ᐅᖃᓚᐅᑎᓯᐅᑏᑦ

You are here

ᐃᓕᓐᓂᐊᕈᑎᑦ ᐃᓕᓐᓂᐊᕈᑎᓪᓗ ᐊᑐᖅᑕᐅᔪᑦ

ᐃᓕᓐᓂᐊᕈᑎᑦᓴᐃᑦ ᐃᓕᓐᓂᐊᕐᓂᕐᒧᓪᓗ ᐃᑲᔫᑏᑦ

ᓄᓇᕗᒻᒥᑦ ᐃᓕᓐᓂᐊᕐᑐᓕᕆᓂᕐᒧᑦ ᐱᓕᕆᐊᑦ

ᐱᕙᓪᓕᐊᑎᑦᓯᓂᕐᒧᑦ ᓄᓇᕗᒻᒥᑦ ᐃᓕᓐᓂᐊᕐᑐᓕᕆᓂᕐᒧᑦ ᐱᓕᕆᐊᓂᑦ ᑲᒪᒋᔭᐅᓗᐊᑕᕐᓂᐊᖅᑐᖅ ᐃᓕᓐᓂᐊᖅᑕᐅᔪᒃᓴᓕᕆᔩᑦ. ᑖᓐᓇ ᐃᓚᒋᔭᖃᖅᑐᖅ ᓴᓇᒻᒪᖓᓂᑦ, ᐱᕙᓪᓕᐊᑎᑦᓯᓂᕐᒧᑦ, ᐊᑐᓕᖅᑎᑦᓯᓂᕐᒥᑦ ᕿᒥᕐᕈᓂᕐᒥᓪᓗ ᐃᓕᓐᓂᐊᕐᑐᓕᕆᓂᕐᒧᑦ ᐱᓕᕆᐊᖏᑦᑕ ᐃᓗᓕᖏᓐᓂᑦ ᐃᓚᒋᔭᐅᓗᓂ ᐃᓕᓐᓂᐊᕈᑎᑦᓴᐃᑦ, ᐱᓕᕆᐊᖑᔪᑦ ᖃᐅᔨᓴᕐᑕᐅᓂᖏᓐᓂᑦ ᐃᑲᔫᑎᖏᓐᓂᓪᓘᓐᓃᑦ ᐃᓕᓐᓂᐊᕐᑎᓄᑦ, ᐃᓕᓐᓂᐊᑎᑦᓯᔨᓄᑦ ᐊᐅᓚᑦᓯᔨᓄᓪᓗ, ᐊᒻᒪ ᑕᐃᒃᑯᐊᓗ ᐃᑲᔪᖅᑐᕆᐊᓖᑦ ᐃᓗᓕᖃᐅᑦᓯᐊᖅᑐᓂᑦ ᐃᓕᓐᓂᐊᕐᓂᕐᒧᑦ ᐃᓕᓐᓂᐊᕐᕕᒻᒥᑦ ᐊᑐᖅᑕᐅᕙᑦᑐᓂᑦ.

ᐃᓕᓐᓂᐊᕈᑎᑦᓴᐃᑦ

ᐃᓕᓐᓂᐊᕈᑎᑦᓴᐃᑦ ᑕᐃᒎᓯᖃᓗᐊᑕᖅᑐᖅ ᐱᔾᔪᑎᓖᑦ ᐱᓕᒻᒪᑦᓴᕐᓂᒃᑯᑦ, ᐱᓕᕆᐊᖃᕐᓂᒃᑯᑦ, ᐃᓱᒪᒋᔭᐅᔪᑦ ᐃᓕᓐᓂᐊᕐᑏᓪᓗ ᐃᓕᓐᓂᐊᖁᔭᐅᓯᒪᔪᑦ ᐃᓕᓐᓂᐊᕐᕕᖏᓐᓂᒃ. ᐃᓕᓐᓂᐊᕈᑎᑦᓴᐃᑦ ᓴᓇᒻᒪᖏᑦ ᐃᑲᔪᕐᓂᐊᖅᑎᓪᓗᒋᑦ ᐃᓕᓐᓂᐊᕐᑎᓂᑦ ᑲᔪᓯᑦᓯᐊᕐᓂᖏᓐᓂᒃ ᐊᑐᓂᑦ ᐱᔪᓐᓇᕐᓂᖏᓐᓂᑦ ᓴᖅᑭᑎᑦᓯᓂᕐᒥᓪᓗ ᐱᐅᔪᒥᑦ ᓯᕗᓂᑦᓴᓂᑦ ᓇᒻᒥᓂᖅ, ᐃᓚᒌᓄᑦ ᓄᓇᓕᖏᓐᓂᓪᓗ.   

