ᐅᖃᓚᐅᑎᓯᐅᑏᑦ

You are here

ᐱᓕᕆᐊᑦ

ᐆᒪᔪᓕᕆᓂᖕᒧᑦ ᖃᐅᔨᓴᖕᓂᖅ

ᐆᒪᔪᓕᕆᓂᖕᒧᑦ ᖃᐅᔨᓴᖅᑐᓕᕆᔨᒃᑯᑦ ᖃᐅᔨᓴᐃᖃᑦᑕᕐᐳᑦ ᐊᒻᒪᓗ ᐆᒪᔪᓂᑦ ᐅᔾᔨᕐᓱᖕᓂᒧᑦ ᐱᓕᕆᐊᖃᕆᓪᓗᑎᒃ ᐊᕝᕗᖕᓂᒃᑯᑦ, ᖃᐅᔨᓴᖕᓂᒃᑯᑦ ᐊᒻᒪᓗ ᑐᖅᑯᐃᓂᖕᓂᑦ ᑕᒪᐃᓐᓂᒃ ᖃᐅᔨᓴᕈᑎᕕᓂᖕᓂᑦ ᐊᒻᒪᓗ ᐃᓄᐃᑦ ᖃᐅᔨᒪᔭᖓᑎᒍᑦ ᐆᒪᔪᓕᕆᓂᖕᓂᑦ.  ᓴᓇᕙᖕᓂᖏᑦ ᐊᐅᓚᑦᑎᔾᔪᑎᒧᑦ ᐸᖕᓇᐅᑎᓂᒃ, ᐊᑐᐊᒐᓂᒃ ᐊᒻᒪᓗ ᐊᑐᓗᐊᕐᑕᐃᓕᒪᖁᔨᔾᔪᑎᓂᒃ ᐃᓱᒪᒋᔭᐅᔭᕆᐊᓕᖕᓂᑦ ᓄᓇᕗᑦ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ ᑐᖅᑯᖅᑕᐅᕙᒃᐳᑦ ᓄᓇᓕᖕᓂᖔᕐᑐᓂᒃ ᐊᒻᒪᓗ ᐃᓚᒋᔭᐅᖃᑕᐅᔪᓂᑦ ᖃᐅᔨᒋᐊᖅᑕᑦ.  ᐆᒪᔪᓕᕆᓂᖕᒧᑦ ᖃᐅᔨᓴᖅᑐᓕᕆᔨᒃᑯᑦ ᐱᓕᕆᖃᑎᖃᖃᑦᑕᕐᐳᑦ ᐊᖑᓇᓱᒃᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ, ᐊᕕᒃᑐᕐᓯᒪᔪᑦ ᐆᒪᔪᖕᓂᐊᖅᑎᒃᑯᑦ, ᓄᓇᕗᒻᒥᑦ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ, ᒥᕐᖑᐃᕐᓯᕐᕕᖕᓄᑦ ᐊᐅᓚᑦᑎᖃᑎᒌᑦ ᑲᑎᒪᔨᖏᓐᓂᒃ, ᐊᒻᒪᓗᑦᑕᐅ ᑲᓇᑕᒥ ᐊᒻᒪᓗ ᓄᓇᕐᔪᐊᖕᒥᑦ ᐊᐅᓚᑦᑎᔨᐅᖃᑕᐅᔪᓂᑦ.  ᐆᒪᔪᓕᕆᓂᖕᒧᑦ ᖃᐅᔨᓴᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᕿᒥᕐᕈᓇᖃᑦᑕᕆᕗᑦ ᓄᓇᑖᕈᒪᔾᔪᑎᓂᒃ, ᐅᔾᔨᕐᓱᑦᑎᐊᕐᖢᑎᒃᓗ ᓄᓇ ᐊᑐᕐᑕᐅᓂᖓᓄ ᖃᓄᖅ ᐊᒃᑐᕐᑕᐅᕙᖕᓂᖏᓐᓂᒃ, ᐊᒻᒪᓗ ᖃᓄᐃᓕᐅᖁᔨᔭᕆᐊᖃᕌᖓᒥ ᓴᖅᑭᑦᑎᕙᒃᖢᑎᒃ ᐃᓱᒪᒋᑦᑎᐊᕐᖢᓂᔾᔪᒃ ᐆᒪᔪᑦ ᐊᒻᒪᓗ ᐆᒪᔪᑦ ᓄᓇᖏᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᓅᓇ ᓇᕿᑦᑎᓗᑎᑦ:

