ᐅᖃᓚᐅᑎᓯᐅᑏᑦ

You are here

ᑲᑎᑎᑕᐅᓂᕐᒧᑦ ᓇᓗᓇᐃᒃᑯᑕᖅ

ᓄᓇᕘᒥ ᑲᑎᑎᑕᐅᔪᒪᓐᓂᕈᕕᑦ, ᑲᑎᑎᑕᐅᔪᓐᓇᐅᑎᑖᕆᐊᖃᖅᑐᑎᑦ ᐅᕝᕙᓘᓐᓃᑦ ᑐᒃᓯᐊᕐᕕᒃᑯᑎᒍ ᑕᐃᔭᐅᒃᑲᖅᓯᒪᓗᒍ ᑲᑎᑎᑕᐅᒍᒪᓂᕆᔭᓯ.

ᑲᑎᑎᑕᐅᒍᓐᓇᐅᑏᑦ

ᑲᑎᑎᑕᐅᒍᓐᓇᐅᑎᑖᕈᓐᓇᖅᑐᑎᑦ ᑲᑎᑎᑕᐅᒍᓐᓇᐅᑎᑖᖅᑐᓕᕆᔨᒧᑦ.

ᑲᑎᑎᑕᐅᒍᓐᓇᐅᑎᓕᕆᔨᖃᐅᖅᑐᐃᓐᓇᑲᓴᐅᕗᑦ ᓄᓇᓕᓐᓂᓕᒫᑲᓴᓐᓂ ᓄᓇᕘᒥ.

ᐊᑎᖓᓂ ᖃᐅᔨᔪᒪᓐᓂᕈᕕᑦ ᑲᑎᑎᑕᐅᒍᓐᓇᐅᑎᓕᕆᔨᒥᑦ ᓄᓇᔅᓯᖕᓂ, ᐅᖄᓚᒋᑦ ᐊᑭᖃᙱᑦᑐᒧᑦ (800) 661-0833 ᐅᕝᕙᓘᓐᓃᑦ (867) 645-8017.

$25.00−ᕌᖅᑐᖅ ᑲᑎᑎᑕᐅᒍᓐᓇᐅᑎᑖᕐᓗᓂ.

 

ᑲᑎᑎᑕᐅᒍᓐᓇᐅᑎᑖᕐᓂᖅ

ᑲᑎᑎᑕᐅᒍᓐᓇᐅᑎᑖᕐᓗᓂ, ᐅᑯᓂᖓ ᑐᑭᓯᒋᐊᕈᑎᓂᑦ ᑐᓂᓯᒋᐊᖃᕋᔭᖅᑐᑎᑦ ᑲᑎᑎᑕᐅᒍᓐᓇᐅᑎᑖᖅᑎᑦᑎᔨᒧᑦ:

ᐃᓅᔪᖅᓯᐅᑎᖏᑦ ᑕᒪᒃᑮᓐᓄᒃ ᑲᑎᑎᑕᐅᓂᐊᖅᑑᓐᓄᒃ
ᐊᑎᓕᒫᖏᑦ ᑕᒪᒃᑮᑉ ᐊᖓᔪᖅᑳᖏᑕ (ᐊᓈᓇᖏᑕ ᐊᑎᕈᓯᖏᓪᓗ ᑲᑎᑎᑕᐅᓚᐅᖅᑎᓐᓇᒋᒃ)
ᐃᓅᕕᒥᓂᖏᑦ ᑕᒪᒃᑭᑦ ᐊᖓᔪᖅᑳᖏᑦ
ᑲᓇᑕᒧᑦ ᓄᓇᑖᕈᑏᑦ ᑎᑎᖅᑲᖏᑦ (ᑲᓇᑕᒧᑦ ᓄᑦᑎᖅᓯᒪᓂᑰᒍᑎᒃ)
ᐊᕕᑦᑐᒥᓂᐅᓂᖏᓐᓄᑦ ᑲᑎᑎᑕᐅᓯᒪᓚᐅᖅᓯᒪᒐᓗᐊᖅᑐᑎᒃ ᓇᓗᓇᐃᒃᑯᑕᖓ(ᖏᒃ) ᐅᕝᕙᓘᓐᓃᑦ ᐃᖅᑲᖅᑐᐃᕕᒻᒥ ᐃᖅᑲᖅᑐᐃᔨᑉ ᐃᓱᒪᓕᖓᒥᓂᖓᑕ ᓇᓗᓇᐃᒃᑯᑕᖓ(ᖏᒃ)−ᑖᓐᓇ ᐃᖅᑲᖅᑐᐃᔨᑉ ᐃᓱᒪᓕᐊᒥᓂᖓ ᐊᕕᑦᑐᒥᓂᐅᓂᕋᐃᔾᔪᑎ ᓇᓗᓇᐃᒃᑯᑕᕐᓘᓐᓃᑦ ᐱᔭᐅᔭᕆᐊᖃᕋᔭᖅᑐᖅ ᓇᓕᐊᑐᐃᓐᓇᖅ ᑲᑎᑎᑕᐅᓯᒪᓚᐅᖅᓯᒪᒍᓂ ᑲᑎᑎᑕᐅᓂᐅᓴᔪᖅ. ᖃᐅᔨᒪᒋᐊᕆᑦ: ᐊᓯᖏᓐᓂᒃ ᐊᕕᑦᑐᒥᓂᐅᔾᔪᑎᓂᒃ ᑎᑎᖅᑲᓂᒃ ᑐᓂᓯᒐᓱᐊᕋᓗᐊᕈᑎᒃ ᐱᔭᐅᔪᓐᓇᕋᔭᙱᑦᑐᑦ
ᐃᓅᒍᓐᓃᖅᓯᒪᔪᑦ ᓇᓗᓇᐃᒃᑯᑕᖓ(ᖏᒃ) (ᓇᓕᐊᑐᐃᓐᓇᖅ ᐊᐃᑉᐸᒥᓂᖓ ᐃᓅᒍᓐᓃᖅᑐᒥᓂᐅᓯᒪᓐᓂᕈᓂ)

