ᐅᖃᓚᐅᑎᓯᐅᑏᑦ

You are here

ᖃᒪᓂ’ᑐᐊᕐᒥ ᒪᓕᒐᓕᕆᓂᕐᒧ ᑲᑎᒪᔨᖏᑦ ᕿᓂᖅᑐᑦ ᐃᓚᒋᔭᐅᔪᒪᔪᓂᑦ

ᔪᓚᐃ 24, 2017

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᖃᒪᓂ’ᑐᐊᕐᒥ ᒪᓕᒐᓕᕆᓂᕐᒧ ᑲᑎᒪᔨᖏᑦ ᕿᓂᖅᑐᑦ ᐃᓚᒋᔭᐅᔪᒪᔪᓂᑦ

ᖃᒪᓂ’ᑐᐊᕐᒥ ᐃᓄᐃᑦ ᓴᐳᓐᓂᐊᖅᑎᖏᑦ ᒪᓕᒐᓕᕆᓂᕐᒧᑦ ᑲᑎᒪᔨᖏᑦ ᕿᓂᖅᑐᑦ ᐃᓚᒋᔭᐅᔪᒪᔪᓂᑦ.

ᓄᓇᕗᒻᒥ ᐃᖅᑲᖅᑐᐃᔨᕋᓛᑦ ᑲᑎᒪᔨᕋᓛᖏᑦ ᓄᓇᓕᓐᓂᖔᖅᑐᓂᑦ ᐃᖅᑲᑐᐃᓐᓂᐅᖃᑦᑕᖅᑐᑦ ᐅᐸᓗᖓᐃᔭᖅᑎᐅᕗᑦ ᐃᑲᔪᕐᓗᑎᒃ ᐱᕋᔭᒃᑕᐅᔪᕕᓂᕐᓂᑦ ᐊᒻᒪ ᐃᓄᖕᓂᑦ ᐱᓕᕆᖃᑎᖃᕐᓗᑎᒃ ᐋᓐᓂᖅᑕᐅᔪᕕᓂᕐᓂᑦ ᐱᕋᔭᑦᑐᖃᖅᑐᕕᓂᐅᑎᓪᓗᒍ.

ᑐᑦᓯᕋᖅᑐᑦ ᖃᐅᔨᒪᓂᖃᕆᐊᓖᑦ ᐱᓕᕆᓯᒪᓂᑰᓗᑎᓪᓗ ᐋᖅᑭᐅᒪᓂᕐᒧᑦ ᐃᖅᑲᖅᑐᐃᓂᒃᑯᑦ, ᐃᓄᓕᕆᖃᑦᑕᖅᓯᒪᓗᑎᒡᓗ. ᖃᐅᔨᒪᓂᖃᕆᐊᖃᕐᒥᔪᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᑦ, ᐊᒻᒪᓗ ᓂᑲᒍᓱᓪᓗᓂ ᐃᒃᐱᒍᓱᑦᑎᐊᕐᓗᓂ ᐃᑲᔪᕈᓐᓇᕐᓗᓂ ᐱᓂᕐᓗᒃᑕᐅᓯᒪᔪᓂᒃ ᐱᓂᕐᓗᐃᓯᒪᔪᓂᒡᓗ.

ᐃᓕᓐᓂᐊᖅᑎᑕᐅᒐᔭᖅᑐᑦ ᑲᑎᒪᔨᕋᓛᑦ ᐱᔭᒃᓴᖏᓐᓂᑦ ᐱᓕᕆᐊᖑᔭᕆᐊᓖᓪᓗ ᐅᖃᐅᓯᐅᓗᑎᒃ. ᑲᑎᒪᔨᕋᓛᑦ ᐊᑭᓕᖅᓱᖅᑕᐅᓇᑎᒃ ᐱᓕᕆᐊᖃᖃᑦᑕᖅᑐᑦ ᐊᒻᒪ ᑲᑎᒪᔾᔪᓯᐊᖅᑎᑕᐅᓲᑦ ᑲᑎᒪᖃᑕᐅᒍᑎᒃ.

ᐱᓇᔪᖃᑕᐅᔪᒪᒍᕕᑦ, ᐃᖅᑲᓇᐃᔮᕕᓂᕐᓄᑦ ᐅᓂᒃᑳᓕᐊᒥᒃ ᓇᒃᓯᐅᔾᔨᓗᑎᑦ ᐱᕋᔭᖕᓂᕐᒧᓪᓗ ᖃᐅᔨᓴᖅᑕᐅᔾᔪᑎᒥᒃ ᑭᐅᕋᓐ ᑐᕚᓪᒧᑦ, ᖃᒪᓂ’ᑐᐊᕐᒥ ᒪᓕᒐᓕᕆᓂᕐᒧᑦ ᐃᑲᔪᖅᑎᖓᓄᑦ, ᐅᕗᖓ bljustice@qiniq.com. ᑐᑭᓯᒋᐊᒃᑲᓐᓂᕈᒪᒍᕕᑦ, ᑭᐅᕋᓐ ᐃᕐᖐᓈᖅᑕᐅᒃᑯᑦ ᐊᐱᕆᔪᓐᓇᖅᐸᐃᑦ ᐅᖃᓗᒡᕕᒋᓗᒍᓘᓐᓃᑦ ᐅᕗᖓ 867-793-2045.

ᑐᓂᓯᔪᒪᔪᓄᑦ ᐋᒌᓯ ᒥ ᐃᓱᓕᕝᕕᒃᓴᖃᖅᑐᖅ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕇᑕ ᓯᑦᓚᓐ
ᐊᑐᐊᒐᓕᕆᔨ
ᒪᓕᒐᓕᕆᔨᒃᑯᑦ
867-975-6071
rstrickland@gov.nu.ca