ᐅᖃᓚᐅᑎᓯᐅᑏᑦ
LogoHome

You are here

ᐃᖅᑲᓇᐃᔭᖅᑐᓕᕆᓂᕐᒧᑦ

ᐃᖅᑲᓇᐃᔭᖅᑐᓕᕆᓂᕐᒧᑦ ᐅᐸᓗᖓᐃᔭᐅᑏᑦ 2014-2018

 

ᓴᖏᔪᒥᑦ ᒪᑭᒪᑎᑦᓯᓂᕐᒥᓪᓗ ᐃᓄᓐᓂᑦ ᐱᔨᑦᓯᕋᕐᓂᕐᒥᑦ

ᒐᕙᒪᒃᑯᑦ ᓄᓇᕗᒻᒥᑦ ᐊᖏᖅᓯᒪᓂᖃᖅᑐᑦ ᓴᙱᔪᒥᑦ ᒪᑭᒪᑎᑦᓯᓂᕐᒥᓪᓗ ᐃᓄᓐᓂᑦ ᐱᔨᑦᓯᕋᕐᓂᒥᑦ ᑭᒡᒐᖅᑐᐃᔨᐅᔪᖅ ᓄᓇᕗᑦ ᖃᑦᓯᐅᓂᖏᓐᓂᑦ. ᓯᕗᒧᑦ ᐊᑉᓗᑕ, ᓯᑕᒪᖓᓐᓂᑦ ᒪᓕᒐᓕᐅᕐᕕᐅᑉ ᑎᓕᔭᐅᓯᒪᓂᖏᓐᓄᑦ, ᐃᓕᑕᖅᓯᔪᖅ ᐃᓄᓐᓂᑦ ᐱᔨᑦᓯᕋᕐᓂᖅ ᐱᒻᒪᕆᐊᓗᒻᒥᓪᓗ ᐊᑐᖅᑕᐅᕙᓐᓂᖓᓂᑦ ᐃᑲᔪᕐᓂᕐᒥᑦ ᐃᑲᔪᖅᑐᓂᕐᒥᓪᓗ:

• ᐃᒻᒥᓂᖅᓱᕈᓐᓇᖁᓪᓗᒋᑦ ᓇᓗᖅᑯᑎᖏᓪᓗᑎᒃ ᐃᓕᓐᓂᐊᕐᓂᒃᑯᑦ ᐱᓕᒻᒪᑦᓴᕐᓂᒃᑯᓪᓗ;

• ᐃᓅᖃᑎᒌᑦᑎᐊᖅᑐᑦ ᖃᑕᙳᑎᒌᑦ ᐃᒻᒥᓂᖅᓱᕈᓐᓇᑦᓯᐊᕐᓗᑎᒃ ᓄᓇᖅᑲᑎᒌᑦ;

• ᑮᓇᐅᔭᓕᐅᕈᑎᖃᕈᓐᓇᑦᓯᐊᕐᓂᖅ ᐅᔾᔨᖅᓱᑦᓯᐊᕐᓗᑎᒃ ᐱᕙᓪᓕᐊᔪᓕᕆᓂᕐᒧᑦ ᖃᓄᐃᑦᑐᑐᐃᓐᓇᒃᑯᑦ; ᐊᒻᒪᓗ

• ᒐᕙᒪᐅᑦᓯᐊᕐᓂᖅ ᐊᑑᑎᖃᑦᓯᐊᕐᓗᑕ ᐱᓕᕆᔾᔪᑎᑦᓴᑎᓐᓂᒃ

ᓴᙱᔪᒥᑦ ᐃᓄᓐᓂᑦ ᐱᔨᑦᓯᕋᕐᓂᖅ ᐅᑯᐊᖑᕗᑦ ᐱᔪᓐᓇᕐᓂᓖᑦ ᐊᖏᖅᓯᒪᓂᖃᑦᓯᐊᖅᓱᑎᓪᓗ ᐃᓄᐃᑦ ᐱᒋᐊᖅᑎᑦᓯᔪᓐᓇᖅᑐᑦ ᐃᓚᓕᐅᔾᔨᔪᓐᓇᓂᕐᒥᑦ ᐱᐅᔪᒥᑦ ᓯᕗᓂᑦᓴᖓᓐᓄᑦ ᓄᓇᕗᑦ. ᑲᔪᓯᖏᓐᓇᓂᕐᒥᑦ ᐊᒻᒪᓗ ᑲᔪᓯᓂᖃᑦᓯᐊᕐᓂᒥᑦ, ᓄᓇᕗᑦ ᐃᓄᓐᓂᑦ ᐱᔨᑦᓯᕋᕐᓂᖅ ᐱᔪᒥᓇᖅᑎᑦᓯᒋᐊᖃᖅᑯᑦ ᐱᓯᒪᑦᓯᖏᓐᓇᕐᓗᑎᓪᓗ ᐅᓄᖅᐸᓪᓕᐊᔪᓂᑦ ᖃᑦᓯᐅᓂᖏᓐᓂᑦ ᓄᓇᕗᒻᒥᐅᑦ ᐃᖅᑲᓇᐃᔭᖅᑎᖏᑦ ᒐᕙᒪᐅᑉ ᐱᓕᕆᐊᑦᓴᖏᓐᓂᑦ.

ᒐᕙᒪᒃᑯᑦ ᓄᓇᕗᒻᒥᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐸᕐᓇᐅᑎᖓ ᓴᓇᔭᐅᕙᓪᓕᐊᔪᖅ ᑲᔪᓯᖏᓐᓇᓂᕐᒥᑦ ᐱᒐᓱᐊᕐᓂᕐᒥᑦ ᒐᕙᒪᒃᑯᑦ ᓄᓇᕗᒻᒥᑦ ᐱᕈᖅᑎᑦᓯᓂᕐᒥᑦ ᐱᔪᓐᓇᕐᓂᖏᓐᓂᓪᓗ ᐃᖅᑲᓇᐃᔭᖅᑎᕗᑦ ᑲᑐᔾᔨᖃᑎᒌᕗᓪᓗ. ᐃᑲᔪᖅᑐᖅᑐᖅ ᑕᐅᖅᑐᖅᑰᖅᑕᐅᔪᒥᑦ ᑭᒡᒐᖅᑐᐃᔨᓄᑦ ᐃᓄᓐᓂᑦ ᐱᔨᑦᓯᕋᕐᓂᕐᒥᑦ ᐊᔪᖏᑦᓯᐊᖅᑐᓂᑦ ᐱᓕᕆᖃᑎᒌᓐᓂᕐᒥᓪᓗ ᑲᔪᓯᓂᖃᑦᓯᐊᖅᑐᒥᑦ, ᐊᑐᕐᓂᖃᑦᓯᐊᑐᒥᑦ ᐊᒻᒪᓗ ᐊᑭᑐᓗᐊᖏᑦᑐᒥᑦ ᑐᓂᓯᓂᕐᒥᑦ ᐱᓕᕆᐊᓂᑦ ᐱᔨᑦᓯᕋᕐᓂᕐᒥᓪᓗ ᓄᓇᕗᒻᒥᐅᑦ ᖃᓄᐃᙱᑦᓯᐊᕐᓗᑎᑦ ᐱᕙᓪᓕᐊᓂᖃᑦᓯᐊᖅᑐᓂᓪᓗ ᐃᓅᓯᖃᑦᓯᐊᕈᓐᓇᖁᓪᓗᒋᑦ.