ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᖁᕕᐊᓲᑎᖃᖅᑐᑦ ᐃᓅᓯᕐᒥ ᐃᓵᒃᓯᒪᒋᑦ ᐅᓪᓗᕆᑎᓪᓗᓂᐅᒃ

ᓯᑎᐱᕆ 07, 2017

ᐃᓄᖕᓄᑦ ᑐᓴᒐᒃᓴᖅ

ᓄᓇᕗᒻᒥ ᖁᕕᐊᓲᑎᖃᖅᑐᑦ ᐃᓅᓯᕐᒥ ᐃᓵᒃᓯᒪᒋᑦ ᐅᓪᓗᕆᑎᓪᓗᓂᐅᒃ

ᐃᓅᓯᕐᒥ ᐃᓵᒃᓯᒪᒋᑦ ᐅᓪᓗᕆᑎᓪᓗᓂᐅᒃ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᕗᑦ ᓄᓇᕗᒥᐅᓂᒃ ᖃᓄᐃᙱᑦᑎᐊᕐᓇᖅᑐᓂᒃ ᐱᓕᕆᖃᑕᐅᖁᓪᓗᒋᑦ ᐃᑲᔫᑎᓕᖕᓂᒃ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐊᒻᒪ ᖃᓄᐃᙱᑦᑎᐊᕈᓯᕐᓄᑦ.

ᐊᔪᕈᓐᓃᖅᓴᖃᑦᑕᕐᓂᖅ ᓇᖕᒥᓂᖅ ᑲᒪᑦᑎᐊᕐᓂᕐᒥᒃ ᐊᒻᒪ ᐱᐅᔪᓂᒃ ᐱᓕᕆᓂᕐᒥᒃ ᐱᒻᒪᕆᐅᖕᒪᑦ ᖃᐅᑕᒫᑦ ᐱᓕᕆᐊᕆᕙᒃᑕᑦᑎᓐᓂ. ᖃᓄᐃᙱᑦᑎᐊᕈᓯᑦ ᐱᓕᕆᐊᒃᓴᑦ ᒪᑯᐊᖑᕗᑦ ᖃᑕᙳᑎᑦ ᐊᒻᒪ ᐱᖃᓐᓇᕆᔭᑦ ᐱᓕᕆᖃᑎᒋᕙᒡᓗᒋᑦ, ᐊᐅᓪᓛᖅᓯᒪᖃᑎᒋᕙᒡᓗᒋᑦ, ᐃᓚᐅᕝᕕᒋᕙᒡᓗᒋᑦ ᐱᖅᑯᓯᒃᑯᑦ ᐱᓕᕆᐊᑦ ᓲᕐᓗ ᒥᖅᓱᖅᑐᑦ, ᐊᖑᓇᓱᒃᑐᑦ, ᐅᕝᕙᓘᓐᓃᑦ ᓴᓇᐅᒐᓕᕆᔪᑦ, ᓂᕿᑦᑎᐊᕙᖕᓂᒃ ᓂᕆᔪᑦ, ᐊᒻᒪ ᐃᓚᐅᕝᕕᒋᕙᒡᓗᒋᑦ ᓄᓇᓕᖕᓂ ᐱᓕᕆᔪᑦ. ᐱᓕᕆᐊᖑᑦᑎᐊᖃᑦᑕᖅᑐᑦ ᓄᓇᑦᑎᓐᓂ ᐃᑲᔫᑎᒋᓲᕆᕙᕗᑦ ᓴᙱᒃᑎᒋᐊᕈᑎᒋᓪᓗᑎᒍᑦ ᐃᓱᒪᒃᑯᑦ ᐊᒻᒪ ᖃᓄᐃᙱᑦᑎᐊᕈᓯᒃᑯᑦ.

ᐃᓅᓯᑦᑎᐊᕆᖕᓂᖅ ᐱᕙᓪᓕᐊᔫᓪᓗᑎᒃ ᐅᖃᓕᒫᒐᐅᕗᑦ ᓇᓗᓇᐃᖅᓯᕙᒃᖢᑎᒃ ᓄᓇᓕᖕᓂ ᖃᓄᐃᙱᑦᑎᐊᕈᓯᕐᓄᑦ ᐊᒻᒪ ᐃᓱᒪᒧᑦ ᖃᓄᐃᙱᑦᑎᐊᕈᓯᕐᓄᑦ ᐱᓕᕆᐊᖑᕙᒃᑐᓂᒃ. ᐱᕙᓪᓕᐊᔪᓂᒃ ᐅᖃᓕᒫᒐᕐᓂᒃ ᑎᑭᑕᐅᖃᑦᑕᕈᒪᒍᕕᑦ, ᐅᕝᕙᓘᓐᓃᑦ ᐅᓂᒃᑳᒥᒃ ᓇᒃᓯᐅᔾᔨᔪᒪᓐᓂᕈᕕᑦ ᓄᓇᓕᖕᓂ ᐱᓕᕆᐊᖑᔪᕕᓂᕐᓂᒃ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᕕᒋᔪᓐᓇᖅᐸᑎᑦ ᐅᑯᐊ embracelife@inuusiq.com.

