Havaktingit

You are here

Ahiguqtiqtauyuq hamna Qiqiktaalukmi Itiqtauvia

Saptaipa 28, 2017

Titirarhimayuq

Ahiguqtiqtauyuq hamna Qiqiktaalukmi Itiqtauvia

William MacKay, Tugliq Minista Maligaliqiyiitnun ublumi tuhaqtitiyuq hapkuninga titiraqhimayunik:

“Angiyumik ahiguqtiqtauyut iluani Qiqiktaalukmi Itiqtauviani (BCC) hitamanin itqtauhimayunin unuami uvani Apitilirvia 25, 2017, ahiguqtiqauyut 85 pusat igluqpaup akullirnik nayuqtauyughak igliit nayugait uvalu 33 pusat angiyut iglit nayugaini.

Angiyumik ihuaqhaqtauyut igluqpakmun uvlau nutaanguqtiqniit iniqtauliqtut taimaali taimailiuffaaqnaitumik.

Havatut itiqtauviup Havakviani ihuaqhaiyut munagidjutikkut upalungaiyautinik pidjutiqaqhutik piliihimanun uqautigilugu qanugiuliugut. Una ilauyuq iligiikhutik aalanun nunaqaqtunun uvani naittunik-hivituniqaqtut. Uvanga Apitilirviani 25, 2017, BCC piqaqtut 55nik itiqtauhimayunik, 20 kitut itiqtaupkaqtauyut uvalu 35 kitut tadja tiguhimayauyut.

Hitamat itiqtauhimayut ahiguqtigiyut itiqtauvikmiiniaqtut piliihimat itiqtauvianiiniaqtut Iqalungni nalvaaqhikpata itiqtauvighainik. Havaktut hamani BCCmi, Makigiarvik, Kangiqliniqmi Mamitiiviik, Kugluktumi Ilavut Mamitiivik, uvalu Uttaqiviklu havaqatigiiliqtut piyaangini ihuaqtumik nuutigutighanik tamaini nunavunmi.

Havakhimaaqtut idjuhighaanik Qiqiktaani Itiqtauvia Mamitiivianun, kitut himautighaanik atuqtuyumun igluqpak. Nutaaq igluqpak pidjutiqaqniaqtuq aulahimaaqtuq munagidjutikkut ayuqhautit, tunihilutiklu mamihaininnganut ilihaidjutit.

Tahapkunuuna Maligaliqiyiiunun, ilitugipkagumayatka inuit Iqalungni piqangituq qayangnautmik inungnun haffumuuna hullaqtuikkut. Havakvikput aulahimaaqtut havaklutik aghut piyaangini itiqtauvik qayangnaqhilugu uvalu munagittiagutighanik hapkua itiqtuhimayunun havaktut uvalu itiqtauhimayut."

###

Tuhaqtidjutikhanut Uqaqvikhaq:

Riita Strickland
Maligakhanut Uqaudjiyi
Maligaliqiyikkut
(867) 975-6071
RStrickland@gov.nu.ca