  • ᒫᓐᓇᐅᔪᖅ ᖃᐅᔨᓴᖅᑕᐅᔪᑦ
     
  • ᐆᒪᔪᓕᕆᓂᖕᒧᑦ ᐊᐅᓚᑦᑎᓂᖕᒧᑦ ᖃᐅᔨᒋᐊᕐᕕᒃ (ᐅᖃᓕᒫᒐᕈᔪᐃᑦ ᐊᒻᒪᓗ ᖃᐅᔨᓴᕈᑎᕕᓂᖕᓄᑦ ᐅᓂᒃᑳᑦ)

ᐆᒪᔪᓕᕆᓂᖕᒧᑦ ᐊᐅᓚᑦᑎᓃᑦ

ᐆᒪᔪᓕᕆᓂᖕᒧᑦ ᐊᐅᓚᑦᑎᔨᒃᑯᑦ ᐱᓕᕆᐊᖃᖅᐳᑦ ᑖᒃᑯᐊ ᐱᔨᑦᑎᕐᑎᑦᑎᓂᖕᒧᑦ ᓄᓇᓕᖕᓄᑦ ᐆᒪᔪᓕᕆᓂᖕᒧᑦ ᐊᐅᓚᑕᐅᔪᓂ ᑲᒪᑎᑦᑎᓪᓗᑎᒃ ᐱᓕᕆᑎᑦᑎᓪᓗᑎᒃ ᐊᑐᓗᐊᕐᑕᐃᓕᓂᖕᒧᑦ ᓴᓇᔨᓂᒃ ᑖᒃᑯᐊ  ᐆᒪᔪᐃᑦ ᒪᓕᒐᖏᑦ ᐊᒻᒪᓗ ᐊᑐᐊᒐᖏᑦ ᒪᓕᒃᑕᐅᑦᑎᐊᕋᓗᐊᕆᐊᒃᓴᖏᓐᓂᒃ.  ᑖᒃᑯᐊᑦᑕᐅᖅ ᐱᓕᕆᕝᕖᑦ ᓄᓇᓕᖕᓄᑦ ᑐᖅᑲᖅᑕᕐᕕᐅᕗᑦ ᐊᔾᔨᒌᖏᑦᑐᓄᑦ ᐱᓕᕆᐊᒃᓴᓄᑦ ᐊᒃᑐᐊᓂᖃᕐᖢᑎᒃ ᐊᑐᓕᒃᑲᓐᓂᕈᓐᓇᖅᑐᓂᒃ.

ᐊᑐᓗᐊᖅᑕᐃᓕᓂᖕᒧᑦ ᓴᓇᔨᑕᖃᓕᒫᖅᐳᖅ ᓄᓇᕘᑉ ᐆᒪᔪᖕᓂᐊᖅᑎᒃᑯᑦ ᐊᒡᓚᒃᕕᓕᒫᖏᓐᓂᒃ ᓄᓇᓕᖕᓂᒃ ᐊᒻᒪᓗ ᑲᒪᒋᔭᖃᕐᖢᑎᒃ ᒪᑯᓂᖓ:

