ᐅᖃᓚᐅᑎᓯᐅᑏᑦ

You are here

ᐃᖅᑲᓇᐃᔭᓕᒻᒪᒃᓴᖅᑎᑕᐅᓂᕐᒧᑦ ᐃᓕᓐᓂᐊᕐᑎᑕᐅᓗᑎᓪᓗ - G.R.E.A.T. ᐱᓕᕆᐊᖅ

ᐃᖅᑲᓇᐃᔭᓕᒻᒪᒃᓴᖅᑎᑕᐅᓂᕐᒧᑦ ᐃᓕᓐᓂᐊᕐᑎᑕᐅᓗᑎᓪᓗ - G.R.E.A.T. ᐱᓕᕆᐊᖅ

 

ᓱᓇᐅᕙ ᐃᖅᑲᓇᐃᔭᓕᒻᒪᒃᓴᖅᑎᑕᐅᓂᕐᒧᑦ ᐃᓕᓐᓂᐊᕐᑎᑕᐅᓗᑎᓪᓗ ᐱᓕᕆᐊᖅ?

• ᐱᓇᓱᐊᕈᓯᕐᓄᑦ 14-ᓄ ᐱᓕᕆᐊᖅ ᑐᓂᔭᐅᖃᑦᑕᖅᑐᖅ ᑲᑐᔾᔨᖃᑎᒌᓄᑦ ᐃᓄᓕᕆᔨᒃᑯᓐᓄᑦ ᓄᓇᕗᒻᒥᓪᓗ ᓯᓚᑦᑐᓴᕐᕕᒻᒥᑦ.

• ᐃᑲᔫᓯᐊᖃᑦᑕᖅᑐᐃᑦ ᐱᓇᓱᐊᕈᓐᓇᖅᑐᑦ ᐃᓚᒋᔭᐅᓗᑎᓪᓗ ᓂᕈᐊᕐᓂᕐᒥᑦ ᐱᕙᓪᓕᐊᔪᓐᓇᖅᑐᓂᑦ.   

• ᐃᓕᓐᓂᐊᕐᓂᕐᒥᑦ ᐱᔭᕇᖅᑐᑦ ᐊᑐᐃᓐᓇᐅᓂᖅᓴᐅᒐᔭᖅᑐᑦ ᐃᖅᑲᓇᐃᔭᕐᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᐃᓕᓐᓂᐊᕐᓂᕐᒧᑦ ᐱᕕᖃᕐᓂᐅᔪᓂᑦ.

• ᐃᓕᓐᓂᐊᕐᓂᐅᑉ ᐃᓗᓕᖏᑦ: ᓇᒻᒥᓂᖅ ᓂᕈᐊᕈᓐᓇᕐᓂᕐᒥᑦ ᐱᕙᓪᓕᐊᔾᔪᑎᓂᑦ, ᖃᕆᑕᐅᔭᓕᕆᓂᕐᒧᑦ, ᐱᐅᓯᕙᓪᓕᐊᑎᑦᓯᓂᕐᒥᑦ ᐊᔪᖏᑦᑕᐅᔭᕆᐊᖃᖅᑐᓂᑦ, ᐃᖅᑲᓇᐃᔭᕐᕕᒻᒥᑦ ᐱᑦᓯᐊᕆᐊᖃᕐᓂᕐᒧᑦ, ᐊᐱᖅᓱᖅᑕᐅᖃᑦᑕᕐᓂᕐᒧᑦ ᓱᓕᒃᑲᓐᓂᕐᓗ!

• ᐃᓚᒋᔭᖃᕐᓂᐊᖅᑐᖅ ᐱᓇᓱᐊᕈᓰᓐᓂᒃ ᒪᕐᕉᓐᓂᑦ ᐃᖅᑲᓇᐃᔭᕆᐅᖅᓴᓂᕐᒧᑦ ᓂᕈᐊᖅᑕᐅᓯᒪᔪᓄᑦ ᐃᓕᓐᓂᐊᕐᑎᓄᑦ, ᑐᙵᕕᒋᓗᒋᑦ ᐱᔪᒪᓂᖏᑦ ᐱᔪᓐᓇᕐᓂᖏᓪᓗᑦ.  

