Havaktingit

You are here

Tipaakunut Taaksiutingit

Kavamangat Nunavut taimaaktaan tibaakkut taksiutat timiqutigiyanggilu

Nunavut akhuurutigiyaa tipaakuq Taaksiutingit qanuraaluktut piplugu akikhaanut.

Naunairyuumirumaguvit  Nunavutim Tipaakunik Taaksiutinganik una naqitaqlugu qaritauyakkut titiraqlutaluuniit uumunga tobaccotax@gov.nu.ca.

Naqitaqlugu qaritauyamut pipkaitjutininnganut aatjikutaanik titiraqmik Nunavuutim Tipaakunut Taaksiutinga Maligaq uumungaluuniit Tipaakunut Taaksiliqiniq Maligarnik aulatitjutingit.

Akingat Taaksiutiit

Nunavut atuliqtitigiyaa Tipaakunik taaksiutiiuyut uumani ad-valorem-titut.

Takulugu una Nunavut Taaksiutiit Akingit Makpiraaq  umani ukiup Tipaakunik taaksiutiit akingit.

Akinginnik Katitiriyut Taaksiutiinik

Taaksiutiit pipkaiyut niuvrutihimayunik kihimi katitirhimayut iluittunik niuvrutitauhimayumik niuviqtaik tuyuqtaiklu atauhiqmi tatqirhiutmi Taaksiliqiyiinit.

Tatqirhiutimi Taiguagakhat

Taaksiliqiyiit uqaqtukhat tunilunilu taaksiutinik 20nguraangat tatqirhiutimi piyuq aippaanganit tatqirhiutmit niuvrutigiyait niuvvavinut Nunavunmi. Taaksiliqiyiit apirittaaqtuq uqariami qanuqtut pipkaitjutigiyangani maniliqininnganik. 


Ihivriuqninnganut

Niuvrutigininnga niuvvaavikni ittukhat niuvvaiyiinut piqaqtut ilitariyauyumik niuvvaaviuyut laisiutinganik. Niuvvaiyiit uqaqtakhangit niuvvaiyiinut laisiutinganik tamarmikmut niuvrutinginnik.

Ikayuqtauplutik paliihimatkunnit qakunnguraangat, niuvvaavikmut pulaarhutik niuvvaiyiinut angirutautigumi uumunnga Tipaakunik Taaksiutiuyut Maliganga.

ANGIRUTAUTIUYUNIK

Laisipkainiq

Tipaakunik niuvvaiyiit piyakhat Taaksiliqiunirmut Angirutinganik piqaqtukhaqlu Niuvvaiyiit Laisiutinganik Ministamit.

Hapkuannginnait niuvvaiyiit niuvrutittaaqtut Tipaakunik niuvvaayinut. Niuvvaiyiit niuvrutiittaaqtut Tipaakunik niuvvaayinut piqaqtunik ilitariyauyunik Tipaakunik Niuvvaiyiit Laisiutinganik. Niuvvaayiinait piqaqtut uuminnga niuvviqtitauniq laisiutinganik niuvrutittaaqtut Tipaakunik niuvirumayunut. Ilitariyauyut niuvvaiyiit niuviqtitauyuq nampanganik tuniyauyut Niuvvaiyiinut piumagumik.

Tutquumatjutiutinik Ihariagiyautiuyut

Ministauyuq piqaqtukhaq Taaksiliqiyiit iliuraigiami naunaitkutaq manikmik atukkiqtautimik manitigut allanikluuniit tutquumatjutiutinik.

Taimaaqtitautinnagu Nutqaqtitaukpatluuniit

Nutqaqtitauniq laisiutimik hapkuninnga ukuninnga:

  • Ahiruqtirumiuk titiraqhimaninnga Maligap tainiilluuniit angirutiup.
  • Tuninngitkumi taaksiutinik, inkaptaaksinganik tuninngitpat.
  • Akilinngitkumiuk tutquumatjutikhanganik.
  • Ihuinaarutauliqqat ihuinnaarutiuyuq Maligami.
  • Ihuinaaqqat ihuinaarutigiyaukpat titiraqhimayumi Tipaakunik Maliganganik (Kaanatami).

Taimaaqtitautinnagu nutqaqtitaukpalluuniit, inuit pipkainiaqtut naunaiyariami huuq laisiutinga taimaaqtitauhimayukhaunngittuq nutqaqtitauhimayukhaunngittuqluuniit.

Maniit Ihivriuqniq

Ihivriuqtaulirumi Ministauyuq ihumagiyakhanngitaa iniqvikhanga angitqiyauyuq 6nik ukiunik angmaqtinnagu ihivriuqvikhanga, maniit ihiviruqniinngat ihivriuqninnganikluuniit titiqqangit maniitigut, naunaitkutauyut titiqqalluuniit kihimi naunaiqhimakpat tamna inuk ihuinaaqtuq kiklikhanga piqanngittuq.