ᐃᓕᓐᓂᐊᕈᑎᑦᓴᐃᑦ ᐱᔨᑦᓯᕋᖅᑎᒃᑯᑦ ᐱᓕᕆᕝᕕᖏᑦ ᑲᒪᒋᔭᖃᖅᑐᑦ ᐱᕙᓪᓕᐊᑎᑦᓯᓂᕐᒥᑦ, ᐊᑐᓕᖅᑎᑦᓯᓂᕐᒥᑦ/ᓱᖏᐅᑎᑎᑦᓯᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ ᐃᓕᓐᓂᐊᕈᑎᑦᓴᓕᒫᓂᑦ, ᑐᙵᕕᖃᕐᓂᕐᒥᑦ ᑎᑎᕋᖅᓯᒪᔪᓂᑦ, ᐃᓕᓐᓂᐊᕐᑎᑦᓯᔾᔪᑏᑦ ᐃᑲᔫᑎᖏᑦ, ᐃᓕᓐᓂᐊᕐᑎᓐᓄᓪᓗ ᐃᓕᓐᓂᐊᕐᓂᕐᒧᑦ ᐱᖁᑏᑦ ᐊᑦᑐᐊᓂᓖᑦ ᐱᓕᕆᐊᓂᑦ ᖃᐅᔨᓴᕐᓂᕐᒧᑦ ᐃᓘᓐᓇᖏᓐᓄᑦ ᖁᑦᓯᓐᓂᓕᒫᓄᑦ (ᐃᓕᓐᓂᐊᓕᓵᖅᑐᓄᑦ 12-ᒧ) ᓄᓇᕗᒻᒥᑦ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕐᕕᓐᓂᑦ ᐊᑐᖅᑕᐅᖃᑦᑕᖅᑐᓂᑦ.

ᓇᓗᓇᐃᖅᓯᓂᐅᕗᖅ ᐱᖁᑎᓕᒫᑦ ᐊᑐᖅᑕᐅᔪᑦ ᓄᓇᕗᒻᒥᑦ ᐃᓕᓐᓂᐊᕐᕕᓐᓂᑦ ᐊᑦᑐᐊᓂᖃᕐᒪᖔᑕ ᐃᓕᓐᓂᐊᕐᑐᓕᕆᓂᕐᒧᑦ ᐱᐅᓂᖅᐹᓂᑦ ᐊᑐᖅᑕᐅᖃᑦᑕᖅᑐᓂᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐊᖏᖅᓯᒪᓂᖃᑦᓯᐊᕐᓂᕐᒥᑦ ᑎᑭᐅᑎᕙᓪᓕᐊᓂᕐᒥᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ.

