ᐅᖃᓚᐅᑎᓯᐅᑏᑦ

You are here

ᐊᐃᑦᑐᐃᔾᔪᑕᐅᓲᑦ ᐋᓐᓂᐊᑦ

ᐊᐃᑦᑐᐃᒍᑕᐅᕙᒃᑐᑦ ᐋᓐᓂᐊᑦ ᐋᓐᓂᐊᖑᔪᑦ ᐱᒋᐊᕐᕕᖃᓲᖑᓪᓗᑎᑦ ᖁᐱᕐᕈᐊᕐᔪᖕᓂᑦ ᒪᒥᓴᕋᑦᓴᐅᔪᓂᑦ, ᖁᐱᕐᕈᐊᕐᔪᖕᓂᑦ ᒪᒥᓴᕋᑦᓴᐅᙱᑦᑐᓂᑦ ᐅᕝᕙᓘᓐᓃᑦ ᐊᓯᖏᓐᓂ ᐆᒪᔪᕋᓛᓂᑦ ᓯᐊᒻᒪᒃᐸᓪᓕᐊᔪᓐᓇᖅᑐᑦ ᐃᓄᖕᒥᑦ ᐃᓄᖕᒧᑦ ᐅᕝᕙᓘᓐᓃᑦ ᓂᕐᔪᑎᓂᑦ ᐃᓄᖕᓄᑦ ᐊᒃᑐᐊᓂᒃᑯᑦ ᐅᕝᕙᓘᓐᓃᑦ ᓂᕿᒃᑯᑦ, ᐃᒥᒃᑯᑦ ᐊᓂᕐᓂᒃᑯᓪᓘᓐᓃᑦ. ᓄᕙᒡᔪᐊᕐᓇᖅ, ᐳᕙᒡᓗᖕᓇᖅ, ᓯᕕᓕᔅ ᓄᓕᐊᕐᓂᒃᑯᑦ ᖁᐱᕐᕆᔾᔪᑕᐅᓲᖅ ᐆᒃᑑᑎᐅᔪᑦ ᐊᐃᑦᑐᐃᒍᑕᐅᕙᒃᑐᓂᑦ ᐋᓐᓂᐊᓂᑦ.

ᐊᕙᑎᒧᑦ ᐋᓐᓂᐊᖅᑐᓕᕆᔩᑦ ᐃᖅᑲᓇᐃᔭᓲᖑᒻᒪᑕ ᐊᑦᑕᕐᓇᙱᑦᑐᒥᑦ ᓂᕿᖃᕐᓂᕐᒧᑦ ᐊᒻᒪ ᐃᒥᕐᒥᑦ ᓴᐳᔾᔨᓂᕐᒧᑦ ᐃᓄᖕᓂᑦ ᐋᓐᓂᐊᓕᓚᐅᙱᓐᓂᖏᓐᓂ. ᑭᒃᑯᑐᐃᓐᓇᕐᓄᑦ ᐋᓐᓂᐊᖅᑐᓕᕆᔩᑦ ᐃᖅᑲᓇᐃᔭᖅᑎᖏᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᖃᐅᔨᓇᓱᓲᖑᒻᒪᑕ ᐊᐃᑦᑐᐃᒍᑕᐅᔪᓐᓇᖅᑐᒥᑦ ᐋᓐᓂᐊᓕᓐᓂ, ᑕᐃᒃᑯᐊᓗ ᐃᓄᐃᑦ ᖃᓂᒋᔭᖓᓃᓚᐅᖅᑐᑦ, ᓴᐳᔾᔨᓂᕐᒥᑦ ᓯᐊᒻᒪᒃᐸᓪᓕᐊᓚᐅᙱᓐᓂᖓᓂ.

 

ᐃᓕᓐᓂ ᓴᐳᔾᔨᔪᓐᓇᖅᑐᑎᑦ ᐊᒻᒪ ᐃᓚᒋᔭᓐᓂ ᐊᐃᑦᑐᐃᒍᑕᐅᕙᒃᑐᓂᑦ ᐱᔭᕆᐊᑭᑦᑐᓂᑦ ᒪᓕᖃᑦᑕᕐᓗᑎᑦ ᓲᕐᓗ:

