Havaktingit

You are here

Ilingaiyaktitpa llianirmut

Aihimavighainnikkut

Taamna Ilingaiyarnikkut havakvik tunivaktuq manighatigut ikayurutinik ukununga aihimavighaittunun nayurvighanun Nunavunmi, kiullarutiqaqtuqlu piliuqnikkut kavamatkunni maligaghanik hivulliurutighanik aihimavikhainnikkut piniarhimatjutighanik.

 

Taamna havakvik havaqatigittiaqtait Nunavunmi Igluliqiyiiryuatkut piliurnikkut atuqtipkailirnikkulu Nunavut Kavamatkut tavungaraaluk-hivituqyuq angiyuq igluqpautigut aihimavighainnikkullu parnaiyautimik.

 

Nunavunmi Katimayiin Ilingaiyarnikkut

Taamna Nunavunmi Katimayiin Ilingaiyarnikkut katipkaqtitpaktait taapkuat havakpiaqpaktut ilingaiyaiyumanikkut nunaptikni.

 

Ihuaqtukkut piliuqtauhimayuq uvuuna Titirakkut Tukihimaqatigiigutikkut ukunani Nunavut Kavamatkunni Nunavut Tunngavitkunnilu 2012mi, taamna Katimavigiyauvik katiamviuyuq ukununga atauttikkut havaqatigiigutighani ilingaiyainahuarnikkut.

 

Minista uvani Ilagiiktunun Ikayurvikmi Nunavut Kavamatkunnik ilaupkaitjiuyuq uvani Katimavigiyauyumi ikhivautaqatigiigiyauyuqlu.

 

Nunavunmi Katimayiin Ilingaiyarnikkut tatjat hivulliuqtaa pivallialiuqniq Nunavutip tallimanik-ukiuqaqtumik ilingaiyainikkut hulitjutighanun hivunighaq.

 

Havakviup naammagiyaa ilauninga Hivuliqtiup unalu Minista Munariyalik uvunga Ilingaiyainikkut uvani Katimavigiyauyumi, uvuuna Nunavut Ilingaiyarnikkut Havakviatigut.  Havakviup naammagiyaalu Minista havakningani pitquyauhimatjutiminik ataani Havaqatigiittiarnikkut Ilingaiyainikkut Maligaqmi, ilauyuqlu ilauqatigiikninga uvani Nunavut Katimayiinni Ilingaiyainikkut, upalungaiyarnikkut uumani tallimani ukiuqaqtumik ilingaiyainikkut hulitjutighanun hivunighami munarininganilu hivunigami, aulapkaipkarlugu Ilingaiyainikkut Manighat, unniutjutiqarlunilu Maligaliuqvikmun.

 

Havaqatigiplugu Nunavut Tunngavitkut Havakvia Inungnun Pitquhikkullu Pivallialiurvia, havakvik upalungaiyaqtaalu ukiuq tamaat unniutjutaa ukununga Katimavigiyauyumut, ihuarhaipluni inungunun ilauvighainnun, qauyihaqpakhunilu ikayurutaanun atuqtipkaininganun uminga Makimaniq Hivunighaq, pivallialiuqninganilu uuminga tallimanik-ukiuqaqtumik ilingaiyainikkut hulitjutighanun hivunighamik.

 

Taamna Makimaniq Hivunighaq: Atauttikkuuqtuq Havaguti uvunga Ilingaiyarnirmut

Taamna Makimaniq Hivunighaq upalungaiyaqtauvaktuq uvani Ilingaiyarnikkut Katimaniryuami Nuvaipa 2011mi,  pininganit ukiumik-hivituniqaqtumik havagutimit inungnik miitiqtipkainnin.  Hivunighaq naunaiqhimayuq 6-sinik hivulliutiyauyughanik hulitjutighanik havaqatigiiklutik huliyauyughat mighipkarniarumaplugu ilinganiq, piqaruhi turaangaqpiaqtunik piyumayauyunik havaktauyughaniklu tamainni hivulliutiyauhimayuni hulitjutighani.

 

Taapkuat 6-siuyut hivulliutiyauyumayut hulitjutighat hapkuat

1)         Havaqatigiikniq Nunallaaminlu Ilauqatigiingniq

2)         Mamiharniq Inuuhiriqnikkullu

3)         Iliharnikkut Ayuirhautikkullu Pivallialiuqnikkut

4)         Niqighaqarnikkut

5)         Igluqpaitigut Ikayuuhiarnikkullu

6)         Nunallaani Piangaiyainikkullu Pivallialiuqnikkut

 

Taapkuat qanurittut naunaiyaqtauhimayut uvani Makimaniq Hivugnighami pipkainiaqtuq tunngavighaanik uumani tallimanik-ukiuqaqtumik ilingaiyarnikkut hulitjutighaq hivunighaq, 2014-2019.