Havaktingit

You are here

Nunallaani Pivalliadjutikhangit

Nunallaani Pivalliadjutikhangit

Nunallaani Pivalliadjutikhangit atuqquyiyut inmikkut pidjutikhainik uuktuutitikhanut pivalliadjutikhainik nunallaani aullapkaidjutikhainik inmikkurutikhanik.

Hamlatkut Manikharvikhanik Pinahuarutit:

Aittuutit tuniyauyut tamainnut taaksiyaungittuq pihimayumut haamlangat kuapuriisingit ikayuriami akiingit tunigiami haamlangat pinahuarutingit ikayuutikhangitlu ilauyut tahapkuanginnaungitunut:

  • kavamaliqinirmut ikayuutingit;
  • havaangit;
  • aanniqtailinirmut;
  • ingilradjutikhanik hakhaluutit;
  • igluqpautainik ihuaqhainikkut;
  • aulapkaidjutingit;
  • ulapqipkaivikhainik;
  • nunanganut munarinikkut;
  • nunallaat ihumaliurnirmut munarinikutlu;
  • ulapkipkaidjutinik

Aadjikutaliurhimanirmut manikharvikhaq iliuraiyut taaksiyautinut pihimayumut haamlangat kuapuriisingit ikayuriamikni munarigiami nakuuyumik pitjutikhangit aulapkaidjutimut maniliurutikhat. Nunallaani Pivalliadjutikhangit munakhiyukhat aulapkaidjutikhanik munakhidjutikhaniklu tamainik maniqarvikhat tuniyauhimayut hamaltkunut atani pinahuarutit.

Nunallaani Pivalliadjutikhangit Maniit: 

Ikayuutit nunallaani munariyanginik hulipkaidjutikhanik amigaikyumiyangini pidjutikhainik inmikkut ihumaliurutikhaniklu angitqiyaniklu pidjutikhanik nunamingni hivuniptingni. Maniliqutinut ikayuutikhanik Nunallaani Pivalliadjutikhangit uuktuutikhat, nunallaat uuktuuquyauyut nunamingni hakugiutikhanik ihuakhaidjutikhaniklu ayukhautinut Nunallaani Pivalliadjutikhangit. Imatut aktigiyumik $10,000 aittuutikhat tuniyauvaktut ikayuutikhanik pivalliadjutikhanut atuqtakhanik hamlatkut inmikkut nakuuhidjutikhanik ikayuutikhaniklu pivalliadjutikhamingnut nunallaani munakhinikkutlu ayuikhautikhaniklu.

Maniit  tuniyauhimayut akilikhihimaittumik Taaksiyautinik:

Maniit  tuniyauhimayut akilikhihimaittumik Taaksiyautinik akiliqtaullayut nunanut, nunaqaqtunut, nunallanut hamlatkunutlu ikayuutikhanik hamlatkut pivikhaqautikhanut tuniyauvaktut Kavamanga Nunavut  igluqpainut, nunagiyainut, nunanut, nunallanutlu hamlatkut akiliqtitilimaittut taaksinut angitqiyamik atannguyauyunut. Nunagiyauyut igluqpaqarviit nanminiriyauyunik GN-kunit naunaiyaqtauvaktut ikayuutikhanik talvuuna Maniit Tuniyauhimayut Akilikhihimaittumik Taaksiyautinik Pinahuaruti ihuaqtunik ikayuutikhanik hamlatkut pivikhaqautikhainik tuniyauyut igluqpautainut hamlatkut kuapuriisingit.

Hamlatkut Ilihaqpaliknikkut Timigiyaat(MTO): 

Nunallaani Pivalliadjutikhangit, paanariplugit Nunavunmi Katudjiqatigiit Hamlatkuni Atnaguyauyunut (NAMA), munakhivaktut naunaiyaiplutik, pivalliadjutikhaniklu, atuliqtitinikkutlu pinahuarutikhanik hamlatkut havaktiinik ayuikhautikhainik kangikhimayakhainiklu ikayuutauyukhanik ayuikyuumigumik hamlatkut pinahuarutikhanik pivikhaqautikhaniklu tamainut avikturniani talvuuna  Hamlatkut Ilihaqpaliknikkut Timigiyaat.

Naunaikhittiarumaguvit ilayunik tatqiqhiutainik hulilukaavikhanik, ayuikhautikhaniklu, takulugu una qaritauyakkurvik MTO Website.

Imiqtautikkut Qallurautitigutlu Pivikhaqautit Ikayuutikhanik Pinahuaruti:

Nunallaani Pivalliadjutikhangit munakhiyut tunihivaklhutik manikhanik imiqtatikkut qallurautitigutlu pivikhaqautinik akikhilakhugit akiliktakhainut imiktautit qallurautitlu atuqtauyunut nunaryuani, nunani, nunallaani, hamlatkunillu. Akikhilarutikhainut akiliktauvaktut imiktautit qallurautitlu tuniyauvaktut nunaryuanut, nunanut, nunallaanut, hamlatkunullu agyaktunut imiqtaqtiuyut qalluraqtiuyunutlu havaktiqaqtunut igluqpaqaqtunut nunamingni. Nunallaani Pivalliadjutikhangit munakhiyukhat munarilugitlu tamaita tuniyauvaktut umanga pinahuarutimit.

Nunalingni Kavamatkunnilu Pivikhaqautikkut
Titiraqarvia  1000, Station 700, 4th Floor, W.G. Brown Building, Iqaluit, Nunavut
Hivayauta: (867) 975-5400
Kayumiktukkut: (867) 975-5305