Havaktingit

GN-kut akhuuqtut iniqtirninnga Inuinnait uqauhinginnut ilihaiviuyuni

Maassi 17, 2017

Uqaqtakhaq

GN-kut akhuuqtut iniqtirninnga Inuinnait uqauhinginnut ilihaiviuyuni

Qiqaiyarviani 17, 2017

Iqaluit, NU

Paul Quassa, Ministauyut Ilinniaqtuliriyiitkunnut ublumi naunaipkaqtaa hamna uqaqtakhanganik:

"Piniaqqunga uqaqtakhangit naunaitkutiniklu ilihainiqmut qanuqtullu ihuarhiniaqtuq ilihaivikhavut. Maligakhamut 37 piliqtuq uumunnga Tikkuaqtauhimayut Katimayiit Maligaliriniqmut ihivriuqtauniaqtuqlu uqaqatigilugulu maligaliuqtinit Maligaliurvikmi, ilaukmat maligaliriniptiknut.

Nunavut Kavamatkut ikayuqtuq UN Uqaqtaunia Pilaarutingit Nunaqaqqaarhimayunut. Ilinniaqtuliriyiitkut pivagait havaangit nutaanguqtiriniqmut ilihapkailugillu Inuinnait uqauhingit akhuuqtumik.

Ilinniaqtuliriyiitkut uqainnaqtait ihumaalutinginnik nutaamut piqalluangittuq aktikkulaanganik ikayuriami Inuktut uqauhiuyuq ilihapkaininnganut. Taimaittuq una huuq piumayangit himmautingit uumunnga Ilinniaqtuliriyiitkut Maliganga pipkaidjutiyuq ihuaqtumik ihivriurniq nutaaq ilihapkainiqmut piyuq, unalu naunaipkaiffaarninnga ikayuutikhanik piqariami pilaqutilluanganik ikayuriami nakuuqpiaqtumik Inuktut uqauhinganik ilihapkainiq. Ilinniaqtuliriyiitkut akhuuqhutik piyut naunairiami uqaqatigiikninnga qanuqtut ihumagiyanginnik ilaliutihimayuq ihumaliuqtamiknik nutaanguqhimayunut Ilinniaqtuliriyiitkut Maliganganut. Nunavut Kavamatkut akhuuqtut iluittumik malruuknik uqauhilikmik ilihaidjutikhamik, ilihimayunga piliuqniaqtugut akhuuqtumik, akuniraalukmik tunngavikhaq angikliyuumiriami ihuarhigiamilu Inuktut nutaqqaptiknut in’nguttaptiknut atuqtakhaanik." ### Tuhaqtipkaidjutiuyut Uqaqatigilugu:

Kuthula Matshazi

Aulapkaiyiuyuq Maliganut Ihumaliurniqmullu

Ilinniaqtuliriyiitkut

(867) 975-5606

KMatshazi@gov.nu.ca  

 

Kangirhidjutikhaq

Maligakhamut 37ilitariyaa piqalluanginmat aktikkulaanganik iluittumik iliurariami Inuktut uqauhikhaa ilihapkainiqmut sikuulihaaqtunut Ilihaqtunut 12mi. Pinahuaqtaa piumayangit himmautingit piliuriami aktikkulaanganik, naunaiyaqtillugu talani aktikkulaanga ittuq, ilihaqtut pihimmaarniaqtut angiumik ilihapkainiq Inuktut.

Ilinniaqtuliriyiitkut ihumayut ikayuqtuq uqauhinga aadlatqiiktumik piyakhaq ilaliutihimayuq hapkuninnga:

  • Piliurluni nutaamik uqauhiniqmut uuktuutingit uqaqatigiluigit tigumiaqtuuqatauyunut;
  • Iniqtiqlugu iliuraqlugulu ihuarhaqhimayuq Inuit Havaamut Ihumaliuqtut ihumagilluaqtuq ilihainiqmut havaangit;
  • Ayuirhainiq piliurlunilu inuknut ikayuutikhangit aktikkulaanga ikayuriami Inuktut uqauhinganik ilihapkainiq sikuurvikni;
  • Iniqtiqluni iluittumik ihivriuqniq Nunavunmi Sikuuqtittingurumayut Ilihainiq Pinahuarut ukununnga Nunavunmi Ilihariaqpaallivingat ihumaliuffaariami ikayuriamilu pittaarninnga tunigiami Ilinniaqtuliriyiitkut maliktakhangit;
  • Piliurluni nutaaq ayuirhagakhanik naunaipkariami Inuktut ilihainiq sikuurvikni; unalu
  • Pihimmaaqluni piliuriami ilihapkainiq ayuirhainiqlu ikayuutikhanik ukunatitut Uqalimaariuqsaniq Inuktut Naunaipkaihmayuq Taiguarniqmut pinahuarut.

Hapkuat aadlangurninngit ihariagiyauyuq piliurninnga nunguttailiniqmut uqauhinga ilihapkainiqmut uuktuutinga pilluaqhimayuq, atuqtauyuq nakuuqpiamiklu ikayuutiniaqtaa Inuktut ilihapkainiq.