ᐅᖃᓚᐅᑎᓯᐅᑏᑦ

You are here

ᒥᓂᔅᑕᐅᑉ ᑐᙵᓵᕆᓂᖓᑦ

ᒥᓂᔅᑕᐅᖃᑕᐅᔪᖅ ᒪᓂᑲ ᐃᐅᓪ−ᑲᓇᔪᖅ
Monica Ell-Kanayuk

ᑐᖏᓕᐅᓚᐅᖅᓯᒪᒋᓪᓗᓂ ᐊᑐᖅᑐᐊᖅᕕᒃ ᑯᐊᐳᕇᓴᓐᒥ ᐊᒻᒪᓗ ᐊᖏᔪᖅᑳᒧᓐ ᑐᖏᓕᐅᓐᓂᕆᓪᓗᓂ ᐸᐅᒃᑑᑎᒃᑯᓐᓂ; ᑖᓐᓇᓕ ᑲᓇᑕᓕᒫᒧ ᑐᕌᖓᔪᖅ ᑎᒥᐅᔪᖅ ᑭᒡᒐᖅᑐᐃᔪᖅ ᐃᓄᓐᓂᒃ ᐊᕐᓇᓂᒃ.

ᒥᓯᔅ ᐃᐅᓪ−ᑲᓇᔪᖅ ᐃᖃᓗᖕᓂ ᓄᓇᖃᖅᑐᖅ ᐊᐃᑉᐸᖓᓗ, ᐃᓂᐊᓯ ᑲᓇᔪᖅ. ᑕᓪᓕᒪᓂᒃ ᕿᑐᕐᖓᖃᖅᑐᑦ, ᐊᒻᒪ ᐅᓄᖅᑐᓂᒃ ᐃᕐᖑᑕᖃᖅᑐᑦ.

ᓯᕗᓕᖅᑎᐅᑉ ᑐᖏᓕᐊ
ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ
ᒥᓂᔅᑕ ᑲᒪᒋᔭᓕᒃ ᐅᔭᕋᖕᓂᐊᕐᕕᖕᓄᑦ
ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᖕᒥ
ᓄᓇᕗᒻᒥ ᑲᒪᒋᔭᓕᒃ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑯᐊᐳᕇᓴᓄᑦ
ᒥᓂᔅᑕ ᐆᒻᒪᖅᑯᑎᓕᕆᓂᕐᒧᑦ
ᒥᓂᔅᑕ ᑲᒪᒋᔭᓕᒃ ᐊᕐᓇᐃᑦ ᑲᑎᒪᔨᖏᓐᓄᑦ

ᒥᓂᔅᑕᐅᖃᑕᐅᔪᖅ ᒫᓂᑲ ᐃᐅᓪ ᓂᕈᐊᕐᓂᖅᑕᖃᖅᑎᓪᓗᒍ ᐊᒃᑑᐸ 28, 2013-ᒥ ᓂᕈᐊᖅᑕᐅᓚᐅᖅᑐᖅ ᑭᒡᒐᖅᑐᐃᓂᐊᖅᖢᓂ ᐃᖃᓗᐃᑦ-ᒪᓂᕋᔭᖕᒥᐅᓂᒃ ᓄᓇᕗᒻᒥ ᑎᓴᒪᖓᓐᓂ ᒪᓕᒐᓕᐅᖅᑎᓂ. ᒫᓂᑲ ᐃᐅᓪ ᓂᕈᐊᖅᑕᐅᓚᐅᖅᑐᖅ ᒥᓂᔅᑕᐃᑦ ᑲᑎᒪᔨᖏᓐᓄᑦ ᓄᕕᐱᕆ 15, 2013-ᒥ ᓄᓇᕗᒻᒥ ᓯᕗᒃᑲᖅᑕᖅᑏᑦ ᓂᕈᐊᖅᑕᐅᑎᓪᓗᒋᑦ. ᒫᓂᑲ ᐃᐅᓪ ᐊᖏᖅᑎᑕᐅᓚᐅᖅᑐᖅ ᓄᕕᐱᕆ 19, 2013-ᒥ.

ᒫᓂᑲ ᐃᐅᓪ ᐱᖓᔪᐊᓂ ᒪᓕᒐᓕᐅᖅᑎᓂ ᐃᒃᓯᕚᖃᑕᐅᓕᓚᐅᖅᑐᖅ ᒪᐅᓇᑐᐃᓐᓇᖅ ᓂᕈᐊᕐᓂᖅᑕᖃᓚᐅᖅᑎᓪᓗᒍ ᓯᑎᐱᕆ 12, 2011-ᒥ. ᒫᓂᑲ ᐃᐅᓪ ᐃᓄᓕᕆᔨᒃᑯᓐᓄᑦ ᒥᓂᔅᑕᐅᓚᐅᖅᑐᖅ, ᐊᒻᒪ ᐊᖏᕐᕋᖃᓐᖏᑦᑐᓕᕆᓂᕐᒥᒃ ᑎᒍᒥᐊᓚᐅᖅᖢᓂ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖᓂᒃ ᑎᒍᒥᐊᖅᖢᓂ, ᐊᒻᒪ ᐊᕐᓇᐃᑦ ᑲᑎᒪᔨᖏᓐᓂᒃ ᑎᒍᒋᒥᐊᖅᑎᐅᓚᐅᕆᓪᓗᓂ.

