ᐅᖃᓚᐅᑎᓯᐅᑏᑦ

You are here

Syphilis-ᒧᑦ ᓯᐊᒻᒪᒡᔪᐊᕐᓂᐅᓚᐅᖅᓯᒪᔪᖅ ᓄᓇᕘᒥ

Syphilis-ᒧᑦ ᓯᐊᒻᒪᒡᔪᐊᕐᓂᐅᓚᐅᖅᓯᒪᔪᖅ ᓄᓇᕘᒥ: 2013-ᒥ ᓇᐃᓈᖅᓯᒪᔪᑦ

Syphilis-ᖑᔪᖅ ᐊᓐᓂᐊᖑᖕᒪᑦ ᐱᕐᔪᐊᖑᓪᓗᓂ ᓯᐊᒻᒪᒃᐸᓪᓕᐊᕙᒃᑐᖅ ᑯᔭᖕᓂᒃᑯᑦ. 2007-ᒥᑦ 2011-ᒧᑦ, 0-ᒥᑦ ᑎᓴᒪᓄᑦ ᑕᐃᒪᓐᓇ ᐅᓄᖅᑎᒋᓚᐅᖅᓯᒪᔪᑦ ᓇᓗᓇᐃᖅᑕᐅᔪᑦ ᐊᕐᕌᒍᑕᒫᑦ. 2012-ᒥ, ᓯᐊᒪᒃᐸᓪᓕᐊᓕᓚᐅᖅᓯᒪᖕᒪᑦ 31-ᖑᔪᓂᒃ ᓇᓗᓇᐃᖅᑕᐅᔪᖃᖅᖢᓂ ᑕᐃᔅᓱᒪᓂ ᐊᕐᕌᒎᔪᒥ. ᓄᓇᕘᒥ ᐅᓄᕐᓂᐅᔪᑦ ᓇᐃᓴᐅᑎᑎᒍᑦ 2012-ᒥ ᖁᓖᖅᓱᖅᖢᓂ ᖁᕝᕙᓯᖕᓂᖅᓴᐅᓚᐅᖅᑐᖅ ᑲᓇᑕᓕᒫᒥ ᖃᔅᓯᐅᓂᐅᔪᓂᑦ. 2013-ᒥ, 59-ᖑᓚᐅᕐᒪᑕ ᐱᑖᖅᓯᒪᔪᑦ ᓇᓗᓇᐃᕈᑕᐅᔪᑦ ᓄᓇᕘᒥ ᓯᐊᒻᒪᒃᐸᓪᓕᐊᑎᓪᓗᒋᑦ. 

ᒪᒃᑯᖖᓂᖅᓴᐅᔪᑦ ᐊᒃᑐᖅᑕᐅᓂᖅᓴᐅᓚᐅᖅᑐᑦ ᓯᐊᒻᒪᒃᑐᒧᑦ. ᐅᑭᐅᖃᒡᒍᓂᖅᓴᐅᓚᐅᖅᑐᑦ syphilis-ᑖᖅᓯᒪᔪᑦ ᒥᒃᖠᒋᐊᖅᖢᑎᒃ ᐅᑭᐅᖏᑦ 34-ᒥᑦ 27-ᒧᑦ ᐅᑭᐅᓕᖕᓄᑦ 2013-ᒥ. 
ᓇᑉᐸᖓᑕ ᐅᖓᑖᓃᓚᐅᖅᑐᑦ 2013-ᒥ ᐱᑖᖅᓯᒪᔪᑦ ᐊᖑᑕᐅᓪᓗᑎᒃ (53 ᐳᓴᓐ), ᑭᓯᐊᓂ ᒪᒃᑯᖕᓂᖅᓴᐅᓚᐅᖅᑐᑦ ᐊᕐᓇᑦ ᐱᑖᖃᑕᐅᓯᒪᔪᑦ.   
Syphilis-ᒧᑦ ᓇᓗᓇᐃᖅᑕᐅᔪᑦ 2012-ᒥ ᐊᑕᐅᓯᐅᓚᐅᖅᓯᒪᔪᖅ ᓄᓇᓕᖕᒥᑦ ᐊᒻᒪᓗ ᐅᓄᖅᓯᒋᐊᖅᖢᑎᒃ ᑕᓪᓕᒪᓄᑦ ᓄᓇᓕᖕᓄᑦ 2013-ᒥ.  

