Havaktingit

You are here

Kavamatkut Kanatami uvalu Kavamatkut Nunavunmi atiliuqtut ilaunikkut angigutmik hapkununga ilihaliqtinagu ayuirhayuq unalu nutaqqiqinirmut.

Saptaipa 20, 2017

Tuhaqtidjutikhaq

Kavamatkut Kanatami uvalu Kavamatkut Nunavunmi atiliuqtut ilaunikkut angigutmik hapkununga ilihaliqtinagu ayuirhayuq unalu nutaqqiqinirmut.
Inighailiuqniq, ayunginnikkullu hivumuutit piyaghat uvalu tugaaqhimalutik Nunavunmi uquahiluangitigut

Apitilirvik 20, 2017 Iqaluit, Nunavut

Kavamatkut Kanatami angiyumik maniliqtuiyut haffumunga ilihaliqtinagu ayuirhayuq unalu nutaqqiqinirmut uvalu nutaqqiqiviit auladjutait ihuaqhiyuumigiangani inuuhiit Kanatami nutaqqat uvalu ilait. Ublumi, pidjutigiblugu Nanngagiyauyuq Jean-Yves Duclos, Minista, Nutaqqanun uvalu Inuuhiqattiaqnikkut Pivaliadjutit, Adam Vaughan, Maligaliuqvikyuami Titiraqtithe uvalu Nanngagiyauyuq Paul Aarulaaq Quassa, Minista Iliniaqtuliqiyiinun, tuhaqtitiyut pingahunik-ukiunik ilaunikkut angigutmik tamna tutqighiblugu inmi aghuugutigiyani uvalu ikayuqlugit aalangayut ilihaliqtinagu ayuirhayuq uvalu nutaqqanut munaqhidjutighanik ihagiagiyauyut Nunavunmi.

Una angigut tunihiyuq avatqumavyaktumik $7 militaalaa, avatqumayumun pingahut ukiut, hapkununga ilihaliqtinagu ayuirhayuq uvalu nutaqqanut munaqhidjutighanik maniliqtuiniq. Nunavut maniktautait tugaaqhimaniaqtut hapkununga ilihaliqtinagu ayuirhayuq uvalu nutaqqanut munaqhidjutighanik hulidjutinun uvalu kivgaqtuutighanun ikayuutighat angayuqaanun, ilagiit, uvalu nunallaat piyaangini nakuutqiamik hivunighainun hapkua nutaqqat uvani nunvunmi.

Una tuhaqtidjut malikhugu ingilgaat angigut, piliuqhimayuq uvani Imaruqtirvia 12, 2017 hapkunaga Kanatap-Aviktuqniini/Aviktuqhimayuni Ministat Munaqhiyuq hapkuninga Ilihaliqtinagu Ayuirhayuq uvalu Nutaqqanut Munaqhidjutighanik Tungavighaat. Tungavik pidjutiginiaqtaat tungavighaa kavamatkut havagiangini mighaanun ilauqatigiiknikkut hivituyumik-aktilaanga tautuktumiyaaqtitik humi nutaqqat tamaini Kanatami atugiangini quvianaqtuq avatingmingni nakuuyumik ilihaliqtinagu ayuirhayuq uvalu nutaqqanut munaqhidjutighanik. Tungaviup hivunighaliugutait ilauyut angiliyuumiqlugit qanuginiit, piyaaqnigit, akiliguminaqtut, atuguminaqtumik, uvalu ilauqatigiikniqmik hapkununga ilihaliqtinagu ayuirhayuq uvalu nutaqqanut munaqhidjutighanik, ihumagilugit ilagiit tahapkua ihagiahuktut nutaqiqiniqmik.

Ilauqatigiiknikkut angigut aala abluqniq ikayuutighaq piyaangini Nunavunmi nutaqqat piyaangini nakuutqiamik aulagutmik inuuhiqmingni uvalu ikayuqtauyuq hivituyumik-pidjutiqaqtuq Kavamatkut Kanatami maniliqtuqtaat uvani ilihaliqtinagu ayuirhayuq uvalu nutaqqanut munaqhidjutighanik tuhaqtitiyut Maniliqtuiniqmik 2016 uvalu 2017mi, attautimut $7.5 biliataala avatqumayumik laivanik ukiunik.

