ᐅᖃᓚᐅᑎᓯᐅᑏᑦ

You are here

ᐃᒃᐱᐊᕐᔪᖕᒥ ᐋᓐᓂᐊᕕᒃ ᒪᑐᐃᖅᑕᐅᕕᖕᓂᖓ

ᓯᑎᐱᕆ 11, 2017

ᐱᕙᓪᓕᐊᔪᖅ ᓴᖅᑭᑕᖅ


ᓴᖅᑭᑕᐅᑲᐅᑎᒋᔭᕆᐊᓕᒃ


ᐃᒃᐱᐊᕐᔪᖕᒥ ᐋᓐᓂᐊᕕᒃ ᒪᑐᐃᖅᑕᐅᕕᖕᓂᖓ

ᐃᒃᐱᐊᕐᔪᒃ, ᓄᓇᕗᑦ (ᓯᑎᐱᕆ 11, 2017) – ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᔪᐊᔾ Hᐃᒃᔅ ᒪᑐᐃᖅᓯᓪᓗᓂ
ᐃᒃᐱᐊᕐᔪᒃ ᐋᓐᓂᐊᕕᖕᒥ ᐅᓪᓗᒥ ᑭᐱᓯᓂᒃᑯᑦ. ᒥᓂᔅᑕ Hᐃᒃᔅ ᐃᑲᔪᖅᑕᐅᓪᓗᓂ ᒥᓂᔅᑕᖓᓄᑦ ᓄᓇᓕᖕᓂ
ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᔫ ᓴᕕᑲᑖᕐᒧᑦ, ᒪᓕᒐᓕᐅᖅᑎ ᐊᐃᓴᒃ ᓲᔪᒃ ᐊᒻᒪ ᐃᒃᐱᐊᕐᔪᖕᒥ ᒪᐃᔭᖓᓄᑦ ᔩᓚ
ᐊᕐᓇᐅᔪᒪᔪᖅ.


“ᓄᑖᖅ ᐋᓐᓂᐊᕕᒃ ᐅᓪᓗᒥᓕᓴᐅᔪᖅ ᑐᙵᓇᖅᖢᓂᓗ, ᑭᖑᕝᕕᖅᓯᓪᓗᓂᓗ ᓄᑕᐅᙱᑦᑐᒥᒃ ᐋᓐᓂᐊᕕᑐᖃᕐᒥᑦ.
ᐅᓪᓗᒥᓕᓴᕐᒧᑦ ᐋᖅᑭᒃᓯᒪᓂᖓ ᐱᑎᑦᑎᓂᐊᖅᑐᖅ ᒫᓐᓇᒧᑦ ᓯᕗᓂᑦᑎᓐᓄᓪᓗ ᐱᔭᕆᐊᓕᖕᓂᑦ ᑖᔅᓱᒥᖓ ᖁᑦᑎᒃᑐᒥ
ᐅᑭᐅᖅᑕᖅᑐᒥ ᓄᓇᓕᖓᓂ, ᓴᖅᑭᔮᖅᑎᑦᑎᓪᓗᓂᓗ ᓴᖅᑭᓵᖅᓯᒪᔪᓂᒃ ᑕᕐᕋᖅᑐᐃᔾᔪᑎᓂᒃ ᖃᐅᔨᓇᓱᒍᑎᒻᒪᕆᖕᓂᒡᓗ
ᐊᑐᖃᑦᑕᖅᑐᓂᑦ. ᖁᕕᐊᓱᒃᑐᖑᑦ ᐱᐅᓯᒋᐊᖅᑎᑦᑎᔪᓐᓇᕋᑦᑕ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᔨᑦᑎᕋᐅᑎᓂᑦ
ᐃᒃᐱᐊᕐᔪᖕᒥ,” ᐅᖃᖅᑐᖅ ᒥᓂᔅᑕ Hᐃᒃᔅ.


ᐃᒃᐱᐊᕐᔪᖕᒥ ᐋᓐᓂᐊᕕᐅᓚᐅᖅᑐᖅ ᓴᓇᔭᐅᓚᐅᖅᓯᒪᔪᖅ 1983−ᒥ. ᒥᑭᓗᐊᓚᐅᕐᒪᑦ ᐱᔨᑦᑎᕋᑦᑎᐊᕈᓐᓇᕐᓂᕐᒧᑦ ᒫᓐᓇᒧᑦ
ᐱᔭᕆᐊᖃᖃᑦᑕᖅᑐᓄᓪᓗ ᓄᓇᓕᖕᒥ. ᓄᑖᖑᕆᐊᕈᑎᑦ ᐋᓐᓂᐊᕕᖕᒧᑦ ᐃᓚᐅᑎᑦᑎᔪᑦ ᓄᑖᒥᒃ ᐊᔾᔨᓕᐅᕆᔪᓐᓇᖅᑐᒥᒃ
ᑕᕐᕋᖅᑐᐃᔾᔪᑎᓄᑦ ᐱᖁᑎᒥᒃ ᐱᐅᓯᒋᐊᖅᑎᑦᑎᓂᐊᖅᑐᖅ ᖃᐅᔨᔾᔪᑎᓂᒃ ᐅᓪᓗᓄᑦ ᐃᑲᕐᕋᓄᓪᓗ, ᐊᒻᒪᓗᑦᑕᐅᖅ
ᐱᓕᒻᒪᒃᓴᐃᑎᑦᑎᕝᕕᒃ ᐃᖅᑲᓇᐃᔭᖅᑎᓄᑦ.


ᓄᑖᖅ ᐃᒃᐱᐊᕐᔪᖕᒥ ᐋᓐᓂᐊᕕᒃ ᐃᓚᐅᑎᑦᑎᓂᐊᖅᑐᖅ ᑕᓪᓕᒪᑦ ᑲᑎᙵᔪᓂ ᐃᒡᓗᓂᑦ ᐃᓂᒋᔭᒃᓴᖏᓐᓂ
ᐃᖅᑲᓇᐃᔭᖅᑎᑦ, ᐱᔭᕇᖅᑕᐅᓂᐊᖅᑐᖅ ᐅᑐᐱᕆᒥ ᑕᒪᑐᒪᓂ ᐊᕐᕌᒍᒥ.


###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:
ᓇᐃᑏᓐ ᐳᕐᑎ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᓂᕐᒧᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
npurdy@gov.nu.ca