ᐊᔪᕈᓐᓃᖅᓴᕐᓂᖅ ᓴᐳᔾᔨᓯᒪᔪᓐᓇᕐᓂᒧᑦ ᐱᒻᒪᕆᐊᓘᕗᖅ ᐱᑖᖅᑕᐃᓕᒪᔪᓐᓇᕐᓂᕐᒧᑦ ᓯᐊᒻᒪᒍᓐᓇᖅᑐᒥᒃ syphilis-ᒥᒃ.

ᑕᒪᕐᒥᑲᓴᒃ (96 ᐳᓴᐅᔪᑦ) ᐱᑖᖅᓯᒪᔪᑦ 2013-ᒥ ᓇᓗᓇᐃᖅᑕᐅᓯᒪᔪᑦ ᑯᔭᖃᑦᑕᖅᑐᕕᓃᑦ ᓴᐴᓗᑕᖃᕋᑎᒃ ᐅᓲᑉ ᐴᖏᓐᓂᒃ.  .
74 ᐳᓴᐅᔪᑦ ᐱᑖᖅᓯᒪᔪᑦ ᓇᓗᓇᐃᕈᑕᐅᔪᑦ ᐊᑐᖅᓯᒪᔪᑦ ᐃᒥᐊᓗᖕᒥᒃ ᐅᕝᕙᓘᓐᓃᑦ ᓱᐴᖅᑐᒐᕈᔪᖕᓂᒃ ᐊᑐᖅᓯᒪᔪᕕᓃᑦ, ᑕᒪᒃᑯᐊᓗ ᐊᒃᑐᐃᔪᑕᐅᒐᔪᖕᒪᑕ ᖃᓄᐃᐸᓪᓕᐊᓂᕐᒧᑦ ᑯᔭᖕᓂᕐᒧᑦ ᐱᓂᐊᖅᑎᓪᓗᒋᑦ ᓴᐳᓐᓂᐊᕈᑎᓂᒃ ᐃᓱᒪᓗᐊᕈᓐᓇᙱᔾᔪᑕᐅᖕᒪᑕ. 
71 ᐳᓴᓐ ᓇᓗᓇᐃᖅᑕᐅᓯᒪᔪᑦ ᐊᓯᐊᓂᒃ ᑯᔭᖕᓂᒃᑯᑦ ᖁᐱᕐᕆᔾᔪᑕᐅᓯᒪᔪᑦ ᐊᕐᕌᒎᓚᐅᖅᑐᒥ.   

ᖃᐅᔨᓴᖅᑕᐅᓂᖅ syphilis-ᒧᑦ ᐊᒻᒪᓗ ᐊᓯᖏᓐᓄᑦ ᖁᐱᕐᕆᔾᔪᑕᐅᕙᒃᑐᓄᑦ ᐃᑲᔫᑎᖕᒪᑦ ᐃᓄᐃᑦ ᑲᒪᒋᔭᐅᑲᐅᖅᑐᕈᓐᓇᕐᓂᖏᓐᓂᒃ ᐱᔭᕆᐊᖃᕈᑎᒃ ᕿᓚᒻᒥᐅᓛᒃᑯᑦ. ᑐᑭᓯᒋᐊᒃᑲᓐᓂᕈᒪᓗᓂ syphilis ᒥᒃᓵᓄᑦ ᐊᒻᒪᓗ ᐱᑖᖅᑕᐃᓕᒪᓂᕐᒥᒃ, ᖃᐅᔨᒋᐊᕈᓐᓇᖅᐳᑎᑦ ᐅᕗᖓ  www.irespectmyself.ca, ᐊᐱᕆᔪᓐᓇᖅᑕᑦ ᓄᓇᓕᔅᓯᓐᓂ ᐋᓐᓂᐊᖃᖅᑕᐃᓕᑎᑦᑎᓕᕆᔨ, ᐅᕝᕙᓘᓐᓃᑦ ᐋᓐᓂᐊᕐᕕᔅᓯᓐᓄᐊᕐᓗᑎᑦ ᐅᕝᕙᓘᓐᓃᑦ ᐅᖁᒪᐃᓐᓂᕐᓂᐊᕐᕕᖕᒧᑦ.