Uqaqtauhimayut

"Pivaliadjutit hapkununga ilihaliqtinagu ayuirhayuq uvalu nutaqqanut munaqhidjutighanik attauhiq nakuutqiaq maniliqtuqtauyuq kavamakput piliuqtaat hakugihiyuumigiangini Kanatami ilagiit, inuqangnigit uvalu maniliuqniqmik. Haffumuuna angigutikkut atiliuqniq hapkualu Kavamatkut Nunavunmi, uvagut nakuutqiamik ikayugiangini angayuqaat, ilagiit uvalu nunallaat aghuugutaini tunihinikkut nutaqamingnun nakuuyumik hivunighainik."
– Nanngagiyayuq Jean-Yves Duclos, Minisata Ilagiiknun, Nutaqqanun uvalu Inungnunlu Pivalliadjutihanun

"Nunavunmi Iliniaqtuliqiyit ukpigiyaat ihuaqtumik qanugilidjutinun pidjutiqaqtunun piyaaqniqmik Ilihaliqtinagu Ayuirhayuq uvalu Nutaqqanut Munaqhidjutighanik hulidjutinun uvalu kivgaqtuutit. Hapkua iligiiknikkut iliugaqtait tungavighait hapkununga kavamanun havagiagani mighaanun ilaqatigiiklutik hivituyumik-pidjutighat tautuktuumiyaaqtatik; humi tamaita inulgamiit Nunavunmi piqagiangini nakuutiqiamik aulagutighainik inuuhiqmingni, uvalu pidjutighait piyaangini inmi piumayatik."
– Nanngagiyayuq Paul Aarulaaq Quassa, Minista Ilininiaquliqiyiinun

Naunaitun Kangiqhidjutikhat

  • Kavamatuqatkunin Maniknik atugahanik 2016 uvalu 2017 tughiqtut manikhamik $7.5 biliataalamik avatqumayumik 11 ukiut, aulaliqluni uvani 2017-18, ikayuutighaq uvalu piliugiangini nakuutqiamik-qanuginianik, akiliguminaqtuq nutaqqiqivikkut tamaini nunami, hapkualuaq ilagiit ihagiahuluaqtut. Uumunanga manikmit
    • $95 miliataala mighaanun umiktiqlugit ayuqhautit nakuutqiamik kangiqhiyaami huna nutaqqiqinikkut tautuktauyuq uvani Kanatami uvalu munagilugit havauhiit;
    • $100 miliataala talvunga Ilihaliqtinagu Ayuirhayunun uvalu nutaqqiqiviknun nutaanguyunun; uvalu
    • ilanga pidjutiginiaqtaat hakugihiyuumiqlugu pitquhikkut ihuaqtumik ilihaliqtinagu ayuirhayunun nunaqaqaaqtunun nutaqqanun.
  • Kanatap kavamanga havaqatiginiaqtait attautit aviktuqniit uvalu nunavunmiun atuliqlugu una pingahunik-ukiunik ilauqatigiiknikkut angigutmik kiudjutigilugu ilihaliqtinagu ayuirhayunun uvalu nutaqqiqiviknik ihagiahukniq aalangayuq nunani uvalu manikhat nuutiqtauhimayut.
  • Haffumuuna ilauqatigiiknikkut angigut, Kavamatkutu Kanatami tunihiniaqtut aviktuqniinun uvalu nunavunmun $1.2 biliataalamik, avatqumayumik qaiyuni pingahut ukiut, haffumunga ilihaliqtinagu ayuirhayunun uvalu nutaqqiqivikkut hulidjutinun. Kavamatkut uniudjutiginiaqtaat ukiuni qanuginiitigut pidjutauyumun tungavikmun uvalu ilauqatigiiknikkut angigutikkut.
  • Iliniaqtuliqiyitkut havaktut pinghunik-ukiunik auladjutighaitigut upalungaiyautinik naunaiyaqhimayut hitamat kitut nutaaqtut maniliqtuqtaghat ihuaqtumik auladjutit maniliqtuqtaunikkut iliugaqtauhimayut Amigaitunun Tungaviknun. Hamma:
    • Amigaiqyuumilgugu manikhainik tamaita laisiqaqtut nutaqqiqiviit igluqpait ikayuutighanik auladjutainun ihuaqhaidjutighainun akiinun uvalu pihimalugit uvaluuniin akigihyuumiqlugit angayuqaat akiliqtuqtait.
    • Havaklugit nutaqqiqivighanik nutaqqiqiviitunun uvalu angmaffaaqlugit umiktauhimayut nutaqqiqiviit.
    • Nunavut-tammat ayuittiaqnikkut pivalliadjutighanik uvani ilihaliqtinagu ayuirhayunun uvlau maniliqinikkut naunaiyaiyaangat.
    • Hulilukaagutikkut ikayuutit uvalu ayuiqhainikkut pivalliayaangani atuqtaunginaqtut uqauhiq uvalu pitquhikkut-pihimayunik ilihaidjutighanik nutaqqiqivikni.

Ilauyut Qaritauyaliqidjutikhangit

Pingahunin angigiiqtauyuq kavamanin Ilihaqtinagu Ayuirhaqtuq uvalu Nutaqqivikkut Tungavik

- 30 -

Apighuutikkut, uqaqvigilugu:

Émilie Gauduchon-Campbell
Tuhaadjutinun Titiraqti
Havakvia Nanngaiaiyuq Jean-Yves Duclos, P.C., M.P.
Minista Ilagiiknun, Nutaqqanun uvalu Inungnunlu Pivalliadjutihanun
819-654-5546

Jean Philippe Laprise
Tuhaqtitauyukhanik Atanguyaq
Ilinniaqtuliqiyikkut
Nunavut Kavamanga
867-975-5649

Kangiqhitiagumaguvin hivayaqlugu:

Tuhaqtipkaidjutimut Katimayiingit Havakvia
Havaamitigut Inungnullu Pivallianiq Kaanatami
819-994-5559
media@hrsdc-rhdcc.gc.ca

Maliktula uvani Twittakkut!