ᐃᓕᑦᑎᓂᕐᒧᑦ

ᐃᓕᑦᑎᓂᕐᒧᑦ ᐅᖃᐅᓯᖃᖅᑐᖅ ᑲᑎᙵᐅᖅᑐᓂᑦ ᐱᓕᕆᐊᓂᑦ ᖃᐅᔨᓴᕐᓂᕐᒧᑦ ᐊᑦᑐᐊᓂᖃᑦᓯᐊᕋᓗᐊᕐᒪᖔᑕ ᓇᒻᒥᓂᕐᓘᓐᓃᑦ ᐊᑐᕐᓂᕐᒥᑦ ᐊᔾᔨᒌᖏᑦᑐᓂᑦ-ᐃᓕᓐᓂᐊᕈᑎᑦᓴᓂᑦ ᐃᓕᓐᓂᐊᑎᑦᓯᓂᕐᒧᑦ. ᐱᔾᔪᑎᖏᑦ ᐊᑐᕐᓂᕐᒥᑦ ᐃᓕᑦᑎᓂᕐᒧᑦ ᐋᖅᑭᑦᓱᐃᓂᕐᒥᑦ ᐱᓕᕆᐊᓂᑦ ᖃᐅᔨᓴᕐᓂᕐᒧᑦ ᐃᓕᓐᓂᐊᑎᑦᓯᓂᕐᒧᓪᓗ ᐃᑲᔪᕐᓂᕐᒥᑦ ᐃᓕᓐᓂᐊᕐᑎᓂᑦ ᑐᑭᓯᐅᒪᓂᕐᒥᑦ ᐊᑦᑐᐊᖃᑦᑕᐅᑎᓂᐅᔪᓂᑦ ᐊᔾᔨᒌᖏᑦᑐᓂᑦ ᐃᓕᓐᓂᐊᕐᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᓪᓗ ᑲᔪᓯᑎᑦᓯᓂᖃᑦᓯᐊᕐᓂᕐᒧᑦ ᐃᓕᓐᓂᐊᕐᓂᕐᒧᑦ ᓄᑖᓂᑦ ᐃᓕᓐᓂᐊᕈᑎᓄᑦ.  

ᐃᓕᓐᓂᐊᕈᑎᐅᒐᔭᖅᑐᓂᑦ

ᐃᓕᓐᓂᐊᕈᑎᐅᒐᔭᖅᑐᓂᑦ ᑐᕌᖓᒐᕗᒃᐳᖅ ᓱᓇᓂᑦ ᐃᓕᓐᓂᐊᕐᑏᑦ ᓂᕆᐅᒋᔭᐅᒪᖔᑕ ᐃᓕᒐᔭᕐᓂᖏᓐᓂᒃ ᖃᓄᐃᓕᐅᖃᑦᑕᕐᒪᖓᑖᓗ ᖃᓄᐃᑑᓂᖏᓐᓂᒃ ᖁᑦᓯᓂᖏᓐᓂᓪᓗ. ᐃᓕᓐᓂᐊᕈᑎᐅᒐᔭᖅᑐᑦ ᐅᖃᐅᓯᖃᕋᔪᑦᑐᑦ ᐱᔪᒪᔭᖏᓐᓂᒃ ᑎᑭᑕᐅᔪᒪᔪᓂᑦ ᐸᕐᓇᑦᓯᒪᔪᓂᓪᓗ ᑭᖑᓕᕇᑦᑐᓂᑦ ᐊᑐᖅᑕᐅᓂᐊᖅᑐᓂᑦ ᐃᑲᔪᕐᓂᕐᒥᑦ ᐃᓕᓐᓂᐊᕐᑎᓂᑦ ᑲᔪᓯᑎᑦᓯᓂᕐᒥᑦ ᑎᑭᔪᒪᔭᖏᓐᓂᒃ.

