ᐅᖃᓚᐅᑎᓯᐅᑏᑦ

ᒥᕐᖑᐃᖅᓯᕐᕖᑦ ᐊᒻᒪᓗ ᐃᑦᑕᕐᓂᓴᓕᕆᓂᖅ

ᒥᕐᖑᐃᕐᓯᕐᕕᓕᕇᑦ ᐊᓯᖏᓪᓗ ᓄᓇᐃᑦ ᑲᒪᔭᖃᖕᒪᑕ ᐸᖕᓇᐃᓂᖕᓂᑦ, ᓴᖅᑭᑎᑦᑎᓂᖕᓂᑦ, ᑲᒪᒋᔭᖃᖕᓂᖕᓂᑦ, ᐊᐅᓚᑦᑎᓂᖕᓂᑦ ᐊᒻᒪᓗ ᐱᕚᓪᓕᕈᑎᒃᓴᓂ ᒥᕐᖑᐃᕐᓯᕕᓂᑦ - ᓄᓇᕘᒻᒥᑦ ᒥᕐᖑᐃᕐᓯᕕᖕᓂᑦ ᐊᓯᖏᓪᓗ ᓄᓇᐃᑦ.

ᓄᓇᕗᒻᒥ ᒥᕐᖑᐃᕐᓯᕖᑦ ᐊᓯᖏᓪᓗ ᓄᓇᐃᑦ ᐱᒻᒪᕆᐅᖕᒪᑕ ᐅᐸᖃᑦᑕᕆᐊᒃᓴᖅ ᐊᒻᒪᓗ ᐅᐸᒃᑕᐅᔪᒪᕙᒃᖢᑎᒃ ᓄᓇᕗᒻᒥᐅᓄᑦ ᐊᒻᒪᓗ ᐳᓛᖅᑎᓄᑦ.  ᓴᖅᑭᔮᖅᑎᑦᑎᖕᒪᑕ ᖃᔾᔮᖕᓇᖅᑐᒻᒪᕆᐊᓗᖕᓂᑦ ᐊᒻᒪᓗ ᐃᓕᖅᑯᓯᑦᑎᓐᓂᒃ ᓄᓇᓕᖕᓂᑦ, ᐊᕕᒃᑐᕐᓯᒪᔪᓂᑦ, ᓄᓇᕗᒻᒥᑦ ᐊᒻᒪᓗ ᓯᓚᕐᔪᐊᒥᑦ; ᐱᕚᓪᓕᖅᑎᑦᑎᕙᒃᖢᓂ ᐃᑲᔪᖅᑐᐃᓪᓗᑎᒃᓗ ᐃᓄᐃᑦ ᐃᓕᖅᑯᓯᖏᓐᓂᒃ ᓄᓇᓕᖏᓐᓂᒃᓗ ᓴᖅᑭᔮᕆᐊᓪᓚᒃᑎᑦᑎᓂᒃᑯᑦ ᐊᒻᒪᓗ ᐱᕙᓪᓕᐊᓂᒃᑯᑦ ᓄᓇᒥᑦ ᖃᓄᐃᓕᐅᕈᓯᖕᓂᑦ; ᐊᒻᒪᓗ ᐱᒋᐊᖅᑎᑦᑎᓗᑎᒃ ᐱᖅᑯᓯᑐᖃᓂ ᐱᓕᕆᐊᒃᓴᓂ ᐊᑐᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ.

