ᐅᖃᓚᐅᑎᓯᐅᑏᑦ

You are here

ᐊᔪᖅᓴᓗᐊᖅᑕᐃᓕᒪᑎᑦᑎᓂᖅ

ᐊᔪᖅᓴᓗᐊᖅᑕᐃᓕᒪᑎᑦᑎᓂᖅ

ᓄᓇᕗᑦ ᒐᕙᒪᒃᑯᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐱᓕᕆᕝᕕᖓᓂ ᒪᕐᕉᖕᓂᒃ ᐱᓕᕆᐊᒃᓴᖃᓪᓗᐊᑕᖅᐳᑦ. ᐱᓕᕆᕝᕕᖓᓂ ᐃᑲᔫᑎᒃᓴᓂᒃ ᐊᐅᓚᑦᑎᖃᑦᑕᖅᐳᑦ ᐊᑐᕆᐊᓕᖏᑦ ᒪᓕᒃᑕᐅᖁᓪᓗᒋᑦ ᑲᑐᔾᔨᖃᑎᒌᒡᓗᑎᒃ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐱᖁᔭᓕᕆᓂᕐᒧᑦ. ᐅᑯᓂᖓ ᐃᑲᔪᖅᑐᐃᔾᔪᑎᖓ ᐃᓚᖃᖅᐳᖅ ᐱᓕᕆᕝᕕᒋᔭᐅᔪᓄᑦ ᐱᔨᑦᑎᕋᐅᑏᑦ ᓄᓇᕗᒻᒥ ᐋᔩᖃᑎᒌᖕᓂᖅ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐊᒻᒪ ᐱᓕᕆᖃᑕᐅᓗᑎᒃ ᐊᕐᕌᒍᓄᑦ ᑕᓪᓕᒪᓄᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᖃᓄᖅᑑᕈᑎᒃᓴᑦ ᐸᕐᓇᐅᑎᖓᑕ ᓴᖅᑭᑕᐅᓂᖓᓄᑦ.

 

ᐱᓕᕆᕝᕕᒋᔭᐅᔪᑦ ᐱᓕᕆᐊᒃᓴᖃᕆᕗᑦ ᐊᖏᕐᕋᖃᙱᑦᑐᓄᑦ ᐱᒋᐊᕈᑎᒃᓴᓄᑦ ᐱᓕᕆᐊᒃᓴᓂᒃ. ᑖᒃᑯᐊ ᐱᓕᕆᐊᒃᓴᑦ ᐃᑲᔪᖅᑐᐃᔾᔪᑎᒃᓴᓂᒃ ᐅᖃᐅᓯᖃᖅᐳᑦ ᑮᓇᐅᔾᔭᒃᓴᕋᓱᒃᑎᐅᙱᑦᑐᓄᑦ ᑲᑐᔾᔨᖃᑎᒌᓄᑦ ᐊᐅᓚᑦᑎᕙᒃᑐᓂᒃ ᑐᐊᕕᕐᓇᖅᑐᓄᑦ ᐊᖏᕐᕋᖃᙱᑦᑐᑦ ᐃᓂᒃᓴᖏᓐᓂᒃ, ᐊᒻᒪ ᒥᑭᑦᑐᓂᒃ ᑮᓇᐅᔭᓂᒃ ᑐᓂᔭᐅᓂᐊᖅᑐᓂᒃ ᓄᓇᓕᖕᓂ ᑲᑐᔾᔨᖃᑎᒌᓄᑦ ᐱᒋᐊᖅᑎᑦᑎᔪᓂᑦ ᐊᖏᕐᕋᖃᙱᑦᑐᑦ ᑲᒪᒋᔭᐅᔾᔪᑎᒃᓴᖏᓐᓂᒃ.

 

ᐊᐱᖅᑯᑎᒋᔭᕐᓄᑦ ᑭᐅᔭᐅᔪᒪᒍᕕᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐱᒋᐊᖅᑎᑕᐅᔪᒪᔪᑦ ᒥᒃᓵᓄᑦ ᑖᒃᑯᓇᙵᑦ ᐱᓕᕆᕝᕕᒃᑎᒍᑦ ᐅᕗᖓ ᐅᖃᓗᒡᓗᑎᑦ (867) 975-5200

 

ᓄᓇᕗᒻᒥ ᑳᖃᑦᑕᕐᓂᕐᒥᒃ ᐊᔪᖅᓴᕐᓂᕐᒥᓪᓗ ᐋᔩᖃᑎᒌᖕᓂᖅ ᐃᑭᐊᖅᑭᕕᖓᓄᑦ ᑕᑯᒋᐊᕈᓐᓇᕆᕗᑎᑦ ᐅᕗᙵᕐᓗᑎᑦ.
 