ᐃᑲᔫᑏᑦ

ᐃᑲᔫᑏᑦ ᐱᖁᑎᐅᕗᑦ ᓴᖅᑭᖅᑕᐅᓯᒪᔪᑦ ᐃᑲᔪᕐᓂᕐᒥᑦ ᐃᓕᓐᓂᐊᑎᑦᓯᔨᓂᑦ ᐃᑲᔪᖅᑐᓂᕐᒥᑦ ᑲᔪᓯᓂᖃᑦᓯᐊᖅᑐᓂᑦ ᑎᑭᑕᐅᔪᒪᔪᓂᑦ ᐃᓕᓐᓂᐊᕐᑎᖁᑎᖏᓐᓂᑦ. ᐃᑲᔫᑏᑦ ᐊᔾᔨᒌᖏᓐᓂᖃᕈᓐᓇᖅᑐᑦ ᐊᑕᖏᑦᑐᒥᑦ−ᓴᖅᑭᖅᑕᐅᓯᒪᓂᖏᓐᓂᑦ ᑐᙵᕕᒋᓗᒋᑦ ᑕᐃᒎᓯᖃᖅᑎᑕᐅᓂᖏᓐᓄᑦ ᐊᓯᖏᓐᓂᓪᓘᓐᓃᑦ ᐋᖅᑭᑦᓱᐃᓂᕐᒥᑦ ᐃᓗᓕᖏᓐᓂᒃ. ᐃᑲᔫᑏᑦ ᐃᓚᒋᔭᖃᕈᓐᓇᕐᒥᔪᑦ ᐃᓕᓐᓂᐊᑎᑦᓯᔨᓄᑦ ᐃᓕᓐᓂᐊᑎᑦᓯᓂᕐᒧᑦ ᖃᐅᔨᒪᔾᔪᑎᓂᑦ ᐃᑲᔪᖅᑐᕈᑎᓂᓪᓘᓐᓃᑦ ᐃᑲᔫᑎᓂᑦ ᓲᕐᓗ ᑕᕐᕆᔭᕐᓂᑦ ᓱᓕᕆᓂᕐᒧᓪᓘᓐᓃᑦ ᖃᐅᔨᒪᔾᔪᑎᓂᑦ ᐃᑲᔪᕐᓂᕐᒥᑦ ᐅᓄᖅᓯᑎᑦᓯᓂᕐᒥᑦ ᐃᓱᒪᒋᔭᐅᔪᓂᑦ ᐊᑐᖅᑕᐅᖃᑦᑕᖅᑐᓂᓪᓘᓐᓃᑦ.

ᐊᖏᖅᑕᐅᓯᒪᔪᑦ ᐃᓕᓐᓂᐊᕈᑎᑦᓴᐃᑦ ᐊᑦᑐᐊᓂᓖᓪᓗ ᐃᑲᔫᑏᑦ ᓇᓂᔭᐅᒍᓐᓇᖅᑐᑦ ᖁᕝᕙᓯᓐᓂᖏᓐᓂᒃ ᐊᑦᑕᑕᕐᕕᖏᓐᓂᒃ ᐊᑖᓃᑦᑐᓂᑦ.

 

2015-16 ᓄᓇᕗᒻᒥᑦ ᐊᖏᖅᑕᐅᓯᒪᔪᑦ ᐃᓕᓐᓂᐊᕈᑎᑦᓴᐃᑦ ᐃᓕᓐᓂᐊᑎᑦᓯᓂᕐᒧᓪᓗ ᐃᑲᔫᑏᑦ (ᑎᑎᕋᖅᓯᒪᔪᐃᓐᓇᑦ)

 

ᒪᓕᓪᓗᒋᑦ ᐊᑖᓂ/ᖁᕝᕙᓯᓐᓂᖏᑦ

ᖃᐅᔨᑎᑦᓯᓂᖅ

ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᕐᕕᓐᓂᑦ

ᐃᓕᓐᓂᐊᓕᓵᖅᑐᓄᑦ

ᖁᕝᕙᓯᓐᓂᖓ 1

ᖁᕝᕙᓯᓐᓂᖓ 2

ᖁᕝᕙᓯᓐᓂᖓ 3

ᖁᕝᕙᓯᓐᓂᖓ 4

ᖁᕝᕙᓯᓐᓂᖓ 5

ᖁᕝᕙᓯᓐᓂᖓ 6

ᖁᕝᕙᓯᓐᓂᖓ 7

ᖁᕝᕙᓯᓐᓂᖓ 8

ᖁᕝᕙᓯᓐᓂᖓ 9

ᖁᕝᕙᓯᓐᓂᖓ 10

ᖁᕝᕙᓯᓐᓂᖓ 11

ᖁᕝᕙᓯᓐᓂᖓ 12

ᐅᐃᕖᒃᑯᑦ ᐱᔨᑦᓯᕋᖅᑎᖏᑦ

 