ᒥᕐᖑᐃᖅᓯᕐᕖᑦ ᐊᓯᖏᓪᓗ ᓄᓇᐃᑦ, ᐊᑖᓃᑦᑐᑦ ᐃᓄᐃᑦ ᐊᒃᑐᕐᑕᐅᓂᐊᕐᓂᖏᓐᓄᑦ ᐃᑲᔫᓯᐊᖅᑖᕈᓐᓇᐅᑎᖏᓐᓄᓪᓗ ᐊᖏᕈᑎᒃᑯᑦ (IIBA) ᐅᑭᐅᖅᑕᕐᑐᒥ ᒥᕐᖑᐃᕐᓯᕐᕕᖕᓄᑦ ᐊᒻᒪᓗ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂᑦ (NLCA), ᐸᖕᓇᒃᑕᐅᓯᒪᖕᒪᑕ ᐊᐅᓚᑕᐅᓪᓗᑎᒃᓗ ᑕᒪᐃᓐᓂᒃ ᐊᒻᒪᓗ ᐋᖅᑭᒃᑕᐅᓯᒪᓪᓗᑎᒃ ᐅᔾᔨᕐᓱᑦᑎᐊᕐᓂᒃᑯᑦ ᐊᒻᒪᓗ ᖃᐅᔨᓇᓱᒍᑎᒃᑯ, ᐃᓄᐃᑦ ᖃᐅᔨᒪᔭᖏᑎᒍᑦ, ᓄᓇᓕᖕᓂᑦ ᐊᒻᒪᓗ ᖃᐅᔨᓴᖅᑎᒃᑯᑦ ᖃᐅᔨᒪᓂᖏᑦᒍᑦ, ᐊᒻᒪᓗ ᐅᓪᓗᒥᐅᔪᖅ ᐱᓕᕆᔾᔪᓯᖅᑎᒍ ᐊᒻᒪᓗ ᓄᓇᐅᑉ ᖃᓄᐃᓕᖓᓂᖓ ᒪᓕᒃᖢᒍ.

ᑐᕌᒐᕆᔭᐅᓇᓱᐊᖅᑐᑦ

ᒥᕐᖑᐃᕐᓯᕝᕕᓕᕆᔨᒃᑯᑦ ᐊᓯᖏᓪᓗ ᓄᓇᓕᕆᔩᑦ ᐱᓕᕆᕝᕕᖓ ᑐᕌᒐᖃᕋᓱᐊᖅᐳᑦ ᐅᑯᓂᖓ:

