Havaktingit

You are here

Iningnikhat Urhuqyualiqinikkut Maniktaqvikhangit (SFS)

Tamna Iningnikhat Urhuqyualiqinikkut Maniktaqvikhangit havaaqhauyuq ikayugiangat manikhaqnun akituvalaarutiit unaqutikharnik urhuqyuarutikhaaqnik iningnikhanun inuuhimaaqtunlu aihimavingmini. Pittaaktunut nanminiqaqtut igluqpangmingnik tuniyauhunguyut akikhanik uqhuqyuakhitikhamik, imatut aktigiyumut 3,500 litres-mik. Maniliukhimayamingnik ihivriuqtauyukhat taima naunaiyaiyaangat manikhangit uuktuqtunut uuktunluuniit aulayut talvuuna havaaqhamun.

 

Kitkun Ilaugiaqaqtun?

 

Talvanga nanminigiyainik manilikhimayamingnik (nampa 4nik), pigiaqagiangat naunaiyaiyaangat malikhautikharnun naunaiyagiikhimayut:

  • Nunaqaqhimayuq Nunavunmi
  • 60nik ukiuqaqtukhaq avatquyukhangaluuniit
  • Nanmiqaqtukhaq iglumik taima pitjutikharnik tukhiqtauyukhaq*
  • Aulahimayukhaq naunaiyagiikhimayu maniliukninga maniit naunaitkutiit
  • Ikayuuhiarutikhaqaqtukhaungituq naunaitkutingnik
  • Uuktuqhimaaqtukhaq ukiuk tamaat

 

* Naunaiqhimalugut taima:

 

Nanminiqaqtunik iglungnik taima katitiqhimayut tamaat maniliukhimaaqtangit avatqutikhaungituq taima ilauluguluuniit $75,000 tallamik taima piyaangat tamaat 100pusanmik urhuqyuanik pitjutikharnik.

 

Nanminiqaqtunik iglungnik taima katitiqhimayut tamaat maniliukhimaaqtangit avatqumakpanlu $75,000 tallamik ikitutqianguyuqlu tapfuminga aadjiliukhimayaangatluunit $100,000 tallamik pigiaqaqtun 50 pusanmik urhuqyuanik pitjutikharnik.

 

Nanminiqaqtunik iglungnik katitiqhimayuq tamaat avatqumakpan $100,000 tallamik pilimaitun urhuqyuanik pitjutikharnik.

 

 

Qanuq Uuktugiaqaqtutin:

Nunalaani Ikayuuhialiqiyiit tunigiaqaqtun uuktuutikharnik titiqanik.  Ilauyukhat ilitugutjutikhat iniqtigiangat ihivriutjutikhat:

 

  • Inigiikhimayut uuktuutikhat titiraq;
  • Ilitugitjutikhat Angirutikhaqlu titiraq;
  • Inuuvianga Naunaitkut Inuuhingalu Nampangit tamainut inuit atiqhimayut nanminiqaqtunik iglumik ilitugitjutingni;
  • Ilitugitjutikhaq iglumik nanminigiyamingnik (nunamik naunaitkunmik, hanaqitjutikhangit, ilitugitjutikhaniklu iglumun nanmituqainik);
  • Taaksingitlu Naunaitkutikhat Ihivriutjutikharnik ihivriutjutiit kinguliqmi ukiumi tamainik inungnin iglumiitun talvani titiraqhimayut ilitugitjutikharni.

 

Hivayautikkut naunaitkutiit

 

Ikayuktikhailiuliruvit naunairutikharniklu, hivuayaqlugu Nunalaani Ikayuuhialiqiyi Inuuhiriliqiyiluuniit Havagviangit talvani Inuuhiriliqiyikkut  Aviktuqvingmiituq Havagviangit:

 

Kivalliq: 867-645-5064 | 867-645-5040 extension 1604 | 1-800-953-8516

 

Qikiqtaaluk: 867-473-2615 | 867-473-8800 | 1-800-567-1514

 

Kitikmeot: 867-983-4168 | 867-983-4082 | 1-800-661-0845