ᐅᖃᓚᐅᑎᓯᐅᑏᑦ
LogoHome

ᐃᖃᓇᐃᔭᕐᕕᖏᑦ

ᓄᓇᓕᓐᓂᑦ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ

 ᓄᓇᓕᓐᓂᑦ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ (CGS) ᐊᑐᐃᓐᓇᐅᑎᑦᓯᔪᑦ ᐃᑲᔪᖅᑐᕐᓂᕐᒥᑦ ᐱᔨᑦᓯᕋᕐᓂᕐᒧᑦ ᑮᓇᐅᔭᖃᖅᑎᑦᓯᓂᕐᒥᓪᓗ ᓄᓇᓕᓐᓂᑦ ᒐᕙᒪᒃᑯᓐᓂᑦ ᒪᑭᒪᔪᓐᓇᑎᑦᓯᓂᕐᒥᑦ ᐊᒻᒪᓗ ᐃᑲᔪᖅᑐᖅᓱᑎᑦ ᕼᐋᒻᒪᓚᒃᑯᑦ ᐊᐅᓚᓂᖏᓐᓂᑦ, ᐱᖁᑎᕐᔪᐊᓂᑦ ᐱᕙᓪᓕᐊᓂᐅᔪᓂᑦ, ᓄᓇᒥᑦ ᐸᕐᓇᐅᑏᑦ ᐊᐅᓚᑦᓯᓂᕐᓗ, ᐊᒻᒪᓗ ᐱᓕᕆᐊᑦ ᐱᔨᑦᓯᕋᕐᓃᓪᓗ ᓄᓇᓕᓐᓂᑦ ᐊᒻᒪᓗ ᕼᐋᒻᒪᓚᒃᑯᑦ.

ᓄᓇᓕᓐᓂᑦ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ ᐊᑐᐃᓐᓇᐅᑎᑦᓯᔪᑦ ᑐᑦᑕᕐᕕᐅᔪᓂᑦ ᐊᓪᓚᕝᕕᓐᓂᑦ ᒐᕙᒪᒃᑯᓐᓄᑦ ᓄᓇᕗᒻᒥ ᐊᒻᒪᓗ ᐱᓕᕆᕝᕕᖏᓐᓂᑦ ᓲᕐᓗ ᓴᓇᔭᑦᓴᓄᑦ, ᐱᓕᕆᐊᖑᔪᓄᑦ ᐊᐅᓚᑦᓯᓂᕐᒥᑦ ᑐᓂᓯᓂᕐᒥᓪᓗ ᐱᖁᑎᓂᑦ ᐱᒋᔭᕐᓂᓪᓗ ᐊᐅᓚᑦᓯᒍᓐᓇᓂᕐᒥᑦ, ᓂᐅᕕᕈᓐᓇᓂᕐᒥᑦ ᐊᒻᒪᓗ ᑳᓐᑐᕌᓂᑦ ᐃᑲᔪᖅᑐᓂᕐᒥᑦ, ᑐᑭᓯᐅᒪᔾᔪᑎᓂᑦ ᐸᕐᓇᓂᕐᒥᑦ ᐊᒻᒪᓗ ᑐᓴᐅᒪᖃᑦᑕᐅᑎᓂᕐᒧᑦ ᐸᕐᓇᐅᑎᓂᑦ ᐱᔨᑦᓯᕋᕐᓂᕐᒧᑦ, ᐊᒻᒪᓗ ᑎᑎᕋᖅᓯᒪᔪᓂᑦ ᐊᐅᓚᑦᓯᓂᕐᒥᑦ.