  • ᐊᑐᓕᖅᑎᑦᑎᓂᖅ ᓄᓇᕗᒻᒥᑦ ᒪᓕᒐᓂᑦ ᐱᔾᔪᑎᓖᑦ ᐆᒪᔪᖕᓂᑦ ᐊᒻᒪᓗ ᐊᕙᓗᐊᓂᑦ, ᒪᓕᒃᖢᑎᒃ ᐆᒪᔪᓕᕆᓂᖕᒧᑦ ᐱᖁᔭᓂᒃ, ᓄᓇᕗᒻᒥᑦ ᒥᕐᖑᐃᕐᓯᕐᕕᖕᓄᑦ ᐱᖁᔭᑦ ᐊᒻᒪᓗ ᐊᕙᑎᒥ ᓴᐳᒻᒥᒃᖠᖕᓂᖕᒧᑦ ᐱᖁᔭᓂ.
     
  • ᐊᑐᓕᖅᑎᑦᑎᓂᖅ ᑲᓇᑕᒥ ᒪᓕᒐᓂᒃ ᓴᐳᒻᒥᒃᖠᖅᑐᑦ ᐃᖃᓗᖕᓂᑦ, ᐃᒪᖕᒥᐅᑕᓂᑦ ᐊᒻᒪᓗ ᓅᑉᐸᒃᑐᓂ ᑎᖕᒥᐊᓂᒃ ᐊᒻᒪᓗ ᐊᑐᕐᑎᑦᑎᕙᒃᖢᑎᒃ ᐆᒪᔪᐃᑦ ᓅᑕᐅᓂᖏᓐᓂᒃ ᐊᒻᒪᓗ ᐊᑦᑕᖕᓇᓕᖅᑐᓄᑦ ᐆᒪᔪᓄᑦ.
     
  • ᐸᖕᓇᐃᓂᖅ ᐊᒻᒪᓗ ᖃᐅᔨᓴᖃᑦᑕᕐᓂᖅ ᓄᓇᖁᑎᒋᔭᓂᑦ ᓄᓇᖁᑎᖏᓐᓂᒃ.
     
  • ᐃᑲᔪᖅᑐᐃᓂᖅ ᐱᑐᐃᓐᓇᕐᓂᑦ ᑐᓴᐅᒪᓂᓕᕆᓂᖕᒧᓪᓗ ᐊᒻᒪᓗ ᐃᑲᔪᖅᑐᐃᓂᖅ ᑎᑎᕋᖅᑕᐅᕙᓪᓕᐊᔪᓂᒃ ᐊᕙᑎᓕᕆᔨᒃᑯᑦ ᖃᐅᔨᓴᖕᓂᖏᓐᓄᑦ.
     
  • ᐃᑲᔪᖃᑦᑕᖕᓂᖅ ᐱᖏᖕᓇᖅᑐᖃᓕᖅᑎᓪᓗᒍ ᕿᓂᖅᑐᓂᒃ.
     
  • ᓄᓇᓕᖕᓂᑦ ᐊᖑᓇᓱᒃᑐᓕᕆᔨᒃᑯᖏᓐᓂᒃ ᐱᓕᕆᖃᑎᖃᖅᖢᑎᒃ ᓴᖅᑭᔮᖅᑎᑦᑎᓇᓱᐊᖅᖢᑎᒃ ᐊᒻᒪᓗ ᐃᓕᓐᓂᐊᕐᑎᑦᑎᓇᓱᐊᖅᖢᑎᒃ ᐆᒪᔪᓕᕆᓂᐅᑉ ᒥᒃᓵᓄᑦ.
     
  • ᐅᖃᐅᓯᖃᖃᑦᑕᕐᓂᖅ ᐊᕙᑎᓕᕆᔨᒃᑯᑦ ᒪᓕᒐᖏᓐᓂᒃ ᐊᒻᒪᓗ ᒪᓕᒐᓕᐊᖑᕙᒃᑐᓂᒃ ᓄᓇᕗᒻᒥᐅᓄᑦ ᐊᒻᒪᓗ ᓴᖅᑭᔮᖅᑎᑦᑎᒋᐊᓪᓚᒃᖢᑎᒃ ᐱᓕᕆᕝᕕᐅᑉ ᐱᓕᕆᐊᖏᓐᓂᒃ ᐊᒻᒪᓗ ᐱᓇᓱᐊᖅᑕᖏᓐᓂᒃ.
     