 

Kangikhidjutaa

KANATA-NUNAVUNMI ILIHAQTINAGU AYUIQHAQTUQ UVALU NUTAQQAT MUNAQHIDJUTIKKUT ANGIGUT

Uvani Imaruqtirvia 12, 2017 hapkunaga Kanatap-Aviktuqniini/Aviktuqhimayuni Ministat Munaqhiyuq hapkuninga Ilihaliqtinagu Ayuirhayuq uvalu Nutaqqanut Munaqhidjutighanik Tungavighaat. Una anginighaq quviahuut kitut kavamat angigutigiyaat havaqatigiiklutik uqautigilugu ilait atuluaqtughat ilihaqtinagu ayuiqhautit ayuqhautit uvalu nutaqqiqinikkut ayuqhautit tamaini kanatami.

Kavamatkut havakniaqtut mighaanun piyaamingnik hivituyumik-aktilaanga tautuktumiyaaqtatik tungavighaq humi nutaqqat tamaini Kanatami atugiangini quvianaqtuq avatingmingni nakuuyumik ilihaliqtinagu ayuirhayuq uvalu nutaqqanut munaqhidjutighanik. Uqagiiktut angiliyuumialugu qanuginiit, piyaaqnigit, akiliguminaqtut, atuguminaqtumik, uvalu ilauqatigiikniqmik hapkununga ilihaliqtinagu ayuirhayuq uvalu nutaqqanut munaqhidjutighanik, ihumagilugit ilagiit tahapkua ihagiahuktut nutaqiqiniqmik.

Atuliqtauniq hamna tungavik, uvalu ilikuuqtuq Nunaqaqaaqtut Ilihaqtinagu Ayuiqhayuq uvalu nutaqqat Munaqhidjutighainik Tungavik havaqatigilugit Nunaqaqaaqtut inuit, ikayuqtauyuq kanatami maniliqtuinikkut tuhaqtitauyuq uvani Manikhatigut 2016 uvalu 2017, attautimut $7.5 biliataala avatqumayumik laivanik ukiunik. Haffumuuna ilauqatigiiknikkut angigutit, Kavamatkut Kanatami tunihiniaqtut aviktuqniinun uvalu aviktuqhimayunun imaa $1.2 biliataala avaqumayuq pingahut ukiut, tapkua naunaitut aalangayuq ilihaqtinagu ayuiqhayuq uvalu nutaqqat munaqhidjutikkut ihagiagiyauyut uqautauniaqtut uvalu manikhaqvighaq nuutiqtauhimayuq attautinun nunanun.

Kavamatkut Kanatami uvalu Nunavunmi atiliuqtut haffumunga ilihaqtinagu ayuiqhaqtuq ilauqatigiiknikkut angigutmik. . Haffumuuna ilauqatigiiknikkut angigut, Kavamatkut Nunavunmi tuniyauniaqtut avaqumayumik $7 miliataalamik , avatqumayuq pingahut ukiut,maniliqtuutikhanik ukununga auladjutighatigut uvalu ihuaqhaidjutighat manik, piliugutighaq nutaqqiqiviit inighainik nutaqqiqiviqangitunun nunallaanun, ilihaiyuumigutighanik uvalu ayuittiaqnikku pivalliadjutighanik piyaghanik haffumunga ilihaqtinagu ayuiqhaqtuq uvalu nutaqqanut munagidjutighat havaktughanik uvalu ilihaidjutighanik uvalu hulilukaagutighatigut tamayanik tamaini Nunavunmi uqauhiluangini.

Nungutpat pingahut-ukiut angigut, una maniliqtuiniq piniaqtut:

  • piyaangini hapkua ilihaqinagu ayuiqhaqtuq uvalu nutaqqiqivikkut hulilukaagutit anginighaqmik qanuginiqaqtut;
  • ikyuqhugit ilihaqnikkut uvalu ayuittiaqnikkut pivalliadjutit haffumunga ilihaqtinagu ayuiqhaqtuq uvalu nutaqqiqinikkut havaktidjutit;
  • ikayuqtut ilihaidjutinik haffumunga ilihaqtinagu ayuiqhaqtuq uvalu nutaqqiqinikkut hulilukaagutinik tamaini nunallaani;
  • ilitugilugit uvalu ilitagilugit aghuugutit hapkununga ilihaqtinagu ayuiqhaqtuq uvalu nutaqqiqinikkut uvalu ilihaqtitiyut; uvalu
  • aghuuhalugit uvalu ikayuqlugu ilihaqtinagu ayuiqhaqtuq uvalu nutaqqiqinikkut pipkaidjutiyaangani uvalu ikayuqlugitlu atuliqluaqlugu Inuktut.