ᐅᖃᓚᐅᑎᓯᐅᑏᑦ

You are here

ᐊᐅᓚᑦᑎᔨ, ᐱᕙᒌᔭᓂᖅ, ᐅᓂᒃᑳᕐᓂᖅ ᐊᒻᒪ ᖃᐅᔨᓴᕐᓂᖅ

Groups: 
ᐃᓕᓐᓂᐊᕐᓂᓕᕆᔨᒃᑯᑦ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
09-504247
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑲᑐᔨᖃᑎᒋᑦ ᖃᓄᐃᓕᖓᒡᒪᖔᑕ: 
ᑕᓐᓇ ᐃᖃᓇᐃᔮᖅ ᐃᓚᒋᔭᐅᖖᒋᓚᖅ ᓄᓇᕗᑦ ᐃᖃᓇᐃᔭᖅᑎᐅᖃᑎᒋᑦ ᑲᑐᔨᖃᑎᒋᖏᓄᑦ
ᑮᓐᓇᐅᔭᒃᓵᖓ: 
ᐱᒋᐊᕋᔭᖅᑐᖅ $107,718.00-$122,265.00 ᐊᕐᕌᒍᒧᑦ, 37.5 ᐃᑲᕐᕋᑦ/ᐱᓇᓱᐊᕈᓯᕐᒥᑦ
ᑐᓴᕆᐊᕐᕕᒃᓴᖅ: 
$15,016.00 ᐊᕐᕌᒍᒧᑦ
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᐊᒃᑐᐸ 27, 2017

ᐅᓇ ᐃᖅᑲᓇᐃᔮᖅ ᐱᑐᐃᓐᓇᐅᙱᑦᑐᒻᒪᕆᐅᖕᒪᑦ ᐱᕋᔭᒃᓯᒪᓂᑰᙱᒃᑲᓗᐊᖕᒪᖔᑦ ᖃᐅᔨᓴᖅᑕᐅᔭᕆᐊᓕᒃ, ᐊᑦᑕᕐᓇᖅᑐᒦᑎᑦᑎᓂᐊᖏᑲᓗᐊᕐᒪᖔᖅ ᖃᐅᔨᓴᖅᑕᐅᔭᕆᐊᖃᕆᓪᓗᓂ.

ᐅᓇ ᐃᖅᑲᓇᐃᔮᒃᓴᖅ ᐅᒃᑯᐃᖓᔪᖅ ᑭᒃᑯᓕᒫᓄᑦ.

