Havaktingit
LogoHome

You are here

Hon. Peter Taptuna

Department: 
Government of Nunavut

Nan’ngariyauyuq Peter Taptuna akigaqtuqtauhimanngittuq vutiqtuni Tattiarnaqhivingmi 28, 2013, kivgaqturniaqhugit Qurluqturmiut Hitamaanni Maligaliuqtiita Nunavut. Mr. Taptuna vutiqtauhimayuq Nunavut pingahuannut Hivulliuqtianut Hikutirvingmi 15, 2013-mi Nunavut Hivuliqtikhakhiurnianni. Hivulliuqti Taptuna ilumuuqittauhimayuq Hikutirvingmi 19, 2013.

Hivulliuqti Taptuna ikhivaqatauyuq Pingahuanni Maligaliutiit, taimani kivgaqtuipluni Tugliupluni Hivulliuqtimut, Ministaupluni Pivalliayuliriyinut Ingilgayuliriyinullu, Ministaupluni Ikummaqutiliriyinut, Ministaupluni kamagiyaqaqhuni Nunavut Igluliriyiinnik, Ministaupluni kamagiyaqaqhuni Nunavut Pivalliayulirinirmut Kuspurisatkunik, Ministaupluni kamagiyaqaqhuni Nunavut Nanminiqaqtunik Atukkiqturvik Kuapurisatkunnik uvvalu Ministaupluni kamagiyaqaqhuni Uyagahiurnirmik.

Inuuhimayuq Iqaluktuttiami, Hivulliuqti Taptuna inuulluaqtuq inuuhirmini Qurluqtumi. Ilihariaqtuqhimayuq Inuuvingmi Nunattiami. Hivulliuqti Taptuna havakpakhimayuq urhuryuaqhiuqtini gaasiliqhiuqtinilu 13-nik ukiuni, taimani ilaupluni hivullini Inuinnauyuni ikuutaqtini taryumi ikuutarvingmi Beaufort Sea-mi. Hivulliuqti Taptuna havakpakhimayurlu Lupin Guulhiurivngmi Qurluqtumi Anngunahuaqtiit Timinganni. 

Hivulliuqti Taptuna ilihaqtaminut naunaitkutilik munaqtiunirmut Nunavut Iliharyumirvingmit, ilihaqhuni munaqtiunirmik maningnik, kuapurisan kantraniglu maliganik, nanminiqutinik aulattiyiunirmik havaktiniglu munaqtiunirmik. Hivulliuqti Taptuna naunaitkutiliglu journeyman-mik taiyauyumik red seals hanayiunirmut.  

Hivulliuqti Taptuna ilauvakhimayuq Nunaliit Katimayiini Qurluqtumi, Maiyamullu Tugliuhimapluni 1999-mit 2004-mut. Katimayiuqatauvakhimaplunilu Kitikmeot Kuapurisatkuni Nunavut Pivalliayuliriyit Kuapurisatkuni.

Peter Joanne-lu Taptuna talimanik nutaralgik nainiglu ingutaqaqhutik. Mr. Taptunaup kuviagiyait angunahuarniq aallallu maniqqami huliluqaarutit.