ᐅᖃᓚᐅᑎᓯᐅᑏᑦ

You are here

ᐃᖅᑲᖅᑐᐃᕕᓕᕆᔨᓄᑦ ᑎᑎᕋᖅᑎ – ᐃᖅᑲᖅᑐᐃᕕᖕᒥ ᑎᑎᕋᖅᑎ

Groups: 
ᒪᓕᒐᓕᕆᔨᒃᑯᑦ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
Juridical Officer – Court Clerk
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
Casual
ᐃᒡᓗᒃᓴᖅᑕᖃᙱᑦᑐᖅ ᐃᖅᑲᓇᐃᔭᓕᕐᓂᐊᖅᑐᒧᑦ
Closing Date: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ

ᐃᖅᑲᓇᐃᔮᖑᓚᐅᑲᒃᑐᖅ: ᐃᖃᓗᖕᓂᕐᒥᐅᑕᓄᑦ ᑭᓯᐊᓂ

ᑐᑭᒧᐊᒃᑕᐅᓪᓗᓂ ᐊᖏᔪᖅᑳᖃᖅᖢᓂᓗ ᐊᖏᔪᖅᑳᖅ, ᐱᕋᔭᒃᑐᓄᑦ ᑎᑎᕋᖅᑕᐅᕕᐊᓄᑦ, ᐃᖅᑲᖅᑐᐃᕕᓕᕆᔨᓄᑦ ᑎᑎᕋᖅᑎ – ᐱᕋᔭᒃᑐᓄᑦ ᐊᑐᐃᓐᓇᐅᑎᑦᓯᓂᐊᖅᑐᖅ ᑎᑎᕋᕐᓂᕐᒧᑦ ᐱᔨᑦᓯᕋᕐᓂᕐᒥᑦ ᐊᒻᒪᓗ ᐃᑲᔪᕐᓂᕐᒥᑦ ᐃᖅᑲᖅᑐᐃᕕᓐᓂᑦ ᐱᕋᔭᑦᑐᓄᑦ ᐱᔾᔪᑎᖃᖅᑐᓂᑦ ᓄᓇᕘᒥ ᐃᖅᑲᖅᑐᐃᔨᒃᑯᓐᓄᑦ ᐊᒻᒪᓗ ᑲᔪᓯᑎᑦᓯᓂᕐᒥᑦ ᐊᑕᖏᖅᑐᓂᑦ ᑎᑎᕋᖅᓯᒪᔪᖁᑎᖏᓐᓂᑦ ᐃᖅᑲᖅᑐᐃᔪᑦ ᑲᔪᓯᕙᓪᓕᐊᓂᖏᓐᓂᑦ ᑎᑎᕋᖅᑎᐅᓂᕐᒧᓪᓗ ᐱᔨᑦᓯᕋᕐᓂᕐᒥᑦ. ᐃᖅᑲᓇᐃᔮᖅᑖᖅᑐᖅ ᒪᓕᒐᑎᒍᑦ ᑎᒃᑯᐊᖅᑕᐅᓯᒪᓂᐊᖅᐳᖅ ᐊᐅᓚᑦᓯᔨᐅᑉ ᑐᒡᓕᕆᓗᓂᐅᒃ. ᐃᖅᑲᓇᐃᔮᖅᑖᖅᑐᖅ ᑎᑎᕋᖅᑎᐅᕗᖅ ᓄᓇᕗᒻᒥ ᐃᖅᑲᖅᑐᐃᔨᒃᑯᓐᓄᑦ ᐃᖅᑲᖅᑐᐃᕕᓕᕆᓂᕐᒧᓪᓗ ᑎᑎᕋᖃᑦᑕᕆᐊᖃᖅᖢᓂ ᐱᒋᐊᓚᐅᕋᓂᑦ, ᐊᑐᖅᑎᓪᓗᒍᑦ, ᐊᓂᒍᖅᑎᓪᓗᒍᓗ ᐃᖅᑲᖅᑐᐃᓂᖅ. 