 

ᑲᑎᑎᑕᐅᓯᒪᓂᕐᒧᑦ ᓇᓗᓇᐃᒃᑯᑕᑦ

ᑲᑎᑎᑕᐅᓯᒪᓂᕐᒧᑦ ᓇᓗᓇᐃᒃᑯᑕᖅ ᐱᔭᐅᔭᕆᐊᖃᓲᖑᕗᖅ ᐃᒪᐃᒍᓐᓇᖁᓪᓗᒋᑦ:

  • ᑲᑎᑎᑕᐅᓯᒪᓂᓯ ᐱᖁᔭᖅᑎᒍᑦ ᐃᓕᓴᕆᔭᐅᓯᒪᖁᓪᓗᒍ
  • ᖃᐅᔨᒪᓇᑦᑎᐊᖅᑎᑦᑎᒍᑕᐅᕗᖅ ᐱᔪᓐᓇᐅᑎᖏᑦ ᐊᐃᑉᐸᕆᔭᑉ ᕿᑐᕐᖓᕆᔭᓪᓗ ᒪᓕᑦᑕᐅᒐᓗᐊᕐᒪᖔᑕ
  • ᐱᓇᓱᐊᕐᓗᓂ ᑭᓱᑐᐃᓐᓇᕐᓄᑦ ᐃᑲᔫᓯᐊᕐᓄᑦ
  • ᕿᒪᒃᑲᑯᑦ ᑲᒪᒋᔭᐅᕇᖁᓪᓗᒋᑦ
  • ᐊᓯᔾᔨᖅᑕᐅᖁᓪᓗᒍ ᐊᑎᕈᓰᑦ ᐊᐃᑉᐸᖅᐱᑦ ᐊᑎᕈᓯᖓᓄᑦ ᐅᕝᕙᓘᓐᓃᑦ ᒪᕐᕉᓐᓂᒃ ᐊᑎᕈᓯᖅᑖᕋᓱᐊᕐᓗᓂ

ᑲᑎᑎᑕᐅᓯᒪᓂᕐᒧᑦ ᓇᓗᓇᐃᒃᑯᑕᖅᑖᕈᓐᓇᖅᑐᑎᑦ ᐃᒪᐃᑦᑑᒍᕕᑦ:

  • ᑎᑎᕋᖅᑕᐅᓯᒪᓗᓂᑦ ᑕᒪᐃᓐᓂ ᐃᓅᒃ ᑲᑎᑎᑕᐅᓂᕐᒧᑦ ᑎᑎᖅᑲᑎᒍᑦ

  • ᒪᓕᒐᑎᒍᑦ ᑭᒡᒐᖅᑐᐃᔨ ᓇᓕᐊᖕᓄᑐᐃᓐᓇᖅ ᐃᓄᖕᒧᑦ ᑲᑎᑎᑕᐅᓂᐊᖅᑐᒧᑦ

  • ᐊᖓᔪᖅᑳᕆᔭᐅᒍᕕᑦ ᒥᐊᓂᕆᔨᐅᒍᕕᑦ ᐅᕝᕙᓘᓐᓃᑦ ᓇᓕᐊᑐᐃᓐᓇᖅ ᐃᓄᒃ, ᑎᑎᕋᖅᓯᒪᔪᖅᑎᒍᑦ ᐱᔪᓐᓇᐅᑎᓕᒃ ᓇᓕᐊᓐᓄᑐᐃᓐᓇᖅ ᐊᕐᓇᒧᑦ ᐊᖑᑎᒧᓪᓘᓐᓃᑦ ᑲᑎᑎᑕᐅᓯᒪᔪᒧᑦ
  • ᐃᓄᒃ ᓇᓗᓇᐃᒃᑯᑕᖅᑖᕆᐊᓕᒃ ᐃᖅᑲᖅᑐᐃᕕᑎᒎᖁᓪᓗᒍ, ᑎᒍᐊᖅᑐᖃᕐᓂᐅᓴᒍᓂ, ᐅᕝᕙᓘᓐᓃᑦ ᕿᒪᒃᑲᑯᒋᔭᐅᔪᑦ ᐃᓱᒪᓕᐅᕈᑕᐅᖁᓪᓗᒋᑦ
  • ᑐᑦᑕᕐᕕᐅᔪᖅ, ᐅᕝᕙᓘᓐᓃ ᑭᓇᑐᐃᓐᓇ, ᑎᑎᖅᑲᑎᒍᑦ ᐊᔪᙱᑎᑕᐅᔪᖅ ᓇᓕᐊᖕᓂᑐᐃᓐᓇᖅ ᑲᑎᑎᑕᐅᓂᐊᖅᑐᒧᑦ
  • ᒐᕙᒪᒃᑯᓐᓄᑦ ᐱᓕᕆᕝᕕᖓᓂ ᐃᖅᑲᓇᐃᔭᕐᓗᑎᑦ ᐊᖏᖅᑕᐅᓯᒪᓪᓗᑎᑦ ᑎᑎᖅᑭᕆᔨᖓᓄᑦ ᑭᓪᓕᓯᓂᐊᖅᑎᑉ, ᐱᔭᐅᔭᕆᐊᖃᕐᓂᕈᓂ ᐱᖁᔭᖅ ᒪᓕᓪᓗᒍ ᐅᕝᕙᓘᓐᓃᑦ ᐊᓯᐊᒍᑦ ᐱᔾᔪᑎᖃᕐᓗᓂ ᓈᒻᒪᑦᑐᒥᒃ

 

ᑲᑎᑎᑕᐅᔪᖅᓯᐅᑎᒥ ᓇᓗᓇᐃᒃᑯᑕᖅᑖᕐᓗᓂ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᖅᑎᖏᑦ ᑐᓂᓯᒍᓐᓇᕐᒪᑕ ᑲᑎᑎᑕᐅᓯᒪᔪᖅᓯᐅᑎᑉ ᓇᓗᓇᐃᒃᑯᑕᖏᓐᓂ ᓄᓇᕗᙳᓚᐅᖅᓯᒪᓂᖓ ᐅᓪᓗᖅ ᒪᓕᓪᓗᒍ ᑲᑎᑎᑕᐅᔪᖃᖅᑐᒥᓂᐅᑉᐸᑦ ᐄᐴᕈᓪ 1, 1999 ᑭᖑᓂᐊᒍᓪᓗ.

ᑲᑎᑎᑕᐅᓯᒪᔪᖅᓯᐅᑎᒥ ᓇᓗᓇᐃᒃᑯᑕᕐᒥᒃ ᐱᔪᓐᓇᖅᑐᑎᑦ, ᓈᑎᕆᐊᓕᒃ ᓈᑎᕐᓗᒍ ᐱᓇᓱᐊᕈᑎ ᓇᓗᓇᐃᒃᑯᑕᕐᒥᒃ ᓈᑎᕆᐊᓕᒃ. ᖃᐅᔨᒪᑦᑎᐊᕆᑦ ᑕᒪᐃᓐᓂ ᑐᑭᓯᒋᐊᕈᑎᑎᑦ ᑕᒻᒪᖅᓯᒪᙱᒃᑲᓗᐊᕐᒪᖔᑕ.

ᐊᑭᖓ ᑲᑎᑎᑕᐅᓯᒪᔪᖅᓯᐅᑎᒥ ᓇᓗᓇᐃᒃᑯᑕᖅᑖᕐᓗᓂ $10.00-ᕌᖅᑐᖅ ᐊᑕᐅᓯᖅ ᓇᓗᓇᐃᒃᑯᑕᖅ ᐊᒻᒪᓗ ᐊᑭᓕᖅᑕᐅᒍᓐᓇᖅᑐᖅ ᓯᒃᑭᓕᐅᖅᑐᖃᕐᓗᓂ ᐅᕝᕙᓘᓐᓃᑦ ᑎᑎᖅᑲᓂᐊᕐᕕᒃᑯᑎᒍᑦ ᓯᒃᑭᒃᓴᔭᒥ ᐊᐅᓪᓚᖅᑎᑦᑎᔪᖃᕐᓗᓂ ᐊᑭᓕᖅᑕᐅᓗᓂ ᓄᓇᕗᑦ ᒐᕙᒪᖏᑦ.

ᐊᐅᓪᓚᖅᑎᓪᓗᒍ ᑎᑎᕋᕐᕕᒋᓯᒪᔪᖅ ᓈᑎᖅᑕᐅᓂᑯ ᐅᕗᖓ ᑐᕌᖅᑎᓪᓗᒍ:

ᓄᓇᕗᑦ ᑭᓪᓕᓯᓂᐊᖅᑎᒃᑯᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᑎᑎᖅᑲᒃᑯᕕᖓ 889
ᑲᖏᖅᖠᓂᖅ, ᓄᓇᕗᑦ
X0C 0G0

Tel: (867) 645-8001
Fax: (867) 645-8092
Toll Free: (800) 661-0833 (ᐊᑭᖃᙱᑦᑐᖅ)
ᖃᕋᓴᐅᔭᒃᑯᑦ