  • ᓄᓇᕘᑉ ᓄᓇᖓᓐᓂᒃ ᐃᓂᑐᖃᕆᔭᕕᓂᖕᓂᓪᓗ ᓴᐳᒻᒥᒃᖠᕋᓱᒃᖢᑎᒃ.  ᓄᓇᕘᑉ ᒥᕐᖑᐃᕐᓯᕐᕕᖏᑦ  ᐊᓯᖏᓪᓗ ᓄᓇᐃᑦ ᓇᓗᓇᐃᖅᓯᕗᑦ, ᓴᐳᒻᒥᒃᖠᖅᖢᑎᒃᓗ ᐊᒻᒪᓗ ᐱᒋᐊᓪᓚᒃᑎᑦᑎᓪᓗᑎᒃ ᓄᓇᕘᑉ ᓄᓇᖁᑎᖏᓐᓂᒃ ᐊᒻᒪᓗ ᐃᓕᖅᑯᓯᑐᖃᕕᓂᖏᑦᑕ ᐃᓂᖏᓐᓂᒃ; ᐊᔾᔨᒌᖏᑦᑐᓂ ᐆᒪᔪᖃᖕᓂᖏᓐᓂᒃ ᐊᒻᒪᓗ ᐱᒻᒪᕆᐅᓂᖓᓂ; ᐊᒻᒪᓗ ᐱᒻᒪᕆᐅᒻᒪᕆᖕᓂᖓᓂ, ᐊᔾᔨᐅᙱᓐᓂᖓᓄ ᐊᒻᒪᓗ ᐊᓐᓂᕐᓇᖕᓂᖓᓂ ᓄᓇ ᐊᒻᒪᓗ ᐃᓕᖅᑯᓯᐊᓂ ᓄᓇᖓᓐᓂ ᐊᒻᒪᓗ ᐊᑐᒐᒃᓴᐅᓂᖓᓂ.
  • ᐃᓚᐅᑎᑦᑎᓗᑎᒃ ᓄᓇᓕᖕᓂᑦ ᐱᐅᕐᓱᐊᖕᓂᖕᒥᑦ ᐊᒻᒪᓗ ᐱᖅᑯᓯᑐᖃᖕᓂᑦ ᖁᔮᕈᑎᖃᖕᓂᖕᒥᑦ.ᓄᓇᕘᑉ ᒥᕐᖑᐃᕐᓯᕐᕕᖏᑦ ᐊᓯᖏᓪᓗ ᓄᓇᐃᑦ ᐃᓚᐅᑎᑦᑎᓗᑎᒃ ᓄᓇᓕᖕᒥᐅᓂᑦ, ᐳᓚᕋᖅᑎᓂᒃ ᐊᒻᒪᓗ ᐱᒃᑯᒍᓱᒃᓗᑎᒃ, ᑐᑭᓯᐊᓗᑎᒃ, ᖃᐅᔨᒪᓗᑎᒃ ᐊᒻᒪᓗ ᖁᔮᕈᑎᒋᓗᒍ ᓄᓇᕘᑉ ᐊᔾᔨᒌᖏᑦᑐᖁᑎᖏᑦ ᐊᒻᒪᓗ ᐊᔾᔨᐅᙱᓛᑦ ᓄᓇᖓᓐᓂᒃ ᐱᖅᑯᓯᑐᖃᕐᕕᕕᓃᓪᓗ.
  • ᐳᓛᕆᐊᖅᐸᒃᑐᑦ ᐊᓕᐊᓇᐃᒍᓱᑦᑎᐊᖃᑦᑕᖁᓪᓗᒋᑦ.  ᓄᓇᕘᑉ ᒥᕐᖑᐃᕐᓯᕐᕕᖏᑦ ᐊᓯᖏᓪᓗ ᓄᓇᐃᑦ  ᐱᕕᖃᕆᐊᓪᓚᖁᔨᓪᓗᑎᒃ ᓈᒻᒪᒃᑐᓂᒃ, ᐊᑦᑕᕐᓇᙱᑦᑐᓂᒃ ᐊᒻᒪᓗ ᐊᑐᐃᓐᓇᐅᔪᓐᓇᖅᑐᓂ ᖃᓄᐃᓕᐅᒐᓚᒃᕕᒃᓴᓂ ᐊᒻᒪᓗ ᐃᓄᓕᒫᓄᑦ ᖁᕕᐊᓇᖕᓂᖅᓴᐅᓕᖅᑎᒃᑲᓐᓂᕐᓗᒋᑦ ᐊᒻᒪᓗ ᐃᓕᑦᑎᕙᓪᓕᐊᔾᔪᑕᐅᓗᓂ ᒪᓕᒃᓗᑎᒃ ᓴᐳᒻᒥᔭᐅᓂᖓᓄ ᓄᓇᐃᓐᓇᖅ ᐊᒻᒪᓗ ᐱᖅᑯᓯᑐᖃᓄᑦ ᐱᒻᒪᕆᖕᓂᑦ; ᐊᒻᒪᓗ ᐅᐸᑲᖅᑕᕐᕕᑦᑎᐊᕙᒻᒪᕆᐅᓂᖏᓐᓂᒃ ᐊᒻᒪᓗ ᐅᐸᒍᒥᓇᕐᓗᑎᒃ ᓄᓇᕗᒻᒥᐅᓄᑦ ᐊᒻᒪᓗ ᐳᓚᕋᖅᑎᓄᑦ ᐊᒻᒪᓗ ᐱᑎᑦᑎᑲᐅᑎᒋᔪᓐᓇᕐᖢᓂ ᑐᕌᕐᓗᓂ ᓴᓂᐊᒍᓪᓘᓐᓂᑦ ᐱᕙᓪᓕᐊᓂᖏᓐᓄᒃ ᓄᓇᓕᖕᓄᑦ.

ᐱᓕᕆᐊᑦ ᒥᕐᖑᐃᕐᓯᕐᕕᖕᒧᑦ ᐊᓯᖏᓪᓗ ᓄᓇᐃᑦ

ᑖᒃᑯᐊ ᒥᕐᖑᐃᕐᓯᕐᕕᖕᒧᑦ ᐊ ᐊᓯᖏᓪᓗ ᓄᓇᐃᑦ ᐊᕕᒃᓯᒪᖕᒪᑕ ᐱᖓᓱᐃᓕᖓᓪᓗᑎᒃ ᐱᓕᕆᐊᖃᕐᕕᖏᑦ.

