ᐅᖃᓚᐅᑎᓯᐅᑏᑦ

You are here

ᐃᓄᒃᑑᖅᑕ! ᐅᖃᓪᓚᓚᐅᖅᑕ ᐃᓄᒃᑐᑦ!

ᔪᓚᐃ 26, 2017

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐃᓄᒃᑑᖅᑕ! ᐅᖃᓪᓚᓚᐅᖅᑕ ᐃᓄᒃᑐᑦ!

ᖃᐅᔨᒪᕖᑦ ᐱᒋᐊᕐᓗᒍ ᔪᓚᐃ 9, 2017, ᑭᒃᑯᑐᐃᓐᓇᑦ ᓇᖕᒥᓂᖃᖅᑐᓪᓗ ᑲᑐᔾᔨᖃᑎᒌᑦ ᓄᓇᕗᒻᒥ ᐱᑎᑦᑎᔭᕆᐊᖃᖅᑐᑦ ᑐᓴᐅᒪᔪᓕᕆᔾᔪᑎᖏᓐᓂ ᐱᔨᑦᑎᕋᐅᑎᖏᓐᓂᒡᓗ ᐃᓄᖕᓄᑦ ᐃᓄᒃᑐᑦ? ᑖᓐᓇ ᐃᓚᐅᑎᑦᑎᔪᖅ ᓇᓕᖅᑲᓂᒃ, ᐊᑭᓐᓇᒥᐅᑕᓂᒃ, ᓇᖕᒥᓂᓕᖕᓄᑦ ᒪᒥᓴᐅᑎᓂᒃ, ᑭᐅᔨᓄᑦ ᐱᔨᑦᑎᕋᖅᑕᖏᓐᓄᓪᓗ ᑲᒪᒋᔭᖏᓐᓄᓪᓘᓐᓃᑦ ᐱᔨᑦᑎᕋᐅᑎᓂᑦ. ᑖᒃᑯᐊ ᐱᔭᕆᐊᖃᖅᑐᑦ ᑐᕌᖓᖕᒥᔪᑦ ᓇᖕᒥᓂᓕᖕᓄᑦ ᑲᑐᔾᔨᖃᑎᒌᓄᑦ ᐱᔨᑦᑎᕋᖅᑐᓄᑦ ᓄᓇᕗᒻᒥᐅᓄᑦ.

ᐃᓕᖅᑯᓯᓕᕆᔨᒃᑯᑦ ᐱᓕᕆᔪᒪᓪᓚᑦᑖᖅᓯᒪᕗᑦ ᐃᑲᔪᕐᓗᑎᒃ ᐃᓕᖅᑯᓯᓕᕆᔨᒃᑯᑦ ᑐᑭᓯᓂᕐᒥᒃ ᐱᕙᒌᔭᕐᓂᕐᒥᒡᓗ ᐅᖃᐅᓯᖏᑕ ᑐᕌᒐᒃᓴᖏᓐᓂ. ᑎᒥᐅᔪᑦ ᐋᖅᑭᒃᓯᓯᒪᔪᑦ ᐃᓕᓐᓂᐊᖅᑐᓕᕆᓂᕐᒧᑦ ᓂᕈᐊᒐᒃᓴᐅᓂᕐᒥᒃ ᒥᑭᑦᑐᓄᑦ ᐃᓕᖅᑯᓯᓕᕆᔨᒃᑯᑦ ᓄᓇᕗᒻᒥ, ᐃᓕᓯᓯᒪᓪᓗᑎᒡᓗ ᒥᑭᑦᑐᒃ ᑮᓇᐅᔭᖅᑖᖅᑎᑦᑎᓂᕐᒥᒃ ᐱᓕᕆᐊᒃᓴᒥᒃ ᐃᑲᔪᕐᓗᒋᑦ ᓇᖕᒥᓂᓖᑦ ᑎᒥᖁᑎᖏᑦ ᐱᓗᓂᒋᑦ ᐅᖃᐅᓯᕐᓄᑦ ᐱᔭᕆᐊᖃᖅᑕᖏᑦ.

ᐃᑲᔪᖅᓱᕐᓂᖅ ᐊᑐᐃᓐᓇᐅᖕᒥᔪᖅ ᑕᐃᑰᓇ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ (IUT) ᑎᑎᕋᕐᕕᖓᓂᓗ ᐅᖃᐅᓯᕐᓄᑦ ᑲᒥᓴᓇᒃᑯᑦ (OLC). ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ ᐊᑐᐃᓐᓇᐅᔪᑦ ᕿᒥᕐᕈᓗᑎᒃ ᑐᑭᓕᐅᕈᑎᓂᒃ ᑎᑎᕋᐅᓯᕐᓂᒡᓗ ᓇᓕᖅᑲᓄᑦ ᐊᓯᖏᓐᓄᓪᓗ ᑎᑎᖅᑲᓄᑦ, ᑎᑎᕋᕐᕕᖓ ᐅᖃᐅᓯᕐᓄᑦ ᑲᒥᓴᓇᒃᑯᑦ ᐊᑐᐃᓐᓇᐅᖕᒥᔪᑦ ᐃᑲᔪᕐᓂᕐᒧᑦ ᐋᖅᑭᒃᓯᓂᕐᒥᒃ ᐃᓄᐃᑦ ᐅᖃᐅᓯᖏᓐᓂᑦ ᐸᕐᓇᐅᑎᓂᒃ.

ᓄᓇᕗᒻᒥ ᒐᕙᒪᖓᑦ ᐱᓕᕆᔪᒪᓪᓚᑦᑖᖅᓯᒪᕗᑦ ᖁᕝᕙᕆᐊᖅᑎᑦᑎᓂᕐᒥᒃ ᐊᑐᕐᓂᕐᒥᒃ ᐃᓄᒃᑐᑦ ᐅᓪᓗᑕᒫᑦ ᐱᔨᑦᑎᕋᕈᑎᓂᒃ ᓄᓇᕗᒻᒥᐅᓄᑦ.

##

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᑖᓐ ᐱᒪᓐᑎᐅᓪ
ᑐᓴᐅᒪᔪᓕᕆᓂᕐᒧᑦ
ᐊᐅᓚᑦᑎᔨ ᐃᓕᖅᑯᓯᓕᕆᔨᒃᑯᑦ
867-975-5526
dpimentel@gov.nu.ca