ᐅᖃᓚᐅᑎᓯᐅᑏᑦ

You are here

ᑎᐹᖕᒧᑦ ᑖᒃᓰᔭᕈᑎᑦ

ᓄᓇᕗᑦ ᒐᕙᒪᒃᑯᖏᑦ ᐲᖅᓯᕗᑦ ᑕᕝᕚᑭᓄᑦ ᑖᒃᔅᖐᔭᐅᑎᓂᑦ

ᐊᑐᖅᑕᐅᓂᖓ

ᑖᒃᓰᔭᕈᑎᑦ ᐅᓄᕐᓂᖏᑦ

ᓄᓇᕗᑦ ᑎᐹᖕᒧᑦ ᑖᒃᓰᔭᖅᑎᑦᑎᕙᒃᐳᑦ ᐅᓄᕐᓂᖏᑦ ᒪᓕᒃᖢᒋᑦ.

ᐅᕗᖓ ᑕᑯᒋᐊᕈᓐᓇᖅᐳᑎᑦ ᓄᓇᕗᒻᒥ ᑖᒃᓰᔭᕈᑕᐅᕙᒃᑐᑦ ᑎᑎᕋᖅᓯᒪᔪᓂ ᑕᒪᑐᒪᓂ ᐊᕐᕌᒍᒥ ᑎᐹᖕᒧᑦ ᑖᒃᓰᔭᕈᑕᐅᓂᐊᖅᑐᓂᒃ.

ᑖᒃᓰᔭᕈᑎᓂᒃ ᑲᑎᖅᓱᐃᓂᖅ

ᓂᐅᕕᐊᒃᓴᑦ ᑖᒃᓯᓕᖅᑕᐅᕙᒃᐳᑦ ᓂᐅᕐᕈᑎᖃᕐᕕᐅᔪᓄᑦ, ᑲᑎᑕᐅᕙᓪᓕᐊᕙᒃᖢᑎᒡᓗ ᐃᓗᐃᑦᑑᑕᐅᓈᖅᖢᒋᑦ ᓂᐅᕕᖅᑕᐅᕙᓪᓕᐊᕙᒃᑐᑦ ᐊᒻᒪ ᑕᖅᑭᑕᒫ ᐊᑭᓕᐅᑎᒥᓂᒃ ᓇᒃᓯᐅᔾᔨᕙᒃᖢᑎᒃ ᑲᑎᖅᓱᐃᔨᑦ.

ᑕᖅᑭᑕᒫ ᐅᓂᒃᑳᓕᐊᑦ

ᑲᑎᖅᓱᐃᔨᑦ ᐅᓂᒃᑳᓕᐅᖃᑦᑕᖅᐳᑦ ᐊᒻᒪ ᑖᒃᓯᒧᑦ ᐊᑭᓕᐅᑎᒥᓂᒃ ᓇᒃᓯᐅᔾᔨᕙᒃᖢᑎᒃ ᑕᖅᑭᑕᒫᑦ ᑕᖅᑭᐅᓵᖅᑐᒥᑦ ᓂᐅᕐᕈᑕᐅᔪᑦ ᒪᓕᒃᖢᒋᑦ ᓄᓇᕗᒻᒥ ᓂᐅᕐᕈᑎᖃᕐᕕᐅᕙᒃᑐᓄᑦ. ᑲᑎᖅᓱᐃᔨᑦ ᐅᓂᒃᑳᓕᐅᖅᑎᑦᑎᔪᓐᓇᕐᓂᕐᒥᒃ ᑐᒃᓯᕋᑐᐃᓐᓇᕆᐊᖃᖅᐳᑦ ᑮᓇᐅᔭᓕᕆᔾᔪᑎᒋᕙᒃᑕᖏᓐᓂᒃ ᐊᒃᑐᐊᓂᓕᖕᓂᒃ.