ᐃᖅᑲᓇᐃᔮᖅᑖᖅᑐᖅ ᐃᑲᔪᖃᑦᑕᕆᐊᖃᕐᓂᐊᖅᐳᖅ ᐃᖅᑲᖅᑐᐃᔨᓄᑦ ᐃᖅᑲᖅᑐᐃᑎᓪᓗᒋᑦ ᐃᑲᔪᖅᐸᒡᓗᓂᓗ ᐃᖅᑲᖅᑐᐃᕕᖕᒥ ᖃᓄᐃᓕᐅᕈᑕᐅᔪᓄᑦ ᓇᓗᓇᐃᖁᓪᓗᒍᑦ ᐃᖅᑲᖅᑐᐃᔾᔪᑕᐅᔪᑦ ᐋᖅᑭᒃᓱᖅᓯᒪᑦᑎᐊᕋᓗᐊᕐᒪᖔᑦ ᐃᖏᕐᕋᑦᑎᐊᕐᓂᖅᐹᖑᖁᓪᓗᒍᑦ ᐃᖅᑲᖅᑐᐃᕕᒃ. ᐅᐸᒍᑎᕙᒡᓗᓂᑦ ᐃᖅᑲᖅᑐᐃᔪᖃᕆᐊᖃᓕᕌᖓᑦ ᑎᑎᕋᖅᐸᒡᓗᓂᓗ ᐃᖅᑲᖅᑐᐃᔾᔪᑕᐅᔪᓂᒃ ᓂᐱᓕᐅᕈᑎᓂᒃ ᐊᑐᖅᐸᒡᓗᓂᑦ ᓂᐱᓕᐅᖅᓯᒪᔪᓂᒃ ᑐᓵᑎᑦᑎᕙᒡᓗᓂᓗ ᐃᖅᑲᖅᑐᐃᔪᓄᑦ ᑐᓵᑎᑦᑎᔭᕆᐊᖃᕌᖓᑦ. ᑎᑎᕋᖅᐸᒡᓗᓂ ᐃᑲᔪᖃᑦᑕᕐᓂᐊᖅᑐᖅ, ᓲᕐᓗ ᑎᑎᕋᖅᑎᐅᓂᖅ ᐃᖅᑲᖅᑐᐃᕕᖕᒥᑦ ᐊᒻᒪᓗ ᑐᖅᑯᖅᑐᐃᓂᖅ ᑎᑎᖅᑲᓂᒃ ᐃᖅᑲᖅᑐᐃᔭᖅᑐᖅᑎᓪᓗᒋᑦ, ᒪᓕᒡᓗᒋᑦ ᒪᓕᒋᐊᓖᑦ ᐃᖅᑲᖅᑐᐃᕕᖕᒥ ᑎᑎᕋᖕᓂᕐᒧᓪᓗ ᐊᑐᕈᓰᑦ. ᐊᒻᒪᐃᓛᒃ, ᑭᐅᓯᕙᒡᓗᓂ ᐊᐱᖅᑯᑕᐅᔪᓂᒃ ᐃᓄᖕᓂᑦ ᐅᖃᓘᑎᒃᑯᓪᓘᓐᓃᑦ ᐃᑲᔪᖅᐸᒃᖢᓂᓗ ᑭᒃᑯᑐᐃᓐᓇᕐᓂᑦ ᒪᓕᒐᓕᕆᔨᓂᒡᓗ ᐱᔭᕇᖅᓯᓇᓱᐊᖅᑎᓪᓗᒋᑦ ᐃᖅᑲᖅᑐᐃᓂᕐᒧᑦ ᑎᑎᖅᑲᓂᒃ ᒪᓕᒡᓗᒋᑦ ᒪᓕᒋᐊᓖᑦ ᐃᖅᑲᖅᑐᐃᕕᖕᒥ ᐊᑐᕈᓰᓪᓗ. ᐃᓚᒃᑲᓐᓂᕐᓗᒍᑦ, ᐃᖅᑲᓇᐃᔮᖅᑖᖅᑐᖅ ᓄᒃᑕᖃᑦᑕᕈᒪᔭᕆᐊᓕᒃ, ᐃᖅᑲᓇᐃᔮᒧᑦ ᓄᒃᑕᖃᑦᑕᕆᐊᖃᕐᓂᐊᕐᓂᖓᓄᑦ.

ᐃᖅᑲᓇᐃᔮᖅᑖᖅᑐᖅ ᐊᑦᑎᓛᖓᓂᑦ ᐊᓂᒍᐃᓯᒪᔭᕆᐊᓕᒃ ᖁᑦᑎᖕᓂᓕ 12-ᒥᑦ ᐊᔾᔨᖓᓂᓘᓐᓃᑦ ᖃᐅᔨᒪᓗᓂᑦ ᐊᑐᕐᓂᑰᓗᓂᓗ ᑐᓴᐅᒪᖃᑎᖃᕈᓐᓇᑦᓯᐊᕐᓗᓂᓗ. ᐃᖅᑲᓇᐃᔮᖅᑖᖅᑐᖅ ᐃᒪᐃᑦᑐᓐᓇᕆᐊᓕᒃ, ᐱᔪᓐᓇᕐᓗᓂᓘᓐᓃᑦ ᕿᓚᒻᒥᐅᔪᒃᑯᑦ, ᐱᓕᕆᓂᕐᒧᑦ ᖃᐅᔨᒪᓗᓂᑦ ᐊᑐᕈᓯᕐᓂᑦ ᓄᓇᕗᒻᒥ ᒪᓕᒐᕐᓂᑦ ᒪᓕᒃᑕᐅᔭᕆᐊᓕᖕᓂᓪᓗ ᐃᖅᑲᖅᑐᐃᕕᖕᒥ ᑭᐅᓯᔾᔪᑎᒋᔪᓐᓇᕐᓗᓂᒋᓪᓗ ᐊᐱᖅᑯᑕᐅᔪᓄᑦ ᒪᓕᒐᓕᕆᔨᓂᒃ ᑭᒃᑯᑐᐃᓐᓇᕐᓂᓪᓗ ᑲᒪᒋᓇᓱᐊᕐᓗᒋᑦ ᖃᐅᑕᒫᖅ ᐊᑐᖅᑕᐅᕙᒃᑐᑦ ᕿᓚᒻᒥᐅᔪᒃᑯᑦ. ᐃᖅᑲᓇᐃᔮᖅᑖᖅᑐᖅ ᐱᖃᕆᐊᖃᕐᒥᔪᖅ, ᖃᐅᔨᒪᓕᑦᑎᐊᕈᓐᓇᕐᓗᓂᓘᓐᓃᑦ ᒪᓕᒃᑕᐅᔭᕆᐊᓕᖕᓂᑦ ᐃᖅᑲᖅᑐᐃᕕᖕᒥ ᐊᑐᕈᓯᕐᓂᑦ ᑭᒃᑯᑐᐃᓐᓇᕐᓄᑦ ᐱᕋᔭᖕᓄᓪᓗ ᐃᖅᑲᖅᑐᐃᕕᓕᕆᓂᕐᒧᑦ. ᐃᖅᑲᓇᐃᔮᖅᑖᖅᑐᖅ ᑕᒻᒪᖅᑕᖅᓯᒪᙱᑦᑐᓂᒃ ᑎᑎᕋᖃᑦᑕᕆᐊᖃᕆᕗᖅ ᖃᕆᑕᐅᔭᓕᕆᓂᕐᒥᒡᓗ ᖃᐅᔨᒪᓗᓂ.