ᐊᒻᒪᓗᑦᑕᐅᖅ, ᓄᓇᓕᓐᓂᑦ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ ᐱᔨᑦᓯᕋᖃᑦᑕᖅᑐᑦ ᑭᒃᑯᑐᐃᓐᓇᕐᓂᑦ ᐅᑯᓇᖓ: ᐃᑭᑎᑦᓯᑕᐃᓕᒪᓂᕐᒥᑦ, ᐊᑦᑕᓇᖏᑦᑐᓂᑦ ᓴᖅᑭᔮᖅᑎᑦᓯᓂᕐᒥᑦ, ᐃᓕᓐᓂᐊᑎᑦᓯᓂᕐᒥᑦ ᖃᐅᔨᓴᕐᓂᕐᒥᓪᓗ; ᕿᓂᕐᓂᕐᒧᑦ ᐊᐅᓚᑦᓯᓂᕐᒥᑦ ᐃᓕᓐᓂᐊᑎᑦᓯᓂᕐᒥᓪᓗ; ᐆᒻᒪᖅᑯᑎᓂᑦ, ᐅᖅᑰᓴᐅᑎᓂᑦ ᐳᓪᓚᖃᖅᑐᓂᑦ ᐊᑦᑕᓇᑕᐃᓕᒪᓂᕐᒧᑦ ᖃᐅᔨᓴᕐᓂᖅ ᐊᒻᒪᓗ ᓇᓗᓇᐃᖅᓯᓂᕐᒥᑦ; ᐃᓪᓗᓂᑦ ᖃᐅᔨᓴᕐᓂᕐᒥᑦ; ᐅᖅᓱᐊᓗᓐᓂᑦ ᑐᓂᐅᖅᑲᐃᓂᖅ; ᓂᐅᕕᕐᓂᕐᒧᑦ ᐊᒻᒪᓗ ᓇᓚᐅᑦᓵᕈᑎᓄᑦ ᐱᔪᓐᓇᐅᑏᑦ. ᓄᓇᓕᓐᓂᑦ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ ᑲᒪᒋᔭᖃᕐᒥᔪᑦ ᐱᕙᓪᓕᐊᑎᑦᓯᓂᕐᒥᑦ ᓴᖅᑭᔮᖅᑎᑦᓯᓂᕐᒥᓪᓗ ᐱᓐᖑᐊᕐᓂᓐᓂᑦ, ᐃᖃᐃᓕᓴᕐᓂᕐᒥᑦ ᐊᒻᒪᓗ ᐱᓐᖑᐊᖅᑐᓕᕆᓂᕐᒧᑦ ᐱᓕᕆᐊᓂᑦ ᓄᓇᕗᒻᒥ.

 

ᐃᓕᖅᑯᓯᓕᕆᔨᒃᑯᑦ

 ᐃᓕᖅᑯᓯᓕᕆᔨᒃᑯᑦ ᓴᖅᑮᓲᖑᕗᑦ ᐊᒻᒪ ᐊᑐᓕᖅᑎᑦᑎᓲᖑᕗᑦ ᐊᑐᐊᒐᓂᒃ, ᐱᓕᕆᐊᓂᒃ ᐊᒻᒪ ᐱᔨᑦᑎᕋᐅᑎᓂᒃ ᑐᕌᖓᔪᑦ ᓴᙱᒃᑎᒋᐊᖁᓪᓗᒍᑦ ᐃᓕᖅᑯᓯᑐᖃᖅ, ᐅᖃᐅᓯᖅ, ᐊᒻᒪ ᐱᐅᓯᑐᖃᖅ ᓄᓇᕗᒻᒥᐅᓄᑦ. ᐱᓕᕆᕝᕕᐅᔪᖅ ᓴᖅᑮᓇᓱᐊᓲᖑᕗᖅ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ ᐊᓪᓚᕝᕕᓂᒃ ᐊᒻᒪ ᓄᓇᕗᓕᒫᒥᒃ, ᐃᑲᔪᐃᓪᓗᑎᒃ ᓄᓇᓕᖕᓂᑦ ᑐᙵᕕᓖᑦ ᐃᓛᒃᑯᑦ ᐃᓄᖕᓂᒃ ᐊᒻᒪ ᑎᒥᐅᔪᓂᒃ ᐃᓕᖅᑯᓯᑐᖃᓕᕆᔪᑦ, ᐅᖃᐅᓯᓕᕆᔪᑦ ᐊᒻᒪ ᐱᐅᓯᑐᖃᓕᕆᔪᑦ.