ᖃᐅᔨᓴᖅᑎᑦᑎᓂᖅ

ᐃᓗᐊᑦᑑᓪᓗᑎᒃ ᓂᐅᕐᕈᑕᐅᔪᑦ ᓂᐅᕐᕈᑕᐅᔭᕆᐊᖃᖅᐳᑦ ᐱᓪᓚᕆᐅᔪᒥᒃ ᓂᐅᕐᕈᑎᖃᕐᓂᕐᒧᑦ ᐱᔪᓐᓇᐅᑎᖃᖅᑐᓄᑦ. ᐃᓗᐊᑦᑐᓂᒃ ᓂᐅᕐᕈᑎᖃᖅᑐᑦ ᐅᓂᒃᑲᐅᓯᖃᕆᐊᖃᖅᐳᑦ ᓂᐅᕐᕈᑎᖃᕈᓐᓇᐅᑎᐅᑉ ᓈᓴᐅᑎᖓᓂᒃ ᐊᑐᓂ ᓂᐅᕐᕈᑕᐅᔪᓂᒃ.
ᐸᓖᓯᒃᑯᓐᓂ ᐃᑲᔪᖅᑎᖃᕐᓗᑎᒃ ᐱᔪᓐᓇᖅᓯᔭᕌᖓᑕ, ᐅᐸᒃᑕᐅᓗᑎᒃ ᐱᓕᕆᔪᖃᑐᐃᓐᓇᕆᐊᓕᒃ ᓂᐅᕐᕈᑎᖃᖅᐸᒃᑐᓄᑦ ᒪᓕᑦᑎᐊᖁᓪᓗᒋᑦ ᑎᐹᖕᒧᑦ ᑖᒃᓰᔭᕈᑎᑦ ᐱᖁᔭᖓᓂ.

ᒪᓕᒐᕐᓂᒃ ᒪᓕᑦᑎᐊᖅᑎᑦᑎᔾᔪᑏᑦ

ᐱᔪᓐᓇᐅᑎᑖᖅᑎᑦᑎᓂᖅ


ᑎᐹ`ᖕᒥᒃ ᐃᓗᐃᑦᑐᓂᒃ ᓂᐅᕐᕈᑎᖃᖅᐸᒃᑐᑦ ᑲᑎᖅᓱᐃᔨᑦ ᐊᖏᕈᑎᖓᓄᐊᕆᐊᖃᖅᐳᑦ ᐊᒻᒪ ᐃᓗᐃᑦᑐᓂᒃ ᓂᐅᕐᕈᑎᖃᕈᓐᓇᕐᓂᕐᒧᑦ ᐱᔪᓐᓇᐅᑎᑖᕐᓗᑎᒃ ᒥᓂᔅᑕᒥᑦ.
ᑖᒃᑯᐊᑐᐊᖅ ᑎᐹᖕᒥᒃ ᓂᐅᕐᕈᑎᖃᕈᓐᓇᖅᐳᑦ ᓂᐅᕕᖅᐸᒃᑐᓄᑦ. ᐃᓗᐃᑦᑐᓂᒃ ᓂᐅᕕᖅᐸᒃᑐᑦ ᑎᐹᖕᒥᒃ ᓂᐅᕐᕈᑎᖃᕈᓐᓇᖅᐳᑦ ᓂᐅᕕᖅᐸᒃᑐᓄᑦ ᐱᓪᓚᕆᐅᔪᒥᒃ ᑎᐹᖕᒥᒃ ᓂᐅᕈᑎᖃᕈᓐᓇᐅᑎᖃᖅᑐᓄᑦ. ᓂᐅᕐᕈᑎᖃᖅᐸᒃᑐᑦ ᓂᐅᕕᖅᑎᑦᑎᓂᕐᒧᑦ ᐱᔪᓐᓇᐅᑎᖃᖅᑐᑦ ᑭᓯᐊᓂ ᑎᐹᖕᒥᒃ ᓂᐅᕐᕈᑎᖃᕈᓐᓇᖅᐳᑦ ᓂᐅᕕᖅᐸᒃᑐᓄᑦ. ᐱᓪᓚᕆᐅᔪᒥᒃ ᓂᐅᕐᕈᑎᖃᕈᓐᓇᕐᓂᕐᒧᑦ ᓈᓴᐅᑏᑦ ᐃᓗᐃᑦᑐᓂᒃ ᓂᐅᕐᕈᑎᖃᖅᐸᒃᑐᓄᑦ ᑐᓂᔭᐅᕙᒃᐳᑦ ᑐᒃᓯᕋᕐᕕᐅᓪᓗᑎᒃ.

