ᐅᖃᓚᐅᑎᓯᐅᑏᑦ

You are here

ᓘᑦᑖᓕᐊᕐᕕᐅᖃᑦᑕᖅᑐᖅ ᕿᑭᖅᑕᓂ ᐋᓐᓂᐊᕐᕕᐊᓗᒻᒥᑦ ᒪᑐᐃᖅᑐᖅ

ᒫᑦᓯ 15, 2017

ᑐᓴᕋᑦᓴᖅ

ᓘᑦᑖᓕᐊᕐᕕᐅᖃᑦᑕᖅᑐᖅ ᕿᑭᖅᑕᓂ ᐋᓐᓂᐊᕐᕕᐊᓗᒻᒥᑦ ᒪᑐᐃᖅᑐᖅ

ᐃᖃᓗᐃᑦ, ᓄᓇᕗᑦ (ᒫᑦᓯ 15, 2017) - ᒪᑐᐃᖅᑕᐅᓂᖓ ᓄᑖᙳᕆᐊᖅᑕᐅᓯᒪᔪᖅ ᕿᑭᖅᑕᓂ ᐋᓐᓂᐊᕐᕕᐊᓗᐊ (QGH) ᓇᓗᓇᐃᖅᑕᐅᖅᑲᐅᔪᖅ ᐅᓪᓗᒥ ᑭᐱᓯᓂᖃᖅᓱᑎᒃ ᖃᓪᓗᓈᖅᑕᑯᑖᒥᑦ ᒥᓂᔅᑕᒧᑦ ᓄᓇᕗᒻᒥᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ, ᔪᐊᔾ ᕼᐃᒃᔅᒧ.

"ᓄᑖᙳᖅᑎᑕᐅᓯᒪᓕᖅᑐᒧᑦ ᕿᑭᖅᑖᓗᒻᒥᑦ ᐋᓐᓂᐊᕐᕕᑐᖃᖓ ᐃᖃᓗᓐᓂᑦ ᐱᕕᑐᔫᓂᖅᓴᒥᑦ ᓄᑖᙳᓂᖅᓴᒧᑦ ᕿᕿᖅᑕᓂ ᐋᓐᓂᐊᕐᕕᐊᓗᒻᒥᑦ ᐅᓪᓗᒥᐅᓕᖅᑐᒧᑦ ᒪᑭᒪᔾᔪᑎᐅᔪᓄᑦ ᐃᓂᑦᓴᐅᓪᓗᓂᓗ," ᐅᖃᖅᑐᖅ ᒥᓂᔅᑕ ᕼᐃᒃᔅ. "ᐋᓐᓂᐊᕐᕕᐊᓗᒃ ᐱᒻᒪᕆᐅᓪᓗᓂ ᓄᓇᓕᓐᓂᑦ. ᖁᕕᐊᒋᔭᐅᑦᓱᓂᓗ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᑎᓐᓄᑦ ᑲᑎᒪᔪᐃᓐᓇᐅᓕᕐᒪᑕ ᑕᕝᕙᓂᑦᓴᐃᓐᓇᖅ ᐱᓕᕆᕝᕕᒻᒥᑦ ᐊᑐᐃᓐᓇᐅᑎᑦᓯᓂᕐᒥᑦ ᐱᐅᔪᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᒪᒋᔭᐅᔪᓂᑦ ᐋᓐᓂᐊᕕᓕᐊᖃᑦᑕᖅᑐᓄᑦ ᕿᑭᖅᑖᓗᒻᒥᑦ."

ᓘᑦᑖᓕᐊᖅᕕᐅᓕᖅᑐᖅ ᐃᓂᒋᔭᐅᓕᖅᑐᖅ ᐋᓐᓂᐊᕕᓕᐊᖅᑐᓄᑦ ᐱᔨᑦᓯᓂᕐᒥᑦ ᓲᕐᓗ ᑕᑯᔭᐅᓴᕋᐃᓐᓇᖅᑐᒥ ᐃᓂᑦᓴᓕᐅᕐᕕᒻᒥᑦ, ᖃᐅᔨᓴᖅᑎᒻᒪᕆᓕᐊᖅᓯᒪᔪᓄᑦ ᑕᑯᔭᐅᕕᒻᒥ, ᑭᒍᓯᕆᔨᒃᑯᓐᓂᑦ ᐊᐅᓚᑦᓯᓂᕐᒧᓪᓗ ᐃᑲᔪᖅᑕᐅᓂᕐᒧᑦ ᐃᖅᑲᓇᐃᔭᖅᑏᑦ. 14 ᖃᐅᔨᓴᕐᕕᐅᔪᓐᓇᖅᑐᐃᑦ ᐃᓪᓗᕈᓰᑦ ᐊᑕᐅᓯᕐᒥᓪᓗ ᐱᓚᑦᑐᐃᕕᖃᖅᓱᓂ ᒫᓐᓇ ᐊᐅᓚᔪᓐᓇᖅᑐᓂᑦ.

ᐋᓐᓂᐊᕐᕕᓕᐊᕐᕖᑦ ᐊᐅᓚᑦᓯᓂᕐᒧᓪᓗ ᐃᑲᔪᖅᑐᕐᓂᕐᒧᑦ ᐃᖅᑲᓇᐃᔭᖅᑏᑦ ᓄᑦᑎᔪᔪᑦ ᓘᑦᑖᓕᐊᕐᕕᐅᖃᑦᑕᖅᑐᒧᑦ ᐊᕐᕌᓂᑦ. ᓄᑖᙳᕆᐊᖅᑕᐅᓯᒪᔪᖅ ᑖᑦᓱᒪ ᐃᓚᖓ ᐊᕐᕌᒍᓐᓂᖅ 50-ᓂ ᐱᓕᕆᕝᕕᐅᓯᒪᓕᖅᑐᖅ ᐱᔭᕇᖅᑕᐅᑦᓱᓂ 2016-ᒥ.

##

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᑦᓴᖅ:

ᕌᓐ ᐅᐊᓯᖕᒃ
ᑐᓴᐅᒪᑎᑦᓯᔨ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5710
rwassink@gov.nu.ca