Havaktingit

You are here

Qayangnaqtailinirmun Munariyauyuq

Kitkuuvat Qayangnaqtailinirmun Munariyauyiuvat?

Qayangnaqtailinirmun Munariyaunikmun (RM) ilaganni Kiinauyaliqiiyikkunni Nunavut Kavamanganni pikaqtut pingahunik: Atannguyamik, atauhikmik Anggayukhiimik Qayangnaqtailinirmun Munariyaunikmun atauhikmik Anggayukhiimik Qayangnaqtailinirmun Munariyaunikmun Ilittuqhaiyi.

Havaanga Qayangnaqtailinirmun Munariyaunikmun:

Qayangnaqtailinirmun Munariyaunik havaaqaqtut pivalliavikaghutik piqagiagannik upalugaiyaitjutinik ikayuutikhainniklu tammaqtailinirmun GNkutnut ahiruqtauhimayunik tammaqmattalu imaalu pitjutiniarmatlu maniitnut atugaghanut imaaluunniit ikayualugit havakyuaqlutik kavamatkut ikayuutikhainut akiliqtuiyuqtunut taaksiitigut inungnutlu. GNkut atuliqpagainnik qayanaqtailinirmun munariyaunikkut taapkunaniklu akiliqtuivakhutik tamayanut tammaqqatta utirutiqangmatta pikaqlutik tammaqtailinirmun, talvanggalluaqmin uuktuutiplutik utirutikhainnut piyunik.

Qanuktut Qayangnaqtailinirmun havaaqaqqa?

Atuliqpallialiqtavut qayangnaqtailinirmun munariyaunik atuqpagaitnik Austrailiankut/New Zealandkutlu. Aallanitlu, RMngutivut atuqpaqtavutnik ikayuutigiyut uvaptingnut ilitturinirmun, ikayuutigiuplutik ihivriungnirmun qayangnaqtunik imaa ihuarhaiyaaptingnik tapkuat qayangnaqtut. Taamna atuqtauvaqtuq aturarhaq atuliqtaat Kanatami Ihivriungnirmun Katimayiinggita Kanatami (NRCkut) taapkuatlu British Columbiami Kavamaita. Maningnik utirutikhanik puiruqtaurarhaunggittut hapkunani Qayangnaqtailinirmun Munariyaunikkut, kihimi atia atuqtauyukhaq imaatun tammaqtailinitigut.

Uuktuutikaffiuyut Qayangnaqtailinirmun Munariyaunitigut havaktiit:

  • Katimaliuqlutik Igluqpanut Qayangnaqtailinirmun Munaqtiulutik kivraqtuivikhanik ilauyukhanik pilutik ahinit havakviitnit (RMCkut).
  • Taapkuat RMCkut tamaitalu Ilinniaqtuliriiyikkut piliuqlutik aturarhamik atungnitigut hiqquutinik ilihaqtunit ilihaqtillutik. Taamna aturarhaq atuqtaunialiqtuq Ministanit
  • RMkunni inuutinggit piliuqtut qayangnaqtailinirmun ihivriukhutik Uumayuliqiiyitni Havaktiit’ havaanggitnik.
  • RMkut ataniuyut uuktuqtunik tahapkunanit tahapkunanutluunnit GNkut. Imaakaffuk ai, RMkut iniqtiriiktut uuktuqtunik 2500 nik “hunggikmatta gasaliit” RMkut ataniuyutlu piffaarahuaghutik akigaluagitnik tahapkunanit ahiruqtiriunut GNkunnut.
  • RMkut ilauliqtut Maligaliqiyikkunni ihumaliuqtiuplutik kaantraatigut qayangnaqtailinirmun.
  • Una qungiaknaqtuq qaritauyami piliuqtauhimayuk tamainun havakviitnut, katimayiitnut, kuapurasiitnut, aallatlu tigummitjutiqaqtut pitjutiqaqtut Nunavut Kavamainnut.

Hunauyut titiqqitjutitit maningniklu iliugaivakhutit utigutikhanut qanuritpat?

Qayangnaqtailinirmun hulivaqtaakhaita uplumimut tuhaararhaitlu Takuyaqtuiyumaguvit titiraqlutinluunnit uvva naunaitkut:

Risk Management
PO Box 2260 – Parnaivik building
Iqaluit, Nunavut X0A 0H0
Department of Finance
Government of Nunavut
hivayautaa: (867) 975-5809
kayumikkut: (867) 975-5845
qaritauyakkut: RiskManagementAndInsurance@gov.nu.ca