ᐅᖃᓚᐅᑎᓯᐅᑏᑦ
LogoHome

You are here

ᓯᕗᓕᖅᑎ ᐲᑕ ᑕᑉᑑᓇ

Department: 
ᓄᓇᕗᑦ ᒐᕙᒪᖓ

ᐅᐱᓐᓇᖅᑐᖅ ᐲᑕ ᑕᑉᑑᓇ ᐊᓯᖃᙱᖦᖢᓂ ᓂᕈᐊᖅᑕᐅᓚᐅᖅᑐᖅ ᓂᕈᐊᕐᓇᐅᑎᓪᓗᒍ ᐅᒃᑐᐱᕆ 28, 2013-ᒥᑦ, ᑭᒡᒐᖅᑐᐃᓂᕐᒧᑦ ᓄᓇᓕᖁᑎᖏᓐᓄᑦ ᖁᕐᓗᖅᑐᒥᑦ ᑎᓴᒪᖓᓐᓂ ᒪᓕᒐᓕᐅᕐᕕᓄᑦ ᓄᓇᕗᒻᒥ. ᒥᔅᑕ ᑕᑉᑑᓇ ᓂᕈᐊᖅᑕᐅᓚᐅᖅᐳᖅ ᓄᓇᕘᑉ ᐱᖓᔪᒋᓪᓗᓂᐅᒃ ᓯᕗᓕᖅᑎᐅᓂᕐᒧᑦ ᑕᐃᑲᓂ ᓄᕕᐱᕆ 15, 2013-ᒥ, ᐱᓕᕆᓂᐅᔪᓂᑦ ᓄᓇᕗᒻᒥ ᓯᕗᓕᖅᑏᑦ ᑲᑎᒪᖃᑎᒌᒃᑎᓪᓗᒋᑦ. ᓯᕗᓕᖅᑎ ᑕᑉᑑᓇ ᐊᖏᖅᑎᑕᐅᓚᐅᖅᐳᖅ ᓄᕕᐱᕆ 19, 2013-ᖑᑎᓪᓗᒍ.

ᓯᕗᓕᖅᑎ ᑕᑉᑑᓇ ᐃᒃᓯᕙᐅᑕᖃᓚᐅᕆᕗᖅ ᐱᖓᔪᖓᓐᓂ ᒪᓕᒐᓕᐅᕐᕕᖕᒥᑦ, ᑕᐃᑲᓂ ᓯᕗᓕᖅᑎᐅᑉ ᑐᖓᓕᕆᓪᓗᓂᐅᒃ, ᒥᓂᔅᑕᐅᓪᓗᓂ ᐱᕙᓪᓕᐊᔪᓕᕆᓂᕐᒧᑦ ᐃᖏᕐᕋᔪᓕᕆᓂᕐᒧᓪᓗ, ᒥᓂᔅᑕᐅᓪᓗᓂ ᐆᒻᒪᖅᑯᑎᓕᕆᓂᕐᒧᑦ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐱᕙᓪᓕᐊᑎᑦᑎᓇᓱᐊᕐᓂᕐᒧᑦ ᑯᐊᐸᕇᓴᒃᑯᓐᓂ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᑯᐊᐸᕇᓴᓐ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᐅᔭᕋᖕᓂᐊᕐᕕᖕᓄᑦ.

ᐅᐱᓐᓇᖅᑐᖅ ᐲᑕ ᑕᑉᑑᓇ ᐊᓯᖃᙱᖦᖢᓂ ᓂᕈᐊᖅᑕᐅᓚᐅᖅᑐᖅ ᓂᕈᐊᕐᓇᐅᑎᓪᓗᒍ ᐅᒃᑐᐱᕆ 28, 2013-ᒥᑦ, ᑭᒡᒐᖅᑐᐃᓂᕐᒧᑦ ᓄᓇᓕᖁᑎᖏᓐᓄᑦ ᖁᕐᓗᖅᑐᒥᑦ ᑎᓴᒪᖓᓐᓂ ᒪᓕᒐᓕᐅᖅᑎᖏᓐᓄᑦ ᓄᓇᕗᒻᒥ. ᒥᔅᑕ ᑕᑉᑑᓇ ᓂᕈᐊᖅᑕᐅᓚᐅᖅᐳᖅ ᓄᓇᕘᑉ ᐱᖓᔪᒋᓪᓗᓂᐅᒃ ᓯᕗᓕᖅᑎᐅᓂᕐᒧᑦ ᑕᐃᑲᓂ ᓄᕕᐱᕆ 15, 2013-ᒥ ᓄᓇᕗᒻᒥ ᓯᕗᓕᖅᑏᑦ ᑲᑎᒪᖃᑎᒌᒃᑎᓪᓗᒋᑦ. ᓯᕗᓕᖅᑎ ᑕᑉᑑᓇ ᐊᖏᖅᑎᑕᐅᓚᐅᖅᐳᖅ ᓄᕕᐱᕆ 19, 2013-ᖑᑎᓪᓗᒍ.