 

ᐃᓕᓐᓂᐊᖅᑐᓕᕆᓂᖅ

ᐃᓕᓐᓂᐊᖅᑐᓕᕆᔨᒃᑯᑦ ᓴᖅᑭᔮᖅᑎᑦᑎᓲᑦ ᐃᓕᓐᓂᐊᕐᓂᕐᒥᑦ ᐃᓕᓐᓂᐊᕆᐊᒃᑲᓐᓂᕈᑎᓂᓪᓗ ᓄᓇᕗᒻᒥᐅᓄᑦ ᐅᑭᐅᖃᖅᑐᓕᒫᓄᑦ. ᖄᒃᑲᓐᓂᐊᒍᑦ ᐃᓕᓐᓂᐊᕐᓂᕐᒥᑦ ᐊᑐᐃᓐᓇᐅᑎᑦᑎᓂᖏᓐᓄᑦ ᓱᕈᓯᕐᓄᑦ ᒪᒃᑯᒃᑐᓄᓪᓗ, ᐃᓕᓐᓂᐊᖅᑐᓕᕆᔨᒃᑯᑦ ᑲᒪᒋᔭᖃᕐᒥᔪᑦ ᓱᕈᓯᕐᓄᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ;  ᐊᑐᐊᒐᕐᓂᑦ ᓴᖅᑮᑦᑎᕆᓂᕐᒧᑦ ᑮᓇᐅᔭᖅᑎᒍᑦ ᐃᑲᔫᑎᓂᑦ ᓄᓇᕘᑉ ᐃᓕᓐᓂᐊᖅᑎᖁᑎᖏᓐᓄᑦ; ᐊᐅᓚᑦᑎᓂᕐᒥᑦ ᓴᓇᔨᒃᓴᐅᓂᕐᒧᑦ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᑐᑦ; ᓴᓇᔨᐅᔪᑦ ᐊᒻᒪᓗ ᐃᖅᑲᓇᐃᔭᖅᑐᑦ; ᐊᒻᒪᓗ ᐅᖃᓕᒫᕆᐅᖅᓴᓂᕐᒧᑦ.

 

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ

 ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐱᓕᕆᐊᖃᖅᐸᒃᐳᑦ ᐱᓕᕆᖃᑎᖃᖅᖢᑎᒃ ᐋᖅᑭᒃᓱᐃᔪᒪᓪᓗᑎᒃ ᑐᙵᕕᒋᔭᐅᖃᑦᑕᕐᓂᐊᖅᑐᓂᒃ ᑲᔪᓯᓂᖃᑦᑎᐊᖅᑐᒥᒃ ᑮᓇᐅᔭᓕᐅᕐᓂᐅᕙᒃᑐᒥᒃ ᓇᓗᙱᑦᑎᐊᕈᒪᓂᕐᒧᓪᓗ ᖁᐊᖅᓵᕐᓇᙱᑦᑐᒃᑯᑦ ᑲᔪᓯᓂᖃᑦᑎᐊᖅᑐᒃᑯᓪᓗ ᓅᑎᑕᐅᕙᓪᓕᐊᒐᓗᐊᕐᒪᖔᑕ ᐃᓄᐃᑦ, ᖃᐅᔨᒪᓂᕆᔭᐅᔪᑦ ᐱᖁᑏᓪᓗ ᑕᒫᓂᓕᒫᑦ ᐊᕕᒃᓯᒪᓂᕆᔭᐅᔪᒥ ᐅᑭᐅᖅᑕᖅᑐᒥ. ᑖᓐᓇ ᐱᓕᕆᕝᕕᒋᔭᐅᕙᒃᑐᖅ ᐱᓕᕆᖃᑕᐅᕙᒃᐳᖅ ᓇᖕᒥᓂᕆᔭᐅᔪᑦ ᐱᕙᓪᓕᐊᑎᑕᐅᓂᖏᓐᓄᑦ, ᐳᓚᕋᖅᑐᓕᕆᓂᕐᒧᑦ, ᐃᓕᖅᑯᓯᑐᖃᒃᑯᑦ ᑮᓇᐅᔭᓕᐅᕐᑯᐅᕙᒃᑐᓄᑦ, ᓄᓇᒥᑦ ᐊᑐᖅᑕᐅᔪᓐᓇᖅᐸᒃᑐᓄᑦ, ᒥᑦᑕᕐᕕᖕᓄᑦ, ᐆᒻᒪᖅᑯᑎᒧᑦ, ᓄᓇᕘᒥ ᓇᖕᒥᓂᖃᖅᑐᓂᒃ ᐃᑲᔫᑎ ᑎᑎᕋᕐᕕᖕᒧᑦ ᐊᐅᓚᑦᑎᕝᕕᖃᖅᐸᖕᓂᕐᒧᓪᓗ ᐃᖏᕐᕋᔾᔪᑎᒋᔭᐅᕙᒃᑐᓂᒃ.