ᐱᓕᕆᐊᓄᑦ ᐱᕙᓪᓕᐊᔪᓕᕆᔩᑦ

ᑖᒃᑯᐊ ᐱᕙᓪᓕᐊᓃᑦ ᐃᓚᐅᔪᑦ ᒥᕐᖑᐃᕐᓯᕐᕕᖕᓄᑦ ᐊᒻᒪᓗ ᐊᓯᖏᓪᓗ ᓄᓇᐃᑦ ᐱᓕᕆᐊᖏᓐᓄᒃ ᐊᒻᒪᓗ ᐃᓕᖅᑯᓯᐊᑕ ᐸᖕᓇᒃᓯᒪᓂᖓ; ᒪᓕᒐᓕᕆᓂᖅ ᐊᒻᒪᓗ ᐊᑐᐊᒐᓂ ᐱᓕᕆᓂᖅ; ᑐᓴᐅᒪᔪᓕᕆᓂᖅ ᐊᒻᒪᓗ ᐱᕚᓪᓕᖅᑎᑦᑎᓂᖅ; ᑐᓴᐅᒪᑎᑦᑎᓂᖅ ᒥᕐᖑᐃᕐᓯᕐᕕᖕᓂᑦ ᐊᑐᐃᓐᓇᐅᔪᓂᒃ, ᐸᖕᓇᐃᓂᖅ ᐊᒻᒪᓗ ᐊᐅᓚᑦᑎᓂᖅ; ᐊᒻᒪᓗ ᐊᕕᒃᑐᕐᓯᒪᔪᑦ ᖃᐅᔨᓴᖅᑕᐅᔭᕆᐊᓕᖕᓂᑦ ᐃᖏᕐᕋᑎᑦᑎᓂᖕᓂ. ᐱᓕᕆᐊᓄᑦ ᐱᕙᓪᓕᐊᔪᓕᕆᔩᑦ ᐃᑲᔪᖃᑦᑕᕆᕗᑦ ᐱᐅᖅᓱᐊᕐᓂᖕᓂᑦ ᐊᒻᒪᓗ ᐊᑐᓗᐊᙱᓪᓗᓂ ᓄᓇᓂᑦ ᐊᐅᓚᑦᑎᓂᖕᓂᑦ ᓄᓇᓂᒃ ᐸᖕᓇᐃᓂᒃᑯᑦ, ᐱᕙᓪᓕᐊᔭᓂ ᕿᒥᕐᕈᓂᖅ ᐊᒻᒪᓗ ᓄᓇᓕᖕᓂᑦ ᐃᓕᓐᓂᐊᕐᓂᒃᑯᑦ ᐱᓕᕆᐊᒃᓴᐃᑦ.

ᐊᐅᓚᑦᑎᔩᑦ ᐊᒻᒪᓗ ᐸᖕᓇᐃᔩᑦ

ᐊᐅᓚᑦᑎᔩᑦ ᐊᒻᒪᓗ ᐸᖕᓇᐃᔩᑦ ᑲᒪᒋᔭᖃᖅᐳᑦ ᑖᒃᑯᐊ ᐃᒡᓗᕐᔪᐊᖁᑎᖏᓐᓂᒃ ᐊᒻᒪᓗ ᐱᖁᑎᖏᓐᓂᒃ ᐸᖕᓇᐃᓂᖕᓂᑦ, ᒥᕐᖑᐃᕐᓯᕕᐅᑉ ᐊᐅᓚᑕᐅᓂᖏᓐᓂᒃ, ᐊᒻᒪᓗ ᐳᓚᕋᖅᑎᓄᒃ ᐱᔨᑦᑎᕐᓂᖅ ᒥᕐᖑᐃᕐᓯᕐᕕᖕᓄᑦ, ᐊᐅᓪᓛᕐᕕᖕᓄᑦ, ᐊᖅᑯᑎᓄᑦ, ᐳᓛᕋᖅᑎᓄᑦ ᐊᒻᒪᓗ ᑐᓵᔨᐅᓂᖕᓄᑦ ᐅᐸᒃᓴᕐᕖᑦ ᐊᒻᒪᓗ ᑰᑐᖃᖕᓂᑦ.