 

ᐱᔾᔪᑎᖓ:

ᐃᑲᔪᖅᑐᕐᓗᒋᑦ ᐃᑲᔫᓯᐊᖃᑦᑕᖅᑐᑦ ᑲᔪᓯᓂᖃᑦᓯᐊᖁᓪᓗᒋᑦ ᐃᖅᑲᓇᐃᔭᕐᓂᕐᒧᑦ ᐃᖅᑲᓇᐃᔮᖃᕐᓂᐊᖅᑎᓪᓗᒋᓪᓗ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᐊᑲᓐᓂᖅᑎᓪᓗᒋᑦ ᐱᓕᒻᒪᑦᓴᕐᓂᕐᒥᑦ ᐃᓕᓐᓂᐊᕐᓂᕐᒥᓪᓗ.   

 

ᐃᓚᒋᔭᐅᔪᓂᑦ ᑖᑦᓱᒧᓱᖓ ᐱᓕᕆᐊᒧᑦ ᐃᒪᐃᓐᓂᐊᖅᑐᑦ:

• ᐱᕙᓪᓕᐊᓂᕐᒥᑦ ᐊᒻᒪᓗ/ᐅᕝᕙᓘᓐᓃᑦ ᐱᐅᓯᕙᓪᓕᐊᑎᑦᓯᓂᕐᒥᑦ ᐊᔪᖏᓐᓂᕆᔭᐅᔭᕆᐊᖃᓪᓚᕆᑦᑐᓄᑦ ᐅᖃᓕᒫᕐᓂᕐᒥᑦ, ᑎᑎᕋᖅᓯᒪᔪᓂᑦ ᐊᑐᕐᓂᕐᒥᑦ, ᐱᓕᕆᐊᖃᕐᓂᕐᒥᑦ ᓈᓴᐅᑎᓂᑦ, ᖃᕆᑕᐅᔭᕐᓂᑦ ᐊᑐᕐᓂᕐᒥᑦ ᑎᑎᕋᕐᓂᕐᒥᓪᓗ, ᐱᔭᕆᐊᓕᓐᓂᑦ ᐃᓚᖏᓐᓂᑦ ᐃᖅᑲᓇᐃᔮᓂᑦ.  

• ᐃᓱᒪᒋᔭᖃᕐᓂᕐᒥᑦ ᓇᒻᒥᓂᖅ ᐃᖅᑲᓇᐃᔮᕆᔪᒪᔭᒥᓐᓂᓪᓗ ᑐᕌᒐᖏᓐᓂ, ᓇᓗᓇᐃᖅᓯᓂᕐᒥᓪᓗ ᐃᓕᓐᓂᐊᕐᓂᕐᒥᑦ   ᐃᖅᑲᓇᐃᔮᕆᔪᒪᔭᒥᓂᓪᓗ ᐱᕕᕋᕐᓂᕐᒥᑦ.  

• ᓴᖅᑭᑦᓯᓂᕐᒥᑦ ᐅᓪᓗᒥᒨᖓᔪᓂᑦ ᐃᖅᑲᓇᐃᔮᖅᑖᕋᓱᐊᕈᑎᓂᑦ ᐃᖅᑲᓇᐃᔮᖅᑖᕈᒪᐅᑏᓪᓗ ᑎᑎᖅᑲᖅ, ᐱᓕᒻᒪᑦᓴᕐᓂᕐᒥᓪᓗ ᐊᐱᖅᓱᕈᓐᓇᕐᓂᕐᒥᑦ.  

• ᓴᖅᑭᑦᓯᓂᕐᒥᑦ ᐃᓕᓐᓂᐊᕈᑎᒋᖃᑦᑕᖅᓯᒪᔭᓐᓂᑦ ᓇᓗᓇᐃᖅᓯᔪᓂᑦ ᐊᑐᐃᓐᓇᐅᑎᑦᓯᔪᓂᓪᓗ ᑎᑎᕋᖅᓯᒪᔪᓂᑦ ᓇᒻᒥᓂᖅ ᓴᙱᓐᓂᐅᔪᓂᑦ, ᐊᔪᖏᓐᓂᕐᓂᑦ, ᖃᐅᔨᒪᓂᖃᕐᓂᕐᒥᑦ ᐱᐅᓯᖏᓐᓂᓪᓗ.