ᒪᓕᒐᓕᐅᕐᕕᖕᒧᑦ ᓂᕈᐊᖅᑕᐅᓚᐅᓐᖏᓐᓂᕐᒥᓂ, ᒫᓂᑲ ᐃᐅᓪ ᐊᖓᔪᖅᑳᖑᓚᐅᖅᑐᖅ ᑕᑯᒃᓴᐅᔪᒃᓴᓂᒃ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᓐᓄᑦ. ᒫᓂᑲ ᐃᐅᓪ ᓄᓇᕗᑦ ᑐᓐᖓᕕᒃᑯᑦ ᑮᓇᐅᔭᓕᐅᕋᓱᐊᖅᑎᖏᓐᓂ ᐊᖓᔪᖅᑳᖑᓚᐅᖅᑐᖅ. ᐊᖓᔪᖅᑳᖑᓯᒪᖕᒥᔪᖅ ᓄᓇᕗᒻᒥ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᖏᓐᓄᑦ, ᐊᖓᔪᖅᑳᖑᓯᒪᓪᓗᓂ ᓇᖕᒥᓂᖅ ᐱᓕᕆᕝᕖᑦ ᑲᑐᔾᔨᖃᑎᒌᖏᓐᓄᑦ, ᐊᖓᔪᖅᑳᑉ ᑐᖏᓕᕆᓪᓗᓂᐅᒃ ᐊᑐᖅᑐᐊᕐᕕᒃᑯᓐᓄᑦ ᐊᒻᒪ ᐊᖓᔪᖅᑳᑉ ᑐᖏᓕᕆᓪᓗᓂᐅᒃ ᐸᐅᒃᑑᑎᒃᑯᓐᓄᑦ, ᑲᓇᑕᒥ ᐃᓄᐃᑦ ᐊᕐᓇᐃᑦ ᑲᑐᔾᔨᖃᑎᒌᖏᓐᓂ.

ᒫᓂᑲ ᐃᐅᓪ ᐊᒻᒪ ᐊᐃᑉᐸᖓ ᐃᓂᐊᓯ ᑲᓇᔪᒃᑯᒃ ᐃᖃᓗᖕᒥᐅᑖᒃ. ᐱᖓᓲᔪᖅᑐᓂᒃ ᕿᑐᕐᖓᓖᑦ, ᑎᓴᒪᐅᔪᖅᑐᓂᒃ ᐃᕐᖑᑕᖃᖅᖢᑎᒃ ᐊᒻᒪ ᒪᕐᕉᖕᓂᒃ ᐃᓗᓕᖃᖅᖢᑎᒃ.

ᒫᓂᑲ ᐃᐅᓪ ᐊᓐᓄᕋᔾᔨᐅᕐᓂᕐᒥᒃ ᒥᖅᓱᕐᓂᕐᒥᒡᓗ ᖁᕕᐊᒋᔭᖃᓪᓚᕆᒃᑐᖅ. 1996-ᒥ, ᐱᓯᓂᓯᕆᓚᐅᖅᑕᖓ ᐅᑭᐅᖅᑕᖅᑐᒥ ᓴᓇᐅᒐᐃᑦ, “ᐊᕐᕌᒍᒥ ᐱᓯᓂᓯᑦᑎᐊᕙᐅᓂᖅᐹᕐᒥᒃ” ᐃᓕᓴᕆᔭᐅᔾᔪᑎᑖᓚᐅᖅᑐᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᑲᑐᔾᔨᖃᑎᒌᖏᓐᓂᑦ.

 

ᓂᕈᐊᖅᑕᐅᕕᐊᓂ ᑎᑎᕋᕐᕕᐊ:

ᐅᖄᓚᐅᑖ: 979-5807
ᓱᒃᑲᔪᒃᑰᕈᑖ: 979-2226
ᖃᕆᓴᐅᔭᒃᑯᑦ ᑐᕌᕈᑖ: MonicaEll-Kanayuk@manirajakmla.ca

 

Legislative Office:

ᐅᖄᓚᐅᑖ: 975-5075
ᓱᒃᑲᔪᒃᑰᕈᑖ: 975-5095
mell-kanayuk@gov.nu.ca