  • ᐃᑲᔪᖅᑐᐃᓪᓗᑎᒃ ᕿᓰᑦ/ᐊᒦᑦ ᐊᑭᓕᖅᓱᐃᓂᖕᓂᑦ, ᕿᒥᕐᕈᐊᖕᓂᒃᑯᑦ ᐊᒻᒪᓗ ᓂᐅᕕᖕᓂᒃᑯᑦ ᕿᓯᖕᓂᑦ ᐊᖑᓇᓱᒃᑎᓂᑦ.
     
  • ᐃᓕᓐᓂᐊᕐᕕᖕᓄᑦ ᐅᓂᒃᑳᕆᐊᖅᑐᖃᑦᑕᖕᓂᖅ ᐊᒻᒪᓗ ᓄᓇᓕᖕᓂ ᖃᓄᐃᓕᐅᖅᑐᖃᓕᕌᖓᑦ ᐱᐅᖅᓱᐊᖕᓂᐅᑉ ᒥᒃᓵᓄᑦ ᐊᒻᒪᓗ ᒪᓕᒐᓕᕆᓂᖕᓂᑦ.
     
  • ᑐᐊᕕᖕᓇᖅᑐᓕᕆᓂᖅ/ᐊᑦᑕᕐᓇᖅᑐᓕᕆᓂᖅ ᐆᒪᔪᓂᒃ ᓲᕐᓗ ᐱᖦᖤᙱᓴᖅᑐᖃᕈᓂ ᓄᓇᓖᑦ ᖃᓂᒋᔮᓂ.
     
  • ᖃᐅᔨᓴᖕᓂᖅ ᑐᖁᑕᐅᔪᑦ ᐃᒻᒥᓂᒃ ᓴᐳᑎᓂᒃᑯᑦ.
     
  • ᖃᐅᔨᓴᖕᓂᖅ ᐃᒡᓗᖁᑎᒋᔭᓂᑦ, ᓴᓇᕝᕕᐅᔪᓂᑦ, ᓂᐅᕕᕐᕕᖕᓂᑦ ᐊᒻᒪᓗ ᐃᒡᓗᓂᑦ ᒪᓕᑦᑎᐊᕋᓗᐊᕆᐊᒃᓴᖏᓐᓂᒃ ᐊᕙᑎᒧᑦ ᓴᐳᒻᒥᓪᖠᖕᓂᖕᒧᑦ ᐱᖁᔭᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᙵᐅᓗᑎᑦ  ᐆᒪᔪᓕᕆᓂᖕᒧᑦ ᐊᐅᓚᑦᑎᓂᖕᒧᑦ ᖃᐅᔨᓇᓱᒃᕕᒃ

ᐆᒪᔪᖕᓂᑦ ᐱᓗᐊᖅᑕᐃᓕᓂᖕᒧᑦ ᐱᓕᕆᐊᑦ

ᐱᓕᕆᖃᑎᖃᖕᓂᒃᑯᑦ ᕼᐋᒻᓚᑦᖑᔪᓂᑦ, ᐊᖑᓇᓱᒃᑐᓕᕆᔨᒃᑯᓐᓂᑦ, ᐊᑐᓗᐊᖅᑕᐃᓕᓂᖕᒧᑦ ᑲᒪᔨᓂᒃ ᐊᒻᒪᓗ ᓄᓇᓕᖕᒥᐅᓂᑦ, ᐊᕙᑎᓕᕆᔨᒃᑯᑦ ᐆᒪᔪᖕᓂᑦ ᐱᓗᐊᖅᑕᐃᓕᓂᖕᒧᑦ ᐱᓕᕆᕝᕖᑦ ᑐᕌᖓᕗᑦ ᖃᐅᔨᓴᖕᓂᒃᑯᑦ ᐊᒻᒪᓗ ᐃᓄᐃᑦ ᖃᐅᔨᒪᓂᖏᓐᓂᒃ ᐊᑦᑕᕐᓇᔾᔭᐃᖕᓂᕐᓂᑦ ᐊᒻᒪᓗ ᐊᑐᓗᐊᖅᑕᐃᓕᓂᒃᑯᑦ ᑕᒪᐃᓐᓄᑦ ᐆᒪᔪᓄᑦ ᐊᒻᒪᓗ ᐃᓄᖕᓄᑦ.