• ᖃᐅᔨᒪᓕᒃᑲᓐᓂᕐᓂᕐᒥᑦ ᐃᖅᑲᓇᐃᔮᓂᑦ ᐱᕕᖃᕐᓂᕐᒥᑦ ᐃᓚᒋᔭᐅᖃᑦᑕᕐᓗᓂ ᐃᓱᒪᒋᔭᖃᕐᓂᕐᒥᓪᓗ ᐃᓕᑉᐸᓪᓕᐊᓂᕐᒧᑦ ᐃᖅᑲᓇᐃᔭᕆᐅᖅᓴᓂᕐᒧᑦ.  

• ᑲᒪᒋᔭᖃᕐᓂᕐᒥᑦ ᑲᔪᓯᓂᖃᑦᓯᐊᖅᑐᒥᑦ ᐃᖅᑲᓇᐃᔮᓂᑦ ᕿᓂᕐᓂᕐᒥᑦ.

 

ᐃᓕᓐᓂᐊᕐᓂᕐᒧᑦ ᑎᓕᐅᕆᓂᖅ

ᐊᑐᓂᑦ ᐃᓚᒋᔭᐅᔪᖅ ᐱᔪᓐᓇᕐᓂᖃᕈᓐᓇᖅᑐᖅ $1,400 ᐃᓕᓐᓂᐊᕐᓂᕐᒧᑦ ᑎᓕᐅᕆᓂᕐᒥᑦ.

ᐊᑐᓂᑦ ᐃᓕᓐᓂᐊᕐᑎ ᑮᓇᐅᔭᑦᓴᕈᓐᓇᖅᑐᑦ $10 ᐅᓪᓗᓕᒫᒧᑦ ᐅᐸᑦᓯᒪᓂᖓᓄᑦ. ᑖᓐᓇ ᐱᔭᐅᖃᑦᑕᖅᑐᖅ ᐱᓇᓱᕐᕈᓰᒃ ᒫᕐᕉᒃ ᓈᒐᐃᒻᒪᑎᒃ.

ᐊᑐᓂᑦ ᐃᓕᓐᓂᐊᕐᑎ ᐱᔪᓐᓇᓂᖃᕈᓐᓇᖅᑐᖅ $700 ᐱᔭᕇᖅᓯᒪᓕᖅᑎᓪᓗᒋᑦ ᐃᓕᓐᓂᐊᕐᓂᕐᒥᑦ, ᑭᖑᕙᖅᓯᒪᖏᑉᐸᑕ 10-ᐳᓴᓐᑎᒥᑦ ᐅᖓᑖᓅᖏᑦᑐᖅ ᐃᓕᓐᓂᐊᕐᓂᕐᒥᑦ. ᐱᓇᓱᐊᕈᓯᕐᓄᑦ 14-ᓄ ᐱᓕᕆᐊᓂᑦ, ᑖᒃᑯᐊ ᐅᓪᓗᐃᑦ 7. 

ᐅᓪᓛᕈᒻᒥᑕᕐᓂᕐᒥᑦ ᐊᑐᐃᓐᓇᐅᑎᑦᓯᓂᐊᖅᑐᑦ 8:30 ᐅᓪᓛᒃᑯᑦ - 9-ᒧᓄ ᐅᓪᓛᒃᑯᑦ (ᐃᓕᓐᓂᐊᕐᓂᖅ ᐱᒋᐊᓚᐅᖅᑎᓐᓇᒍ)

ᑎᓕᐅᕆᓂᕐᒧᑦ ᑐᓂᔭᐅᔪᑦ ᐃᓚᒋᔭᐅᔪᓄᑦ ᐃᓱᒪᒋᔭᐅᖏᑦᑐᑦ ᑮᓇᐅᔭᕐᓴᕐᓂᕐᒧᑦ; ᑕᐃᒪᐃᒻᒪᑦ, ᑮᓇᐅᔭᓕᐅᕈᑕᐅᔪᑦ ᐃᓱᒪᒋᔭᐅᖏᑦᑐᑦ ᐃᑲᔫᓯᐊᒧᑦ ᓈᓴᖅᓯᒪᔪᓂᑦ. 

 

ᐊᑦᑐᐃᓂᖃᕐᓂᐊᖅᑳ ᐃᑲᔫᓯᐊᕆᖃᑦᑕᕐᑕᓐᓂᑦ?