ᓄᓇᐅᑉ ᖃᓄᐃᓕᖓᓂᖓᓄᑦ ᑐᑭᓯᒋᐊᕐᕕᒃ ᐊᒻᒪᓗ ᓄᓇᖁᑎᒋᔭᑦ

ᓄᓇᐅᑉ ᖃᓄᐃᓕᖓᓂᖓᓄᑦ ᑐᑭᓯᒋᐊᕐᕕᒃ ᐊᒻᒪᓗ ᓄᓇᖁᑎᒋᔭᑦ ᐱᓕᕆᐊᖃᖅᐳᑦ ᐱᕙᓪᓕᐊᓂᖏᓐᓂᒃ, ᐊᑐᓕᖅᑎᑦᑎᓂᖕᓂᑦ, ᑲᒪᒋᔭᖃᖕᓂᕐᓂᑦ ᐊᒻᒪᓗ ᐊᐅᓚᑦᑎᓂᖕᓂᑦ ᐱᓕᕆᕝᕕᐅᔫᑉ ᓄᓇᐅᑉ ᖃᓄᐃᓕᖓᓂᖓᓐᓄᑦ ᑐᑭᓯᒋᐊᕐᕕᒃ (GIS); ᑲᒪᑦᑎᐊᕐᓗᑎᒃ ᓄᓇᖁᑎᒋᔭᓂᑦ ᐊᒻᒪᓗ ᖃᓄᐃᓕᖓᓂᖏᓐᓂᒃ ᒥᕐᖑᐃᕐᓯᕐᕖᑦ ᐊᓯᖏᓪᓗ ᓄᓇᐃᑦ; ᐊᐅᓚᑦᑎᓂᖅ ᐊᒻᒪᓗ ᑲᒪᒋᔭᖃᖕᓂᖅ ᐱᓕᕆᕝᕕᐅᑉ ᑐᖅᑯᐃᕕᖏᓐᓂᒃ; ᑐᓴᐅᒪᑎᑦᑎᓗᑎᒃᓗ ᓄᓇᓅᖓᔪᓄᑦ ᑐᑭᓯᐅᒪᔾᔪᑎᓂᒃ ᐊᑐᕐᑕᐅᕙᒃᑐᓂᒃ ᐊᒻᒪᓗ ᐱᔨᑦᑎᕈᑎᓂᒃ ᑖᒃᑯᓄᖓ ᐱᓕᕆᕝᕕᐅᔪᓄᑦ, ᐊᓯᖏᓐᓄᑦ ᓄᓇᕗᑦ ᒐᕙᒪᖏᑦᑕ ᐱᓕᕆᕝᕕᖏᓐᓄᑦ, ᐊᒻᒪᓗ ᓯᓚᑖᓃᑦᑐᓄᑦ ᐊᓯᖏᓐᓄᑦ.

ᐱᖅᑯᓯᑐᖃᖕᓂᑦ ᖁᔭᓕᔾᔪᑎᑦ

ᑕᐃᒪᐃᔾᔪᑎᒋᔭᐅᔪᖅᓕ ᓄᓇᓖᑦ ᐊᒻᒪᓗ ᐳᓛᖅᑏᑦ ᑐᑭᓯᕚᓪᓕᕈᓐᓇᖅᑎᑕᐅᔪᓐᓇᖁᓪᓗᒋᑦ ᒥᕐᖑᐃᕐᓯᕐᕖᑦ ᐱᔾᔪᑎᖏᓐᓂᒃ, ᐊᒻᒪᓗ ᖃᓄᖅ ᓄᓇᕗᒻᒥᑦ ᒥᕐᖑᐃᕐᓯᕐᕕᓕᕆᔨᑦ ᐱᓕᕆᐊᖃᖕᒪᖔᖏᓐᓂᒃ, ᐊᒻᒪᓗ ᐃᓕᓐᓂᐊᕐᑎᑦᑎᔾᔪᑎᖃᑐᐃᓐᓇᕆᐊᖃᖅᖢᑎᒃ ᑕᒪᑐᒧᖔᖓᔪᓂᒃ, ᐃᒻᒥᒨᙱᑦᑐᖅ ᐱᔨᑦᑎᕈᑎᑦ ᐊᒻᒪᓗ ᓄᓇᓕᖕᓂᑦ ᐱᓕᕆᓃᑦ.

20-ᖕᐅᒪᑕ ᐃᓕᑕᕆᔭᐅᓯᒪᔪᑦ ᒥᕐᖑᐃᕐᓯᕐᕖᑦ ᐊᒻᒪᓗ ᐊᓯᖏᓪᓗ ᓄᓇᐃᑦ ᓄᓇᕗᒻᒥᑦ, ᐅᕘᓇ ᓇᕿᓪᓗᒍ ᐃᑭᐊᖅᑭᕕᐊᒍᑦ

         ᑕᑯᓇᒃᓗᒋᑦ ᓄᓇᕘᑉ ᒥᕐᖑᐃᕐᓯᕐᕕᖏᑦ ᐊᒻᒪᓗ ᐊᓯᖏᑦ ᓄᓇᐃᑦ.