ᐅᖃᓚᐅᑎᓯᐅᑏᑦ

You are here

ᖁᕕᐊᓲᑎᒋᓗᒍ ᓄᓇᕐᔪᐊᓕᒫᒥᑦ ᑎᑎᕿᕆᓂᕐᒧᑦ ᐅᓗᖓ

ᓯᑎᐱᕆ 05, 2017

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᖁᕕᐊᓲᑎᒋᓗᒍ ᓄᓇᕐᔪᐊᓕᒫᒥᑦ ᑎᑎᕿᕆᓂᕐᒧᑦ ᐅᓗᖓ

ᑕᒫᓂ ᐊᕐᕌᒍᒥᑦ ᐊᕐᕌᒍᐃᑦ 50ᐅᓕᕐᒪᑕ ᓇᓪᓕᐅᓂᖅᓯᐅᖅᑕᐅᓂᖓ ᓄᓇᕐᔪᐊᓕᒫᒥᑦ ᑎᑎᕿᕆᓂᕐᒧᑦ ᐅᓗᖓ. ᑖᓇ ᖃᓄᐃᓕᐅᕐᓂᐅᔪᖅ ᓄᓇᕐᔪᐊᓕᒫᒥᑦ ᖁᕕᐊᓲᑎᒋᔭᐅᓂᐊᖅᑐᖅ ᓯᑎᐱᕆ 8−ᖑᓕᖅᐸᑦ, ᐅᔾᔨᕆᔭᐅᑎᑕᐅᓇᓱᐊᖅᑐᖅ ᐱᕕᔾᔪᐊᖑᓂᖓᓂᑦ ᑎᑎᖃᓂᑦ ᐅᖃᓕᒫᕈᓐᓇᕐᓂᖅ ᑎᑎᕋᕈᓐᓇᕐᓂᕐᓗ ᐊᑦᑕᑎᒋᒻᒪᒍ ᐃᓕᑉᐸᓪᓕᐊᓂᖅ.

ᑎᑎᕋᕈᓐᓇᕐᓂᖅ ᐅᖃᓕᒫᕈᓐᓇᕐᓂᕐᓗ ᐊᔪᖏᓐᓂᐅᒻᒪᑦ, ᖁᓱᓇᖏᒻᒪᑦ ᐊᒻᒪᓗ ᑲᔪᓯᒋᐊᑲᓐᓂᕈᑕᐅᒻᒪᑦ ᑐᑭᓯᐅᒪᔾᔪᓐᓇᐅᑕᐅᒻᒪᑦ ᐊᔪᖏᓐᓂᐅᓗᓂᓗ ᐅᖃᓕᒫᕆᐅᖅᓴᓂᖅ ᑎᑎᕋᕆᐅᖅᓴᓂᕐᓗ. ᑕᒫᓂ ᐊᕐᕌᒍᒥᑦ ᓄᓇᕐᔪᐊᓕᒫᒥᑦ ᑎᑎᕿᕆᓂᕐᒧᑦ ᐅᓗᕆᑎᓪᓗᓂᐅᒃ, ᐃᓕᓐᓂᐊᕐᓂᓕᕆᔨᒃᑯᑦ ᓴᕿᑎᑦᑎᓛᖅᑐᑦ ᑎᑎᕋᕐᓂᕐᒧᑦ ᐅᖃᓕᒫᕐᓂᕐᒧᓪᓗ ᐃᓗᓕᕆᓂᐊᖅᑕᖓ ᖃᓄᐃᑦᑑᓂᐊᕐᒪᖔᑦ ᓄᓇᕗᒻᒥᐅᑦ ᐅᖃᐅᓯᖏᓐᓄᑦ ᐃᓕᓴᕆᔭᐅᓯᒪᔪᓄᑦ ᓴᕿᔮᖅᑎᑕᐅᑦᑎᐊᕆᐊᖃᕐᒪᑕ ᑎᑎᕋᖅᑕᐅᔪᓐᓇᑦᑎᐊᕐᓂᐊᕐᒪᑕ ᐅᖃᓕᒫᖅᑕᐅᔪᓐᓇᑦᑎᐊᕐᓗᑎᓪᓗ ᐃᓕᓐᓂᐊᕐᕕᓕᒫᓂᑦ. ᐃᓗᓕᕆᓂᐊᖅᑕᖓ ᖃᓄᐃᑦᑑᓂᐊᕐᓂᖓ ᐅᔾᔨᖅᓴᓕᖅᑎᑦᑎᓇᓱᐊᕐᒪᑦ ᑎᑎᕋᕈᓐᓇᑦᑎᐊᕐᓂᖏᓐᓂᑦ ᐅᖃᓕᒫᕈᓐᓇᑦᑎᐊᕐᓂᖏᓐᓂᒡᓗ ᐊᒻᒪᓗ ᐃᓕᓐᓂᐊᖅᑕᐅᔪᑦ ᖁᕝᕙᓯᓐᓂᖏᓐᓄᑦ ᐋᕿᐅᒪᑦᑎᐊᕐᓗᑎᒃ 2017ᒥ-2018ᒧ ᐃᓕᓐᓂᐊᕐᓇᐅᓂᖓᓄᑦ ᐊᑐᕋᔭᖅᑐᓂᒃ ᐊᕐᕌᒍᐃᑦ ᐅᖓᑖᓄᓪᓗ.

ᓄᓇᕗᑦ ᒐᕙᒪᒃᑯᖏᑦ ᐅᔾᔨᕈᓱᑦᑐᑦ ᑎᑎᕿᕆᓂᖅ ᐱᐅᓯᑎᑕᐅᒋᐊᖅᐸᑦ ᐃᑲᔫᑎᖃᕋᔭᒻᒪᕆᒃᑐᖅ ᓄᓇᕗᒻᒥᐅᓄᑦ ᑐᕌᒐᕆᔭᐅᓇᓱᐊᖅᑐᓄᑦ, ᐊᒻᒪᓗ ᐱᐅᓯᑎᒋᐊᕐᓗᒋᑦ ᐱᕕᑦᓴᖃᕐᓂᖅᓴᐅᓕᕐᓗᑎᒡᓗ ᐃᖅᑲᓇᐃᔮᓄᑦ ᐊᒻᒪᓗ ᓇᒻᒥᓂᖅ ᐊᔪᖏᓐᓂᕆᔭᖓᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᔪᓐᓇᖅᑕᐃᑦ info.edu@gov.nu.ca ᐅᕝᕙᓗᓃᑦ 867-975-5680.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃ:
ᑎᕕ ᐴᕐᕖᔅ
ᑐᓴᐅᒪᔪᓕᕆᔨᒻᒪᕆᒃ
ᐃᓕᓐᓂᐊᕐᓂᓕᕆᔨᒃᑯᑦ
867-975-5680