ᐅᖃᓚᐅᑎᓯᐅᑏᑦ

You are here

ᐃᖅᑲᓇᐃᔭᖅᑎᓪᓗᒍ ᐃᓕᓐᓂᐊᖅᑎᑕᐅᓂᖅ (TOJ)

ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᑦ ᑮᓇᐅᔾᔭᒃᓵᓄᑦ ᐃᑲᔫᓯᐊᑦ ᐱᕐᔪᐊᖑᙱᑦᑐᓄᑦ ᓈᒻᒪᒃᑐᓄᓪᓗ ᐃᖅᑲᓇᐃᔭᕐᕕᒋᔭᐅᔪᑦ ᐃᑲᔫᑎᒃᓴᖏᓐᓂᒃ ᐃᖅᑲᓇᐃᔭᖅᑎᑖᖅᑐᖅᑎᓪᓗᒋᑦ ᐊᔪᕈᓐᓃᖅᓴᖅᑎᑦᑎᕙᒡᓗᑎᒡᓗ ᓴᓈᖃᙱᑦᑐᓂᒃ ᓴᓇᔭᕆᐅᖅᐸᓪᓕᐊᓕᓵᖅᑐᓂᒡᓘᓐᓃᑦ. ᐊᔪᕈᓐᓃᖅᓴᒐᒃᓴᑦ, 52-ᓄᑦ ᐱᓇᓱᐊᕈᓯᕐᓄᑦ ᐊᑯᓂᐅᑎᒋᔪᓐᓇᖅᑐᖅ, ᐃᖅᑲᓇᐃᔭᕐᕕᐅᔪᒥᒃ ᐱᓕᕆᐊᖑᔪᓐᓇᖅᑐᖅ, ᐃᓕᓐᓂᐊᕐᕕᖕᒥ ᐅᕝᕙᓘᓐᓃᑦ ᐊᔪᕈᓐᓃᖅᓴᖅᑎᑦᑎᔨᒧᑦ ᐅᕝᕙᓘᓐᓃᑦ ᑕᒪᐃᓐᓂᒃ. ᓂᕆᐅᒋᔭᐅᔪᖅ ᐃᖅᑲᓇᐃᔭᕐᕕᒋᔭᐅᔪᖅ ᓴᓇᔨᑖᕐᓗᓂ ᐊᔪᕈᓐᓃᖅᓴᕐᓂᐊᖅᑐᒥᒃ ᐊᔪᕈᓐᓃᖅᓴᕐᓇᖅ ᐊᓂᒍᖅᐸᓪᓕᐊᓕᖅᑎᓪᓗᒍ.

 

ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᓄᑦ ᐱᓇᔪᖃᑦᑕᕐᓗᓯ ᐊᑕᖏᕐᓗᒋᑦ ᑎᑎᕋᖅᑳᕐᓗᒋᑦ ᐃᖅᑲᓇᐃᔭᖅᑎᑦ ᓈᒻᒪᙱᓕᐅᖅᑎᓪᓗᒋᑦ ᐃᑲᔪᖅᑕᐅᔾᔪᑎᓂᒃ ᐊᒻᒪ ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᓄᑦ ᐅᕝᕙᓘᓐᓃᑦ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ ᐅᖃᓗᒡᓗᑎᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᑯᓇᓂ ᓈᓴᐅᑎᓂᒃ:

 

ᕿᑎᕐᒥᐅᑦ - 1-800-661-0845

ᑭᕙᓪᓕᖅ - 1-800-953-8516

ᕿᑭᖅᑖᓗᒃ - 1-800-567-1514

 

ᐊᑦᑕᑕᕐᕕᐅᑲᐅᑦᑐᕈᓐᓇᖅᑐᑦ:

 

ᐊᔪᖅᑎᑕᐅᙱᑦᑐᑦ

ᐃᑲᔫᓯᐊᑦ ᖃᔅᓯᑐᕐᓂᖏᑦ

ᖃᓄᐃᓕᐅᖅᑕᐅᔭᕆᐊᖃᕐᒪᖔᑦ

 