www.makiliqta.ca

 

ᐊᖏᕐᕋᖃᙱᓐᓂᖅ

ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐱᓕᕆᕝᕕᒃ ᐊᐅᓚᑦᑎᖃᑦᑕᖅᐳᑦ ᐊᖏᕐᕋᖃᙱᑦᑐᓄᑦ ᐱᒋᐊᕈᑎᒃᓴᓂᒃ ᐱᓕᕆᐊᒃᓴᓄᑦ, ᑮᓇᐅᔭᖃᖅᑎᑦᑎᕙᒃᖢᑎᒃ ᑐᐊᕕᕐᓇᖅᑐᓄᑦ ᐊᖏᕐᕋᖃᙱᑦᑐᒃᑯᕕᖕᓄᑦ ᐱᔨᑦᑎᕋᐅᑎᓂᒃ ᓄᓇᕗᒻᒥ. ᐊᖏᕐᕋᖃᙱᑦᑐᓄᑦ ᖃᓄᖅᑑᕈᑎᓴᖅ ᐸᕐᓇᐅᑦ ᐱᐊᓂᒃᑕᐅᓵᓕᓛᓕᖅᐳᖅ.

 

ᓄᓇᕗᒻᒥ ᑳᖃᑦᑕᕐᓂᕐᒥᒃ ᐊᔪᖅᓴᕐᓂᕐᒥᓪᓗ ᐋᔩᖃᑎᒌᖕᓂᖅ

ᐋᔩᖃᑎᒌᒃᑎᓂᒃ ᓴᖅᑭᑎᑕᐅᔪᖃᓚᐅᖅᐳᖅ ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑐᑭᓯᐅᒪᖃᑎᒌᖕᓂᕐᒧᑦ ᐊᖏᖃᑎᒌᒍᑎᖃᖅᖢᑎᒃ ᐅᑐᐱᕆ 24, 2012-ᖑᑎᓪᓗᒍ.

 

ᒥᓂᔅᑕᕆᔭᐅᔪᖅ ᐃᓚᒌᓄᑦ ᐱᔨᑦᑎᕋᐅᑎᓄᑦ ᒥᓂᔅᑕᕆᔭᐅᕗᖅ ᑲᒪᒋᔭᖃᖅᖢᓂ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐊᒻᒪ ᑖᔅᓱᒥᖓ ᐱᓕᕆᐊᒃᓴᖃᖅᑎᓪᓗᒍ ᐃᒃᓯᕙᐅᑕᕐᒧᑦ ᑐᖏᓕᕆᔭᐅᒋᓪᓗᓂ.

 

ᐋᔩᖃᑎᒌᒃᑎᑦ ᐸᕐᓇᐃᓚᐅᖅᐳᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᖃᓄᖅᑑᕈᑎᒃᓴᓄᑦ ᐸᕐᓇᐅᒻᒥᒃ, ᒪᑭᒪᓂᖅ ᐸᕐᓇᐅᑦ 2: ᑲᑐᔾᔨᓪᓗᑕ ᑲᒪᒋᕙᓪᓕᐊᔭᕗᑦ ᐊᔪᖅᓴᓗᐊᖅᑕᐃᓕᒪᑎᑦᑎᓇᓱᖕᓂᕐᒧᑦ, ᐋᑭᒃᓱᐃᕙᓪᓕᐊᔾᔪᑕᐅᓪᓕᓂ ᐊᒻᒪ ᐱᕙᓪᓕᐊᒃᑲᓐᓂᕈᑕᐅᓪᓗᓂ ᓄᓇᕗᒻᒥ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᐸᕐᓇᐃᔾᔪᑎᖓᓂᒃ - ᒪᑭᒪᓂᖅ ᐸᕐᓇᐅᑦ: ᑲᑐᔾᔨᓪᓗᑎᒃ ᑲᒪᒋᔭᐅᕙᓪᓕᐊᔪᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ. ᖃᓄᖅᑑᕈᑎᒃᓴᓄᑦ ᐸᕐᓇᐅᑦ ᑭᖑᓪᓕᖅᐹᒦᓕᖅᑐᑦ ᐋᖅᑭᒃᓱᖅᑕᐅᔪᑦ ᐱᐊᓂᒃᑕᐅᒃᐸᓪᓗ ᑭᒃᑯᑐᐃᓐᓇᓄᑦ ᑕᑯᔭᐅᔪᓐᓇᖅᓯᓂᐊᖅᖢᑎᒃ.

