Havaktingit

You are here

Piyumayut ilauyukhanik uumani Nunavut Taangakkut Laisikhaitigut Katimayiinnun

mii 29, 2017

Inungnun Tuhaqtitauyukhaq

Piyumayut ilauyukhanik uumani Nunavut Taangakkut Laisikhaitigut Katimayiinnun

Ministaat Kiinauyaliqiyitkut qinirhiayuq ilauyukhanik uvani Nunavunmi Taangatigut Laisikhaitigut Katimayiinnun (NLLB).

Nunavunmi Taangatigut Laisikhaitigut Katimayiit anginiqaqtumik havaaqaqtut Nunavutip taangatigut aulapkaitjutainni taimaatut tuninikkut taangani laisikhanik hulinikkullu pipkainikkut laisiqaqtut havakpaktut malikhugut Taangatigut Maligaq. Katimayiit kiuvaktut tunivaktullu uqautjutinik ministamun kiinauyaliqitkunni ihumagiyauyuni maligaghakkut, maligani aulapkaitjutinilu nakuuyuni niuvvaanirni, aullaqtipkainirni imirnirnilu taangani.

Katimayiit pivaktut hitamanik, malruunguyunin pingahunun upluqaqtunik miitirnirnik ukiuq tamaat. Turaangahimayunik ayuirharhimanirnik qauyihimanirnikluunniit ilihimayariaqangittuq; katimayiit akiliqtauniaqtut katimatjutimiknun.

Aallanik ilitturipkaitjutikhanik, uqaqatigilugu Annie Joannie uvani nllb@gov.nu.ca hivayautikkulluunniit uvani 975-5803. Piyumaguvit, tuyutjavutit naittumik titiraqhimayaqnik, havaakhaqhiurutikniklu atiinniklu pingahunik naunaitkutiknik, kayumiktukkut uvani 867-975-5805 qaritauyakkulluunniit titiqqitjutikkut uvani nllb@gov.nu.ca. Umikvikhaa tuyuqnikkut una June 30, 2017.

###

Tuhaumapkainikkut Uqaqatigivikhaq:

Denise Grandmaison
Atannguyaq, Tuhaumapkainikkut
Kiinauyaliqinikkut Havakvia
867-975-6818
dgrandmaison@gov.nu.ca