 

ᐊᕙᑎᓕᕆᓂᖅ

 ᐊᕙᑎᓕᕆᔨᒃᑯᑦ ᑲᒪᒋᔭᒃᓴᖃᖅᐳᑦ ᐱᓕᕆᐊᒃᓴᓄᑦ ᓲᕐᓗ ᓂᕐᔪᑎᓂᒃ ᐊᐅᓚᑦᑎᕝᕕᖃᖅᐸᖕᓂᖅ, ᒥᕐᙳᐃᖅᓯᕐᕕᖕᓄᑦ ᐱᑐᐃᓐᓇᐅᙱᑦᑐᓄᓪᓗ ᐃᓂᓄᑦ, ᐊᕙᑎᒥᒃ ᓴᐳᔾᔨᓯᒪᓂᕐᒧᑦ ᐃᖃᓗᒐᓱᖕᓂᐅᕙᒃᑐᓄᓪᓗ ᓇᑦᑎᕋᓱᖕᓂᐅᕙᒃᑐᓄᓪᓗ. ᑖᓐᓇ ᐱᓕᕆᕝᕕᒋᔭᐅᕙᒃᑐᖅ ᐱᑎᑦᑎᕙᒃᐳᖅ ᐃᓕᓐᓂᐊᖅᑎᑦᑎᓂᕐᒥᒃ ᐱᓕᕆᕝᕕᖃᕐᓂᕐᒥᒡᓗ ᐊᔾᔨᒌᙱᕈᓘᔭᖅᑐᓄᑦ ᐱᓕᕆᕝᕕᒋᔭᐅᕙᒃᑐᓄᑦ ᐃᓚᒋᔭᐅᓪᓗᑎᒃ ᒪᒃᑯᒃᑐᑦ, ᓄᓇᓕᖕᒥᐅᑦ, ᐃᓐᓇᐃᑦ ᐃᓕᓴᐃᔩᓪᓗ ᓇᓗᙱᑦᑎᐊᕈᒪᓂᕐᒧᑦ ᐃᓄᐃᑦ ᐃᓅᖃᑎᒌᒃᐸᖕᓂᕐᒧᑦ ᐊᓐᓂᕆᔭᖓᑦ ᐊᕙᑎᑦᑎᓐᓂᒃ ᑲᒪᑦᑎᐊᕐᓂᖅ ᑲᔪᓯᑎᑕᐅᑦᑎᐊᕋᓗᕐᒪᖔᑎᒃ (ᐊᕙᑎᒥᒃ ᑲᒪᒋᔭᖃᖅᐸᖕᓂᖅ).

 

