Havaktingit

You are here

Aviktuqhimaniit havaqatiggikniaqtut uvalu Albertap ilihaidjutikkut ihuaqhaidjutighainik

Saptaipa 12, 2017

Albertami Havakviat Iliniaqtulqiyit  havaliqtut havaqatigiblugit Nunavunmiun uvalu Nunatsiaqmiut ihuaqhaidjutighaanik haffminga Albertap puqtuniit Kmin-12mun ilihaidjutighat.  Ihuaqhaffaagutait tugaaqhimayut ihuaqhiyuumiqlugu ilihaqniq uvalu ilihaidjutait ilihaqtut pihimayut nutanguqhimayumik naunaiyaqhimayumik ilihainikkut uvalu ilihaqnikkut. 

 

Tadja, Nunavunmiun maliktaat Albertap Kmin-12mun ilihaidjutait uvalu malikhugit ihumaliugutingni haffuma Inuit Qaujimajatuqangit.  Ilihaqtut ikayuutait ilihagahat ilaublugit Inuinnait Ukpigiyainnik Inuukatigiit pihimayut Inuit pitquhiit ilihimayait, uqauhiit uvalu ukpigiyait. Haffumuuna ilaublugit atugahait Piliriqatigiinniq: havaqatigiikhutik attautimut tikiutivikhaaniq ihumagiyangmingniq, Nunavunmiun uvalu Nunatsiaqmiut ilihaqnikkut hivuliqhuqtit havaqatigiigiangini, uvalu havaklutik havaqatigilugit Albertatkut nutaamik upautiniqmik havaknighaanik ilihadjutighat. Ilauniaqtuq ihuaqhaffaqniganun ingilgaanganin, ihumaliugutit uvalu aituutaitigut Nunaqaqaaqhimayut, itqilgit, Inuit uvalu Uiviqmiut inuit. 

 

Joe Karetak - Nunallanun Ilihaqnikkut Aulapkaiyi, Ken Beardsall - Nunavusiutit Ilihaidjutikkut Aulapkaiyi, Suzie Muckpah - Inuktitut Aulapkaiyi, Ilihaidjutighat uvalu Ilihaqnikkut Kivgaqtuqtit uvalu Jim Kreguger-Ilihaqnikkut Qauyihaiyi katimaqatigiiktut hapkualu Abertami Iliniaqtuliqiyiit kinguniqmik havainiqmi. Karetak uqautigiyait inuit ihumagiyait ilauyut naunaitkutinik haffumunga pitquhikkut qauyimaniq, ilihimaniq uvalu uqauhiitigutlu pitquhiq.  Uqaqtait aghuuqnaqtut Iningnigit uvalu Ilihimanikkut pidjutiqaqtut ilaliutilugit Inuit pitquhiit ilihaidjutini, uvalu qanuq aghuuqnaqtuq nuutiqlugu uvalu tamaqtaililugu uvalu pihimahimaaqlugu ilihimaniq, uqauhikkut pitquhiit. 

 

 “Quvianqtuq nunagiyauyut qavaqatigiiktaaqtut mighaanun ilaliutilugu Inuit pitquhiit ilihaidjutinun," uqaqtuq Joe Karetak. “Quviahuktunga havaqatigilugit ilihadjutikkut pivallidjutighainik ; ukpiguhuktunga  ikayuutauniaqtuq nutaanguqhimayumik uvalu ihuaqtumiklu ilihaqnikkut atuqtaghait tamaita ilihaqtut."

 

Karetak, Beardsall, Muckpah uvalu Kreuger havaqatigiiktut ihuaqhaffaagutaanik hamanga 2016min..   “Ilihaidjutit pidjutiqaqtut ilihagiami nakuuyumik hivuniinun Nunavunmiun," uqaqtuq Beardsall. “Qitqani pidjutauluaqtuq ilihaqniqmi uvalu tungaviuyuq ilihaqnikkut atuqtauyuq," Titiraffaqniq itquqniagutaa siksit ukiut iniqtigutighaa, uvalu tagaaqhimaniqtut siksinik ilihaqtaghanun: titirauyaqnikkut hanauyaqnikkut, uqauhikkut, kihiqtitautit, inungnik nunaniklu ilihaidjutit, nalunaqtuliqinikkut, uvalu inuuhiqqattiaqnikkut. 

 

Ilauyuq Kavamatkut Nunavunmi pitquyauyuq atuliqtaunia haffuminga Inuit Qaujimajatuqangit tamaini Nunavunmi ilihaqvikni.  Nutaaq ilauqatigiiknikkut aviktuqhimayuni uvani Albertap ilihaidjutainun ihuaqhaffaaqnia pipkainiaqtuq ilihaqniqmi Nunavunmi piqangniaqtuq ihuaqtumik pidjutauniaqtuq tahapkunungainaungituq tamaita puqtuniit ilihaqniq kihimi pihimalugu hivungani Albertap ilihaidjutait ilaulugit Inuit uvalu Ukiuqtaqtumi pihimalugit tahapkua ikayuutauyuq havaknianik nakuuyumik ikipigiyait nunallaat.

 

Kangiqhitiagumaguvin qagitauyakuuqlutit uvunga info.edu@gov.nu.ca.uvaluuniin 867-975-5649.