ᐅᖃᓚᐅᑎᓯᐅᑏᑦ

You are here

ᐃᖅᑲᐃᓯᒋᐊᕈᑦ: ᖃᓛᖅᑎᑦᑎᖃᑦᑕᖁᔨᓂᖅ ᐃᒥᕐᒥᑦ ᑎᑭᕋᕐᔪᐊᕐᒥᐅᓄ

ᔪᓚᐃ 11, 2017

ᑭᒃᑯᑐᐃᓐᓇᕐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐅᖃᐅᔾᔨᒋᐊᕈᑎ
ᐃᖅᑲᐃᓯᒋᐊᕈᑦ: ᖃᓛᖅᑎᑦᑎᖃᑦᑕᖁᔨᓂᖅ ᐃᒥᕐᒥᑦ ᑎᑭᕋᕐᔪᐊᕐᒥᐅᓄ


ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᓯᑎᑦᑎᒋᐊᖅᐳᑦ ᑎᑭᕋᕐᔪᐊᕐᒥᐅᑦ ᖃᓛᖅᑎᑦᑎᖃᑦᑕᕆᐊᖃᕐᓂᕐᒥᓂᒃ ᐃᒥᕐᒥᑦ ᐊᑐᖅᑕᐅᓚᐅᙱᓐᓂᖓᓂ ᑭᓯᐊᓂ ᖃᐅᔨᒃᑲᖅᑕᐅᒃᑲᓐᓂᕈᑎᒃ.

ᑖᓐᓇ ᖃᓄᐃᑦᑐᖃᖁᓇᒍ ᑐᙵᕕᒋᓗᒍ ᑲᑎᓪᓗᒋᑦ ᖁᐱᕐᕈᐃᑦ ᐃᒪᐅᑉ ᐊᑐᖃᑦᑕᖅᑕᖏᓐᓂ. ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᖃᑎᖃᖅᑐᑦ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓂ ᖃᐅᔨᓴᕐᓗᑎᒃ ᑖᔅᓱᒪ ᐱᔾᔪᑎᖓᓂᒃ ᐃᒪᕐᒥᒡᓗ ᖃᐅᔨᓴᕈᑎᒃᑲᓐᓂᑦ ᐱᓕᕆᐊᖑᔪᑦ.

ᐊᑐᖅᑎᓪᓗᒍ ᐃᒪᕐᒥᒃ ᖃᓛᖅᑎᑦᑎᓯᒪᔭᕆᐊᖃᕐᓂᕐᒥ ᐅᖃᐅᔾᔨᒋᐊᕈᑎ ᐃᒥᕐᓂᕐᒥ ᖃᓛᖅᑎᓯᒪᔭᕆᐊᖃᖅᑐᑦ ᕿᓚᒻᒥᐅᓛᖑᓗᒍ ᐊᑕᐅᓯᖅ ᒥᓂᑦᓯᒥ ᑕᑭᓂᖅᓴᖓ ᖃᐅᔨᓴᐅᑎᐅᑉ.
ᐱᔭᕆᐊᖃᖅᑐᖅ ᐃᒪᓕᒫᑦ ᖃᓛᖅᑎᑕᐅᓯᒪᓗᑎᒃ ᐅᑯᓄᖓ ᐊᑐᕐᓂᐊᕐᑎᓪᓗᒋᑦ:

  • ᓂᐅᖅᑲᕐᓂᖅ
  • ᐱᕙᒌᔭᕐᓂᖅ ᓄᑕᕋᓛᑦ ᐃᒻᒧᖏᓐᓂ
  • ᐃᒥᒐᒃᓴᓕᐅᕐᓂᐊᕐᓗᓂ ᓂᓚᓕᐅᕐᓂᐊᕐᓗᓂᓗ
  • ᐅᐊᓴᐃᓂᖅ ᐱᕈᖅᑐᕕᓂᕐᓂ ᓰᕐᓇᖅᑐᓂᒃ ᓰᕐᓇᙱᑦᑐᓂᒡᓗ
  • ᓂᕿᓕᐅᕐᓂᖅ
  • ᑭᒍᑎᓯᐅᕐᓂᖅ
  • ᐃᒥᖅ ᖃᓛᖅᑎᑕᐅᔪᓐᓇᖅᑐᖅ ᐆᑦᑎᓯᒧᑦ ᑐᕐᖢᐊᓕᖕᒧᓪᓘᓐᓃᑦ ᐃᒐᒥ.


ᐱᔭᕆᐊᖃᙱᑦᑐᖅ ᖃᓛᖅᑎᑦᑎᓗᓂ ᐃᒥᕐᒥᒃ ᐊᑐᖅᑕᐅᓂᐊᕐᓗᓂ ᑭᓱᑐᐃᓐᓇᕐᒧᑦ ᐊᓯᖏᓐᓄᑦ ᖁᓛᓃᑦᑐᑦ ᑎᑎᕋᖅᓯᒪᔪᓂ.

ᐅᐊᓴᕈᓐᓇᖅᑕᑎᑦ ᓱᓕ ᐊᒡᒐᑎᑦ ᐃᒥᑐᐃᓐᓇᕐᒧᑦ. ᑲᓱᓗᑦᑎᐊᕐᓗᒋᑦ ᐃᓗᓕᒫᖏᑦ ᐊᒡᒐᒃᐱᑦ ᐅᐊᓴᐅᑎᒧᑦ ᐃᒥᕐᒧᓪᓗ ᕿᓚᒻᒥᐅᓛᖑᓗᖑ ᐊᑯᓂᐅᓂᖓ 20 ᑎᑦᑕᑯᓗᒃᑯᑦ.

ᐃᓐᓇᐃᑦ, ᐃᓐᓇᕈᓕᖅᐸᓪᓕᐊᓕᖅᑐᑦ ᐊᒻᒪ ᐊᖓᔪᒃᖠᑦ ᓄᑕᖅᑲᑦ ᑯᕕᑏᓐᓇᕐᓗᒍ ᐅᐊᓴᕈᓐᓇᖅᑐᑦ, ᐅᕕᓂᖕᓂᐊᕈᓐᓇᖅᑐᑦ ᐅᐊᓴᕐᓗᑎᒡᓘᓐᓃᑦ ᐊᑐᕐᓗᒍ ᐃᒥᑐᐃᓐᓇᖅ ᑯᕕᑎᒐᒃᑯᑦ, ᑭᓯᐊᓂ ᐄᓯᑦᑕᐃᓕᓗᑎᒃ. ᓄᑕᕋᓛᑦ, ᐱᓱᒍᓐᓇᖅᓯᓵᖅᑐᑦ ᐃᓄᐃᓪᓗ ᐋᓐᓂᐊᖃᖅᑐᑦ ᐊᓪᓚᕈᔾᔭᒐᕐᒧᑦ ᐅᐊᓴᖅᑕᐅᔭᕆᐊᓕᑦ ᐱᑐᐃᓐᓇᕆᐊᖃᕐᓂᖏᓐᓄᑦ ᓂᐅᖅᓯᓗᑎᒃ ᐃᒥᕐᒥᒃ.

ᑐᓴᕆᐊᒃᑲᓐᓂᕈᒪᒍᕕᑦ, ᓄᓇᓕᐅᔪᑦ ᐅᖃᓗᒍᓐᓇᖅᑐᑦ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᐊᕙᑎᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᔨᖓᓄᑦ ᐅᕗᖓ 867-645-8071, ᐅᕝᕙᓘᓐᓃᑦ 867-645-6660.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᓇᐃᑏᓐ ᐳᕐᑎ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᓂᕐᒧᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
npurdy@GOV.NU.CA