  1. ᐆᒪᔪᖕᓂᑦ ᐱᓗᐊᖅᑕᐃᓕᓂᖕᒧᑦ ᐱᓕᕆᐊᑦ ᐃᒪᐃᓐᓇᓱᐊᖅᐳᑦ:
     
  2. ᐃᓄᐃᑦ ᐊᑦᑕᕐᓇᖅᑐᒦᑦᑕᐃᓕᓂᒃᑯᑦ ᐆᒪᔪᖕᓂᑦ
     
  3. ᐆᒪᔪᐃᑦ ᓄᓇᖏᑦ ᓱᕋᒃᑕᐅᓗᐊᖅᑕᐃᓕᓂᖓ

ᐃᒻᒥᒥᒃ ᓴᐳᒻᒥᓂᒃᑯᑦ ᑐᖁᕋᐃᓗᐊᖅᑕᐃᓕᒪᓂᖅ

ᓄᑖᖅ ᐆᒪᔪᕐᓄᑦ ᓱᕋᑦᑎᕆᔭᐅᔪᓄᑦ ᑮᓇᐅᔭᖅᑖᖅᑎᑕᐅᓂᖅ ᐊᒻᒪᓗ ᓱᕋᑦᑎᖅᑕᐃᓕᒪᑎᑦᓯᓂᕐᒧᑦ

ᐊᕙᑎᓕᕆᔨᒃᑯᑦ ᐱᓕᕆᕝᕕᖓ ᒪᓐᓇᕈᓗᒃ ᓴᖅᑮᓛᖅᑐᑦ ᒪᕐᕉᓐᓂᒃ ᓄᑖᖑᔫᓐᓂᒃ ᐱᓕᕆᐊᑦᓴᓂᑦ ᑐᕌᖓᔪᓂᒃ ᓴᐳᔾᔨᓂᕐᒥᑦ ᓄᓇᕘᒥᐅᓂᑦ ᐱᖅᑯᓯᑐᖃᖏᓐᓂ ᐊᑐᖃᑦᑕᖅᑎᓪᓗᒋᑦ.

ᐆᒪᔪᕐᓄᑦ ᓱᕋᑦᑎᕆᔭᐅᔪᓄᑦ ᑮᓇᐅᔭᖅᑖᖅᑎᑕᐅᓂᖅ  ᐱᓕᕆᐊᖑᔪᖅ ᑐᕌᖓᔪᖅ ᐊᑭᓖᓐᓂᕐᒥᑦ ᐃᓄᓐᓄᑦ ᑮᓇᐅᔭᓕᐅᕐᓂᕐᒧᑦ ᐊᓯᐅᔨᓯᒪᔪᓂᑦ ᐱᔾᔪᑕᐅᓪᓗᓂ ᐆᒪᔪᐃᑦ. ᐱᓇᔪᖃᑕᐅᔪᓐᓇᕐᓂᕐᒧᑦ ᑖᑦᓱᒧᖓ ᑮᓇᐅᔭᕐᒧᑦ, ᐃᓄᒃ ᐊᒃᓱᕉᑎᖃᕆᐊᖃᖅᑐᒥᓂᖅ ᐆᒪᔪᒧᑦ ᓱᕋᑦᑎᖅᑕᐅᓚᐅᙱᓐᓂᖓᓂ ᐱᖁᑎᖓᓂ. ᐱᒻᒪᕆᐅᔪᖅ ᖃᐅᔨᒪᔭᐅᓗᓂ ᑖᓐᓇ ᐱᓕᕆᐊᖑᔪᖅ ᑐᕌᖓᖏᒻᒪᑦ ᐊᑭᓕᒫᖏᓐᓂᒃ ᐊᑭᓖᓂᕐᒧᑦ ᐆᒪᔪᓄᑦ ᓱᕋᑦᑎᕆᔭᐅᔪᓄᑦ, ᑭᓯᐊᓂ ᐱᕕᖃᖅᑎᑦᓯᔪᖅ ᓄᓇᕗᒻᒥᐅᓂᒃ ᓈᒻᒪᑦᑐᒥᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᓄᖅᑲᖅᑎᒐᑦᓴᐅᙱᑦᑐᒥᑦ ᐆᒪᔪᒥᑦ ᓱᕋᑦᑎᕆᔪᖃᓕᖅᐸᑦ.