ᐊᖏᔪᖅᑳᖃᕐᓗᓂ ᑐᑭᒧᐊᑎᑦᑎᔨᒥᑦ, ᐊᑐᐊᒐᓕᕆᓂᖅ ᐱᕙᒌᔭᐅᑎᓪᓗ (ᑐᑭᒧᐊᑎᑦᑎᔨ); ᐊᐅᓚᑦᑎᔨ ᐱᕙᒌᔭᕐᓂᖅ, ᐅᓂᒃᑳᕐᓂᖅ ᐊᒻᒪ ᖃᐅᔨᓴᕐᓂᕐᒧᑦ (ᐊᐅᓚᑦᑎᔨ) ᑖᓐᓇ ᑕᑎᒋᔭᐅᔪᖅ ᓯᕗᓕᖅᑎᒋᔭᐅᑎᑕᐅᓪᓗᓂ ᐱᓕᕆᕝᕕᒻᒥᑦ ᖃᓄᖅᑑᕈᑏᑦ ᐊᒻᒪ ᐱᓕᕆᐊᒃᓴᓄᑦ ᐱᕙᒌᔭᐅᑦ ᐊᐅᓚᓂᖏᓐᓂᑦ ᐊᒻᒪ ᑕᑎᒋᔭᐅᓪᓗᓂ ᐱᕙᓪᓕᐊᑎᑦᑎᓂᕐᒥᑦ ᐊᒻᒪ ᐊᐅᓚᑦᑎᔨᐅᓂᕐᒥᑦ ᐱᓕᕆᔾᔪᑕᐅᓂᐊᖅᑐᑦ ᐊᒻᒪ ᐊᕐᕌᒍᑕᒫᖅᓯᐅᑎᓂᑦᒧ ᐱᕙᒌᔭᐅᑎᒥᑦ. ᐃᖅᑲᓇᐃᔭᖅᑎ ᑕᑎᒋᔭᐅᔪᖅ ᐱᕙᓪᓕᐊᑎᑦᑎᓂᕐᒥ ᐊᐅᓚᑦᑎᔨᐅᓂᕐᒥᑦ ᐱᓕᕆᕝᕕᒻᒥᑦ ᕿᒥᕐᕈᓂᕐᒥᑦ ᖃᐅᔨᓇᓱᐊᖃᑦᑕᓂᕐᒥᑦ, ᑐᑭᒧᐊᕈᑎᖏᓐᓂᑦ ᐱᓕᕆᐊᖏᓐᓄᑦ, ᐱᓕᕆᐊᔅᓴᖏᓐᓂᑦ ᐊᒻᒪ ᐱᕙᒌᔭᐅᑎᖏᓐᓂᑦ. ᐃᓚᖃᕐᒥᔪᖅ ᓇᓗᓇᐃᔭᐃᑦᑎᐊᓂᕐᒥᑦ ᐃᓗᓕᖏᓐᓂᑦ ᓇᒧᑐᐃᓐᓇ ᑐᕌᖓᔪᓂᑦ ᐊᒻᒪ ᐃᓚᐃᓐᓇᖏᓐᓄᑦ (ᒪᑯᓂᖓ, ᐊᕐᕌᑕᒫᖅ ᐅᕙᓗ ᐃᓚᐃᓐᓇᖓᓄᑦ ᐊᕐᕌᒎᑉ) ᐱᓕᕆᕝᕖᑦ ᑕᑎᒋᔭᐅᔪᓐᓇᕆᐊᖃᕐᓂᖓᓐᓄᑦ ᐊᒻᒪ ᑕᒪᒃᑯᐊ ᐱᓕᕆᐊᖏᓐᓂᑦ ᑲᒪᑦᑎᐊᓂᕐᒥᑦ ᑭᙴᒪᒋᔭᐅᔪᓂᑦ ᐊᒻᒪ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᔅᓴᖏᓐᓂᑦ ᓇᓛᒎᖓᑎᓪᓗᒋᑦ, ᐃᓕᓐᓂᐊᕈᑎᒃᓴᑦ ᓴᖅᑭᑕᐅᒪᔪᑦ, ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐊᒻᒪ ᐊᓯᖏᑦ ᒪᓕᒐᖅᑎᒍᑦ ᐊᑐᕆᐊᓖᑦ, ᐊᑐᐊᒐᑦ, ᑐᑭᒧᐊᕈᑏᑦ, ᐱᓕᕆᕝᕕᐅᓪᓗ ᐱᓕᕆᐊᔅᓴᖏᑦ.