ᐃᖅᑲᓇᐃᔭᓕᒻᒪᒃᓴᓂᖅ (G.R.E.A.T.) ᐃᓕᓐᓂᐊᖅᑕᐅᓚᐅᖅᑐᖅ ᖁᕐᓗᖅᑑᒥ, ᐃᖃᓗᖕᓂ, ᑲᖏᖅᖠᓂᕐᒥ, ᐃᒃᐱᐊᕐᔪᖕᒥ, ᖃᒪᓂ’ᑐᐊᕐᒥ, ᐅᕐᓱᖅᑑᒥ, ᐃᒡᓗᓕᖕᒥ, ᐸᓐᓂᖅᑑᒥ, ᒥᑦᑎᒪᑕᓕᖕᒥ, ᑭᙵᓂ, ᓴᓪᓕᕐᒥ, ᑕᓗᕐᔪᐊᓂ, ᓴᓂᑭᓗᐊᕐᒥ, ᓇᐅᔮᓂ, ᕿᑭᖅᑕᕐᔪᐊᕐᒥ, ᑰᒑᕐᔪᖕᒥ, ᑭᒻᒥᕈᒻᒥ, ᑲᖏᖅᑐᒑᐱᖕᒥ, ᐊᕐᕕᐊᓂ ᐊᒻᒪ ᓴᓂᕋᔭᖕᒥ.

ᒫᓐᓇ ᐃᓕᓐᓂᐊᖅᑕᐅᓕᕐᒥᔪᖅ ᐃᖃᓗᒃᑑᑦᑎᐊᒥ, ᑭᙵᓂ, ᐃᒡᓗᓕᒑᕐᔪᖕᒥ, ᐅᖅᓱᖅᑑᒥ ᐊᒻᒪ ᐃᒡᓗᓕᖕᒥ.

ᐃᖅᑲᓇᐃᔭᓕᒻᒪᒃᓴᓂᕐᒧᑦ ᐃᓕᓐᓂᐊᕐᓂᖅ ᐱᒋᐊᓛᕐᒥᔪᖅ ᔮᓐᓄᐊᕆ 2018-ᒥ ᐊᐅᓱᐃᑦᑐᕐᒥ, ᖃᐅᓱᐃᑦᑐᕐᒥ, ᑎᑭᕋᕐᔪᐊᕐᒥ, ᑕᓗᕐᔪᐊᓂ, ᓇᐅᔮᓂ ᐊᒻᒪ ᐊᕐᕕᐊᓂ.  ᐃᓕᓐᓂᐊᖃᑕᐅᔪᒪᔪᑦ ᖃᐅᔨᒋᐊᕈᓐᓇᖅᐳᑦ ᓄᓇᖓᑦᑕ ᓂᖃᐃᓱᖅᑐᓕᕆᔨᒃᑯᓐᓄᑦ.  

 

ᑐᑭᓯᑎᑦᑎᒋᐊᒃᑲᓐᓂᕈᑎ

ᐃᑲᔫᓯᐊᖃᑦᑕᕈᕕᑦ ᐱᓇᓱᐊᖃᑕᐅᔪᒪᒍᕕᑦ ᐱᓕᕆᐊᒧᑦ, ᐅᖃᖃᑎᒋᔪᓐᓇᖅᑕᐃᑦ ᓄᓇᓕᓐᓂᑦ ᐃᑲᔫᓯᐊᖅᑎᑦᓯᔨ ᑐᑭᓯᒃᑲᓐᓂᕈᒪᒍᑦᓯ.

 

ᐃᖅᑲᓇᐃᔭᓕᒻᒪᒃᓴᖅᑎᑕᐅᓂᕐᒧᑦ ᐃᓕᓐᓂᐊᕐᑎᑕᐅᓗᑎᓪᓗ ᐱᓕᕆᐊᒧᑦ ᑲᒪᔨ

ᑲᕆᓐ ᕚᓐᑕᓐ ᐴᒪᓐ

ᐃᖅᑲᓇᐃᔮᓂᑦ ᐱᕙᓪᓕᐊᑎᑦᓯᓂᕐᒥᑦ

ᐃᓄᓕᕆᔨᒃᑯᑦ

KVBoomen@GOV.NU.CA

ᐅᖄᓚᐅᑎᖓ: 867-975-5244