Akiliqtakhangit Atukkiutigiyangillu

Tamna Ministauyuq ihivriunnginnarialik ihuinaarutautinik ittuq 10pusantguyuq akinganik piyuq inukmut tuninngitpat taaksikhanganik pitquyauliqpat.

Akiliqtakhangit

Aussainmit Tuyuqtauyut Tipaakunik laisiittumik:

Hivulliqpaangani ihuinaarutigiyaukpat: Piqarumi ikitqiyauyunik umannga 1,000 higaanik, 250 higaaryuanik unaluuniit 2,000 gram-qaqqat aallanik Tipaakunik tamna akiliqtukhaq itpat mikitqiyauyumik $200, unalu angitqiyauyumit $1,000 una/unaluuniit itiqtautipkailuni 30nik ublunik.

Piqarumi amigaitqiyauyunik 1,000 higaanik, 250 higaaryuanik unaluuniit 2,000 gram-qaqqat aallanik Tipaakunik tamna akiliqtukhaq itpat mikitqiyauyumik $1,000 unalu angitqiyauyumit $5,000 pingahunik angikliyuumiutinganik taaksiutinga akiliqtukhaq una/unaluuniit itiqtautipkailuni 30nik ublunik kihimi ikitqiyaunngittuq 10nik ublunik.

ihuinnaaginnalirumi:Piqarumi ikitqiyauyumik 1,000 higaanik, 250 higaaryuanik unaluuniit 2,000 gram-qarumi aallanik Tipaakunik akiliqtukhaq ittuq mikitqiyauyumik $500, unalu angitqiyauyumit $5,000 una/unaluuniit itiqtautipkailuni 6nik tatqirhiutinik.

Piqarumi amigaitqiyauyunik 1,000 higaanik, 250 higaaryuanik unaluuniit 2,000 gram-qaqqat aallanik Tipaakunik tamna akiliqtukhaq itpat mikitqiyauyumik $5,000 unalu angitqiyauyumit $10,000 tallimanik angikliyuumiutinganik taaksiutinga akiliqtukhaq una/unaluuniit itiqtautipkailuni 9nik tatqirhiutinik kihimi ikitqiyaunngittuq pingahunik tatqirhiutinik.

Piqarumi naunaiyarhimayunik Tipaakunik:

Hivulliqpaangani ihuinaarutigiyaukpat: Piqarumi ikitqiyauyunik ukunannga 1,000 higaanik, 250 higaaryuanik unaluuniit 2,000 gram-qaqqat aallanik Tipaakunik tamna akiliqtukhaq itpat mikitqiyauyumik $200, unalu angitqiyauyumit $1,000 una/unaluuniit itiqtautipkailuni 30nik ublunik.

Piqarumi amigaitqiyauyunik 1,000 higaanik, 250 higaaryuanik unaluuniit 2,000 gram-qaqqat aallanik Tipaakunik the akiliqtukhaq ittuq mikitqiyauyumik $1,000 unalu angitqiyauyumit $5,000 pingahuniklu angikliyuumiutinganik taaksiutinga akiliqtukhaq talvannga akiliutigittaaqtuq tamna Tipaakunik niuviqtaukpat Nunavunmi una/unaluuniit itiqtautipkailuni 30nik ublunik kihimi ikitqiyaunngittuq 10nik ublunik.
ihuinaaginnalirumi: Piqarumi ikitqiyauyunik ukunannga 1,000 higaanik, 250 higaaryuanik unaluuniit 2,000 gram-qaqqat aallanik Tipaakunik tamna akiliqtukhaq ittuqmikitqiyauyumik $500, unalu angitqiyauyumit $5,000 una/unaluuniit itiqtautipkailuni 6nik tatqirhiutinik.

Piqarumi amigaitqiyauyunik 1,000 higaanik, 250 higaaryuanik unaluuniit 2,000 gram-qaqqat aallanik Tipaakunik tamna akiliqtukhaq ittuq mikitqiyauyumik $5,000 unalu angitqiyauyumit $10,000 uuminngalu tallimauyunik angikliyuumiutinganik taaksiutinga akiliqtukhaq tamna tipaakuq naunairhimanngitpat una/unaluuniit itiqtautipkailuni 9nik tatqirhiutinik kihimi ikitqiyaunngittuq pingahunik tatqirhiutinik.

Akuniraaluk piyuq

Hivulliqpaangani ihuinaarutigiyaukpat: mikitqiyauyumik $500 angitqiyauyumit $1,000 akiliqtukhaq unaluuniit/unalu itiqtautipkailuni 30nik ublunik kihimi 10nik ublunik ikitqiyaunngittumik.

ihuinnaanginnalirumi: mikitqiyauyumik $1,000 angitqiyauyumit $5,000 akiliqtukhaq una/unaluuniit itiqtautipkailuni 6nik tatqirhiutinik kihimi ikitqiyaunngittumik pingahunik tatqirhiutinik.

Naunaiyaininnga/Taaksiliurhimanngittut

Nunavut piqanngittuq naunaiyainiqmik kihimi ihuittuq piqarumi tipaakunik naunaiyarhimayut niuvrutikhanik aallani nunani.