  • ᐅᔾᔨᖅᓱᑦᑎᐊᕐᓂᒃᑯᑦ ᐅᐊᓴᒐᔪᖃᑦᑕᕐᓗᒋᑦ ᐊᒡᒐᑎᑦ
  • ᖁᐃᖅᓱᖅᑕᐃᑦ ᒪᑐᓗᒍ
  • ᓂᕿᓂ ᐊᑦᑕᕐᓇᙱᑦᑐᒃᑯᑦ ᑲᒪᒋᔭᖃᕐᓗᑎᑦ
  • ᑲᐱᔭᐅᓂᑎᑦ ᐋᓐᓂᐊᕇᒃᑯᓯᕐᓄᑦ ᐅᓪᓗᒥᒨᖓᑎᑦᑎᐊᕐᓗᒋᑦ
  • ᖃᓂᒪᒍᕕᑦ ᐊᖏᕐᕋᖅᓯᒪᓗᑎᑦ
  • ᐊᑦᑕᕐᓇᙱᑦᑐᒃᑯᑦ ᓄᓕᐊᕐᓂᖃᑦᑕᕐᓗᑎᑦ

 

ᑲᓱᕝᕖᑦ ᐊᑖᓃᑦᑐᑦ ᒪᓕᓪᓗᒋᑦ ᐃᓕᓐᓂᐊᒃᑲᓐᓂᓂᕐᒧᑦ ᐊᐃᑦᑐᐃᒍᑕᐅᕙᒃᑐᓂᒃ ᐋᓐᓂᐊᓂᑦ:

  • ᐊᐃᑦᑐᐃᒍᑕᐅᕙᒃᑐᓂᒃ ᐋᓐᓂᐊᓄᑦ ᓱᓕᔪᑦ ᑎᑎᕋᖅᓯᒪᔪᑦ
  • ᐋᓐᓂᐊᕇᒃᑯᓯᕐᓄᑦ ᑲᐱᔭᐅᓂᕐᒧᑦ ᓱᓕᔪᑦ ᑎᑎᕋᖅᓯᒪᔪᑦ

 

ᑐᑭᓯᒋᐊᒃᑲᓐᓂᕈᑎᒃᓴᑦ ᐋᓐᓂᐊᖅᑐᓕᕆᔨᒻᒪᕆᖕᓄᑦ:

 

ᐋᓐᓂᐊᕇᒃᑯᓯᖅᑕᐅᓯᒪᓂᖅ

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᑦ ᑲᐴᑎᓂᑦ ᓄᓇᕘᓕᒫᒥᑦ ᓄᓇᓕᓐᓂ ᐋᓐᓂᐊᕕᐅᔪᓂᑦ ᐊᒻᒪ ᐅᖁᒪᐃᓐᓂᕐᓂᐊᕐᕕᓂᑦ. ᐋᓐᓂᐊᕇᒃᑯᓯᖅᑕᐅᓂᖅ ᓄᑕᕋᕐᓄᑦ, ᐃᓕᓐᓂᐊᓱᖓᙱᑦᑐᓄᑦ, ᐃᓕᓐᓂᐊᓕᖅᑐᓄᑦ ᐊᒻᒪ ᐃᓐᓇᕐᓄᑦ ᓴᐳᔾᔨᓲᑦ ᓄᓇᕗᒻᒥᐅᓂᑦ ᑲᐱᔭᐅᓂᒃᑯᑦ-ᐋᓐᓂᐊᖅᑖᕈᑕᐅᔪᓐᓇᙱᑦᑐᓂᑦ.

 

ᑲᓱᕝᕖᑦ ᐊᑖᓃᑦᑐᑦ ᒪᓕᓪᓗᒋᑦ ᐃᓕᓐᓂᐊᒃᑲᓐᓂᓂᕐᒧᑦ ᑲᐴᑎᐅᔪᓂᑦ ᓱᕈᓯᕐᓄᑦ, ᐃᓐᓇᕐᓄᑦ ᐊᒻᒪ ᐊᐅᓪᓚᓂᕐᒧᑦ:

  • ᓱᕈᓯᕐᓄᑦ ᐋᓐᓂᐊᕇᒃᑯᓯᖅᑕᐅᓯᒪᓂᖅ - ᑲᐴᑏᑦ ᓱᕈᓯᕐᓄᑦ
  • ᐃᓐᓇᕐᓄᑦ ᐋᓐᓂᐊᕇᒃᑯᓯᖅᑕᐅᓯᒪᓂᖅ - ᑲᐴᑏᑦ ᐃᓐᓇᕐᓄᑦ
  • ᐊᐅᓪᓚᖃᑦᑕᓂᕐᒧᑦ ᐋᓐᓂᐊᖅᑐᓕᕆᓂᖅ