Havaktingit

You are here

Ikualaaqtailinikkut Havainiq 2017

Aktuupa 05, 2017

 

Inungnun Tuhaqtitauyukhaq

Ikualaaqtailinikkut Havainiq 2017


Ikualaaqtailinikkut Havainiq piniaqtuq October 8min 14mun, 2017. Uvani ukiup qanuriliurutikhaa una “Tamaita Qayumiktup Kaivvirutait Aturutiqaqtut: Upalungaiqhimalugik Malguuk (2) Anivikhak”

Tamaita ikualaaqtailinikkut qayaginikkut havaktiit aullaqtirutiqaqtut qaptiriyinin – kihimi pilimaittut avaliittumik. Nakuuyut ikualaaqtailinikkut qayagitjutit pitjutiqaqtut havaqatigiiknirnik. Ikualaaqtuliqiyiup Havakvia itqaumaquyait Nunavunmiut hapkuninga aihimavikmi ikualaarnikkut aanniqtailitjutinik:

  • Nunauyaliuqlugu igluqpait, naunaiyaqlugit tamaita ukkuat igalaallu.
  • Upaklugit tamaita igluat, nanilutillu malruuknik anivikhanik.
  • Tamaita igalaat ukkuallu ukkuiqtaaqtukhauyut ayurnaittumik. Aturuminaqtukhauyut anitjutikhatit.
  • Piqaqtukhauyuq iglut puyukkut ququurutinik, naqillugulu naqitautaa tamainni ququurutini ququuqtaariaghainni.
  • Naunaiyaqlutit katitiqvikhamik hilami, hivunngani iglukpit. Upalungaiyaqhimaluhi katitiqluhi tahamani.
  • Pipkaqtukhauyutit igluqpat igluqpaupluunniit nampaat takunnaqtuq apqutimin.
  • Uqautigilugu hivunikhaliurutiknik tamainnun inungnun iglungni.
  • Ilihimalugu amigarutikkut hivayautaa qaptiriyitkunni.
  • Ayuirhautigilugu iglungni ikualaaqtuqaqqat qanuriliurutikhaq!


Ilihaqtuq ilihalihaaliqtunin puqtuyununlu 9mun ilauquyauyut ukiuq tamaat Ikualaaqtailinikkut Havainirmi kalanikkut, piksaliurnikkut titirauyaqluni unipkaakkullu akittaqutimi. Uqaqatigilugu iliharviit ilitturipkaitjutikhanik qanuqtut uukturiami.

Upalungaiqhimaniq annautittaaqtaatit. Uvani Ikualaaqtailinikkut Havainirmi, uqaqatigilugit ilatit nutaqqatillu ikualaaqtailinikkut aihimavikni nunallaarnilu.

###

Tuhaqtipkainikkut Uqaqatigivikhaq:
Kris Mullaly
Atugakhanut Naunaiuyaiyi/Tuhagakhaliriyi
Nunalingni Kavamatkunnilu Pivikhaqautikkut Havakvia
867-975-5342
kmullaly@gov.nu.ca