ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᑕᑉᑑᓇ ᓂᕈᐊᒐᒃᓴᐅᒃᑲᓐᓂᔾᔮᙱᑦᑐᖅ

ᓯᑎᐱᕆ 29, 2017

ᐅᖃᐅᓯᐅᔪᖅ

ᓯᕗᓕᖅᑎ ᑕᑉᑑᓇ ᓂᕈᐊᒐᒃᓴᐅᒃᑲᓐᓂᔾᔮᙱᑦᑐᖅ

ᓯᕗᓕᖅᑎ ᑕᑉᑑᓇ ᓴᖅᑭᑎᑦᑎᕗᖅ ᐆᒥᖓ ᐅᖃᐅᓯᕆᔭᒥᓂᒃ:

"ᓄᓇᕗᒻᒥᐅᑦ ᑐᓴᖅᑎᑦᑐᕙᒐᒃᑭᑦ ᓂᕈᐊᒐᒃᓴᐅᒃᑲᓐᓂᔮᔪᓐᓃᕐᓂᓐᓂᒃ ᑕᓪᓕᒪᖓᓄᑦ ᒪᓕᒐᓕᐅᕐᕕᖕᒦᓐᓂᐊᓕᕐᒥᔪᓄᑦ ᓄᓇᕗᒻᒥᐅᓄᑦ.

ᐱᒃᑯᓇᖅᑐᒻᒪᕆᐊᓘᓯᒪᕗᖅ ᐱᔨᑦᑎᕋᕐᕕᒋᓪᓗᒋᑦ ᓄᓇᕗᒻᒥᐅᑦ ᐊᕐᕌᒎᓵᖅᑐᓂ 9−ᓂ, ᒥᓂᔅᑕᐅᓚᐅᖅᖢᖓ ᐊᒻᒪᐃᓛᒃ ᓯᕗᓕᖅᑎᒋᔭᐅᓕᓚᐅᕆᓪᓗᖓ. ᐱᓕᕆᖃᑎᒋᕙᒃᑕᒃᑲ, ᑕᒪᕐᒥᑦᑎᐊᕐᓗ ᐃᓚᒋᔭᐅᔪᓕᒫᑦ ᒪᓕᒐᓕᐊᕐᕕᖕᒧᑦ, ᐱᓕᕆᐊᖃᐃᓐᓇᖅᖃᑦᑕᖅᓯᒪᕗᑦ ᐋᖅᑭᒃᓱᐃᕙᓪᓕᐊᓪᓗᑎᒃ ᓴᙱᓂᖅᓴᐅᓂᐊᖅᑐᒥᒃ ᓄᓇᕗᒻᒥᒃ, ᐃᑲᔪᖅᑐᐃᖃᑦᑕᖅᓯᒪᓪᓗᑎᒡᓗ ᓴᙱᔪᒥᒃ ᑐᙵᕕᖃᖅᓯᒪᓂᑦᑎᓐᓂᒃ ᐱᔪᓇᕐᓂᕆᖃᑦᑕᖅᓯᒪᔭᑦᑎᓐᓂᒡᓗ.

ᑎᓕᐅᖅᐸᒃᑲ ᒐᕙᒪᒋᔭᐅᓂᐊᓕᕐᒥᔪᑦ ᑲᔪᓰᓐᓇᖁᓪᓗᒋᑦ ᓯᕗᒻᒧᐊᖅᐸᓪᓕᐊᓂᕐᒧᑦ ᐱᓕᕆᖃᑎᒌᒃᐸᒡᓗᑎᒃ ᐊᒃᓱᕈᕈᑎᖃᑦᑎᐊᖅᐸᒡᓗᑎᒡᓗ, ᐱᑎᓪᓗᒋᓪᓗ ᓄᓇᕗᒻᒥᐅᑦ ᑐᑭᓯᓇᑦᑎᐊᖅᑐᒥᒃ ᐊᕗᖓᑲᓪᓚᒃ ᑕᐅᑐᖅᑰᕐᓂᕆᔭᐅᔪᒥᒃ ᐆᒻᒪᕆᑦᑎᐊᖅᑐᒧᑦ, ᐊᓯᔾᔨᕈᓐᓇᑦᑎᐊᖅᐸᒃᑐᒧᑦ ᐅᑭᐅᖅᑕᖅᑐᒥ ᓄᓇᒋᔭᑦᑎᓐᓄᑦ.

ᖁᔭᒋᔪᒪᕙᒃᑲ ᒪᓕᒐᓕᐅᕐᕕᖕᒦᔾᔪᑎᒋᖃᑦᑕᓵᖅᑕᒃᑲ ᑭᒡᒐᖅᑐᖅᖢᒋᑦ, ᓄᓇᕗᒻᒥᐅᑦ ᐃᓚᒃᑲᓗ ᐅᕙᓐᓂᒃ ᐃᑲᔪᖅᑐᐃᖃᑦᑕᖅᓯᒪᓂᖏᓐᓄᑦ ᒪᓕᒐᓕᐅᖅᑎᐅᓂᕐᒧᑦ ᐱᓇᔪᖕᓂᕆᖃᑦᑕᖅᓯᒪᔭᓐᓂ. ᓂᕈᐊᒐᒃᓴᐅᒃᑲᓐᓂᔾᔮᙱᓐᓂᕋ ᐊᔪᕐᓇᖅᖢᓂ ᐃᓚᒌᑎᒍᑦ ᐋᖅᑭᖃᑎᒌᒡᕕᒋᓵᖅᐸᕗᑦ. ᒐᕙᒪᐅᓂᐊᓕᕐᒥᔪᑦ ᑲᔪᓯᓂᖃᑦᑎᐊᖁᕙᒃᑲ, ᐃᓕᑉᐸᓪᓕᐊᓂᖃᖅᑎᓪᓗᒋᑦ ᐊᑐᓚᐅᖅᓯᒪᔭᒥᓂᑦ, ᓯᕗᓂᒃᓴᑦᑎᓐᓂᒡᓗ ᐋᖅᑭᒃᓱᐃᕙᓪᓕᐊᓂᖏᓐᓂ."

###

ᑐᓴᖅᑕᐅᔪᒃᓴᓄᑦ ᖃᐅᔨᒋᐊᕐᕕᒃᓴᖅ:

ᔮᒥᓇ ᐱᐸ
ᐱᓕᕆᔨᓪᓗᐊᑕᖅ, ᑭᒃᑯᑐᐃᓐᓇᓄᑦ ᐱᓕᕆᓂᐅᕙᒃᑐᓄᑦ ᓯᕗᓕᖅᑎᐅᑉ ᑎᑎᕋᕐᕕᖓᓂ
867-222-0961
ypepa@gov.nu.ca