ᐅᖃᓚᐅᑎᓯᐅᑏᑦ

You are here

ᐋᖅᑭᐅᒪᑎᑦᑎᔨ - ᐅᖃᐅᓯᖃᕐᓂᖅ ᐱᕋᔭᒍᑕᐅᔪᓂᒃ

ᐋᖅᑭᐅᒪᑎᑦᑎᔨ - ᐅᖃᐅᓯᖃᕐᓂᖅ ᐱᕋᔭᒍᑕᐅᔪᓂᒃ

ᐅᖃᐅᓯᖃᕐᓂᐊᕐᓗᓂ ᐱᕋᔭᒍᑕᐅᔪᓂᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂᒃ ᑐᕌᖓᑎᑕᐅᕗᑦ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ.  ᐱᕕᖃᕈᑕᐅᔪᓐᓇᕐᒪᑦ ᐃᖅᑲᓇᐃᔭᖅᑎᓂᒃ ᓇᓕᒧᒃᓱᓕᕈᑕᐅᓗᓂ ᐱᓕᕆᐊᒃᓴᖏᓐᓄᑦ ᑲᙳᓇᕆᐊᖃᖅᑐᓄᑦ, ᐊᔾᔨᒌᒃᑎᑦᑕᕆᐊᖃᖅᑐᓄᑦ ᐅᒃᐱᕆᔭᐅᓂᖏᓐᓄᓪᓗ ᐱᓕᕆᐊᖏᓐᓄᑦ ᓴᐳᔾᔭᐅᔾᔪᑎᒃᓴᐅᓗᑎᒃ ᐃᓄᖕᓄᑦ ᐱᕋᔭᒃᑕᐅᑦᑕᐃᓕᓂᕐᒧᑦ, ᓱᕋᒃᑕᐅᑦᑕᐃᓕᓂᕐᒧᑦ ᐅᕝᕙᓘᓐᓃᑦ ᓇᒻᒪᙱᑦᑐᓂᒃ ᐱᓕᕆᐊᖑᒃᐸᑕ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ.

ᐃᓚᖏᑦ ᓇᓗᓇᐃᖅᓯᒪᑦᑎᐊᖅᖢᑎᒃ ᐃᓚᓕᐅᑎᔭᕆᐊᓖᑦ ᑭᑭᑕᐅᔭᕆᐊᓖᓪᓗ ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᓂᕋᒃᑕᐅᒃᐸᑦ ᓇᓂᔭᒃᓴᐅᕗᑦ ᑎᑎᕋᖅᓯᒪᓂᓖᑦ ᐃ ᐊᒻᒪ ᐱ ᒐᕙᒪᒃᑯᑦ ᐃᖅᑲᓇᐃᔭᖅᑎᓄᑦ ᐱᖁᔭᕐᒥ.

ᖃᐅᔨᒪᙱᓚᑎᖅᑲᐃ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᒋᔭᐅᖕᒪᖔᖅᐱᑦ ᑖᔅᓱᑎᒎᓇᕐᓗ ᒪᓕᒐᒃᑯᑦ ᓴᐳᔾᔭᐅᓯᒪᖕᒪᖔᖅᐱᑦ? ᐋᖅᑭᐅᒪᑎᑦᑎᔨᒧᑦ ᖃᐅᔨᒋᐊᕈᓐᓇᖅᐳᑎᑦ ᑐᓴᖅᑎᑕᐅᒋᐊᓪᓚᒍᒪᒍᕕᑦ.  

ᖃᓄᐃᓕᐅᕐᓗᖓ ᐱᕋᔭᒍᑕᐅᔪᕕᓂᕐᒥᒃ ᐅᖃᐅᓯᖃᕈᓐᓇᕋᒪ?

ᓯᕗᓪᓕᕐᒥ ᐱᓕᕆᐊᖑᔭᕆᐊᖃᕋᔭᖅᑐᖅ

ᐅᒃᐱᕈᓱᑦᑎᐊᕈᕕᑦ ᐱᕋᔭᒃᑐᖃᓚᐅᕋᓱᒋᓗᒍ, ᐃᖅᑲᓇᐃᔭᕐᕕᒋᔭᕐᓂ ᐱᔪᓐᓇᕐᓂᖃᓛᓄᑦ ᐅᖃᕋᓱᒋᐊᖃᖅᐳᑎᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓂᒃ. ᐅᑯᐊᖑᔪᓐᓇᖅᑐᑦ ᐅᖃᕐᕕᒋᔪᓐᓇᖅᑕᑎᑦ:

  • ᐊᖓᔪᖅᑳᕆᔭᑦ
  • ᒥᓂᔅᑕᐅᑉ ᑐᒡᓕᐊᓄᑦ ᐅᕝᕙᓘᓐᓃᑦ ᐊᖓᔪᖅᑳᑉ ᑐᒡᓕᐊᓄᑦ
  • ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑕ ᑐᒡᓕᐊᓄᑦ
  • ᐊᓯᖏᓐᓄᑦ ᐱᓕᕆᕝᕕᖕᓄᑦ ᒥᓂᔅᑕᓄᑦ ᑐᒡᓕᕆᔭᐅᔪᓄᑦ ᓈᒻᒪᒐᓱᒋᑐᐊᕈᕕᒋᑦ

