Havaktingit

You are here

Iqalungni qinikhiayut ilauyukhanik Apikhuiyit Katimayiitani

Aktuupa 02, 2017

Inungnut Tuhaqtitaurarhaq

Iqalungni qinikhiayut ilauyukhanik Apikhuiyit Katimayiitani


Iqalungni Alluriarvik Apikhuiyit Katimayiita qinikhialiqtut hitamanik nunallaamin ilauyukhanik – malruungnik inirnikhaaplutik malruungniklu inirniitnik.

Apikhuiyit katimayiit Nunavunmi atuqpaktut nunallaami atuqpaktainnik atuqlugit ikayuutikhainnik ayukhaqtitauyut havaqatigiplugit ayukhaqtittiutlu ihuinaaqhutiklu.

Uuktuqtut piqaqtukhat qauyimalutik havakpakhimaplutiklu ihuaqhaffaaqhimayukhani apikhuiviliqidjutikkut, havakpakhunilu inungni ihumaaluutigiyainnik. Qauyimayukhatlu Inuit ilitquhiitnik, ikayumahainnaqtukhatlu ayukhaqtitauyut ayukhaqtittiuyunutlu.

Ilihaivikhat ihumagiplugit ilauyut’ havaakhait munariyakhaitlu pidjutiniaqtait. Katimayiimi ilauyut kivraqtuiniaqtut, katimagaigumiklu manikhaqtarniaqtut.

Pidjutinialirmatta niruangnikkut Aktuupa 30 mi, nutaanik ilauyukhanik piniaqtut nutaangngukkata kavamatkugiik.

Ilauyumaguvit, tuniinnariaqaqtat havakpaktarnik titiraa ihuinaariaqharniklu titiqqamik uumunga Ineak Ipeelie, Iqalungni Nunallaani Apikhuiyit Havaktinga, qaritauyaqvigilugulu uumani iipeelie@gov.nu.ca hivayaqluguluunniit 867-975-6362 naunaittiagumaguvit aadlanik. Kigliqhaa tunihiyaami Nuuvaippa 10, 2017 nguyuq.

###

Tuhaqtittinikkut takuinnarialik:
Riita Strickland
Atugakhanu Uqaudjauyilluaq
Maligaliqiiyitkunni
867-975-6071 rstrickland@gov.nu.ca