 

ᐊᔪᖅᑎᑕᐅᙱᑦᑐᑦ

ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᒃᓴᑦ ᐱᔭᒃᓴᐅᕗᑦ ᐱᓕᕆᔨᓄᑦ ᒐᕙᒪᒃᑯᑦ ᐊᐅᓚᑕᖏᓐᓄᑦ, ᐱᓕᕆᔨᓄᑦ ᒐᕙᒪᒃᑯᑦ ᐊᐅᓚᙱᑕᖏᓐᓄᑦ, ᒐᕙᒪᐅᙱᑦᑐᑦ, ᑮᓇᐅᔾᔭᒃᓴᕋᓱᒃᑎᐅᙱᑦᑐᑦ ᑲᑐᔾᔨᖃᑎᒌᓂᒃ. ᐱᓕᕆᔩᑦ ᒐᕙᒪᒃᑯᑦ ᐊᐅᓚᙱᑕᖏᓐᓄᑦ ᐃᖅᑲᓇᐃᔭᖅᑎᑦ 50 ᑐᖔᓂ ᐃᖅᑲᓇᐃᔭᖅᑎᖃᕆᐊᖃᖅᑐᑦ. ᐃᓕᓐᓂᐊᖅᑎᑦᑎᔨ ᐃᓕᓐᓂᐊᖅᑎᑦᑎᔭᕆᐊᖃᖅᖢᓂ ᐅᓪᓗᓕᒫᒧᑦ ᐅᓘᑉ ᐃᓚᐃᓐᓇᖓᓄᑦ ᐃᖅᑲᓇᐃᔭᖅᑎᓂᒃ (ᐅᓄᙱᓛᖃᕐᓗᒍ 20 ᐃᑲᕐᕋᑦ ᐱᓇᓱᐊᕈᓯᑕᒫᑦ) ᐅᕝᕙᓘᓐᓃᑦ ᐊᕐᕌᒎᑉ ᐃᓚᐃᓐᓇᖓᓂᒃ ᐃᖅᑲᓇᐃᔭᖅᑎᑦᑎᓗᓂ. ᐃᓕᓐᓂᐊᖅᑎᑕᐅᔪᑦ ᓴᓈᖃᙱᓪᓗᑎᑦ, ᓴᓈᖃᕋᓗᐊᕐᓗᑎᒃ ᐅᓪᓗᓕᒫᒧᑦ ᓴᓇᑎᑕᐅᕙᙱᓪᓗᑎᒃ ᐅᕝᕙᓘᓐᓃᑦ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᖅᐸᓪᓕᐊᔪᑦ.

 

ᐃᓕᓐᓂᐊᕐᓂᐊᖅᑐᑦ ᓄᓇᕗᒥᐅᑕᐅᔭᕆᐊᖃᖅᐳᑦ ᐅᓄᙱᓛᖃᕐᓗᒍ ᐊᕐᕌᒍᒥᒃ ᐊᑕᐅᓯᕐᒥᒃ ᓄᓇᕗᒥᐅᑕᐅᓗᑎᒃ. ᓄᓇᕗᒥᐅᑕᐅᙱᑦᑐᑦ ᐃᓱᒪᒋᔭᐅᑐᐃᓐᓇᕆᐊᖃᖅᖢᑎᒃ ᑲᓇᑕᒥ ᑮᓇᐅᔭᑦ ᒪᓂᒪᑐᐊᖅᐸᑕ.