ᒐᕙᒪᓕᕆᔨᒃᑯᑦ

 ᒐᕙᒪᓕᕆᔨᒃᑯᑦ ᑐᓴᐅᒪᑎᑦᑎᓲᖑᕗᑦ ᐊᑐᐊᒐᕐᓂᑦ, ᑐᕌᒐᕆᔭᐅᔪᓂᑦ ᐊᒻᒪ ᐱᔭᕇᖅᑕᐅᓯᒪᔪᓂᑦ ᒐᕙᒪᒥᑦ ᓄᓇᕗᑦ ᒐᕙᒪᐅ ᐃᓗᐊᓂᑦ, ᓄᓇᕗᒻᒥᐅᓄᑦ ᐊᒻᒪ ᑕᐃᒃᑯᓄᖓ ᓄᓇᕗᑦ ᓯᓚᑖᓃᑦᑐᓄᑦ. ᒐᕙᒪᓕᕆᔨᒃᑯᑦ ᐃᑲᔪᐃᓲᖑᕗᑦ ᓱᕗᓕᖅᑎᑦ ᑲᑎᒪᔨᖏᓐᓂᑦ (ᒥᓂᔅᑕᐅᖃᑎᒌᑦ) ᐊᒻᒪ ᓯᕗᓕᖅᑎᖃᖅᖢᑎᒃ ᓯᕗᓕᖅᑎ ᐲᑕ ᑕᑉᑑᓇ. ᑖᓐᓇ ᐱᓕᕆᕝᕕᒃ ᐊᖏᕐᕋᕿᔭᐅᕗᖅ ᓇᖕᒥᓂᖅᓱᕐᓂᓕᕆᔨᒃᑯᓐᓂᑦ, ᐊᑐᕈᓐᓇᕐᓂᖅ ᑐᓴᖅᑕᐅᔪᒃᓴᓂᒃ ᓴᐳᔾᔨᓯᒪᓂᕐᓗ ᖃᐅᔨᔭᐅᔭᕆᐊᖃᙱᑦᑐᓂᒃ (ATIPP), ᓄᓇᕗᒻᒥ ᑭᒡᓕᓯᓂᐊᖅᑏᑦ, ᒐᕙᒪᒃᑯᓐᓂ ᐅᖃᖃᑎᒌᒃᑎᑦᑎᓂᒃᑯᑦ ᑎᑎᕋᕐᕕᒃ, ᒐᕙᒪᓕᕆᔨᒃᑯᑦ, ᐊᑐᐊᒐᓕᕆᓂᖅ ᐊᒻᒪ ᐸᕐᓇᖕᓂᕐᒧᑦ ᐊᒻᒪ ᐃᓄᖕᓄᑦ ᐃᖅᑲᓇᐅᔮᓄᑦ. ᑐᓴᐅᒪᖃᑦᑕᐅᑎᔪᓕᕆᔨᒃᑯᑦ ᑐᓴᐅᒪᑎᑦᑎᓲᖑᕗᑦ ᑭᓇᒃᑯᑐᐃᓐᓇᕐᓂᑦ ᑐᓴᒐᒃᓴᑎᒍᑦ ᐊᒻᒪ ᐱᕙᓪᓕᐊᔪᑎᒍᑦ ᐊᒻᒪ ᐃᑭᐊᖅᑭᕕᒃᑰᕈᑎᒍᑦ. ᐃᓚᒃᑲᓐᓂᖅᖢᒍ, ᒐᕙᒪᓕᕆᔨᒃᑯᑦ ᐱᓕᒻᒪᒃᓴᑎᑦᑎᓲᖑᕗᑦ ᐊᒻᒪ ᐱᕙᓪᓕᐊᑎᑦᑎᓲᖑᕗᑦ ᓄᑖᕐᓄᑦ ᐊᒻᒪ ᒫᓐᓇᐅᔪᖅ ᐃᖅᑲᓇᐃᔭᖅᑎᓄᑦ.

 

ᐃᓄᓕᕆᔨᒃᑯᑦ

 ᐃᓄᓕᕆᔨᒃᑯᑦ ᓴᐳᒻᒥᓲᖑᕗᑦ ᐱᔭᕆᐊᑭᑦᑐᒦᑦᑐᓂᒃ ᐃᓅᖃᑕᐅᔪᓂᒃ, ᐊᒻᒪ ᐱᓕᕆᓲᖑᓪᓗᑎᒃ ᓇᖕᒥᓂᖅᓱᕈᓐᓇᖅᓯᕙᓪᓕᐊᖁᓪᓗᒋᑦ ᐊᒻᒪ ᐱᐅᓯᕚᓪᓕᖁᓪᓗᒋᑦ ᑎᑭᐅᒪᔭᐅᔭᕆᐊᓖᑦ ᐃᓅᓇᓱᐊᕐᓂᕐᒧᑦ ᓄᓇᕗᒻᒥᑦ. ᐱᓪᓗᐊᑕᕆᔭᐅᔪᑦ ᐱᓕᕆᕝᕕᐅᔫᑉ ᐅᑯᐊᖑᕗᑦ ᓱᕈᓯᓄᑦ ᖃᓄᐃᙱᑦᑎᐊᖅᑎᑦᓯᓂᖅ, ᑎᒍᐊᕐᓃᑦ, ᐃᓅᖃᑎᒌᓂᒃ ᐃᑲᔪᐃᓂᖅ, ᓱᒃᑰᓗᐊᕐᓂᖅ ᐱᑕᖃᕈᓐᓃᖅᑎᒋᐊᕐᓂᖅ, ᖃᑕᙳᑎᒌᑦ ᐱᑦᑎᐊᙱᖃᑦᑕᐅᑎᔪᓐᓃᔫᒥᖁᓪᓗᒋᑦ, ᓂᖃᐃᓱᕐᓂᖅ, ᐃᖅᑲᓇᐃᔮᒥᒃ ᐱᕙᓪᓕᐊᑎᑦᓯᓂᖅ ᐊᒻᒪ ᑮᓇᐅᔭᑎᒍᑦ ᐃᑲᔪᐃᓂᖅ ᓯᓚᑦᑐᖅᓴᕐᕕᖕᒧᑦ ᐃᓕᓐᓂᐊᖅᑐᓂᒃ.