ᑲᑐᔾᔨᖃᑕᐅᔪᑦ ᑐᑦᓯᕋᕐᓂᖏᓐᓂᒃ ᐊᓯᔾᔩᓂᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᓂᑦ

ᐃᓕᓐᓂᐊᕐᓂᓕᕆᔨᒃᑯᑦ ᐊᐱᕆᔭᐅᒐᔪᑦᑐᑦ ᐃᑲᔪᖅᑐᖁᔭᐅᑦᓱᑎᒃ, ᐱᓕᕆᖃᑎᖃᖁᔭᐅᑦᓱᑎᒃ ᕿᒥᕐᕈᖁᔭᐅᑦᓱᑎᓪᓗ ᐱᖁᑎᓂᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᐊᓂᑦ ᐃᓚᒋᔭᐅᓂᐊᖅᑎᓪᓗᒋᑦ ᐃᓕᓐᓂᐊᕐᕕᓐᓂᑦ ᓄᓇᕗᒻᒥᑦ ᐊᖏᖅᑕᐅᓯᒪᔪᓄᑦ ᐃᓕᓐᓂᐊᕋᑦᓴᓄᑦ ᐃᑲᔫᑎᓄᓪᓗ. ᓄᑖᙳᕆᐊᖅᑎᑦᓯᓂᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᓂᑦ ᐱᓕᕆᖃᑎᖃᕐᓂᕐᒥᓪᓗ ᑲᑐᔾᔨᖃᑎᒌᓂᑦ ᐊᑐᐃᓐᓇᐅᑎᑦᓯᓂᕐᒥᑦ ᐱᕕᖃᕐᓂᐅᔪᓂᑦ ᑲᑐᔾᔨᖃᑎᒌᓐᓂᕐᒥᑦ ᐱᓕᕆᕝᕕᓪᓗ ᐊᑐᕈᓐᓇᓂᖓᓂᑦ ᖃᐅᔨᒪᔨᑕᕐᒥᑦ ᐱᑕᖃᖏᑐᐃᓐᓇᕆᐊᖃᖅᑐᒥᑦ.

ᐊᓯᔾᔨᕐᓂᐊᔪᑦ ᐃᓕᓐᓂᐊᕐᑐᓕᕆᓂᕐᒧᑦ ᐱᓕᕆᐊᑦ ᐊᑐᓕᖅᑎᑕᐅᔪᓐᓇᖅᑐᑦ ᑭᓯᐊᓂ ᐃᓕᓐᓂᐊᕐᓂᓕᕆᔨᒃᑯᓐᓄᑦ. ᑲᒪᒋᔭᖃᕐᓂᕐᒥᑦ ᑐᑦᓯᕋᐅᑎᓂᑦ ᓯᓚᑖᓂᑦ ᐱᖃᖃᑕᐅᔪᓂᑦ, ᐱᓕᕆᕝᕕᒃ ᓴᖅᑭᑎᑦᓯᓯᒪᔪᖅ ᐱᓕᕆᐊᓄᑦ ᓇᐃᓈᑦᓯᒪᔪᓂᑦ ᑎᑎᕋᖅᓯᒪᔪᓂᑦ ᑐᓂᔭᐅᓂᐊᖅᑎᓪᓗᒋᑦ ᐃᓱᒪᒋᔭᐅᓂᐊᖅᑎᓪᓗᒋᓪᓗ ᐃᓕᓐᓂᐊᕈᑎᑦᓴᐃᑦ ᐱᔨᑦᓯᕋᖅᑎᖏᓐᓄᑦ. ᓂᕆᐅᒋᔭᐅᔪᖅ ᕿᒥᕐᕈᔭᐅᓂᐊᖅᑎᓪᓗᒋᑦ ᑭᐅᔭᐅᓂᐊᖅᑎᓪᓗᒋᓪᓗ ᐅᓪᓗᐃᑦ 60-ᒥ-90-ᒧ.  

ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᑦ ᐋᖅᑭᒋᐊᖅᑕᐅᓂᖏᓐᓄᑦ ᐱᓕᕆᐊᑦ ᓇᐃᓈᖅᓯᒪᔪᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᑐᑦ ᐅᕙᖓᑦ. ᐱᔭᕇᖅᑕᐅᓯᒪᔪᖅ ᑎᑎᖅᑲᖅ ᐊᐅᓪᓚᖅᑎᑕᐅᔪᓐᓇᖅᑐᖅ ᐅᕗᖓ info.edu@gov.nu.ca.

ᓄᓇᓕᓐᓂᑦ ᓴᖅᑭᖅᑕᐅᓯᒪᔪᑦ ᐃᓕᓐᓂᐊᖅᑕᐅᓂᐊᖅᑐᑦ

ᐃᓕᓐᓂᐊᕐᓂᓕᕆᔨᒃᑯᑦ ᐃᑲᔪᖅᑐᖅᑐᑦ ᓄᓇᓕᓐᓂᑦ ᓴᖅᑭᖅᑕᐅᓯᒪᔪᓂᑦ ᐃᓕᓐᓂᐊᖅᑕᐅᓂᐊᖅᑐᓂᑦ/ᐃᓕᓐᓂᐊᕈᑎᑦᓴᓂᑦ ᓴᓇᔭᐅᓯᒪᔪᓂᑦ ᐱᕚᓪᓕᑎᑦᓯᓂᕐᒥᑦ ᐱᓕᕆᐊᖃᕐᓂᕐᒥᓪᓗ ᐊᔾᔨᐅᖏᑦᑐᓂᑦ ᐊᔪᙱᓐᓂᖏᓐᓂᑦ, ᐱᔪᒪᓂᖏᓐᓂᒃ, ᐱᔭᕆᐊᓕᖏᑦ ᐱᔪᓐᓇᕐᓂᖏᓐᓂᓪᓗ ᐃᓕᓐᓂᐊᕐᑏᑦ ᑲᔪᓯᑎᑦᓯᒍᓐᓇᓂᕐᒥᓪᓗ ᐃᓕᓐᓂᐊᕐᓂᕐᒧᑦ ᐱᐅᓯᕚᓪᓕᑎᑦᓯᓂᕐᒥᑦ ᑲᔪᖏᓐᓇᓂᕐᒥᓪᓗ ᓄᑖᓂᑦ ᐃᓕᓐᓂᐊᖅᑕᐅᓂᐊᖅᑐᓂᑦ ᐱᕚᓪᓕᑎᑦᓯᓂᕐᒥᑦ ᓄᓇᓕᓐᓂᑦ.

ᓄᓇᓕᓐᓂᑦ ᓴᖅᑭᖅᑕᐅᓯᒪᔪᑦ ᐃᓕᓐᓂᐊᖅᑕᐅᓂᐊᖅᑐᑦ ᐊᖏᖅᑕᐅᖃᑦᑕᖅᑐᑦ ᒥᓂᔅᑕᒧᑦ ᐃᓕᓐᓂᐊᕐᓂᓕᕆᓂᕐᒧᑦ ᑖᒃᑯᓂᖓ ᖃᓄᐃᓐᓂᐅᔪᓂᑦ ᐋᖅᑭᒋᐊᖅᑕᐅᓯᒪᔪᓂᑦ ᐊᖏᖅᑕᐅᓯᒪᔪᓄᑦ ᐃᓕᓐᓂᐊᖅᑕᐅᓂᐊᖅᑐᓄᑦ ᓄᑖᓄᓪᓘᓐᓃᑦ ᐊᑐᐃᓐᓇᐅᑎᑕᐅᔪᓄᑦ ᐱᔭᐅᔭᕆᐊᓖᑦ ᓈᒻᒪᑦᑐᓂᑦ ᑲᑎᑎᑦᓯᓂᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᔭᕆᐊᓕᓐᓂᑦ ᐃᓕᓐᓂᐊᕐᑎᓄᑦ ᓄᓇᕗᒻᒥᑦ. ᑐᑦᓯᕋᐅᑏᑦ ᐋᖅᑭᒋᐊᕆᓂᕐᒧᑦ ᓴᖅᑭᑎᑦᓯᓂᕐᒥᓪᓘᓐᓃᑦ ᓄᑖᓂᑦ ᐃᓕᓐᓂᐊᖅᑕᐅᓂᐊᖅᑐᓂᑦ/ᐃᓕᓐᓂᐊᕈᑎᑦᓴᓂᑦ ᐊᑐᖅᑎᑕᐅᔪᓐᓇᖅᑐᑦ ᐱᓕᕆᕝᕕᐅᑉ ᖃᐅᔨᒪᔾᔪᑎᖏᓐᓄᑦ ᐱᓕᕆᔾᔪᓯᖏᓐᓄᓪᓗ.