ᓯᕗᓕᖅᑎ ᑕᑉᑑᓇ ᐃᒃᓯᕙᐅᑕᖃᓚᐅᕆᕗᖅ ᐱᖓᔪᖓᓐᓂ ᒪᓕᒐᓕᐅᕐᕕᖕᒥᑦ, ᑕᐃᑲᓂ ᓯᕗᓕᖅᑎᐅᑉ ᑐᖓᓕᕆᓪᓗᓂᐅᒃ, ᒥᓂᔅᑕᐅᓪᓗᓂ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓄᓪᓗ, ᒥᓂᔅᑕᐅᓪᓗᓂ ᐆᒻᒪᖅᑯᑎᓕᕆᓂᕐᒧᑦ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᐱᕙᓪᓕᐊᑎᑦᑎᓇᓱᐊᕐᓂᕐᒧᑦ ᑯᐊᐸᕇᓴᒃᑯᓐᓂ, ᒥᓂᔅᑕ ᑲᒪᒋᔭᓕᒃ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐊᑐᖅᑐᐊᕐᕕᒃ ᑯᐊᐸᕇᓴᓐ ᐊᒻᒪᓗ ᒥᓂᔅᑕ ᑲᒪᒋᔭᓕᒃ ᐅᔭᕋᖕᓂᐊᖅᑐᓕᕆᓂᕐᒧᑦ.

ᐃᓅᓂᑰᓪᓗᓂ ᐃᖃᓗᒃᑑᑦᑎᐊᒥ, ᓯᕗᓕᖅᑎ ᑕᑉᑑᓇ ᐃᓅᓯᓕᒫᑲᓴᖓᓂ ᖁᕐᓗᖅᑑᕐᒥᐅᑕᐅᓯᒪᕗᖅ. ᐊᐅᓪᓚᖅᑎᑕᐅᕙᒃᑐᓄᑦ ᐃᓕᓐᓂᐊᕆᐊᖅᓯᒪᓚᐅᖅᐳᖅ ᐃᓅᕕᒃ, ᓄᓇᑦᓯᐊᕐᒥ. ᓯᕗᓕᖅᑎ ᑕᑉᑑᓇ ᐃᖅᑲᓇᐃᔭᖅᐸᓚᐅᖅᐳᖅ ᐅᖅᓱᐊᓗᒃᓯᐅᑎᓂᑦ ᐊᕐᕌᒍᓄᑦ 13-ᓄᑦ, ᑕᐃᑲᓂ ᐃᓚᒋᔭᐅᓪᓗᓂ ᓯᕗᓪᓕᖅᐹᒥ ᐊᒻᒪᓗ ᐃᓄᐃᓐᓇᐅᔪᓂᑦ ᐃᑰᑕᖅᑎᐅᓚᐅᖅᑐᓄᑦ ᐱᓕᕆᔨᐅᔪᓄᑦ ᐅᖅᓱᐊᓗᒃᓯᐅᖅᑎᓄᑦ ᑐᒃᑐᔮᖅᑑᑉ ᑕᕆᐅᖓᓂ. ᓯᕗᓕᖅᑎ ᑕᑉᑑᓇ ᐃᓂᖃᖅᓯᒪᓂᖃᕆᕗᖅ ᓘᐱᓐ ᒎᓗᓯᐅᕐᕕᖕᒥ ᐅᔭᕋᖕᓂᐊᕐᕕᖓᓂ ᐊᒻᒪᓗ ᖁᕐᓗᖅᑐᕐᒥ ᐊᖑᓇᓱᒃᑏᑦ ᒥᑭᒋᓂᐊᖅᑏᓪᓗ ᑲᑐᔾᔨᖃᑎᒌᖏᓐᓂ.

