ᐅᖃᓚᐅᑎᓯᐅᑏᑦ

You are here

ᐊᐅᐸᔪᒃᑐᒥᒃ ᐅᕕᓂᕈᖅᓯᒪᓐᓇᖅ ᐅᓪᓗᖅ ᕖᕝᕗᐊᕆ 22

ᕕᕝᕗᐊᓕ 16, 2017

ᑭᒃᑯᓕᒫᓄᑦ ᑐᓴᒐᒃᓴᖅ 

ᐊᐅᐸᔪᒃᑐᒥᒃ ᐅᕕᓂᕈᖅᓯᒪᓐᓇᖅ ᐅᓪᓗᖅ ᕖᕝᕗᐊᕆ 22

ᕖᕝᕗᐊᕆ 22-ᒥ, ᐊᑐᓛᖅᐳᑎᑦ ᐊᐅᐸᔪᒃᑐᒥᒃ ᓇᓗᓇᐃᖅᓯᔾᔪᑎᒋᓗᒍ ᑐᑭᓯᔭᐅᑎᑦᑎᓇᓱᐊᕐᓂᕐᒧᑦ ᐃᑲᔪᖅᑐᐃᓂᕐᓄᑦ ᐊᑐᖅᑕᐅᖁᔨᖏᓐᓂᕐᒧᑦ ᓯᐊᓚᓯᐊᖃᕐᓂᕐᒥᒃ. ᐊᐅᐸᔪᒃᑐᒥᒃ ᐅᕕᓂᕈᖅᓯᒪᓐᓇᖅ ᐅᓪᓗᖅ ᐊᑐᖅᑕᐅᕙᒃᐳᖅ ᐊᕐᕌᒍᑕᒫᑦ ᐅᔾᔨᕈᓱᓕᖅᑎᑦᑎᒃᑲᓐᓂᕋᓱᐊᕐᓂᕐᒧᑦ ᓯᐊᓚᓯᐊᖃᖅᐸᒃᑐᓂᒃ ᐃᓕᓐᓂᐊᕐᕕᖕᓂ ᓄᓇᓕᖕᓂᓗ. 

ᓯᐊᓚᓯᐊᖃᕐᓂᖅ ᐊᑲᐅᖏᑦᑐᒦᔾᔪᑕᐅᕙᒃᐳᖅ ᐊᑐᖅᑕᐅᑎᓪᓗᒍ ᐱᕈᖅᐸᓪᓕᐊᑎᑦᑎᓇᓱᐊᕐᓂᒧᑦ ᐊᑐᕐᓂᖅᓴᐅᓕᕐᓗᒍᓗ ᐊᑲᐅᓂᖅ ᐃᓕᓐᓂᐊᕐᕕᖕᓂ ᓄᓇᓖᓪᓗ ᐃᓗᐊᓂ. 

ᐃᓕᓐᓂᐊᕐᕖᑦ ᓄᓇᓖᓪᓗ ᐃᓚᐅᓕᕈᓐᓇᖅᐳᑦ ᓯᐊᓚᓯᐊᖃᖃᑦᑕᖁᔨᖏᓐᓂᕐᒥᒃ ᐃᑲᔪᖅᑐᐃᓂᕐᒧᑦ ᐊᔾᔨᒌᖏᑦᑐᑎᒍᑦ: 

  • ᐊᑐᕐᓗᑎᑦ ᐊᐅᐸᔪᒃᑐᒥᒃ ᐃᑲᔪᖅᑐᐃᓂᕐᒧᑦ. 
  • ᓯᐊᓚᓯᐊᖃᖅᑎᑦᑎᑦᑕᐃᓕᒪᓂᓕᕆᔪᑎᒃ ᑲᑎᑎᑦᑎᓗᑎᑦ. 
  • ᐋᖅᑭᒃᓯᓗᑎᑦ ᑕᐅᑐᒃᑕᐅᔪᒃᓴᒥᒃ ᓯᐊᓚᓯᐊᖃᕐᓂᐅᑉ ᒥᒃᓵᓄᑦ. 
  • ᖃᐃᖁᔨᓗᑎᑦ ᐃᓕᓐᓂᐊᖅᑎᓂᒃ ᐊᒻᒪ ᓄᓇᓕᖕᓂᙶᖅᑐᓂᒃ ᐅᖃᐅᓯᖃᕈᓐᓇᖁᓪᓗᒋᑦ ᐅᓂᒃᑳᒥᖕᓂᒃ ᓯᐊᓚᓯᐊᖃᕐᓂᐅᑉ ᒥᒃᓵᓄᑦ. 
  • ᐱᒋᐊᖅᑎᑦᑎᓗᑎᑦ ᐅᖃᐅᓯᖃᕐᓂᕐᒥᒃ ᓯᐊᓚᓯᐊᖃᕐᓂᐅᑉ ᒥᒃᓵᓄᑦ ᐃᓚᖕᓄᑦ. 

ᑖᒃᑯᐊ ᓄᓇᕗᑦ ᒐᕙᒪᒃᑯᖏᑦ ᐃᑲᔪᖅᑐᐃᕗᑦ ᐊᐅᐸᔪᒃᑐᒥᒃ ᐅᕕᓂᕈᖅᓯᒪᓐᓇᖅ ᐅᓪᓗᕐᒥᒃ ᑕᒪᕐᒥᒃ ᓱᕈᓰᑦ ᐃᓕᓐᓂᐊᕆᐊᖃᕐᓂᖏᓐᓄᑦ ᐊᔾᔨᐅᙱᑎᑕᐅᔪᖅᑕᖃᖏᑦᑐᒥ, ᓯᐊᓚᓯᐊᖃᖅᑐᖃᖏᑦᑐᒥ, ᐸᒡᕕᓴᐃᓂᖃᖏᑦᑐᒥ ᐊᒻᒪ ᐱᓂᕐᓗᖕᓂᖅᑕᖃᖏᑦᑐᒥ. 

ᑐᑯᓗᒍ ᐅᓇ ᖃᕋᓴᐅᔭᒃᑯᑦ www.redcross.ca/PinkMB_NU ᐃᓱᒪᑖᕐᕕᒋᒃᑲᓐᓂᕐᓂᐊᕋᕕᐅᒃ. 

### 

ᑐᓴᐅᒪᔪᓕᕆᓂᕐᒧᑦ ᖃᐅᔨᒋᐊᕐᕕᒃᓴᖅ: 

ᒪᕆᐊ ᒪᓐᑎᓘ
ᑐᓴᐅᒪᖃᑦᑕᐅᑎᔪᓕᕆᓂᕐᒧᑦ ᐊᐅᓚᑦᑎᔨ 
ᐃᓕᓐᓂᐊᕐᓂᓕᕆᔨᒃᑯᓐᓂ 
867-975-5649
mmendillo@gov.nu.ca