ᑐᓴᐅᒪᖃᑎᖃᕈᓐᓇᕈᓂ ᐃᓄᒃᑎᑐᑦ ᐊᑲᐅᓇᔭᖅᐳᖅ ᐃᖅᑲᓇᐃᔮᖅᑖᖅᑐᖅ ᓇᓗᓇᐃᔭᕈᓐᓇᖃᑦᑕᖁᓪᓗᒍᑦ, ᐱᓕᕆᖃᑎᖃᕈᓐᓇᖁᓪᓗᒍᓗ, ᐊᓯᖏᓐᓂᒃ.

  • ᓄᓇᕗᒻᒥ ᒐᕙᒪᒃᑯᑦ ᓴᖅᑭᑎᓯᒪᔪᒪᖕᒪᑕ ᑭᒡᒐᖅᑐᐃᓂᖅᓴᐅᔪᓂᒃ ᐱᓕᕆᔨᐅᔪᓂᒃ ᑐᑭᓯᐅᒪᒃᑲᓐᓂᕈᒪᓪᓗᑎᒃ ᐊᒻᒪᓗ ᐱᔨᑦᑎᕈᒪᓪᓗᑎᒃ ᐱᔭᐅᔪᒪᕙᒃᑐᑦ ᓄᓇᕗᒻᒥᐅᓂᑦ. ᑲᔪᓯᑦᑎᐊᖁᓪᓗᒋᑦ, ᓯᕗᓪᓕᖅᐸᐅᔾᔭᐅᓇᔭᖅᑐᑦ ᓄᓇᕗᒻᒥ ᓄᓇᖃᖃᑕᐅᔪᑦ
  • ᓂᕈᐊᒐᒃᓴᐅᔪᑦ ᓇᓗᓇᐃᖅᓯᑦᑎᐊᕆᐊᓖᑦ ᐱᔪᓐᓇᖅᑎᑕᐅᓂᕐᒥᖕᓂᒃ ᓯᕗᓕᐅᔾᔭᐅᔪᒪᒍᑎ
  • ᐃᓱᒪᒋᔭᐅᔪᒪᓂᕐᒧᑦ ᑖᔅᓱᒨᓇ ᓄᓇᕘᒥ ᓯᕗᓪᓕᐅᔾᔨᑎᑦᑎᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᑐᐊᒐᒃᑯᑦ. ᐱᕋᔭᒃᓯᒪᓂᕐᒧᑦ ᐸᐃᐹᒥᒃ ᐱᓯᒪᔪᑦ ᐱᔭᐅᔾᔮᖏᓐᓂᕋᖅᑕᐅᔪᓐᓇᙱᓚᑦ ᐃᓱᒪᒃᓴᖅᓯᐅᕈᑕᐅᓇᔭᖅᑐᑦ ᑭᓯᐊᓂ.
  • ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᑭᓱᓕᕆᖃᑦᑕᕋᔭᕐᓂᕐᒧᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ ᐅᕝᕙᓘᓐᓃᑦ ᐃᕐᖐᓐᓈᕈᑎᒃᑯᑦ ᐅᕝᕙᓘᓐᓃᑦ ᐃᑭᐊᖅᑭᕕᐊᒍᑦ.
  • ᑕᐃᒃᑯᐊ ᓂᕈᐊᖅᑕᐅᔪᑦ ᐊᐱᖅᓱᖅᑕᐅᔪᒃᓴᖑᖅᖢᑎᒃ ᐅᖃᕐᕕᒋᔭᑐᐊᕆᓇᔭᖅᑕᕗᑦ ᐊᐱᕐᓱᕐᓂᐊᕐᓗᑎᒍ
ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance