ᐅᖃᓚᐅᑎᓯᐅᑏᑦ

You are here

ᑯᔭᖕᓂᒃᑯᑦ ᓯᐊᒻᒪᒃᐸᓪᓕᐊᕙᒃᑐᑦ ᖁᐱᕐᕆᓐᓃᑦ ᖃᔅᓯᐅᓂᖏᑦ ᓄᓇᕘᒥ

ᑯᔭᖕᓂᒃᑯᑦ ᓯᐊᒻᒪᒃᐸᓪᓕᐊᕙᒃᑐᑦ ᖁᐱᕐᕆᓐᓃᑦ ᖃᔅᓯᐅᓂᖏᑦ ᓄᓇᕘᒥ, 2007-ᒥᑦ–2012-ᒧᑦ

ᑯᔭᖕᓂᒃᑯᑦ ᓯᐊᒪᒃᐸᓪᓕᐊᕙᒃᑐᑦ ᖁᐱᕐᕆᓐᓃᑦ (STIs) ᐱᒻᒪᕆᐊᓘᓪᓗᑎᒃ ᖃᓄᐃᔪᑕᐅᓗᑎᒃ ᐱᔾᔪᑕᐅᕐᔪᐊᕐᐸᒃᐳᑦ ᓄᓇᕘᒥ. 2012-ᒥ, ᓄᓇᕘᒥ ᖁᐱᕐᕆᓐᓃᑦ chlamydia-ᒧᑦ, gonorrhea-ᒧᑦ ᐊᒻᒪᓗ syphilis-ᒧᑦ ᖁᑦᑎᒃᑐᒦᓚᐅᕐᒪᑕ ᓇᐃᓴᐅᑎᑎᒍᑦ ᑲᓇᑕᒥ ᖁᑦᑎᖕᓂᖅᐹᒦᖢᑎᒃ.  ᓄᑖᓂᒃ ᐊᓴᐱᒃᓴᓂᒃ ᐱᑕᖃᖅᑐᖃᓚᐅᙱᑦᑐᖅ ᓇᓗᓇᐃᖅᑕᐅᔪᓂᒃ ᓄᓇᕘᒥ 2007-ᒥᑦ–2012-ᒧᑦ.

Chlamydia-ᖑᔪᖅ ᖁᐱᕐᕆᔾᔪᑕᐅᓂᖅᐹᖑᓚᐅᖅᑐᖅ ᓇᓗᓇᐃᖅᑕᐅᔾᔪᑕᐅᔪᓂ ᓄᓇᕘᒥ,1,329-ᖑᓚᐅᕐᒪᑕ ᓄᑖᑦ ᓇᓗᓇᐃᖅᑕᐅᔪᑦ 2012-ᒥ. ᐊᒥᓱᑦ (31 ᐳᓴᐅᔪᑦ) ᐅᑭᐅᖃᖅᑳᑎᒋᓚᐅᖅᑐᑦ 15-ᒥᑦ 19-ᒧᑦ. 
439-ᖑᓚᐅᖅᑐᑦ ᓄᑖᑦ gonorrhea-ᖃᓕᖅᑐᑦ 2012-ᒥ. ᑕᒪᕐᒥᑲᓴᒃ (64 ᐳᓴᐅᔪᑦ) ᐅᑭᐅᖃᓚᐅᖅᑐᑦ 15-ᒥᑦ 24-ᒧᑦ ᖁᐱᕐᕆᑦᑐᕕᓃᑦ, ᐊᕐᓇᐃᑦ ᐅᓄᕐᓂᖅᓴᐅᓪᓗᑎᒃ ᐱᑖᖅᑐᑦ ᒪᑯᖕᓂᖅᓴᐅᔪᓂ.   
Syphilis-ᒧᑦ ᓯᐊᒻᒪᖕᓂᐅᕐᔪᐊᖅᑐᑦ ᐱᒋᐊᓚᐅᖅᓯᒪᔪᑦ 2012-ᒥ 31-ᖑᔪᑦ ᐱᑖᖅᖢᑎᒃ. ᐅᑭᐅᖃᓚᐅᖅᑐᑦ ᐱᑖᑲᑕᒃᑐᑦ 34 ᓂᑦ, ᐊᖑᑎᑦ ᐅᓄᕐᓂᖅᓴᐅᓪᓗᑎᒃ ᐱᑖᖅᓯᒪᔪᑦ (58 ᐳᓴᐅᔪᑦ).  

ᐊᔪᕈᓐᓃᖅᓴᖃᑦᑕᕐᓂᖅ ᖃᓄᐃᑦᑐᒪᙱᓐᓂᕐᒧᑦ ᑯᔭᖃᑦᑕᕐᓂᐊᕐᓗᓂ ᐊᒻᒪᓗ ᖃᐅᔨᓴᖅᑕᐅᕙᒡᓗᓂ ᖁᐱᕐᕆᓯᒪᙱᒃᑲᓗᐊᕐᒪᖔᑦ ᐱᒻᒪᕆᐊᓘᕗᑦ ᑕᒪᒃᑯᐊ ᖃᓄᐃᑦᑐᒪᙱᓐᓂᕐᒧᑦ. ᖃᐅᔨᒋᐊᒃᑲᓐᓂᕈᒪᓗᓂ ᖁᐱᕐᕆᔾᔪᑕᐅᕙᒃᑐᑦ ᒥᒃᓵᓄᑦ ᐊᒻᒪᓗ ᐱᑖᖅᑕᐃᓕᒪᓂᕐᒧᑦ ᖃᐅᔨᒋᐊᕐᓇᖅᑐᖅ, ᐅᕙᓂ  www.irespectmyself.ca, ᐊᐱᕆᔪᓐᓇᖅᑕᑦ ᓄᓇᓕᔅᓯᓐᓂ ᐋᓐᓂᐊᖃᖅᑕᐃᓕᑎᑦᑎᓕᕆᔨ, ᐅᕝᕙᓘᓐᓃᑦ ᐋᓐᓂᐊᕐᕕᔅᓯᓐᓄᐊᕐᓗᑎᑦ ᐅᕝᕙᓘᓐᓃᑦ ᐅᖁᒪᐃᓐᓂᕐᓂᐊᕐᕕᖕᒧᑦ.