Havaktingit

You are here

Angmaktinnatik upalunggaiyaqtut niuviyuqtunut atiliuqtukhat Iqalungni uuktuutigiyauyumut Iqalungni bianut wainnutlu situaqhaannik

Julai 14, 2017

Inungnut Tuhaqtitaurarhaq

Angmaktinnatik upalunggaiyaqtut niuviyuqtunut atiliuqtukhat Iqalungni uuktuutigiyauyumut Iqalungni bianut wainnutlu situaqhaannik

Nunavut Kavamanga (GN) uuktuutigiumaplutik bianut wainnutlu situaqhaanik Iqalungni auyaq nun’ngutinnagu.

Atiliuqtukhauyutin niuviyukkuvit niuviriami siutamit. Ihuaqutikhamik, Nunavut Imialurnik Katimayiita (NULCA mik taivagaat) piliuquyut niuvikyuktunut ihuaqhailugitluunniit atiliuqtakhamavikhainnik situa angmaktinnani.

Atiliuriami niuviyuktunut havaaqhalluaqanggittuq:

  • Qaritauyakkut uuktuutikhamik pilutin talvanga Maniliqiiyitkut qaritauyakkuugutaanni uumani website pilutinluunniit Iqalungni anggiqtauhimadjutiqaqvikhamik havakviani talvani Parnaivik Igluqpaani (nampa 924).
  • Takudjutiqaqtukhauyutin ukiuqariaqharniq 19 nik kavamanit pihimayumik INMI NAUNAITKUTIGIYARNIQ piqaqtumik piksat annivitlu ubluit, akhaluuhiliqinirmunlu laisiutaannik, Nunavut NAUNAITKUTIGIYAINNIK, tingmidjutivikharnutluunniit ahinut nunaqyuami. Ilaliutilugu uuktuutirnut, takupkaqtitaqluguluunniit havaktumut NULCA kunni.
  • Tuyuqlugu uuktuutit qaritauyakkut hamunga nlcliquororders@gov.nu.ca aggitiluguluunnit Iqaluit anggiqtauhimadjutiqaqvikhamik havakvianut.

Naunaittiagumaguvit, hivayaqlugit NULC kut uumani 867-645-8475 qaritauyaqvigilugitluunniit uumani nlcliquororders@gov.nu.ca.

###

Tuhaqtipkainnikkut Takulugu:
Denise Grandmaison
Atan’nguyaq, Tuhaqtipkainikkut
Maniliqiiyitkut
867-975-6818
FinanceComs@gov.nu.ca