ᐳᐃᒍᖅᑕᐃᓕᒋᑦ ᐃᓄᑑᖏᓐᓇᕕᑦ. ᐃᒃᐱᒋᔭᒃᑯᑦ ᐅᕝᕙᓘᓐᓃᑦ ᐃᓱᒪᒃᑯᑦ ᐊᒃᓱᕈᕐᓇᖅᑐᖅᓯᐅᓗᐊᕈᕕᑦ ᖃᐅᔨᒪᔭᖃᕈᕕᓪᓘᓐᓃᑦ, ᐃᑲᔪᖅᑕᐅᔪᓐᓇᑦᑎᐊᖅᐳᓯ. ᐅᖃᖃᑎᖃᑦᑕᕆᑦ ᐱᖃᓐᓇᕆᔭᕐᓄᑦ, ᐃᓚᖕᓄᑦ, ᐃᓕᓴᐃᔨᒧᑦ, ᐃᓅᓯᓕᕆᔨᒧᑦ, ᐃᓐᓇᕐᒧᑦ, ᐅᖃᐅᓯᕆᓗᒋᓪᓗ ᐃᓱᒫᓘᑎᒋᔭᑎᑦ. ᐋᓐᓂᐊᕕᓯᓐᓅᕐᓗᑎᓪᓗ ᐃᓱᒪᓕᕆᔨᒥᑦ ᐅᖃᖃᑎᖃᕆᐊᖅᑐᕐᓗᑎᑦ.

ᑲᒪᑦᓯᐊᖅᑐᒃᑯᑦ ᐅᖄᓚᕕᒋᔪᓐᓇᕐᒥᔭᑎᑦ ᐃᑲᔪᖅᑕᐅᔪᒪᓗᑎᑦ ᖃᐅᔨᒪᔭᐅᙱᒃᑲᓪᓗᐊᕈᕕᑦ ᑭᓇᐅᓂᕐᓂᑦ ᖃᓄᐃᙱᑦᑐᖅ ᒪᑐᐃᖓᐃᓐᓇᓕᒫᖅᑐᑦ ᖃᐅᑕᒫᑦ ᐅᕗᖓ 867-979-3333 ᐅᕝᕙᓘᓐᓃᑦ ᐊᑭᖃᙱᑦᑐᒃᑯᑦ 1-800-265-3333. ᑕᑯᓂᐊᕐᓗᒍᓗ ᐃᓅᓯᕐᒥᑦ ᐃᓴᒃᓯᒪᒋᑦ ᑲᑐᔾᔨᖃᑎᒌᑦ ᖃᕋᓴᐅᔭᒃᑯᑦ ᐃᑭᐊᕿᕕᖓ www.inuusiq.com ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ ᐊᒻᒪ ᐃᑲᔪᖅᑕᐅᔾᔪᑎᒃᓴᓐᓄᑦ, ᐅᕝᕙᓘᓐᓃᑦ ᐊᑭᖃᙱᑦᑐᒃᑯᑦ ᐅᖄᓚᐅᑎᖓᓐᓄᑦ ᐅᖄᓚᓗᑎᑦ 1-866-804-2782.

ᐊᑦᑕᕐᓈᕿᓐᓂᕈᕕᑦ ᖃᐅᔨᒪᔭᓪᓘᓐᓃᑦ, ᐸᓖᓯᒃᑯᓐᓄᑦ ᐅᖄᓚᓗᑎᑦ ᐅᕝᕙᓘᓐᓃᑦ ᐋᓐᓂᐊᕕᔅᓯᓐᓄᑦ ᐋᓐᓂᐊᕕᐊᓗᖕᒧᓪᓘᓐᓃᑦ ᐃᕐᖐᓐᓇᖅ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕌᓐ ᐅᐊᓯᖕᒃ
ᑐᓴᐅᒪᖃᑦᑕᐅᑎᓕᕆᔨᒃᑯᓐᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5710
rwassink@gov.nu.ca