 

ᒪᑭᒪᓂᖅ ᐸᕐᓇᐅᑦ: ᑲᑐᔾᔨᓪᓗᑎᒃ ᑲᒪᒋᔭᐅᕙᓪᓕᐊᔪᑦ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ

ᒪᑭᒪᓂᖅ ᐸᕐᓇᐅᑦ ᐋᖅᑭᒃᓱᖅᑕᐅᕙᓪᓕᐊᓕᓚᐅᖅᐳᖅ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ ᑲᑎᒪᕐᔪᐊᖅᑎᓪᓗᒋᑦ ᓄᕕᐱᕆ 2011-ᒥ, ᐊᕐᕌᒍᓕᒫᖅ ᑭᒃᑯᑐᐃᓐᓇᓂᒃ ᐱᓕᕆᖃᑎᖃᑲᑕᓚᐅᖅᑎᓪᓗᒋᑦ. ᐸᕐᓇᐅᑎᒥᑦ ᓇᓗᓇᐃᖅᓯᓯᒪᕗᑦ ᓯᕗᓪᓕᐅᑎᑕᐅᔪᒪᔪᓂᑦ ᐱᓕᕆᖃᑎᒌᖕᓂᕐᒧᑦ ᖃᓄᖅᑑᕈᑎᒃᓴᓂᒃ ᐊᔪᖅᓴᓗᐊᖅᑕᐃᓕᒪᑎᑦᑎᓂᕐᒧᑦ, ᓯᕗᓪᓕᐅᑎᑕᐅᔪᒪᔪᑦ ᑐᕌᒐᖏᓐᓂᒃ ᑎᑭᑦᑐᒪᔭᖏᓐᓂᒡᓗ ᓇᓗᓇᐃᖅᓯᓯᒪᔪᓂᒃ. ᑖᒃᑯᐊ ᓯᕗᓪᓕᐅᑎᑕᐅᔪᒪᔪᑦ ᑕᐃᔭᐅᕗᑦ ᓴᖅᑭᑕᐅᓇᓱᑯᑖᖕᓂᐊᖅᑐᑦ ᐅᑯᓂᖓᓗ ᐃᓚᓕᐅᔾᔨᓪᓗᑎᒃ;

 

ᓴᖅᑭᑕᐅᓇᓱᑯᑖᖕᓂᐊᖅᑐᑦ

ᐱᓕᕆᖃᑎᒌᓂᖅ ᓴᙱᒃᑎᒋᐊᕐᓗᒍ (ᐱᓕᕆᖃᑎᒌᖕᓂᖅ)
ᓄᓇᓕᖕᓂ ᐃᓱᒪᓕᐅᖃᑎᒌᖕᓂᖅ ᖁᕝᕙᕆᐊᖅᑎᓪᓗᒍ
ᓄᓇᓕᖕᓂ ᑮᓇᐅᔾᔭᒃᓴᕋᓱᖕᓃᑦ ᓴᙱᒃᑎᒋᐊᖅᑎᓪᓗᒋᑦ
ᒪᒥᓴᕐᓂᕐᒧᑦ ᑐᕌᖓᔪᑦ ᐃᑲᔫᑎᒃᓴᐃᑦ ᓴᙱᒃᑎᒋᐊᖅᑎᓪᓗᒋᑦ
ᐃᓅᓯᓕᒫᒥ ᐃᓕᓐᓂᐊᖅᐸᓪᓕᐊᓂᖅ ᓴᙱᒃᑎᒋᐊᖅᑎᓪᓗᒍ
ᓂᕿᒃᓴᖃᑦᑎᐊᕆᐊᖃᕐᓂᖅ ᖁᕝᕙᕆᐊᖅᑎᓪᓗᒍ
ᐃᑲᔫᓯᐊᖅᑐᓕᕆᓂᖅ ᐃᑲᔪᖅᓱᖅᑕᐅᒃᑲᓐᓂᕐᓗᓂ
ᐃᒡᓗᑖᕆᔭᐅᔪᓐᓇᖅᑐᑦ ᖁᕝᕙᕆᐊᖅᑎᓪᓗᒋᑦ

 

Minister’s Annual Report on Poverty Reduction

Under the Collaboration for Poverty Reduction Act, an annual report is produced detailing what the government is doing to reduce poverty. This annual report describes 65 different programs, policies and initiatives delivered by our departments and territorial corporations that contribute to reducing poverty in its many forms.

2013-14 ᒥᓂᔅᑕᐅᑉ ᐅᓂᒃᑳᓕᐊᖓ ᐊᕐᕌᒍᑕᒫᖅᓯᐅᑦ ᐊᔪᖅᓴᕈᓐᓃᐹᓪᓕᕋᓱᐊᖅᓂᒃᒧᑦ

 

224 Arnakallak Building (ᐃᖅᑲᖅᑐᐃᕕᕕᓂᖅ)

PO Box 1000, Station 1220

Poverty Reduction Division, Family Services

Government of Nunavut

Iqaluit, NU

X0A 0H0