 

ᑮᓇᐅᔭᓕᕆᔨᒃᑯᑦ

 ᑮᓇᐅᔭᓕᕆᔨᒃᑯᑦ ᑲᒪᒋᔭᒃᓴᖃᖅᐳᑦ ᓇᓗᙱᑦᑎᐊᕕᕈᒪᓂᕐᒧᑦ ᓄᓇᕗᑦ ᒐᕙᒪᖓᑕ ᐱᓕᕆᐊᒃᓴᐅᑎᑉᐸᒃᑕᖏᑦ ᑲᔪᓯᑎᑕᐅᔪᓐᓇᕋᓗᐊᕐᒪᖔᑕ ᓄᓇᕘᒥᐅᓄᑦ.  ᑮᓇᐅᔭᓕᕆᔨᒃᑯᑦ ᑕᐃᒪᐃᓕᐅᖅᐸᒃᐳᑦ ᐃᖅᑲᓇᐃᔭᖅᑎᑖᖅᐸᒃᖢᑎᒃ, ᐱᓯᒪᐃᓐᓇᕋᓱᒃᐸᒃᖢᑎᒃ, ᑲᔪᓯᑎᑦᑏᓐᓇᕋᓱᒃᐸᒃᖢᑎᒡᓗ ᓴᙱᔪᒥᒃ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᒋᔭᐅᔪᓂᒃ ᑲᔪᓯᑎᑦᑎᖃᑦᑕᖁᓪᓗᒋᑦ ᐱᓕᕆᐊᒃᓴᓂᒃ ᓈᒻᒪᓈᖅᑕᐅᓪᓗᑎᒃ ᐊᑐᕈᓐᓇᖅᓯᑎᑕᐅᕙᒃᑲᓗᐊᕐᒪᖔᑕ ᒪᑐᐃᙶᑦᑎᐊᖅᑐᒃᑯᑦ ᑕᑯᔭᐅᔪᓐᓇᑦᑎᐊᖅᑐᒃᑯᓪᓗ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᓂᐅᕙᒃᑐᑎᒍᑦ ᑖᒃᑯᐊᓗ ᒐᕙᒪᒃᑯᑦ ᑮᓇᐅᔭᓄᑦ ᓵᑕᐅᓕᕈᓐᓇᖅᐸᒃᖢᑎᒃ ᑭᒃᑯᑐᐃᓐᓇᓄᑦ ᑮᓇᐅᔭᖁᑎᒋᔭᐅᕙᒃᑐᑎᒍᑦ ᐅᓂᒃᑳᕆᐊᖃᖅᐸᖕᓂᕐᒧᑦ ᐱᓕᕆᓂᕆᕙᒃᑕᒥᑎᒍᑦ.

 

ᖃᓄᐃᖏᑦᑎᐊᕐᓂᖅ

 ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᐊᒃᓴᖃᖅᐳᑦ ᓄᓇᕗᒻᒥᐅᓄ ᐱᖃᖅᑎᑦᑎᓂᕐᒧᑦ ᐃᓕᖅᑯᓯᑐᖃᒧᑦ ᓈᒪᒃᑐᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᐊᓂᒃ ᐊᒻᒪ ᐱᔨᑦᓯᕋᐅᑎᓂᒃ ᖃᓄᑐᐃᓐᓇᖅ ᖃᓄᐃᖏᑦᑎᐊᖅᑎᑦᑎᓇᓱᐊᕐᓂᕐᒧᑦ ᖃᓂᒪᓂᖅᑖᖅᑎᑦᑎᑦᑕᐃᓕᒪᓂᕐᒧᑦ ᐊᒻᒪ ᐋᓐᓂᐊᓯᐅᕐᓂᕐᒧᑦ ᐃᕐᓂᔭᐅᓵᖅᑐᓄᑦ ᐃᓐᓇᕐᒧᑦ ᑎᑭᖦᖢᒍᑦ. ᐱᓕᕆᕝᕕᐅᔪᖅ ᐱᓕᕆᐊᖃᕆᕗᖅ ᐋᓐᓂᐊᖃᕐᓇᖏᑦᑐᓕᕆᔾᔪᑎ ᐅᐸᓗᖓᐃᔭᖅᓯᒪᑦᑎᐊᕋᓱᐊᖅᖢᒍ ᑐᐊᕕᕐᓇᖅᑐᓄᑦ ᖃᓄᑐᐃᓐᓇᖅ.