ᓯᕗᓕᖅᑎ ᑕᑉᑑᓇ ᐃᓱᓕᑦᑎᓯᒪᕗᖅ ᐊᐅᓚᑦᑎᔨᐅᓂᕐᒧᑦ ᐃᓕᓐᓂᐊᕐᓂᐅᔪᒥᑦ ᓄᓇᕗᑦ ᓯᓚᑦᑐᖅᓴᕐᕕᖓᓂ, ᐃᓕᓐᓂᐊᕐᓂᖃᓚᐅᖅᖢᓂ ᐊᐅᓚᑦᑎᔨᓄᑦ ᑮᓇᐅᔭᓕᕆᓂᕐᒥᑦ, ᑎᒥᖁᑎᓄᑦ ᐊᒻᒪᓗ ᑳᓐᑐᕌᓕᕆᓂᕐᒧᑦ ᒪᓕᒐᓂᑦ, ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥ ᐊᒻᒪᓗ ᐃᖅᑲᓇᐃᔭᖅᑐᓕᕆᔨᓄᑦ ᐊᐅᓚᑦᑎᓂᕐᒧᑦ. ᓯᕗᓕᖅᑎ ᑕᑉᑑᓇ ᐱᓯᒪᒋᕗᖅ ᓇᓗᓇᐃᒃᑯᑕᖅᑖᖅᓯᒪᓂᕐᒧᑦ ᐱᓕᕆᔨᒻᒪᕆᐅᓂᕐᒧᑦ ᐊᒻᒪᓗ ᐊᐅᐸᖅᑐᒥ ᓇᓗᓇᐃᒃᑯᑕᒥᑦ ᓴᓇᔨᐅᔪᓄᑦ ᐸᐃᑉᐹᖅᑖᖅᓯᒪᓪᓗᓂ.

ᓯᕗᓕᖅᑎ ᑕᑉᑑᓇ ᐃᓚᒋᔭᐅᓚᐅᖅᓯᒪᒋᕗᖅ ᕼᐋᒻᓚᒃᑯᓐᓂ ᑲᑎᒪᔨᓄᑦ ᖁᕐᓗᖅᑐᕐᒥ ᐊᒻᒪᓗ ᒪᐃᔭᐅᑉ ᑐᖓᓕᕆᓪᓗᓂᐅᒃ 1999-ᒥ 2004-ᒧᑦ. ᐃᓚᒋᔭᐅᓯᒪᒋᕗᖅ ᑲᑎᒪᔨᐅᔪᓄᑦ ᕿᑎᕐᒥᐅᓂ ᑯᐊᐸᕇᓴᖓᓐᓂ ᐊᒻᒪᓗ ᓄᓇᕗᒻᒥ ᐱᕙᓪᓕᐊᑎᑦᑎᓇᓱᐊᕐᓂᕐᒧᑦ ᑯᐊᐸᕇᓴᒃᑯᓐᓂ.

ᐲᑕ ᐊᒻᒪ ᔪᐋᓐ ᑕᑉᑑᓇ ᑕᓪᓕᒪᓂᒃ ᕿᑐᕐᖓᖃᖅᐴᒃ ᐊᒻᒪᓗ 9-ᓂ ᐃᕐᙳᑕᖃᖅᖢᑎᒃ. ᒥᔅᑕ ᑕᑉᑑᓇᐅᑉ ᓇᖕᒥᓂᖅ ᐊᓕᐊᓇᐃᒋᔭᖏᑦ ᐃᓚᖃᖅᐳᑦ ᐊᖑᓇᓱᖕᓂᕐᒥ ᐊᒻᒪᓗ ᐊᓯᖏᓐᓂ ᐊᐅᓪᓛᖅᓯᒪᓂᕐᒧᑦ ᖃᓄᐃᓕᐅᕐᓂᐅᔪᓂᑦ.