 

 

ᐃᑲᔫᓯᐊᑦ ᖃᔅᓯᑐᕐᓂᖏᑦ

ᑳᓐᑐᓛᒃᑎᑦᑎᔨᒧᑦ ᐃᖅᑲᓇᐃᔮᖅᑖᖅᐸᓪᓕᐊᓗᓂ ᐃᖅᑲᓇᐃᔮᖅᑖᕋᓱᙱᑦᑐᓄᑦ, ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᑦ ᐊᑭᖏᑦ ᐃᒪᐃᓕᖓᕗᑦ:

 

  • 50%-ᒦᓪᓗᑎᒃ ᑮᓇᐅᔭᓕᐊᑦ ᐊᑭᓕᖅᓱᖅᑕᐅᑎᒋᓗᑎᑦ $15.00/ᐊᑕᐅᓯᕐᒧᑦ ᐃᑲᕐᕋᒧᑦ ᐅᓄᓛᖃᕐᓗᒍ ᐃᑲᕐᕋᓄᑦ 40-ᓄᑦ ᐱᓇᓱᐊᕈᓯᕐᒥ.
  • ᐃᖅᑲᓇᐃᔭᖅᑎᑦᑎᔨ ᐊᑭᓖᔭᕆᐊᖃᖅᐳᖅ ᐅᓄᙱᓛᖃᕐᓗᓂ 50%-ᒥ ᐃᓕᓐᓂᐊᖅᐸᓪᓕᐊᔪᓄᑦ ᐃᖅᑲᓇᐃᔮᖅᑖᖅᐸᓪᓕᐊᓪᓗᑎᒃ ᐊᑭᓕᖅᓱᖅᑕᐅᔾᔪᑎᒧᑦ.
  • ᑮᓇᐅᔭᑎᒍᑦ ᐃᑲᔫᑎᒃᓴᓂᒃ ᐊᑭᓕᖅᓱᖅᑕᐅᖃᑦᑕᔾᔮᙱᑦᑐᑦ ᐅᓪᓗᓄᑦ ᕿᑲᕐᓇᓄᑦ ᐋᓐᓂᐊᕌᖓᑕᓗ ᐊᒻᒪ ᐃᖅᑲᓇᐃᔭᕐᓇᐅᙱᑦᑐᒃᑯᑦ ᖄᖏᐅᑎᓂᒃᑯᑦ ᐃᖅᑲᓇᐃᔭᖅᑐᓄᑦ.
  • ᑮᓇᐅᔭᓕᐊᑦ ᐊᑭᓕᐅᑎᑦ ᐊᑭᓕᖅᑕᐅᖃᑦᑕᕐᓂᐊᖅᐳᑦ ᓴᓇᓐᓇᒃᑯᑦ ᐃᑲᕐᕋᓕᐊᑎᒍᑐᐊᖅ.

 

Back to top

ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᖅᐸᓪᓕᐊᔪᓄᑦ ᑳᓐᑐᓛᒃᑕᐅᓯᒪᔪᑦ. ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᑦ ᐊᑭᓕᖅᓱᖅᑕᐅᔾᔪᑎᖏᑦ ᐃᒪᐃᓕᖓᓂᐊᖅᐳᑦ:

 

ᑮᓇᐅᔭᓕᐊᓄᑦ ᐃᑲᔫᓯᐊᑦ ᐋᔩᖃᑎᒋᔭᒃᓴᐅᔪᑦ ᐊᑭᑐᓛᖃᕐᓗᑎᒃ ᐃᒪᓐᓇ:

 

ᐊᑭᓕᖅᓱᖅᑕᐅᔾᔪᓯᖅ 1 - $15.00          (ᐅᕝᕙᓘᓐᓃᑦ 50 % ᑮᓇᐅᔭᓕᐊᖓᓐᓂᒃ, ᓇᓕᐊᑐᐃᓐᓇᖅ ᐊᑭᑭᓐᓂᖅᓴᐅᑐᐊᖅᐸᑦ).
ᐊᑭᓕᖅᓱᖅᑕᐅᔾᔪᓯᖅ 2 - $12.50          (ᐅᕝᕙᓘᓐᓃᑦ 50 % ᑮᓇᐅᔭᓕᐊᖓᓐᓂᒃ, ᓇᓕᐊᑐᐃᓐᓇᖅ ᐊᑭᑭᓐᓂᖅᓴᐅᑐᐊᖅᐸᑦ).
ᐊᑭᓕᖅᓱᖅᑕᐅᔾᔪᓯᖅ 3 - $10.00          (ᐅᕝᕙᓘᓐᓃᑦ 50 % ᑮᓇᐅᔭᓕᐊᖓᓐᓂᒃ, ᓇᓕᐊᑐᐃᓐᓇᖅ ᐊᑭᑭᓐᓂᖅᓴᐅᑐᐊᖅᐸᑦ).