ᐃᓕᓐᓂᐊᑎᑦᓯᓂᖅ ᓄᓇᓕᓐᓂᑦ ᓴᖅᑭᖅᑕᐅᓯᒪᔪᑦ ᐃᓕᓐᓂᐊᖅᑕᐅᓂᐊᖅᑐᑦ ᐱᒋᐊᑦᔮᖏᑦᑐᑦ ᐊᖏᖅᑕᐅᖅᑳᓚᐅᖅᑎᓐᓇᒋᑦ ᒥᓂᔅᑕᒧᑦ. ᑐᑦᓯᕋᐅᑏᑦ ᐱᔭᐅᓯᒪᒋᐊᓖᑦ ᐆᑦᑑᕝᕙ 1-ᖑᓚᐅᖅᑎᓐᓇᒍ ᐅᐱᕐᖓᑦᓵᒃᑯᑦ ᐃᓕᓐᓂᐊᕐᓂᕐᒧᑦ ᐊᒻᒪᓗ ᐄᐳᓗ 1-ᖑᓚᐅᖅᑎᓐᓇᒍ ᐅᑭᐊᑦᓵᒃᑯᑦ ᐃᓕᓐᓂᐊᕐᓂᕐᒧᑦ.

ᐃᓕᓐᓂᐊᕐᕕᒃ ᐊᔾᔨᐅᖏᑦᑐᒥᑦ ᓴᖅᑭᖅᓯᓯᒍᒪᑉᐸᑕ ᐱᓕᕆᐊᒥᑦ ᐊᑐᐃᓐᓇᐅᑎᑕᐅᔪᒧᑦ ᐱᓕᕆᐊᒧᑦ, ᐃᓕᓐᓂᐊᕐᕕᒃ ᐊᑐᕆᐊᓕᒃ ᓄᓇᓕᓐᓂᑦ ᓴᖅᑭᖅᑕᐅᓯᒪᔪᒥᑦ ᐃᓕᓐᓂᐊᖅᑕᐅᓂᐊᖅᑐᒥᑦ ᒪᓕᓪᓗᑎᒃ ᐱᕙᓪᓕᐊᑎᑦᓯᓂᕐᒥᑦ ᐊᖏᖅᑕᐅᓂᕐᒥᓪᓗ. ᖃᐅᔨᒃᑲᐅᑎᒍᒃ, ᐅᕗᖓ info.edu@gov.nu.ca

ᖃᕆᑕᐅᔭᒃᑯᑦ ᐱᔭᐅᔪᓐᓇᖅᑐᑦ ᓄᓇᓕᓐᓂᑦ ᓴᖅᑭᖅᑕᐅᓯᒪᔪᑦ ᐃᓕᓐᓂᐊᖅᑕᐅᓂᐊᖅᑐᑦ ᐅᕙᖓᑦ. ᐱᔭᕇᖅᑕᐅᓯᒪᔪᖅ ᑕᑕᑎᕆᐊᓖᑦ ᐊᐅᓪᓚᖅᑎᑕᐅᔪᓐᓇᖅᑐᖅ ᐅᕗᖓ info.edu@gov.nu.ca