ᐊᐅᓚᑦᑎᔨ ᐱᕙᒌᔭᓂᖅ, ᐅᓂᑳᓕᐅᕐᓂᖅ, ᖃᐅᔨᓴᕐᓂᕐᒧᑦ ᑲᒪᒋᔭᓕᒃ ᐊᒻᒪ ᑕᑎᒋᔭᐅᓪᓗᓂ ᖃᓄᖅᑑᕈᑎᖃᕐᓂᒃᑯᑦ ᓯᕗᓕᖅᑎᐅᓂᕐᒥᑦ, ᐊᓪᓚᕝᕕᓕᕆᓂᕐᒥᑦ, ᐊᐅᓚᑦᑎᔨᐅᓂᕐᒥᑦ, ᐊᒻᒪ ᑲᒪᒋᔭᕆᐊᓕᖏᓪᓗ ᐱᕙᒌᔭᕐᓂᕐᒥᑦ, ᐅᓂᒃᑳᓕᐅᕐᓂᕐᒥᑦ, ᐊᒻᒪ ᖃᐅᔨᓴᕐᓂᕐᒥᑦ. ᐊᒻᒪ ᓱᓕ ᐊᐅᓚᑦᑎᔨ ᖃᐅᔨᒪᑎᑦᑎᓗᓂ ᐱᓕᕆᕝᕕᒻᒥᑦ ᐃᖅᑲᓇᐃᔭᖃᑎᒌᖏᓐᓂᑦ ᑕᐅᑐᖅᑰᖅᑕᖓᓐᓂᑦ, ᑐᕌᒐᖏᓐᓂᑦ, ᑎᑭᓐᓇᓱᑕᖏᓐᓂᑦ, ᐊᑐᖅᑕᐅᔭᕆᐊᓕᖏᓐᓂ, ᐃᓅᓯᓕᕆᓂᕐᒥᑦ, ᐃᓕᓐᓂᐊᕐᓂᓕᕆᓂᕐᒧᑦ ᐅᒃᐱᕆᔭᐅᓪᓗᑎᒃ ᐋᖅᑭᒃᑕᐅᓯᒪᔪᑦ, ᐅᑉᐱᕆᔭᖏᓐᓂᑦ, ᐊᒻᒪ ᐊᕐᕌᒍᑕᒫᑦ ᖃᓄᖅᑑᕈᑏᑦ ᑎᑭᑕᐅᓇᓱᐊᖅᑐᖅ. ᐃᖅᑲᓇᐃᔭᖅᑎ ᖃᐅᔨᓴᖃᑦᑕᓂᐊᖅᑐᖅ ᐱᓕᕆᕝᕕᒻᒥᑦ ᐱᓕᕆᐊᖑᔪᓂᑦ (ᐊᑐᕐᓗᓂ ᖃᐅᔨᓴᕈᑎᓄᑦ ᐋᖅᑭᔅᓯᒪᔪᓂᑦ ᖃᐅᔨᒪᔾᔪᑕᐅᔪᓐᓇᖅᑐᓂᑦ) ᐱᕙᓪᓕᐊᓂᖏᓐᓂᑦ ᐋᖅᑭᓱᖅᑕᐅᓯᒪᔪᑦᓂ ᐱᓕᕆᐊᖑᕙᓪᓕᐊᔪᑦ ᖃᓄᐃᓕᖓᓕᕐᒪᖔᑕ ᑐᑭᓯᔾᔪᑎᓂᑦ ᐊᒻᒪ ᓂᕆᐅᒋᔭᐅᔪᓂᑦ ᑐᑭᓯᓇᖅᓯᑎᑦᑎᔪᓐᓇᕐᓗᓂ ᖃᓄᐃᓕᖓᓂᖏᓐᓂᑦ.   ᐃᓚᖃᖅᑐᖅ ᐱᓕᕆᐊᔅᓴᖓ ᐱᒋᐊᖅᑎᑦᑎᖃᑦᑕᓂᕐᒥᑦ ᐊᒻᒪ ᐊᑐᓕᖅᑎᑦᑎᖃᑦᑕᓂᕐᒥᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑐᖅᑯᖅᓯᒪᔭᐅᔪᑦ ᐱᕙᒌᔭᐅᑎᖓᓐᓂᑦ ᑖᒃᑯᐊ ᐅᓂᒃᑳᓕᐅᖅᑕᐅᔾᔪᑕᐅᕙᒻᒪᑕ ᐱᕙᓪᓕᐊᓯᒪᔭᐅᔪᓂᑦ ᖃᓄᐃᓕᐸᓪᓕᐊᓕᓂᖏᓐᓂᑦ ᑐᕌᒐᕆᔭᐅᔪᒧᑦ ᐱᕙᓪᓕᐊᑎᓪᓗᒋᑦ. ᑭᖑᓪᓕᖅᐹᒥᓪᓗ ᐊᐅᓚᑦᑎᔨᐅᔪᖅ ᐊᕐᕌᑕᒫᑦ ᐅᓂᒃᑳᓕᐅᖃᑦᑕᓂᐊᖅᑐᖅ (ᐊᕐᕌᒍᑕᒫᖅᓯᐅᑎᒧᑦ ᐅᓂᒃᑳᓕᖑᖃᑦᑕᖅᑐᓂᑦ ᐊᒻᒪ ᐊᓯᖏᓐᓂᑦ ᑲᒪᖁᔭᐅᑐᐊᕈᓂᑦ) ᐱᓕᕆᕝᕕᒻᒥᑦ ᖃᓄᐃᓕᐅᕈᑕᐅᓯᒪᔪᓂᑦ ᐊᒻᒪ ᐃᓚᒋᔭᐅᖃᑦᑕᕐᓂᖏᓐᓄᑦ ᐊᓯᖏᓐᓂᑦ ᒐᕙᒪᖃᕐᕕᐅᔪᓂᑦ ᐱᓕᕆᖃᑎᒌᒍᑎᒋᓐᓂᑦ ᐊᒻᒪ ᐱᓕᕆᕝᕕᐅᖃᑎᒋᔭᖏᓐᓂᑦ.

ᐊᐅᓚᑦᑎᔨ ᐱᕙᒌᔭᓂᖅ, ᐅᓂᑳᓕᐅᕐᓂᖅ, ᖃᐅᔨᓴᕐᓂᕐᒧᑦ ᖃᐅᔨᒪᓂᖃᑦᑎᐊᕐᓗᓂ ᑮᓇᐅᔭᓕᕆᓂᕐᒧᑦ ᐱᕙᒌᔭᐅᑎᓂᑦ ᐊᒻᒪ ᑮᓇᐅᔭᑦ ᐊᑐᖅᑐᔅᓴᑦ ᐱᕙᒌᔭᖅᑕᐅᑎᓪᓗᒋᑦ ᒪᓕᓪᓗᒋᑦ ᒐᕙᒪᒃᑯᑦ ᐱᓕᕆᔾᔪᓯᖏᑦ ᐊᒻᒪ ᑐᑭᓯᓯᒪᓗᓂ ᓄᓇᕗᒻᒥᑦ ᐊᐅᓚᑦᑎᔾᔪᓯᖏᓐᓂᑦ ᐊᒻᒪ ᐱᕙᒌᔭᖅᐸᓪᓕᐊᔾᔪᓯᖏᓐᓂᑦ, ᐅᓂᒃᑳᓕᐅᕈᓯᖏᓐᓂᑦ ᐊᒻᒪ ᖃᐅᔨᓴᓂᕆᖃᑦᑕᖅᑕᖏᓐᓂᑦ ᓈᒻᒪᑦᑐᒥᑦ ᐱᓕᕆᔾᔪᑎᖏᓐᓄᑦ. ᐊᐅᓚᑦᑎᔨ ᑲᒪᔪᓐᓇᕆᐊᓕᒃ ᐱᒋᐊᖅᑎᑦᑎᖃᑦᑕᓂᕐᒥᑦ ᐊᒻᒪ ᐊᑐᓕᖅᑎᑦᑎᖃᑦᑕᓂᕐᒥᑦ ᑎᑎᕋᖅᓯᒪᔪᑦ ᖃᐅᔨᓴᖅᑕᐅᓂᑯᐃᑦ ᑐᖅᑯᖅᓯᒪᔭᐅᔪᑦ ᐱᕙᒌᔭᐅᑎᖓᓐᓂᑦ ᑖᒃᑯᐊ ᐅᓂᒃᑳᓕᐅᖅᑕᐅᔾᔪᑕᐅᕙᒻᒪᑕ ᐱᕙᓪᓕᐊᓯᒪᔭᐅᔪᓂᑦ ᖃᓄᐃᓕᐸᓪᓕᐊᓕᓂᖏᓐᓂᑦ ᑐᕌᒐᕆᔭᐅᔪᒧᑦ ᐱᕙᓪᓕᐊᑎᓪᓗᒋᑦ. ᐊᒻᒪ ᓱᓕ ᐃᖅᑲᓇᐃᔭᖅᑎ ᑲᒪᖃᑦᑕᖅᓯᒪᓂᖓᓂ ᖃᐅᔨᓴᕈᑎᖃᕐᓂᕐᒥᑦ (ᐃᓚᓕᐅᑎᓗᒋᑦ ᖃᐅᔨᓴᓂᕐᒧᑦ ᐊᑐᖅᑕᐅᖃᑦᑕᖅᑐᑦ ᐋᖅᑭᔅᓱᐃᕙᓪᓕᐊᓂᕐᒥᑦ ᐊᒻᒪ ᑎᑭᑕᐅᔪᓐᓇᖅᑐᓂᑦ.

ᖃᐅᔨᒪᓂᖓ, ᐊᔪᙱᑕᖃᕐᓂᖅ, ᐊᒻᒪ ᐱᓕᕆᔪᓐᓇᕐᓂᖓ ᑖᒃᑯᓂᖓ ᑲᒪᔪᓐᓇᓂᕐᒥᑦ ᐃᓕᓯᒪᔪᓐᓇᖅᑕᖏᑦ ᓯᓚᑦᑐᓴᕐᕕᕐᔪᐊᕐᒥᑦ ᐃᓕᓐᓂᐊᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᓂ ᒪᑯᓂᖓ: ᐃᓕᓐᓂᐊᕐᓂᓕᕆᓂᕐᒥᑦ, ᐃᓄᓕᕆᓂᕐᒥᑦ, ᐃᓄᐃᑦ ᖃᓄᐃᓐᓂᖏᓐᓂᑦ, ᐅᕙᓗ ᑕᒪᒃᑯᓂᖓ ᐊᓯᖏᓐᓂᑦ ᐊᒻᒪ ᐊᕐᕌᒍᓄᑦ ᑕᓪᓕᒪᓄᑦ ᑕᒪᒃᑯᓂᖓ ᑲᒪᖃᑦᑕᖅᓯᒪᑉᐸᑦ ᖃᐅᔨᓴᕐᓂᕐᒥᑦ, ᖃᓄᖅᑑᕈᑎᖃᕐᓂᕐᒥᑦ ᐱᕙᒌᔭᐅᑎᓕᐅᕐᓂᖅ, ᐊᒻᒪ/ᐅᕙᓗ ᐱᓕᕆᖃᑎᒌᓐᓂᕐᒧᑦ ᐱᕙᒌᔭᐅᑦ. ᓯᓚᑦᑐᓴᕐᕕᕐᔪᐊᕐᒥᑦ ᐱᓕᕆᔨᒻᒪᕆᐅᓂᕐᒧᑦ ᐃᓕᓐᓂᖅᓯᒪᓂᕐᒧᑦ ᐱᔭᕇᕈᓯᐊᒥᑦ ᐱᖃᕈᓂᑦ ᐱᐅᒻᒥᔪᖅ.

ᐊᔾᔨᖏᓐᓂᑦ ᓈᒻᒪᒋᔭᐅᔪᑦ ᒪᑯᐊᖑᔪᓐᓇᖅᑐᑦ, ᐃᓕᓐᓂᐊᖅᓯᒪᓂᖓ, ᐃᖅᑲᓇᐃᔭᖃᑦᑕᖅᓯᒪᓂᖓ, ᖃᐅᔨᒪᓂᖓ, ᐊᔪᙱᓐᓂᖓ ᐊᒻᒪ ᐱᔪᓐᓇᖅᑕᖏᑦ ᐃᓱᒪᒋᔭᐅᓇᔭᕐᒥᔪᑦ.

ᖃᐅᔨᒪᒃᐸᑦ ᐃᓄᐃᑦ ᐅᖃᐅᓯᖓᓐᓂᒃ, ᓄᓇᖏᓐᓂᒃ, ᐃᓕᖅᑯᓯᖏᓐᓂᒃ, ᓄᓇᒥᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪ ᐅᖃᕈᓐᓇᕐᓗᓂ ᓄᓇᕗᒻᒥᑦ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᓇᓪᓕᐊᓐᓂᑐᐃᓐᓇ ᐊᑕᐅᓯᓗᐊᖅᑐᒥᑦ ᐊᑑᑎᒐᔭᖅᑐᖅ.

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance