ᐅᖃᓚᐅᑎᓯᐅᑏᑦ

You are here

ᐃᒻᒥᒃᑰᖓᓂᖏᑦ ᑮᓇᐅᔭᓕᕆᔨᒃᑯᓐᓂ

ᑮᓇᐅᔭᓕᕆᔩᑦ ᐊᐅᓚᑦᑎᔨᖏᑦ
 

ᑮᓇᐅᔭᓕᕆᔩᑦ ᐊᐅᓚᑦᑎᔨᖏᑕ ᐱᓕᕆᐊᖏᑦ ᐱᖃᓯᐅᔨᕗᑦ ᐊᖓᔪᖃᐅᑎᓂᒃ, ᐃᖃᓇᐃᔭᕐᕕᖕᒥᖕᓂ ᑕᒪᖅᓯᒪᔪᖅᓯᐅᖅᑎᑦ ᐱᔨᑦᓯᕈᑎᖏᑦ, ᐃᒥᐊᓗᓕᕆᓂᕐᒧᑦ ᒪᓕᒃᑕᐅᑎᑦᑎᔨ ᐊᒻᒪᓗ ᖃᐅᔨᓴᖅᑎ ᐊᒻᒪᓗ ᓄᓇᕗᑦ ᐃᒥᐊᓗᓕᕆᔨᕐᔪᐊᒃᑯᑦ. ᐊᖓᔪᖃᐅᑏᑦ ᑎᓕᓯᔪᑎᖃᓱᖑᕗᑦ ᑕᒪᐃᓐᓂᑦ ᐱᓕᕆᖁᔨᔪᑎᓂᒃ ᐱᔭᐅᑎᑦᑎᒍᑎᓂᒃ ᑕᒪᐃᓐᓂᑦ ᑮᓇᐅᔭᓕᕆᔨᒃᑯᑦ ᐱᓕᕆᐊᒃᓴᖁᑎᖏᓐᓂᑦ ᐊᒻᒪᓗ ᐊᑐᐊᒐᕐᓂᑦ, ᐱᖃᓯᐅᑎᓗᒋᑦ ᐃᑲᔪᖅᓱᐃᔪᑎᑦ ᒥᓂᔅᑕᒧᑦ ᐊᒻᒪᓗ ᒐᕙᒪᒃᑯᑦ ᑭᒡᒐᖅᑐᐃᔨᖏᑕ ᑲᑎᒪᔨᖏᓐᓄᑦ. ᐊᖓᔪᖃᐅᑎᑦ ᐋᔨᖃᑎᖃᓱᖑᒋᕗᑦ, ᖃᐅᔨᒪᓇᓱᐊᖅᓯᓗᑎᒡᓗ ᐊᒻᒪᓗ ᐊᐅᓚᑦᑎᓗᑎᒃ ᑮᓇᐅᔭᓕᕆᓐᓇᐅᑉ ᐊᕿᒃᓱᖅᓯᒪᓂᖓᓂᑦ ᐱᓕᕆᖃᑎᒋᓗᒋᑦ ᒐᕙᒪᒃᑐᖃᒃᑯᑦ. ᐃᖃᓇᐃᔭᕐᕕᖕᒥᓂ ᑕᒪᖅᓯᒪᔪᖅᓯᐅᖅᑏᑦ ᐱᔭᐅᑎᑦᑎᓱᖑᕗᑦ ᐃᖃᓇᐃᔭᕐᕕᖕᓂ ᐊᒻᒪᓗ ᑭᒡᒐᖅᑐᐃᔨᓂᑦ ᓄᓇᕗᑦ ᒐᕙᒪᒃᑯᓂᑦ ᐃᒻᒥᒃᑰᖓᓗᑎᒃ ᐊᒻᒪᓗ ᐱᓕᕆᐊᖑᔪᒪᔪᑦ ᐊᑐᓚᕆᓂᐊᕐᓂᖏᓄᑦ ᐊᒻᒪᓗ ᐊᐱᖅᓱᕈᑎᖏᑕ ᐱᓕᕆᔪᑎᖏᑎᒍ ᐊᕿᒃᓱᖅᓯᒪᓂᖃᕐᓗᑎᒃ ᐃᓚᓯᔪᑕᐅᔪᓐᓇᖁᓗᒋᑦ ᐱᕕᐊᕐᓇᖅᑑᓂᖏᓂᑦ ᐊᒻᒪᓗ ᐱᐅᓯᑎᑕᐅᒃᑲᓂᕐᓗᑎᒃ ᓄᓇᕗᑦ ᒐᕙᒪᒃᑯᑦ ᐊᐅᓚᔪᑎᖏᑦ.

 

ᐊᑐᐊᒐᑦ, ᐸᕐᓇᖕᓃᑦ ᐊᒻᒪᓗ ᑮᓇᐅᔭᓕᕆᓂᕐᒥ ᐊᐅᓚᑦᑎᔨᑦ
 

ᐊᑐᐊᒐᑦ, ᐸᕐᓇᖕᓂᓪᓗ ᐊᒻᒪᓗ ᑮᓇᐅᔭᓕᕆᓂᕐᒥ ᐊᐅᓚᑦᑎᔨᑦ ᐱᓕᕆᐊᖏᑦ ᐱᖃᓯᐅᔨᕗᑦ ᑮᓇᐅᔭᓕᕆᔨᑦ ᐊᑐᐊᒐᓕᕆᔨᖏᓂᑦ, ᑮᓇᐅᔭᓕᕆᓐᓇᐅᑉ ᐊᑐᐊᒐᖏᓐᓂᑦ, ᐊᑭᓕᖅᓱᕆᐊᓕᑦ ᐊᐅᓚᑦᑎᔨᖏᓂᑦ ᐊᒻᒪᓗ ᑮᓇᐅᔭᓕᕆᔨᑦ ᐱᔨᑦᓯᕈᑎᖏᓐᓂᑦ. ᐊᑐᐊᒐᑦ ᐊᒻᒪᓗ ᐸᕐᓇᒍᑎᑦ ᐱᔭᐅᑎᑦᑎᓱᖑᕗᑦ ᐊᑐᐊᒐᕐᓂᒃ ᐃᑲᔪᖅᑕᐅᔪᑎᓂᒃ ᒥᓂᔅᑕᒧᑦ, ᑮᓇᐅᔭᓕᕆᔨᒃᑯᓐᓄᑦ ᐊᒻᒪᓗ ᒐᕙᒪᒃᑯᑦ ᑭᒡᒐᖅᑐᐃᔨᖏᓐᓄᑦ. ᐱᓕᕆᐊᖃᕆᓗᑎᒡᓗᑦᑕᐅᖅ ᐋᔨᖃᑎᖃᓂᕐᒥᒃ, ᖃᐅᔨᒪᓇᓱᐊᖅᓯᓂᕐᒥᒃ ᐊᒻᒪᓗ ᐊᐅᓚᑦᑎᓪᓗᑎᒃ ᑮᓇᐅᔭᓕᕆᓐᓇᐅᑉ ᐊᕿᒃᓱᖅᓯᒪᓂᖓᓂᑦ ᐱᓕᕆᖃᑎᒋᓗᒋᑦ ᒐᕙᒪᑐᖃᒃᑯᑦ. ᐊᑭᓕᖅᓱᕆᐊᓕᖕᓂᑦ ᐊᐅᓚᑦᑎᓂᖅ ᐱᔭᐅᑎᑦᑎᓱᖑᕗᖅ ᖃᐅᔨᓴᖅᓯᓂᒃᑯᑦ ᐃᑲᔪᖅᓱᐃᓪᓗᓂ ᑮᓇᐅᔭᓕᕆᓂᕐᒧᑦ ᑲᑎᒪᔨᓂᑦ, ᐊᐅᓚᑦᑎᕙᒡᓗᑎᒡᓗ ᐊᕐᕌᒍᑕᒪᑦ ᑮᓇᐅᔭᓂᒃ ᐊᕿᒃᓱᐃᔪᑎᖏᑕ ᐱᓕᕆᔪᓯᖏᓂᑦ ᐊᒻᒪᓗ ᐱᔭᐅᑎᑦᑎᓗᑎᒃ ᑮᓇᐅᔭᓕᕆᓂᕐᒧᑦ ᐱᓕᕆᔪᑎᓂᒃ. ᑮᓇᐅᔭᓕᕆᓂᕐᒧᑦ ᐱᔨᑦᓯᕈᑎᑦ ᐱᔭᐅᑎᑦᑎᓱᖑᕗᑦ ᐃᖃᓇᐃᔭᕐᕖᑦ ᑮᓇᐅᔭᖃᒃᑎᐅᔪᑎᖏᑎᒍ, ᐊᐅᓚᑎᓂᒃᑯᓪᓗ ᐊᒻᒪᓗ ᐃᖃᓇᐃᔭᖅᑐᓕᕆᓂᒃᑯᑦ ᐃᑲᔪᕈᑎᓂᒃ.

 

ᐊᑭᓕᖅᓱᐃᔪᑎᓕᕆᓂᖅ
 

ᐊᑭᓕᖅᓱᐃᔪᑎᓕᕆᓂᖅ ᐱᓕᕆᐊᖏᑦ ᐃᓚᖃᒃᐳᑦ ᑮᓇᐅᔭᓕᕆᔪᑎᑦ ᐱᓕᕆᔪᑎᖏᑕ ᐊᐅᓚᑕᐅᔪᑎᖏᓂᑦ, ᑮᓇᐅᔭᓕᕆᓯᒪᔪᓂᒃ ᐅᓂᒃᑳᖅᓯᒪᔪᓕᐅᕈᑏᓂᒃ ᐊᒻᒪᓗ ᐊᐅᓚᑦᑎᔪᑎᓂᒃ, ᑮᓇᐅᔭᑎᒍ ᐊᐅᓚᔪᑎᑦ, ᐊᑭᓖᔪᑎᓂᒃ ᐊᒻᒪᓗ ᐃᑲᔪᖅᑕᐅᔪᑎᓂᒃ, ᐃᖃᓇᐃᔭᖅᑎᑕᕐᓂᕐᒥᒃ ᐊᒻᒪᓗ ᓄᑕᔨᖅᓱᐃᓂᕐᒥᑦ, ᐃᖃᓇᐃᔭᖅᑎᐅᖃᑎᒋᑦ ᐱᓕᕆᖃᑎᒋᒡᓂᖏᓂᑦ ᐊᒻᒪᓗ ᐃᖃᓇᐃᔭᑦ ᖃᐅᔨᓇᓱᐊᖅᑕᐅᔪᑎᖏᓐᓂᑦ ᐊᒻᒪᓗ ᓄᓇᓕᖃᕕᐅᔪᒥ ᐊᐅᓚᔪᑎᓂ. ᐊᑭᓕᖅᓱᐃᔪᑎᓕᕆᓂᖅ ᐱᔭᐅᑎᑦᑎᓱᖑᕗᖅ ᓵᑕᒃᓴᐅᔪᓐᓇᕐᓂᐅᑉ ᐊᕿᒃᓱᖅᓯᒪᓂᖓᓂᑦ ᐊᒻᒪᓗ ᐱᓕᕆᔪᑎᓂᒃ ᒪᒃᑯᓂᖓ ᒪᑭᒪᑎᑦᑎᔪᓂᒃ ᓯᐊᒻᒪᖅᑎᑕᐅᓯᒪᔪᓄᑦ ᐊᐅᓚᑦᑎᕕᖕᓂᑦ ᓄᓇᕗᑦ ᒐᕙᒪᒃᑯᓂᑦ ᐱᓕᕆᐊᖑᖁᔭᐅᓪᓗᑎᒃ ᒪᑯᑎᒎᓇ ᐱᕙᓪᓕᐊᑎᑦᑎᓂᒃᑯᑦ ᐊᒻᒪᓗ ᐊᐅᓚᑦᑎᓂᕐᒥ ᓄᓇᕗᑦ ᒐᕙᒪᒃᑯᑦ ᑮᓇᐅᔭᓕᕆᓂᕐᒥ ᐊᒻᒪᓗ ᐃᖃᓇᐃᔭᖅᑐᓕᕆᓂᕐᒥ ᐱᓕᕆᔪᑎᒃᑯᑦ. ᑕᒪᒃᑯᐊ ᐱᓕᕆᓂᐅᔪᑦ ᐃᓚᖃᒃᐳᑦ ᑮᓇᐅᔭᓕᐅᕈᑎᓂᒃ ᐊᒻᒪᓗ ᐊᑭᓕᖅᓱᐃᔪᑎᑦ ᐱᓕᕆᔪᑎᖏᓐᓂᑦ ᐱᖃᓯᐅᑎᓗᒋᑦ ᐊᐅᓚᑦᑎᓃᑦ ᐃᖃᓇᐃᔭᖅᑐᓕᕆᓂᕐᒥ ᐱᓕᕆᔪᑎᓂ ᐱᖃᓯᐅᑎᓗᒋᑦ ᐃᖃᓇᐃᔭᑦ ᐱᕙᓪᓕᐊᑎᑕᐅᓂᖏᑦ, ᓄᑕᔨᖅᓱᐃᓃᑦ ᐊᒻᒪᓗ ᓄᖑᑉᐸᓪᓕᐊᑕᐃᓕᒪᑎᓗᒋᑦ, ᑮᓇᐅᔭᖅᑖᖅᑎᑦᑎᔨᑦ ᐊᒻᒪᓗ ᐃᑲᔪᖅᑕᐅᔪᑎᓕᕆᔨᒃᑯᑦ, ᐃᖃᓇᐃᔭᖅᑎᑦ ᐊᒻᒪᓗ ᑲᑐᔨᖃᑎᒋᑦ ᐱᓕᕆᖃᑎᒋᓂᖏᑦ, ᐱᖃᓯᐅᑎᓗᒋᓪᓗ ᐃᖃᓇᐃᔭᕖᑦ ᖃᓄᐃᖏᑦᑎᐊᕐᓂᖏᑦ, ᐊᑦᑕᕐᓇᖅᑕᐃᓕᓂᖅ ᐊᒻᒪᓗ ᖃᓄᐃᖏᑦᑎᐊᕐᓂᖅ. ᐊᑭᓕᖅᓱᐃᔪᑎᓕᕆᓂᖅ ᐊᕿᒃᓯᓱᖑᒋᕗᖅ ᐊᐅᓚᑦᑎᓗᓂᓗ ᑕᑕᑎᕆᐊᓕᖕᓂᑦ ᐊᒻᒪᓗ ᑎᑎᕋᒃᓯᒪᓂᖏᓂᑦ ᑮᓇᐅᔭᓕᕆᓯᒪᔪᑦ ᐅᓂᒃᑳᖅᓯᒪᓂᖏᓂᑦ ᐊᒻᒪᓗ ᒐᕙᒪᒃᑯᑦ ᑮᓇᐅᔭᖃᐅᑎᒃᑯᕕᖏᓐᓂᑦ.