Havaktingit

You are here

Nunavunmi Quviahuutigiyaat Ikittiarhimalugu Inuuhik Ublua

Saptaipa 07, 2017

Inungnun Tuhaqtitauyughaq

Nunavunmi Quviahuutigiyaat Ikittiarhimalugu Inuuhik Ublua

Uvani Ikittiarhimalugu Inuuhik Ublua, Havakvia Aaniaqtailigiyiit aghuuqhayait Nunavunmiun pilutik quviahuutigilugu aaniaqnaitumik hulidjutit ikayuutauyut ihummakkut aaniaqnaitumik uvalu inuuhiqatiaqnaqtumik.

Atuqhimaaqlugu inmi-munaginiq uvalu ihuaqtumik atuqniit ayuittiaqhimayatik aghuuqnaqtuq uvagut ubluq inuuhiptingni. Aaniaqnaitumik hulilukaagutit ilauyut huliqatigilugit ilatit ilanatitlu, quviahuklutik nunami, ilaqatigiiklutik pitquhikkut hulidjutinik imatun mighuqnikkut,anguniaqnikkut, hunaliuqlutikluuniin, nigilutik aaniaqnaitunik niqinik, uvalu ilauqatigiiklutik nunallaanun.. Aliahuluqaaqhimmaaqhutik nunaptingni ikayuutigiyaqqaut hakugihiyuumigiangani ihumakput aaniaqnaitumik uvalu inuuhiqatitaqnaqtumik.

Inuusittiaringniq tuhaadjutit kitut naunaiyaiyut nunallaat aaniaqnaitumik uvalu ihummakkut ihuhiqqattiaqnaqtumik hulidjutit. Piumaguvin uuminga tuhaadjutmik, uvaluuniin unipkaamik tunihiyumaguvin mighaagun nunallaap hulidjutaanik, qagitauyakkuuqtitilutit embracelife@inuusiq.com.

Ilihimalutin, avaliingitutit. Ilvit kinaluuniin ilihimagungni nakuuluaguiqtuq ingumabluni uvaluuniin ihumaaluutikkut, ikayuqvighaqaqtuq. Ihaaklutit ukpigiyangnun ilanangnun, ilihaiyimun, uqaudjimun uvaluuniin iningniqnun ikayuqtighangnik. Pulaaqlugit munaqhitkut uqaqvigiluguihumamikkut aanniaqtailinikkut havakti.

Hiamitiqnaitumik ikayuqtighangnik, Kamatsiaqtut ikayuqtitt ikayuqtit 24nik ikangninik uvani 867-979-3333 uvaluuniin akiituq 1-800-265-3333. Pulaaqlugulu Isaksimagit Inuusirmi Kataujjiqatigiit Ikittiarhimalugu Inuuhik Katimayiit qagitauyaliqivia (www.inuusiq.com) kangiqhitiagumaguvin uvalu ikayuqtauyumaguvin, uvaluuniin hivayaqlugu akiituq hivayaqvighaq uvani 1-866-804-2782.

Ilvit aalanluuniin ilihimayat ayuqhaliqtuq, hivayaqlugit piliihimat, uvaluuniin nunangni munaqhitkut uvaluuniin aaniaqvikmun qilamik.

###

Tuhaqtidjutikhanut Uqaqvikhaq:

Ron Wassink
Tuhaqtipkainirmut Ayuittiaqhimayuq
Timinga Aaniaqtuliqiyikkut
867-975-5710
rwassink@gov.nu.ca