 

  • ᐃᖅᑲᓇᐃᔭᖅᑎᑦᑎᔨ ᐊᑭᓖᔭᕆᐊᖃᖅᐳᖅ ᐃᓕᓐᓂᐊᖅᐸᓪᓕᐊᔪᓄᑦ ᐃᖅᑲᓇᐃᔮᖅᑖᖅᐸᓪᓕᐊᓪᓗᑎᒃ ᐊᑭᓕᖅᓱᕆᐊᓕᖕᓂᒃ ᐃᖅᑲᓇᐃᔮᖅᑖᖅᐸᓪᓕᐊᔪᑦ ᐊᑭᓕᖅᓱᖅᑕᐅᔾᔪᓯᖏᑕ ᒪᓕᒋᐊᓕᖏᑦ ᒪᓕᒡᓗᒋᑦ (23) ᐊᒻᒪᑦᑕᐅᖅ ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᑦ  ᐊᑭᓕᖅᓱᖅᑕᐅᔾᔪᓯᖏᑦᑕ ᒪᓕᒋᐊᓕᖕᓂᒃ ᖁᓛᓃᑦᑐᑦ ᒪᓕᒃᖢᒋᑦ.
  • ᐊᑭᓕᖅᑕᐅᔾᔪᑎᑦ ᐊᑭᓕᖅᑕᐅᖃᑦᑕᕐᓂᐊᖅᐳᑦ ᓴᓇᓐᓇᐃᑦ ᐃᑲᕐᕋᖏᑦ ᒪᓕᒃᑕᐅᔪᑑᓗᑎᒃ.
  • ᐊᑭᓕᐅᑎᓄᑦ ᐃᑲᔫᑎᓂᒃ ᐊᑭᓖᖃᑦᑕᔾᔮᙱᑦᑐᑦ ᕿᑲᕐᓇᒃᑯᑦ ᐋᓐᓂᐊᖅᑎᓪᓗᒋᓪᓗ ᐱᔾᔪᑎᖃᕐᓗᑎᒡᓗ ᐅᖃᓗᒃᑲᓗᐊᖅᐸᑕ ᐅᕝᕙᓘᓐᓃᑦ ᓴᓇᓐᓇᐅᙱᑦᑐᒃᑯᑦ ᖄᖏᐅᑎᓗᑎᒃ ᓴᓇᔭᕆᐊᖃᖅᑐᓄᑦ.

 

ᐃᖅᑲᓇᐃᔭᖅᑎᓄᑦ ᐅᔾᔨᕆᔭᐅᔭᕆᐊᓕᒃ: ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᖅᐸᓪᓕᐊᔪᓄᑦ ᐊᑭᓕᖅᓱᖅᑕᐅᔾᔪᑎᖏᑦ ᐋᖅᑭᒃᑕᐅᓯᒪᔪᑦ:

 

ᐃᓕᓐᓂᐊᖅᐸᓪᓕᐊᔪᓄᑦ ᐃᖅᑲᓇᐃᔮᖅᑖᖅᐸᓪᓕᐊᔪᑦ ᐊᑭᓕᖅᓱᖅᑕᐅᔾᔪᑎᖓ ᒥᑭᓛᑦ ᐋᖅᑭᒃᑕᐅᓯᒪᓪᓗᑎᒃ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᖅᐸᓪᓕᐊᔪᑦ ᒪᓕᒋᐊᓕᖏᑦᑎᒍᑦ, ᐊᒡᒍᖅᓯᒪᓂᖓ (23), ᐃᒪᓐᓇ ᐅᖃᖅᓯᒪᖕᒪᑦ:

“23. ᐃᖅᑲᓇᐃᔭᖅᑎᑦᑎᔨ ᐊᑭᓖᖃᑦᑕᕐᓂᐊᖅᐳᖅ ᑕᒪᐃᓐᓂᒃ ᐃᓕᓐᓂᐊᖅᐸᓪᓕᐊᔪᓂᒃ ᓴᓈᖓᑕ ᐊᑭᓕᖅᓱᖅᑕᐅᔾᔪᑎᖏᓐᓂᒃ ᒥᑭᓐᓂᖅᓴᐅᙱᓪᓗᓂ ᐳᓴᖓᓂᒃ ᑮᓇᐅᔭᓕᐊᑦ ᐃᓕᑕᕆᔭᐅᔾᔪᑎᑖᖅᓯᒪᔪᒧᑦ ᐃᓕᓐᓂᐊᖅᐸᓪᓕᐊᔪᒧᓪᓘᓐᓃᑦ ᐃᖅᑲᓇᐃᔭᖅᐸᓪᓕᐊᔪᒧᑦ ᓴᓈᖃᑐᐊᖅᐸᑦ ᑎᒃᑯᐊᖅᑕᐅᓯᒪᔪᒥᒃ ᐃᓕᓐᓂᐊᕐᕕᖕᒥᑦ:"

 

Back to top 

 

ᖃᓄᐃᓕᐅᖅᑕᐅᒋᐊᖃᕐᒪᖔᑦ:

 

  • ᐃᖅᑲᓇᐃᔭᖅᑎᑦᑎᔨ ᐃᓕᓐᓂᐊᖅᐸᓪᓕᐊᑐᐃᓐᓇᕆᐊᖃᖅᑐᕐᓘᓐᓃᑦ ᐱᐊᓂᒃᓯᓗᑎᒃ ᐱᓇᔫᑎᓂᒃ ᑕᑕᑎᕆᐊᓕᖕᓂᒃ ᑐᓐᓂᖅᑯᑎᒋᓗᒋᓪᓗ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ ᕿᒥᕐᕈᔭᐅᔪᒃᓴᐅᓂᐊᕐᒪᑕ.
  • ᐱᓇᔫᑦ ᐃᓕᓐᓂᐊᖅᐸᓪᓕᐊᔾᔪᑎᓪᓗ ᐸᕐᓇᐅᑖ ᕿᒥᕐᕈᔭᐅᕌᓂᒃᓯᒪᓕᖅᐸᑦ ᐃᖅᑲᓇᐃᔮᕆᔭᐅᔪᒪᔪᓕᕆᔨ ᓇᒃᓯᐅᔾᔨᓇᔭᖅᐳᖅ ᐃᖅᑲᓇᐃᔭᖅᑎᑦᑎᔨᒧᑦ ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᑦ ᑳᓐᑐᓛᖓᑕ ᑕᕐᕋᖓᓐᓂᒃ ᐊᑎᓕᐅᖅᑕᐅᔭᕆᐊᖃᕋᔭᖅᑐᖅ ᑕᒪᐃᓐᓄᑦ ᐃᖅᑲᓇᐃᔭᖅᑎᑦᑎᔨᒧᑦ ᐃᓕᓐᓂᐊᖅᑐᒃᓴᒧᓪᓗ ᐅᑎᖅᑎᑕᐅᓗᓂᓗ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ.
  • ᐃᖅᑲᓇᐃᔮᕆᔭᐅᔪᒪᔪᓕᕆᔨ ᐱᓯᒪᓕᑐᐊᖅᐸᑦ ᑳᓐᑐᓛᒃ ᕿᒥᕐᕈᐊᕋᔭᖅᐸᐅᒃ ᑳᓐᑐᓛᓪᓗ ᑕᕐᕋᖓᓐᓂᒃ ᐊᑎᓕᐅᖅᑕᐅᓯᒪᓗᓂ ᑕᒪᐃᓐᓄᑦ ᐱᓕᕆᔭᕆᐊᓕᖕᓄᑦ ᐅᑎᖅᑎᑕᐅᓗᓂᓗ ᐃᖅᑲᓇᐃᔭᖅᑎᑦᑎᔨᒧᑦ ᑎᑎᖅᑲᒥᒡᓗ ᑐᓴᖅᑎᑦᑎᔾᔪᑎᒥᒃ ᐃᖅᑲᓇᐃᔭᖅᑎᑦᑎᔨᒧᑦ ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᓂᐊᖅᑐᖅ ᐊᖏᖅᑕᐅᓯᒪᓕᕐᓂᖓᓂᒃ.
  • ᖃᐅᔨᒪᓂᐊᖅᐳᓯ ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᑦ ᐱᑐᐃᓐᓇᕆᐊᖃᓕᓲᖑᙱᓐᓂᖓᓂᒃ ᑭᓯᐊᓂ ᐱᓕᕆᔭᕆᐊᖃᖅᑐᓕᒫᑦ ᐊᑎᓕᐅᖅᓯᒪᔪᐃᓐᓇᐅᓕᖅᐸᑕ ᑳᓐᑐᓛᖕᒥᒃ ᑎᑎᖅᑲᕐᓗ ᑐᓐᓂᖅᑯᑕᐅᓯᒪᓕᕐᓗᓂ ᐃᖅᑲᓇᐃᔭᖅᑎᑦᑎᔨᒧᑦ.
  • ᐃᖅᑲᓇᐃᔭᖅᑎᑦᑎᔨ ᐊᑭᓕᒐᒃᓴᓂᒃ ᐊᐅᓪᓚᖅᑎᑦᑎᔭᕆᐊᖃᓕᕌᖓᑦ ᐊᐅᓪᓚᖅᑎᑦᑎᖃᑦᑕᖅᐳᖅ ᐃᖅᑲᓇᐃᔮᕆᔭᐅᔪᒪᔪᓕᕆᔨᒧᑦ, ᐃᓚᓕᐅᑎᓗᓂᒋᑦ ᐃᑲᕐᕋᓕᐊᕆᓚᐅᖅᑕᖏᑦ ᐃᖅᑲᓇᐃᔭᖅᑎᒧᑦ, ᐊᑭᓕᐅᓯᐊᖓ, ᐊᓯᖏᓪᓗ.
  • ᖃᐅᔨᒪᓂᐊᖅᐳᓯ ᑖᓐᓇᖅ ᐱᓕᕆᐊᖑᑦᑎᐊᕈᓐᓇᕐᓂᖓᓂᒃ ᐃᖅᑲᓇᐃᔭᖅᑎ ᐊᑭᓕᒐᒃᓴᒥᓂᒃ ᑐᓂᓯᐊᓂᒃᓯᒪᓕᕌᖓᑦ  ᒪᓕᒃᑕᐅᕙᒃᑐᒥᒃ ᒪᓕᒡᓗᓂ ᐅᑕᕿᙱᖔᕐᓗᓂ ᐃᓱᓕᕝᕕᒃᓴᖓᓂᒃ ᐱᓇᓱᐊᕈᓯᑦ 52 ᐊᔪᕈᓐᓃᖅᓴᖅᑎᑕᐅᑎᓪᓗᒋᑦ. ᑖᓐᓇᖅ ᐱᓕᕆᐊᖑᕙᒃᖢᓂ ᑮᓇᐅᔭᓕᕆᓐᓇᖅ ᐊᕐᕌᒍᒥ ᐊᑭᓕᖅᓱᒐᒃᓴᓕᒫᓪᓗ ᐱᔭᐅᓯᒪᓕᕆᐊᖃᕋᔭᖅᖢᑎᒃ ᒪᐃ 1-ᒥ.
  • ᐃᖅᑲᓇᐃᔮᕆᔭᐅᔪᒪᔪᓕᕆᔨ ᕿᒥᕐᕈᓇᔭᖅᐳᖅ ᐊᑭᓕᒐᒃᓴᒥᒃ ᐃᖅᑲᓇᐃᔭᖅᑎᑦᑎᔨᒧᓪᓗ ᓇᒃᓯᐅᔾᔨᓇᔭᖅᖢᓂ ᐃᑲᔫᓯᐊᒃᓴᖅ.

 

 Back to top