Havaktingit

You are here

Aihimayunik Nunallaanilu Munaqtiniq

 Aihimayunut Nunallaamilu Munaqhiniq (HCC) havaakhaq ikayuqpagait Nunavunmiutat inmiknik munarivagianginni ikayuqhikhutik ilamingnit nunallaamiutanillu imaalu ihuarivagiamingni inmik pittaaqtamingnut inuuhittairutikhamingnullu. Aihimayunut Nunallaamilu Munaqhiniq havakhaq pitjutigivagait aanniartailinirmut ikayuutikhallu, pihimayut naunaiyaitjutimut, ihuariyaani inuup igluani ikayuqhiktauliraangata aanniartunut, nakuulluangittunut, ayuqhautiqaqtunutluuniit.

Munarhiliqiyikkut atuquvagait mamittirpallianiq iglumingni, ikayurumavakhutiklu Nunavunmiutanut ilainullu ayuqhaliraangata. Ilaupkakhugit inuup ilangit inungmik munarilutik ikayuqlugillu ilagiiktut aanniartuqaqtitlugu, Aihimayunut Nunallaamilu Munaqhiniq havaakhaq pivagait amihunik pitquhirmut pivagait aanniartailinirmut.

 

Pittaaqtut

 

Tamaita Nunavunmiutat ilauyut uumani Nunavunmi Aanniartailinirmut Qanuriliurutikhaq pittaaqtut ikayuqhiriamingni uuklturlutik uumunga Aihimayunut Nunallaamilu Munaqhiniq havaakhaq.

Naqitlugu hamna uukturiami uumunga Nunavunmii Munarhiliqinikkut Qanuriliurutikhaq.

Aanniarutiqaqyuaruvit aannirutiqaruvitluuniit, ikayuqhirumaguvitluuniit ubluk tamaat inuuhirngni, pittaarungnaqhiyutit havaktauyakhanut ukunanga Aihimayunut Nunallaamilu Munaqhiniq havaakhaq.

Kinalikaak apiqhittaaqtuq aihimalutik munaqhiyauyaamingni nunallaamingni munaqhiliqivikmit unaluuniit nunamingni aihimayunik munaqtiuyunit havakvianit. Piyakhaittuq munaqhinit uuktuquiyaami ikayuqhiquilutikluuniit.

Pigumikku uuktuutikhamik aihimayunut munaqhitjutinut, naunaiyainiaqtut munaqhit naunaikhilutik qanurittunik ikayuqhikniariakhainut aihimayunut munariyauniaqtunut ihuatqiyanut inungmut ilainullu.

 

Havaktauyut

 

Aihimayunut Nunallaamilu Munaqhiniq havaakhaq amihunik havakpaktut, ukuningalu:

Iglumi piyakhanut – iglumik halummakhilutik ikayuqlutik
Inuup munaritjutikhait – uaktitlugit aannuraaqlugillu
Munarhiliqinikkut – kapukhirnirmut matuhinirmullu
Iglumingni Munariyauyakhanut – ikayuqlugit ilagiyainut unaguiqhirianginni
Nakuuhittirnirmut - iqaiyaikpallianikkut

 

Allat Naunaitkutit

 

Naunairumagungni uqaqvigilugu munarhiliqivik unaluuniit Nunavunmi Aihimayunut Munariyauhimmaaqtakhanut Tutqikhaiyi talvani (867) 975-5776.