Havaktingit

You are here

Syphilis-mik taivagaat Hiamitiqpiaktuq Nunavunmi

Syphilis-mik taivagaat Hiamitiqpiaktuq Nunavunmi: 2013 Naittut Kangiqhidjutit

Syphilis-mik qayangnaqpiaqtuq aannirut hiamitpaktuq nuliaqtaupluni. Uvanga 2007-mit 2011-mut, imatut ikittunik 0-mit 4-mut Syphilis-mik aanniaruniktut tuhaqtitauhimayut ukiungurangat.  Ukiungani 2012-mi, hiamitiqtut imatut 31-nik uniqtauhimayut aanniaqtunik qauyimaliqtun talvani ukiungani. Nunavunmi amigaitilangit ukiungani 2012 amigaitilangit hapkuat amigaitqiyanik 10 quliniktuqtaqtutut amigaitqiyauyuq Kanatami. 2013-mi, 59-nik amigaitqiyanik aanniaqtunik qauyimaliqtun tuhaqtitauhimayut Nunavunmi hiamittikmata.

Nukakhiit inulramiit aanniarutinikhimayut hiamittiqpiarmat. Ukiuqaqtunik syphilis-mik aanniaqtut ikikliyuumiyut uvanga 34-nik ukiulingnit 2012-mit 27-nik ukiulingnut 2013-mi.
Nappaanit aanniaqtut 2013-mi angutauyut (53%-nguyut), kihimik amigaitqiyauyut arnarutit aanniaqtut nukakhiuyunik ukiuqaqtut.
Syphilis-mik aanniaqtut tuhaqtitauyut atauhirmi nunami 2012-mi amigaikyumiyut tallimanut nunanut 2013-mi.

Munarittiaqlutit qayangnaittumik nuliarnikkut atuqtakhanik ihivriukhiqlutitlu aanniarutinigiakhangnik Nuliarnikkut Hiamitiqtaaqtut Aanniarutit (STIs) hiamitingitangani syphilis-mik.

Tikivyakhugu tamaita (96%-nguyumik) aanniaqtut 2013-mi tuhaqtitauhimayut nuliaqhiqhimayut uhungmut pungittumik.
74% -nguyut aanniaqtut tuhaqtitauhimayut tangaqtukhutik higaqluktukhutiklu, munarittiarnainmata imingaplutik nuliaqtauyarangat qayanganaitqiyak nulliarnirmut.
71% tuhaqtitauhimayut aktuqtauhimayut allamik Nuliarnikkut Hiamitiqtaaqtut Aanniarutit (STIs) aippanganimit.

Ihivriuqtauluhi syphilis-mik allaniklu Nuliarnikkut Hiamitiqtaaqtut Aanniarutit (STIs) ikayutauyuq inungnut havautituqtitauliriarni qilamivyaq. Naunaikhiyumagupfi uvuuna syphilis-mik aanniaqtailidjutikhanik, takulugu www.irespectmyself.ca, apirilugu Nunallaani Aanniarvingmi Inungnut Ikayuqtiuyut, uvaluunniit munakhiliaqlutit aanniarvingmutluunniit.