ᐆᒪᔪᓄᑦ ᓱᕋᑦᑕᐅᔪᓄᑦ ᐊᑭᓕᖅᑕᐅᔾᔪᑎᑦ

ᐊᖏᕈᑎ ᔭᒐᐃᔪᒥᓂᐅᓂᖓᓄᑦ

ᐆᒪᔪᓄᑦ ᓱᕋᑦᑎᖅᑕᐅᔪᓄᑦ ᐊᑭᓕᖅᑕᐅᔪᒪᔾᔪᑎᒧᑦ ᑎᑎᕋᖅᕕᒃ

ᐆᒪᔪᕐᓄᑦ ᓱᕋᑦᑎᕆᔭᐅᔪᓄᑦ ᑮᓇᐅᔭᖅᑖᖅᑎᑕᐅᓂᖅ  ᐱᓕᕆᐊᖑᔪᖅ ᑐᕌᖓᔪᖅ ᐊᑐᐃᓐᓇᖃᐃᓐᓂᕐᒥᑦ ᐱᖁᑎᓂᑦ, ᐊᑐᕆᐊᓕᓐᓂᒃ, ᐊᒻᒪᓗ ᖃᐅᔨᒪᓂᖃᕐᓂᕐᒥᑦ ᒥᑭᓪᓕᑦᑎᕆᓂᕐᒥᑦ ᐅᕝᕙᓘᓐᓃᑦ ᓇᖅᑲᖅᑎᑦᓯᓂᕐᒥᑦ ᐆᒪᔪᓄᑦ ᓴᕋᖅᑎᕆᔭᐅᓂᕐᒥᑦ ᐊᒻᒪᓗ ᐊᖏᓪᓕᑦᓯᕆᓂᕐᒥᑦ ᐃᓄᐃᑦ ᐊᑦᑕᕐᓇᖅᑐᒦᙱᓐᓂᖏᓐᓂᒃ.

ᐆᒪᔪᓂᒃ ᓱᕋᒃᑎᕆᑎᑦᑎᑦᑕᐃᓕᒪᓂᕐᒧᑦ ᐃᑲᔫᑎ

ᑖᓐᓇᓕ ᑎᑎᕋᖅᑕᐅᔭᕆᐊᓕᒃ ᐆᒪᔪᓐᓂᐊᖅᑎᒧᑦ

ᐃᑲᔫᑎᒧᑦ ᑐᒃᓯᕋᐅᑎ 001: ᓂᕐᔪᑎᓂᒃ ᖃᐅᔨᔾᔪᑎᒧᑦ

ᐃᑲᔫᑎᒧᑦ ᑐᒃᓯᕋᐅᑎ 002: ᓇᔅᓴᑲᑦᑕᖅ ᓱᑲᓐᓇᖅᑐᑦ ᓴᐴᓗᑕᐃᑦ

ᐃᑲᔫᑎᒧᑦ ᑐᒃᓯᕋᐅᑎ 003: ᐃᓕᓯᒪᑯᑖᖃᑦᑕᓂᐊᖅᑐᓂᒃ ᓴᐴᓗᑕᕐᓂᒃ

ᐃᑲᔫᑎᒧᑦ ᑐᒃᓯᕋᐅᑎ 004: ᓇᓄᕐᓂᒃ ᒪᑉᐱᖅᑕᐅᔪᓐᓇᖏᑦᑐᑦ ᐱᖁᑎᒃᑯᕖᑦ

ᐃᑲᔫᑎᒧᑦ ᑐᒃᓯᕋᐅᑎ 005: ᓂᕐᔪᑎᓄᑦ ᕿᒫᑎᑦᑎᔾᔪᑎᑦ

ᐃᑲᔫᑎᒧᑦ ᑐᒃᓯᕋᐅᑎ 006: ᕿᖕᓂᕐᓂᒃ ᓴᐳᔾᔨᓯᒪᓇᓱᐊᕐᓂᕐᒧᑦ

ᐃᑲᔫᑎᒧᑦ ᑐᒃᓯᕋᐅᑎ 007: ᐋᖅᑭᒋᐊᕈᑎᔅᓴᑦ ᓱᓇᒐᓚᐃᑦ

ᐃᑲᔫᑎᒧᑦ ᑐᒃᓯᕋᐅᑎ 008: ᐊᓯᖏᑦ ᐱᓕᕆᐊᒃᓴᐃᑦ

ᓄᓇᓕᐅᑉ ᐆᒪᔪᕐᓂᐊᖅᑎᖏᑦ ᐊᒻᒪᓗ ᓄᓇᒥᐅᑕᓕᕆᔩᑦ ᐱᓕᕆᖃᑎᒌᓐᓂᐊᖅᑐᑦ ᐊᑐᓕᖅᑎᑦᓯᓂᕐᒥᑦ ᑖᑦᓱᒥᖓ ᐱᓕᕆᐊᖑᔪᒥᑦ. ᖃᐅᔨᒋᐊᓵᓕᓂᐊᖅᐳᑎᑦ ᑐᑭᓯᒋᐊᒃᑲᓐᓂᕈᑎᒃᓴᓄᑦ!

"ᓇᓄᕐᓂᒃ ᐊᑦᑕᕐᓇᖅᑐᒦᑦᑕᐃᓕᒪᓂᖅ" ᓄᓇᕘᒥ

ᐅᑭᐊᑦᓵᒃᑯᑦ, ᓇᓪᓕᑦᑕᕐᓂᐅᔪᖅ ᓯᑯᐊᓚᐅᙱᓐᓂᖓᓂ, ᐊᒥᓲᔪᑦ ᓄᓇᕗᒻᒥᐅᑦ ᑕᑯᓐᓂᖅᓴᐅᖃᑦᑕᖅᑐᑦ ᓇᓄᓐᓂᒃ ᓄᓇᓕᖏᓐᓂᒃ. ᐊᕐᕌᒍᒐᓴᐅᓕᖅᑐᓂᑦ, ᐊᒥᓱᑦ ᐊᖑᓇᓱᑦᑏᑦ, ᐃᓐᓇᐃᑦ, ᐊᒻᒪᓗ ᓄᓇᓕᒻᒥᐅᑕᐃᑦ ᐅᖃᖃᑦᑕᖅᓯᒪᓕᑐᑦ ᐊᒥᓲᓂᖅᓴᐅᓕᖅᑐᑦ ᐃᓄᓐᓂᒃ-ᓇᓄᕐᓄᑦ ᐊᑲᐅᙱᓕᐅᕈᑕᐅᔪᑦ, ᓲᕐᓗ ᓇᓄᐃᑦ ᐃᓪᓗᕋᓛᓅᖃᑦᑕᕐᓂᖏᑦ, ᕿᖕᓂᕆᔭᐅᔪᓂᒃ, ᐊᑦᑕᕐᕖᑦ ᐊᒻᒪᓗ ᐱᓱᑐᐃᓐᓇᖅᑐᑎ ᓄᓇᓕᒻᒥ. ᓇᓄᐃᑦ ᐊᐅᓪᓚᖅᐸᓪᓕᐊᓕᖅᑎᓪᓗᒋᑦ, ᓄᓇᓕᒃᑰᒐᔪᓲᖑᒻᒪᑕ ᐊᒻᒪᓗ ᐸᖁᓐᓂᑯᒧᑦ ᑳᓐᓂᑯᒧᓪᓗ ᐊᑐᖃᑦᑕᖅᑕᕋᓗᐊᖏᓐᓂᒃ ᐊᑐᕈᓐᓃᓕᓲᖑᒻᒪᑕ. ᑕᒪᓐᓇ ᐊᑐᖅᑕᐅᑎᓪᓗᓂ ᐊᑦᓱᕈᓐᓇᕈᓐᓇᖅᑐᖅ ᐃᓄᓐᓄᑦ, ᓇᓄᐃᑦ ᐊᑦᑕᕐᓈᕿᒍᓐᓇᕐᒪᑕ ᐱᖁᑎᓄᑦ ᐃᓄᓐᓄᓪᓗ. ᓄᓇᕗᒻᒥᐅᑦ ᐊᔾᔨᒌᙱᑦᑐᓂᑦ ᐊᑐᕈᓐᓇᖅᑐᑦ ᐊᑲᐅᙱᓕᐅᕈᑎᖃᕐᓂᐊᙱᒻᒪᑕ ᓇᓄᖅᑕᖃᓕᖅᐸᑦ.

ᒪᐅᖓ ᓇᕿᓪᓗᑎᑦ ᐃᑲᔫᑎᑦᓴᓄᑦ  "ᓇᓄᕐᓂᒃ ᐊᑦᑕᕐᓇᖅᑐᒦᑦᑕᐃᓕᒪᓂᖅ" ᓄᓇᕘᒥ.

ᓇᓄᕐᓄᑦ ᐊᑦᑕᕐᓈᕿᑦᑕᐃᓕᒪᓂᕐᒧᑦ ᐃᑲᔫᑎᑦᓴᑦ 

ᓇᓄᕐᓄᑦ ᐊᑦᑕᕐᓈᕿᑦᑕᐃᓕᒪᓂᕐᒥᑦ ᐊᐅᓪᓛᖅᓯᒪᓗᓂ ᐊᑭᓐᓇᕐᒥᐅᑕᖅ

ᖃᓪᓗᓈᑎᑐᑦ/ᐃᓄᒃᑎᑐᑦ

ᓇᓄᕐᓄᑦ ᐊᑲᐅᙱᓕᐅᕈᑎᖃᖅᑕᐃᓕᒪᓂᖅ ᓄᓇᓕᑦᓯᓐᓂ ᐊᑭᓐᓇᕐᒥᐅᑕᖅ

ᖃᓪᓗᓈᑎᑐᑦ/ᐃᓄᒃᑎᑐᑦ

ᖃᓄᐃᓕᐅᕆᐊᖃᕐᒪᖔᖅᐱᑦ ᓇᓄᕐᒥᒃ ᑕᑯᒍᕕᑦ ᐊᑭᓐᓇᕐᒥᐅᑕᖅ

ᖃᓪᓗᓈᑎᑐᑦ/ᐃᓄᒃᑎᑐᑦ

ᐊᐅᓪᓛᑦᓯᐊᖃᑦᑕᕆᑦ ᐊᑦᑕᕐᓈᕿᖏᓪᓗᑎᑦ ᓄᓇᕘᒥ ᐊᑭᓐᓇᕐᒥᐅᑕᖅ

ᖃᓪᓗᓈᑎᑐᑦ/ᐃᓄᒃᑎᑐᑦ