uqautiginikkut ihumaginirmi pipkainikkullu tamarmik kangirhihimayuk huna ihumagiyauyuq.

 

Taamna tuklia qanuriliuruti humaliutqikkuinikkut havagutimi una iniqtiqlugu FANS-kut ihumaliutqikkuiqnikkut titiraq tuyuqlugulu uvunga FANS@gov.nu.ca.  Titiraqtauhimayuq ihumaliutqikkuiquitjuti hanaqiyauniaqtuq Atannguyamin FANS-kunni ihivriuqniaqtaa titiqqatit uqaqatiginiaqtaatillu aallat ilitturipkaitjutighat ihariagiyauliqqata.  Talvannga Atannguyaq pihimaliqqagit ihumaliutqikkuiquitjutit piqarniaqtut tallimanik (5) havaknikkut uplunik ihumaliuriamiknik inirutinganik unniutilugulu uuktuqtuq qanurinninganik ihumaliutqikkuiquyamiknik.

 

Taamna pingahua qanuriliuruti ihumaliutqikkuinikkut havagutimi una taimaatut Atannguyaq tuyuqniaqtait ihumaliutkitquyauhimayut ukuallu quyaginnait pitjutiqaqtut titiqqat uumunga Aulapkaiyimun Havaariraaqpaktaghainni Pivallialiuqtimun ihivriuffaaqniaqtait.  Aulapkaiyi Havaariraaqpaktaghainni Pivallialiuqti havakvighaqarniaqtuq tallimanik (5) havaknikkut uplunik ihivriuqnikkut, ihumaliuriamiknik inirutinganik ihumaliutquyauhimayumi unniutilugulu uuktuqtuq.

 

Taamna kingulliqpaaq qanuriliuruti ihumaliutqikkuinikkut havagutimi una uuktuqtuq huli naammagingitpagut talvuuna Aulapkaiyi Havaariraaqpaktaghainni Pivallialiuqti tuyuqniaqtait ihumaliutkitquyauhimayut ukuallu quyaginnait pitjutiqaqtut titiqqat uumunga Havakvianun Ilinniaqtuliqiyitkunnun taimaatut Minista Ilinniaqtuliqiyitkut tuniyauyaangani ilitturipkaitjutinik ihumaliuriangani inirutighanik.

 

 

Pingittuq aulapkainikkut Upluq-tamaat Ilihaqtukkut Pitjutimik

 

FANS pihimaliqqagu iliharnikkut titiqqatit naunaiqhunguyuq qanuqtut pihimanirnik naamahimayunik iliharutighanik (naunaiyaqtauhimayuq ilihaqviknin). Taimaatut iliharutighatit naamangitpata upluq-tamaat pitjutimi amiriyaunialiqtutit unalu naammaghingitpat uvani tikittughami hivitunirmi iliharvighami nutqaqtitauhunguyutit.

 

Aallanik ilitturipkaitjutighanik hivulliurutighaniklu, hivayaqlugu FANS-kut Akiittuq hivayautaa: 1-877-860-0680.

 

Hiyayautainut Naunaikhivikhatit

 

FANS-kut Akiittuq Kayumiktukkut:

 

1-877-860-0167

 

Avikturniani Havaaghakhiurnikkut Havagviani Havagviit:

 

Pingahuyut Avikturniani Havaaghakhiurnikkut Havagviani Havagviit ikayurumayatit uuktuutingnut ilihagiapaalirumayangnut. Hivyaqlutit Havaaghakhiurnikkut Havagviani Havakti (CDO) kiuyiuyangini apiqqutigiyumayatit ihumaluutigiyatitlu:

 

Qikiqtani: 1-800-567-1514

Kivalliq: 1-800-953-8516

Kitikmeot: 1-800-661-0845

 

Havaktiqangitkupfi Havaaghakhiurnikkut Havagviani Havakti nunangni kayumiktukkut aullaqtitivighaqangitkuvit uvaluunniit adjiliutnmik qaritauyamikluunniit atuqtitauttaaktutit GN-kut Havagviani Ikayuuhiaqtit Havagviani uqaqvigiluguluunniit Kavamatkunni Kivrariyangit (GLO-kut). Ikayuuqtaaktait iniqtigiyangni uuktuutikhamik tuyuutigilugillu havaktauyangini.

 

Qaritauyakkut:

FANS@gov.nu.ca

Hivayauta:

1-877-860-0680

 

Back to top of page

 

Forms

I Am: 
a beneficiary
a student
a teacher
I Need: 
money for school