ᐅᖃᐅᓯᕆᔪᓐᓇᖅᑕᑦ ᐱᕋᔭᒍᑕᐅᓂᑯ ᐱᕋᔭᒍᑕᐅᑐᐃᓐᓇᕆᐊᓕᒡᓘᓐᓃᑦ ᐊᓯᒧᑦ ᐃᓅᖃᑎᒧᑦ ᐅᒃᐱᕈᓱᑐᐊᕈᕕᑦ ᐱᓕᕆᐊᖑᔭᕆᐊᖃᕋᓱᒋᓗᒍ ᐃᓅᓯᕆᔭᒧᑦ ᐊᑦᑕᕐᓇᖅᑐᒧᐊᖁᔨᙱᓐᓂᕐᒧᑦ, ᖃᓄᐃᙱᑦᑎᐊᕈᓯᕐᒧᑦ ᐃᓄᖕᒧᑦ ᐅᕝᕙᓘᓐᓃᑦ ᐊᑦᑕᕐᓇᓕᕈᑕᐅᔪᓐᓇᖅᑐᓂᒃ ᐃᓄᖕᒧᑦ ᐊᑦᑕᕐᓇᖅᑐᒃᑰᕐᔪᐊᓕᒑᒃᐸᓪᓘᓐᓃᑦ ᓇᖕᒥᓂᕆᔭᐅᔪᒧᑦ ᐊᕙᑖᓄᓪᓘᓐᓃᑦ.

 

ᐊᐃᑉᐸᖓ ᐱᓕᕆᐊᖑᔭᕆᐊᖃᕋᔭᖅᑐᖅ

ᐃᒪᐃᑉᐸᑦ, ᐅᓪᓗᑦ 30 ᐊᓂᒍᖅᑎᓪᓗᒋᑦ ᐅᖃᐅᓯᖄᓪᓚᓚᐅᕐᓗᑎᑦ ᐱᕋᔭᒍᑕᐅᔪᒥᒃ, ᐃᓱᒪᒍᕕᓪᓗ ᐱᔪᓐᓇᕐᓂᓖᑦ ᓄᓇᕗᑦ ᒐᕙᒪᒃᑯᓐᓄᑦ ᐱᓕᕆᔨᐅᔪᑦ ᖃᐅᔨᓴᑦᑎᐊᕋᓱᒋᙱᓪᓗᒋᑦ ᑕᒻᒪᖅᓯᒪᔪᓐᓃᖅᑎᑦᑕᕆᐊᖃᖅᐸᑦ,  ᐅᖃᐅᓯᕆᔪᓐᓇᖅᑕᑎᑦ ᓇᓕᐊᖕᓄᑐᐃᓐᓇᖅ ᑕᒪᐃᓐᓄᓪᓘᓐᓃᑦ ᐅᑯᓄᖓ ᓇᓗᓇᐃᖅᓯᒪᔪᓄᑦ:

  • ᒥᓂᔅᑕᐅᑉ ᑐᒡᓕᐊᓄᑦ ᐅᕝᕙᓘᓐᓃᑦ ᐊᖓᔪᖅᑳᑉ ᑐᒡᓕᐊᓄᑦ
  • ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑕ ᑐᒡᓕᐊᓄᑦ
  • ᐊᓯᖏᓐᓄᑦ ᒥᓂᔅᑕᐃᑦ ᑐᒡᓕᖏᓐᓄᑦ ᓈᒻᒪᒐᓱᒋᔭᕐᓄᑦ
  • ᐋᖅᑭᐅᒪᑎᑦᑎᔨᒧᑦ
  • ᐸᓖᓯᒧᑦ ᐅᕝᕙᓘᓐᓃᑦ ᒪᓕᒐᓕᕆᔨᒃᑯᓐᓄᑦ ᐱᕋᔭᒃᑐᖃᕐᓂᖅᐸᑦ
ᖃᐅᔨᒋᐊᕈᓐᓇᖅᑐᓯ ᐋᖅᑭᐅᒪᑎᑦᑎᔨᒧᑦ ᖃᖓᒃᑯᑐᐃᓐᓇᑦᑎᐊᖅ ᐅᖃᐅᔾᔭᐅᒃᑲᓐᓂᕈᒪᒍᕕᑦ ᖃᐅᔨᑎᑕᐅᔪᒪᒍᕕᓪᓘᓐᓃᑦ.

 

ᐋᖅᑭᐅᒪᑎᑦᑎᔨᐅᑉ ᐅᐸᒡᕕᖓᐋᖅᑭᐅᒪᑎᑦᑎᔨᐅᑉ ᐱᓕᕆᐊᖏᑦ
ᑭᓱᑦ ᐱᕋᔭᖕᓂᐅᖕᒪᑕ?ᐅᖃᐅᓯᖃᕐᓂᖅ ᐱᕋᔭᒍᑕᐅᔪᓂᒃ
ᖃᓄᐃᓕᐅᖅᑐᖃᕋᔭᕐᒪᑦ ᐅᖃᐅᓯᖃᖅᑐᖄᓪᓚᓚᐅᖅᑎᓪᓗᒍ?ᐃᖅᑲᓇᐃᔭᕐᕕᖕᓂ ᐊᖓᔪᖅᑳᓄᑦ ᑐᑭᓯᒋᐊᒐᒃᓴᑦ

ᐊᑦᑕᑕᕐᕕᒃᓴᖏᑦ

ᖃᐅᔨᒋᐊᕐᕕᒃᓴᖅ
ᓴᖅᑭᑕᐅᓂᐊᖅᑐᒧᑦ ᑎᑎᕋᕐᕕᒃᓴᑦ

ᐊᐱᖅᑯᑕᐅᒐᔪᒃᑐᑦ