ᑮᓇᐅᔭᙳᖅᑎᑕᐅᔪᓐᓇᖅᑐᓂᒃ ᐱᔭᐅᔭᕆᐊᓖᑦ

ᒥᓂᔅᑕ ᑲᑎᖅᓱᐃᔨᓂᒃ ᑮᓇᐅᔭᒃᑯᕕᖕᒧᐊᖅᓯᖁᔨᑐᐃᓐᓇᕆᐊᓕᒃ ᑮᓇᐅᔭᑎᒍᑦ ᐊᓯᖏᑎᒍᓪᓘᓐᓃᑦ ᑮᓇᐅᔭᙳᖅᑎᑕᐅᔪᓐᓇᖅᑐᓄᑦ.

ᓄᖅᑲᖅᑎᑦᑎᓂᖅ ᐅᖓᕙᕆᐊᖅᑎᑦᑎᓂᕐᓗ

ᐱᔪᓐᓇᐅᑎᒥᓂᒃ ᓄᖅᑲᖅᑎᑦᑎᔾᔪᑕᐅᔪᓐᓇᖅᑐᑦ ᒪᑯᐊᖑᕗᑦ:

  • ᒪᓕᒋᐊᓕᖕᓂᒃ ᒪᓕᒃᑐᖃᙱᓪᓗᓂ ᐱᖁᔭᕐᒦᑦᑐᓂᒃ ᐅᕝᕙᓘᓐᓃᑦ ᒪᓕᒃᑕᐅᔭᕆᐊᓕᖕᓂᒃ ᐊᖏᕈᑎᒦᑦᑐᓂᒃ
  • ᐊᑭᓕᐅᑎᒥᒃ ᓇᒃᓯᐅᔾᔨᔪᖃᙱᓪᓗᓂ ᑖᒃᓯᓄᑦ, ᐅᕝᕙᓘᓐᓃᑦ ᑖᒃᓯᒥᓂᒃ ᑎᑎᕋᖅᑐᖃᙱᓪᓗᓂ.
  • ᓴᖅᑭᑎᑦᑎᙱᓪᓗᓂ ᐊᑐᕆᐊᓕᖕᓂᒃ ᑮᓇᐅᔭᙳᖅᑎᑕᐅᔪᓐᓇᖅᑐᓄᑦ.
  • ᐸᓯᔭᒃᓴᙳᖅᑎᑕᐅᓗᓂ ᐱᖁᔭᕐᒥᒃ ᓱᕋᐃᓂᕐᒧᑦ.
  • ᐱᕋᔭᖕᓂᕋᖅᑕᐅᓗᓂ ᑎᐹᑉ ᐱᖁᔭᖓ (ᑲᓇᑕᒥ) ᒪᓕᒡᓗᒍ.

ᓄᖅᑲᖅᑎᑦᑎᔪᖃᓚᐅᙱᑎᓪᓗᒍ ᐅᖓᕙᕆᐊᖅᑎᑦᑎᔪᖃᓚᐅᙱᑎᓪᓗᒍᓘᓐᓃᑦ, ᐃᓄᐃᑦ ᖃᐅᔨᓇᓱᒍᓐᓇᖅᑎᑕᐅᕗᑦ ᖃᓄᐃᒻᒪᑦ ᐱᔪᓐᓇᐅᑎᒋᔭᐅᔪᖅ ᓄᖅᑲᖅᑎᑕᐅᔭᕆᐊᖃᙱᓐᓂᖓᓂ ᐅᕝᕙᓘᓐᓃᑦ ᐅᖓᕙᕆᐊᖅᑕᐅᔭᕆᐊᖃᙱᓐᓂ.

ᑕᒻᒪᖅᓯᒪᔪᖅᓯᐅᕐᓂᖅ

ᖃᐅᔨᓴᖅᑕᐅᑎᑦᑎᓚᐅᕐᓗᓂ ᒥᓂᔅᑕ ᐃᓱᒪᒃᓴᖅᓯᐅᕈᑎᖃᕆᐊᖃᙱᓚᖅ ᐊᕐᕌᒍᑦ ᐊᕐᕕᓂᓕᑦ ᐅᖓᑖᓄᑦ ᖃᐅᔨᓴᓯᒋᐊᕐᕕᒋᔭᖓᑕ ᑐᖔᓂ, ᑕᒻᒪᖅᓯᒪᔪᖅᓯᐅᖅᑐᑦ ᐅᕝᕙᓘᓐᓃᑦ ᖃᐅᔨᓴᖅᑐᖃᕐᓗᓂ ᑮᓇᐅᔭᖃᕐᕕᒋᔭᐅᔪᑦ ᐅᖃᓕᒫᒐᖏᓐᓂᒃ, ᑎᑎᕋᖅᓯᒪᔪᓂᒃ ᑎᑎᖅᑲᖁᑎᒋᔭᐅᔪᓂᒡᓘᓐᓃᑦ, ᑭᓯᐊᓂ ᖃᐅᔨᔾᔪᑎᒃᓴᖅᑕᖃᖅᐸᑦ ᐃᓄᖕᒥᒃ ᑎᒡᓕᒃᑐᖃᕐᓂᖓᓂᒃ ᐃᓱᓕᕝᕕᒃᓴᐅᑎᖃᖅᑎᑕᐅᔪᖃᙱᓪᓗᓂ.

ᐃᖅᑲᖅᑐᐃᕕᒃᑯᑦ ᖃᓄᐃᓕᐅᖁᔭᐅᓂᖅ ᐊᑭᓕᐅᑎᒋᔭᕆᐊᓖᓪᓗ

ᒥᓂᔅᑕ ᖃᐅᔨᓴᕈᓐᓇᖅᐳᖅ ᐃᖅᑲᖅᑐᐃᕕᒃᑯᑦ ᖃᓄᐃᓕᐅᖁᔭᐅᔪᒥᒃ 10% ᓇᓕᒧᖓᓂ ᑭᓇᑐᐃᓐᓇᕐᒧᑦ ᐊᑭᓕᖅᑕᐅᔭᕆᐊᓕᖕᒥᒃ ᑖᒃᓯᓂᒃ ᑲᑎᖅᓱᖅᑕᐅᔭᕆᐊᓕᖕᓂᒃ ᐱᔭᕆᐊᖃᖅᐸᑦ.

ᐊᑭᓕᐅᑎᒋᔭᕆᐊᓖᑦ

ᐱᔪᓐᓇᐅᑎᖃᙱᓪᓗᓂ ᑎᐹᖕᒥᒃ ᐊᓯᐊᓄᑦ ᓄᓇᓕᖕᓄᐊᖅᑎᑦᑎᓂᕐᒧᑦ:

ᐱᕋᔭᒋᐊᙵᖅᑐᖅ: 1,000 ᓯᒡᒐᓖᑦ, 250 ᓯᒡᒑᑦ ᐅᕝᕙᓘᓐᓃᑦ 2,000 ᒍᕌᒻᔅ ᐊᓯᖏᓐᓂᒃ ᑎᐹᑦ ᑐᖔᓃᑦᑐᑦ $200-ᒥᑦ ᐱᒋᐊᕐᓗᓂ ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᐳᖅ, $1,000-ᒧᑦ ᑎᑭᓪᓗᒍ ᐊᒻᒪ/ᐅᕝᕙᓘᓐᓃᑦ ᐅᓪᓗᓄᑦ 30-ᓄᑦ ᑎᒍᔭᐅᓯᒪᓗᓂ.

1,000 ᓯᒡᒐᓖᑦ, 250 ᓯᒡᒑᑦ ᐅᕝᕙᓘᓐᓃᑦ 2,000 ᒍᕌᒻᔅ ᐊᓯᖏᓐᓂᒃ ᑎᐹᑦ ᐅᖓᑖᓃᑦᑐᑦ $1,000-ᒥ ᐱᒋᐊᕐᓗᓂ ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᐳᖅ $5,000-ᒧ ᑎᑭᓪᓗᒍ ᐊᒻᒪ ᐱᖓᓱᐃᖅᓱᓪᓗᐊᕐᓗᒍ ᑖᒃᓯᒥᒃ ᐊᑭᓕᕆᐊᓕᒃ ᐊᒻᒪ/ᐅᕝᕙᓘᓐᓃᑦ ᑎᒍᔭᐅᓯᒪᓗᓂ ᐅᓪᓗᓂᒃ 30-ᓄᑦ ᑎᑭᓪᓗᒍ ᐅᓪᓗᑦ ᖁᓕᑦ ᑐᖔᓂᐅᙱᑦᑐᖅ.

ᑭᖑᓂᐊᒍᑦ ᐱᕋᔭᒃᑲᓐᓂᖅᑐᖅ: 1,000 ᓯᒡᒐᓖᑦ, 250 ᓯᒡᒑᑦ ᐅᕝᕙᓘᓐᓃᑦ 2,000 ᒍᕌᒻᔅ ᐊᓯᖏᓐᓂᒃ ᑎᐹᑦ ᑐᖔᓃᑦᑐᑦ $500-ᒥᑦ ᐱᒋᐊᕐᓗᓂ ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᐳᑦ, $5,000-ᒧᑦ ᑎᑭᓪᓗᒍ ᐊᒻᒪ/ᐅᕝᕙᓘᓐᓃᑦ ᑕᖅᑭᓄᑦ 6-ᓄᑦ ᑎᒍᔭᐅᓯᒪᓗᓂ.

1,000 ᓯᒡᒐᓖᑦ, 250 ᓯᒡᒑᑦ ᐅᕝᕙᓘᓐᓃᑦ 2,000 ᒍᕌᒻᔅ ᐊᓯᖏᓐᓂᒃ ᑎᐹᑦ ᐅᖓᑖᓃᑦᑐᑦ $5,000-ᒥᑦ ᐱᒋᐊᕐᓗᓂ ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᐳᖅ $10,000-ᒧᑦ ᑎᑭᓪᓗᒍ ᐊᒻᒪ ᑕᓪᓕᒪᐃᖅᓱᓪᓗᐊᕐᓗᓂ ᑖᒃᓯᒥᒃ ᐊᑭᓕᖅᑕᐅᕆᐊᓕᒃ ᐊᒻᒪ/ᐅᕝᕙᓘᓐᓃᑦ ᑎᒍᔭᐅᓯᒪᓗᓂ ᑕᖅᑭᓄᑦ 9-ᓄᑦ ᑎᑭᓪᓗᒍ ᑕᖅᑭᑦ ᐱᖓᓱᑦ ᑐᖔᓂᐅᙱᑦᑐᖅ.

ᓇᓗᓇᐃᖅᓯᒪᔪᒥᒃ ᑎᐹᖕᒥᒃ ᐱᓯᒪᔪᑦ:
ᐱᕋᔭᒋᐊᙵᖅᑐᖅ: 1,000 ᓯᒡᒐᓖᑦ, 250 ᓯᒡᒑᑦ ᐅᕝᕙᓘᓐᓃᑦ 2,000 ᒍᕌᒻᔅ ᐊᓯᖏᓐᓂᒃ ᑎᐹᑦ ᑐᖔᓃᑦᑐᑦ $200-ᒥᑦ ᐱᒋᐊᕐᓗᓂ ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᐳᖅ, $1,000-ᒧᑦ ᑎᑭᓪᓗᒍ ᐊᒻᒪ/ᐅᕝᕙᓘᓐᓃᑦ ᐅᓪᓗᓄᑦ 30-ᓄᑦ ᑎᒍᔭᐅᓯᒪᓗᓂ.

1,000 ᓯᒡᒐᓖᑦ, 250 ᓯᒡᒑᑦ ᐅᕝᕙᓘᓐᓃᑦ 2,000 ᒍᕌᒻᔅ ᐊᓯᖏᓐᓂᒃ ᑎᐹᑦ ᐅᖓᑖᓃᑦᑐᑦ $1,000-ᒥᑦ ᐱᒋᐊᕐᓗᓂ ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᐳᖅ $5,000-ᒧᑦ ᑎᑭᓪᓗᒍ ᐊᒻᒪ ᐱᖓᓱᐃᖅᓱᓪᓗᐊᕐᓗᒍ ᑖᒃᓯᒥᒃ ᐊᑭᓕᕆᐊᓕᒃ ᓄᓇᕗᒻᒥ ᑎᐹᖅᑖᕆᔭᐅᓯᒪᓗᓂ ᐊᑭᓕᖅᑕᐅᓇᔭᓚᐅᖅᑐᒥᒃ  ᐊᒻᒪ/ᐅᕝᕙᓘᓐᓃᑦ ᑎᒍᔭᐅᓯᒪᓗᓂ ᐅᓪᓗᓂᒃ 30-ᓄᑦ ᑎᑭᓪᓗᒍ ᐅᓪᓗᑦ ᖁᓕᑦ ᑐᖔᓂᐅᙱᑦᑐᖅ.

ᑭᖑᓂᐊᒍᑦ ᐱᕋᔭᒃᑲᓐᓂᖅᑐᖅ: 1,000 ᓯᒡᒐᓖᑦ, 250 ᓯᒡᒑᑦ ᐅᕝᕙᓘᓐᓃᑦ 2,000 ᒍᕌᒻᔅ ᐊᓯᖏᓐᓂᒃ ᑎᐹᑦ ᑐᖔᓃᑦᑐᑦ $500-ᒥᑦ ᐱᒋᐊᕐᓗᓂ ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᐳᖅ, $5,000-ᒧᑦ ᑎᑭᓪᓗᒍ ᐊᒻᒪ/ᐅᕝᕙᓘᓐᓃᑦ ᑕᖅᑭᓄᑦ 6-ᓄᑦ ᑎᒍᔭᐅᓯᒪᓗᓂ.
1,000 ᓯᒡᒐᓖᑦ, 250 ᓯᒡᒑᑦ ᐅᕝᕙᓘᓐᓃᑦ 2,000 ᒍᕌᒻᔅ ᐊᓯᖏᓐᓂᒃ ᑎᐹᑦ ᐅᖓᑖᓃᑦᑐᑦ $5,000-ᒥᑦ ᐱᒋᐊᕐᓗᓂ ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᐳᖅ $10,000-ᒧᑦ ᑎᑭᓪᓗᒍ ᐊᒻᒪ ᑕᓪᓕᒪᐃᖅᓱᓪᓗᐊᕐᓗᒍ ᑖᒃᓯᒥᒃ ᐊᑭᓕᕆᐊᓕᒃ ᑎᐹᒃ ᓇᓗᓇᐃᖅᑕᐅᓯᒪᙱᓪᓗᓂ ᐊᒻᒪ/ᐅᕝᕙᓘᓐᓃᑦ ᑎᒍᔭᐅᓯᒪᓗᓂ ᑕᖅᑭᓄᑦ 9-ᓄᑦ ᑎᑭᓪᓗᒍ ᑕᖅᑭᑦ ᐱᖓᓱᑦ ᑐᖔᓂᐅᙱᑦᑐᖅ.

ᐅᖃᐅᓯᒃᓴᑦ

>ᐱᕋᔭᒋᐊᙵᖅᑐᖅ:     $500-ᒥᑦ ᐱᒋᐊᕐᓗᓂ $1,000-ᒧᑦ ᑎᑭᓪᓗᒍ ᐊᑭᓕᕆᐊᓕᒃ ᐅᕝᕙᓘᓐᓃᑦ/ᐊᒻᒪᓗ ᐅᓪᓗᓄᑦ 30-ᓄᑦ ᑎᑭᓪᓗᒍ ᑎᒍᔭᐅᓯᒪᓗᓂ ᐅᓪᓗᑦ ᖁᓕᑦ ᑐᖔᓂᐅᙱᑦᑐᖅ.

ᑭᖑᓂᐊᒍᑦ ᐱᕋᔭᒃᑲᓐᓂᖅᑐᖅ:     $1,000-ᒥᑦ ᐱᒋᐊᕐᓗᓂ $5,000-ᒧᑦ ᑎᑭᓪᓗᒍ ᐊᑭᓕᕆᐊᓕᒃ ᐊᒻᒪ/ᐅᕝᕙᓘᓐᓃᑦ ᑕᖅᑭᓄᑦ 6-ᓄᑦ ᑎᑭᓪᓗᒍ ᑎᒍᔭᐅᓯᒪᓗᓂ ᑕᖅᑭᑦ ᐱᖓᓱᑦ ᑐᖔᓂᐅᙱᑦᑐᖅ.

ᓇᓗᓇᐃᖅᓯᒪᔪᑦ/ᑖᒃᓯᖃᖅᑎᑕᐅᙱᑦᑐᑦ

ᓄᓇᕗᒻᒥ ᓇᓗᓇᐃᒃᑯᑦᑎᖅᓯᔾᔪᑎᖃᙱᑦᑐᑦ ᑭᓯᐊᓂ ᒪᓕᒐᕐᒥᒃ ᓱᕋᐃᓂᕋᖅᑕᐅᕗᑦ ᑎᐹᖕᒥᒃ ᐱᓯᒪᔪᑦ ᓇᓗᓇᐃᖅᑕᐅᓯᒪᔪᓂᒃ ᓂᐅᕕᐊᒃᓴᐅᓂᐊᖅᑐᓂᒃ ᐊᓯᖏᓐᓂᒃ ᐱᔪᓐᓇᕐᓂᖃᕐᕕᖕᓂ.