 

ᒪᓕᒐᓕᕆᔨᒃᑯᑦ

 ᐊᑐᐃᓐᓇᐅᑎᑦᓯᔪᑦ ᒪᓕᒐᓕᕆᓂᕐᒧᑦ ᐱᔨᑦᓯᕋᐅᑎᓂᑦ ᒥᓂᔅᑕᐅᔪᓄᑦ ᒐᕙᒪᒃᑯᓐᓂᓪᓗ ᓄᓇᕗᒻᒥ, ᐊᒻᒪᓗ ᐊᐅᓚᑦᓯᕙᑦᓱᑎᑦ ᐸᓖᓯᓂᑦ, ᑎᒍᓯᓯᒪᖃᑦᑕᓂᕐᒥᑦ ᐊᒻᒪᓗ ᓄᓇᓕᓐᓂᑦ ᒪᓕᒐᓕᕆᔨᒃᑯᑦ ᐱᓕᕆᐊᖏᓐᓂᑦ ᓄᓇᕗᒻᒥ. ᐱᓕᕆᕝᕕᒃ ᓇᓗᓇᐃᖅᓯᖃᑦᑕᖅᑐᑦ ᐱᓕᕆᖃᑦᑕᖅᑕᖏᓐᓂᑦ ᒐᕙᒪᒃᑯᑦ ᐊᐅᓚᑦᓯᓂᖏᓐᓂᑦ ᒪᓕᓪᓗᒋᑦ ᒪᓕᒐᐃᑦ. ᐱᓕᕆᕝᕕᒃ  ᑲᒪᒋᔭᖃᕆᐊᓕᒃ ᓇᓗᓇᐃᖅᓯᓂᕐᒥᑦ ᐃᓘᓐᓇᑎᒃ ᒪᓕᒐᐃᑦ ᐱᖁᔭᐃᓪᓗ ᓄᓇᕗᒻᒥ ᐅᑉᐱᕈᓱᓐᓂᕐᒥᑦ ᑲᓇᑕᐅᑉ ᑐᓐᖓᕕᒡᔪᐊᖓᓂ ᐊᒻᒪᓗ ᓄᓇᕗᑦ ᒪᓕᒐᖓᓂᑦ. ᐱᓕᕆᕝᕕᒃ ᐊᑐᐃᓐᓇᐅᑎᑦᓯᒥᔪᖅ ᐊᐅᓚᑦᓯᓂᕐᒥᑦ ᓄᓇᕘᒥ ᐃᖅᑲᖅᑐᐃᔨᒃᑯᓐᓂᑦ. ᐱᓕᕆᕝᕕᒃ ᐅᔾᔨᕈᓱᑎᑦᓯᖃᑦᑕᖅᑐᖅ  ᓴᐳᔾᔨᑦᓱᓂᓪᓗ ᓴᐃᓕᔪᒥᑦ ᐃᓅᖃᑎᒌᓐᓂᕐᒥᑦ ᐊᑐᕐᓗᒍ ᒪᓕᒐᓕᕆᔨᒃᑯᑦ ᐊᐅᓚᑦᓯᔾᔪᑎᖏᓐᓂᑦ ᐃᑉᐱᒍᓱᓐᓂᖃᖅᑐᑦ ᓄᓇᓖᑦ ᐱᓕᕆᐊᖏᓐᓂᑦ ᐃᓅᖃᑎᒌᑎᑦᓯᑦᓯᐊᕐᓂᕐᒥᑦ ᐊᒻᒪᓗ ᒪᓕᓪᓗᒋᑦ ᐱᔾᔪᑎᒋᓗᐊᑕᖅᑕᖏᑦ ᐊᒻᒪᓗ ᐱᒻᒪᕆᐅᒋᔭᖏᑦ ᐃᓄᐃᑦ ᖃᐅᔨᒪᔭᑐᖃᖏᑦ.